Woensdag 08 Februarie 2012
Gedink dis te duur om al jou foto’s en prente te raam? Maak hierdie unieke en goedkoop rame waarin jy jou foto’s of mooi prente kan uitstal
Hanger-rame
Benodigdhede:
Ou houthangers
skêr
Pritt
pen
A3-grootte vel met patroon
Maak so
- Draai die A3 op sy agterkant en plaas die hanger daaroor sodat jy die binnekant van die hanger kan aftrek.
- Knip om die lyn, maar sowat 0,5 mm groter as die lyntjie sodat jy ekstra papier het wat teen die hout sal vassit.
- Plak met Pritt vas.
CD-rame
Benodigdhede:
leë CD-houers
skêr
12 x 12 cm-tydskrifprentjies / foto’s
liniaal
double-sided tape
Maak so
- Meet en knip 12 x 12 cm-blokkies.
- Skuif die prentjie / foto in die voorkant van die CD-houer in.
- Plak met dubbelkantkleefband teen die muur vas.