Geaktiveerde charcoal (houtskool) word al jare lank in hospitaal se ongevalle kamers gebruik vir die behandeling van dwelm- en drank-oordosisse. Dit absorbeer gifstowwe voordat dit deur die bloedstroom geabsorbeer word. Dit is egter meer onlangs wat houtskool sy roem as bestandeel in die skoonheidswêreld gevind het. Hoewel jy nie dadelik houtskool en ’n gesonde vel in dieselfde sin sal gebruik nie, het hierdie bestandeel sy effektiwiteit in die skoonheidswêreld gevestig.
Hoe werk dit?
Geaktiveerde houtskool trek bakterieë, gifstowwe, oortollige olie en ander gifstowwe uit jou vel. Dink aan die houtskool as ’n magneet wat onsuiwerhede uit jou vel trek. Dit maak gebruik van ’n chemiese proses bekend as adsorpsie (“adsorption”). Hierdie proses gebeur wanneer een bestandeel aan die oppervlak van ’n ander bestandeel vasklou. Geaktiveerde houtskool wat ’n negatief-gelaaide bestandeel is, heg en bind dan aan positief-gelaaide gifstowwe. Daarom word hierdie ‘wonder-bestandeel’ in produkte soos vel-reinigers, maskers, gesig-afskilferaars en selfs sjampoe gebruik.
Ons gunsteling-houtskoolprodukte
Lees Meer
