9 mode-items wat jou jonger sal laat lyk

Rare Earth-enkelstewel (R1 199) Poetry

Enkelstewels

Enkelstewels sal enige uitrusting opkikker en jou jonger laat lyk. Stewels met hakke en interessante detail sal nog ’n paar jaar afgooi. Maar as hakke nie vir jou is, sal hierdie stewel van Poetry ook werk.

Daniel Hechter-hemp (R525) Truworths

2. Denimhemp

’n Denimhemp of ’n goeie gehalte eenkleur t-hemp is die jonger-lyk opsie bo ’n bloes of kraaghemp. Al is dit hoogmode, moenie denim by denim dra nie, dit sal jou ouer laat lyk, tensy jy nog baie jonk is.

Halsnoere (R670 elk) Pichulik

3. Treffende halssnoer

Dra die treffende halssnoer by ’n swart t-hemp of rok vir ’n vrolike, jonger voorkoms.

Jeans (Prys op aanvraag) Levi’s

4. Jeans wat jou boude lig

Hierdie jeans van Levi’s se 300-reeks lig jou agterstewe vir ’n jonger voorkoms. Die 311 skinny-jeans pas aan by jou lyf om die perfekte vorm te gee.

Baadjie (Prys op aanvraag) Mango

5. Baadjie

’n Baadjie (blazer), is baie cool saam met jeans vir enige ouderdom. Dit sal ook nie lyk asof jy te hard probeer om jonk te lyk nie.

Bra (R549.95) Triumph.

6. Regte bra

Dit is belangrik om te gaan vir ’n professionele bra fitting. Die regte bra sal jou borste lig en jou ’n slanker middel gee wat jou jonger sal laat lyk.

Die Triumph Magic Wire-reeks is ’n innoverende versameling wat onsigbaar onder jou klere is.

Mimco-handsak (R2 299) Woolworths

7. ’n Bietjie kleur

’n Bietjie kleur in jou uitrusting sal verhoed dat jy faal lyk. Dit hoef nie noodwendig té helder te wees nie. Die subtiele oranje-skakering handsak (links) is prefek.

Vera Wang- sonbril (vanaf R2 800) SDM Eyewear

8. Modieuse sonbril

Pak weg of gee daardie sonbril weg wat jy nou al die laaste 20 jaar dra. Dit is tyd dat jy een koop wat ’n trendy, jonger voorkoms skep. Die Wayfer-styl soos die Vera Wang (regs) is ’n goeie opsie. Dit pas by die meeste gesigte, en dit gaan nie sommer gou uit die mode.