Maandag 11 Junie 2012
Susra Morkel
Almal gons oor die nuwe aanlynwinkel Zando. Dit is bekend gestel in Januarie 2012 en is reeds die grootste aanlyn winkel in Afrika.
Hier sal jy meer as 200 mode handelsmerke raakloop waarvan die helfte plaaslik en die ander helfte internasionaal is.
Dis baie maklik om hier inkopies te doen. Jy kan kies volgens kategorie, grootte, handelsmerk of selfs kleur. Kliek op byvoorbeeld die oranje blokkie, as jy die kleur kies, en al die oranje items verskyn op jou rekenaarskerm. Nadat jy op die item gekliek het, kies jou groote, kliek SHOPPING CHART, besluit hoe jy gaan betaal en dan CHECK OUT om jou rekening te skep.
Wat die winkel uniek maak is dat jy nie net aanlyn vir die produk hoef te betaal nie, jy kan kontant by aflwering betaal en dan kan jy nog boonop by aflewering die produk dadelik aanpas en terugstuur indien dit jou nie pas nie. Die aflwering is ook verniet.
Daar is iets vir almal, die grootes is van S tot XXXL.
Jy hoef nie bang te wees dat jou pakkie nie by jou sal uitkom nie, hulle maak gebruik van hul eie vervoerdiens, wat gewaarborg is.
Indien jy nie gelukkig is met hul diens nie, skakel gerus hul hulplyn.
Hieride aanlynwinkel is die moeite werd om uit te toets!
http://www.zando.co.za/
