Rafeltjiesvarkvleis in sagte tacos met taco-piekels

Ingredients

• Genoeg vir 6
• • 30 ml (2 e) olyfolie
• • 2 kg heel ontbeende varknek
• • sout en swartpeper
• • 125 ml (½ k) lemmetjiesap
• • 80 ml (⅓ k) lemoensap
• • 8 knoffelhuisies, fyn gekap
• • 10 ml (2 t) paprika
• 10 ml (2 t) komynsaad, fyn gemaal
• • 5 ml (1 t) koljander-saad, fyn gemaal
• • 5 ml (1 t) wonderpeper
• • 1 kaneelstokkie
•  
• Tacos en sous
• Sous
• • Verwerk 1 avokado, geskil en ontpit
• • 250 ml (1 k) Amasi
• • ’n klein handjie vol koljanderblare en die sap van 1 lemmetjie tot glad.
• • Geur met sout en swartpeper.
• 1 Verbruin 6 klein tortillas alkant in ’n bietjie olyfolie in ’n kleefwerende pan tot goudkleurig en bros (moet steeds kan buig).
• Vleis
• 1 Verhit die olie in ’n groot kastrol oor matige hitte.
• 2 Geur die vleis met sout en swartpeper.
• 3 Braai vir 5 min. aan elke kant of tot goudkleurig.
• 4 Voeg die lemmetjie- en lemoensap by.
• 5 Verlaag die hitte en sit die deksel op. Stowe vir 3 uur.
• 6 Draai die vleis elke 30 min. om.
• 7 Voeg die knoffel, paprika, komyn, koljander, wonderpeper en kaneel by en kook vir nog 20 min.
• 8 Trek van die hitte af en trek die vleis in die sous met ’n vurk uitmekaar.
•  
• Laat elkeen sy eie tacos maak
• 1 Vou die tortilla dubbel in die palm van jou hand en vul met die varkvleis.
• 2 Skep piekels bo-op, gevolg deur skeppies van die taco-sous en smul!
•  
• Taco-piekels
• Genoeg vir 1 x 500 ml-fles
• Resep: www.evakolenko.com
• Pekelmengsel
• • 125 ml (½ k) suiker
• • 125 ml (½ k) appelasyn
• • 60 ml (¼ k) rooiwynasyn
• • 2 bossies radyse, in dun ringe gesny
• • 3 wortels, in dun ringe gesny
• • ½ groen jalapeño, in dun ringe gesny
• • hand vol koljanderblare, fyn gekap
• • sout en peper
• Piekels
• 1 Meng die suiker en asyn in ’n kastrolletjie en bring oor lae hitte tot kookpunt.
• 2 Laat prut saggies tot die suiker heeltemal gesmelt het.
• 3 Trek van die hitte af en laat heeltemal afkoel.
• 4 Meng die radyse, wortels, jalepeño, koljanderblare en sout in ’n middelslagbak.
• 5 Vul die fles met die groente en bedek met die piekelmengsel.
• 6 Maak met ’n deksel toe wat dig seël en hou vir 2-3 dae by kamer-temperatuur.
• 7 Sodra die vloeistof begin borrel, weet jy gisting het plaasgevind.
• 8 Sit die piekels dan in die yskas.