Hoekom jy elke dag jou tande moet vlos deur Salomé Delport
Vlos deeglik – dit laat jou langer leef!
Namate jy ouer word, moet jy meer gereeld vlos – twee keer per dag as jy bo veertig is, en ná elke ete as jy bo sestig is, sê dr. Sara Gottfried, skrywer van Younger.
Wanneer ons ouer word, kalsifiseer die plaak makliker in ons mond, wat beter skuilplek vir mondbakterieë bied. En dan is ons meer geneig tot tandbederf – juis terwyl ons graag ons tande so lank moontlik sou wou hou.
Lees nog: Maklike glutenvrye plaasvervangers vir jou gunsteling-kosse
Hoe
Posisioneer die vlos tussen enige twee tande. Trek dit in ’n lus om die een tand en beweeg dit stadig heen en weer terwyl jy af na die tandvleis beweeg en dan weer op. Herhaal, maar met die lus om die ander tand. Spoel jou vlos af voor jy na die volgende tand beweeg.
Onthou
’n Elektriese borsel is duurder maar dit maak ook jou tande deegliker skoon. Dit is ’n belegging wat jou tandartsbesoeke gaan spaar. Borsel vir 2-3 minute twee keer per dag.
Plus
Borsel jou tong. ’n Gesonde, skoon tong is pienk. As jou tong geel of wit is, kry ’n tongskraper en borsel jou tong ook.
Probeer ook
’n Oliespoel klink vreemd maar ’n olielagie in jou mond maak die kieme dood wat sonder suurstof kan leef. Gebruik 1-2 teelepels klapperolie en rolspoel dit so twintig minute lank in jou mond. Doen dit vyf keer per week. Dit keer ook tandvleisontsteking (gingivitis).
Hooffoto: Sora Shimazaki vir Pexels
Vir nog goeie raad en interessante wenke, loer hier
