Deur Bea Lingenfelder

1. Gee die eenvoudige t-hemp en jeans nuwe lewe

Almal van ons het daardie gunsteling t-hemp-en-jean-uitrusting waarop ons staatmaak. Ruil die klassieke denim- of leerbaadjie vir ’n helder pofbaadjie. Die baadjie gee net daardie tikkie andersheid wat jou uitrusting nuwe lewe sal gee.

2. Daar is ’n styl, kleur en materiaal vir elke vrou

Verkies jy satyn, pienk en bonkig of eerder wol, swart met ’n effense langer snit? Hoe jy ook al die dag voel, daar is ’n styl vir elke voorkeur.

3. Dit kan selfs saam met oefenklere gedra word

Van die gim tot die winkels. Die athleisure-styl is nou hoogmode en wat is meer gepas as om die sportiewe voorkoms verder met ’n pofbaadjie te beklemtoon?

4. Jy kan dit opkikker met borduur- of appliekwerk

Speel veilig met eenvoud, of dra dit soos op die loopplanke met verskeie motiewe en patrone van borduur- of apliekwerk. Skerp jou naaldwerkvernuf op en werk self ’n paar pronkpleisters aan die moue en rug om dit daardie stadstyl te gee.

5. Die pofsnit steek ongewenste kurwes weg sonder om jou uitrusting lomp te laat voorkom

Bonkig beteken nie noodwendig lomp nie. Sommige van ons is nie altyd gemaklik met styfpassende style nie, en dis waar die pofbaadjie tot jou redding kom. Die oorgrootte snit skep ’n gemaklike voorkoms wat jou informeel, tog sjiek sal laat lyk.

Lees ook: Winter: Almal dra ’n jas

The post 5 redes hoekom ons van pofbaadjies hou appeared first on rooi rose.

Die ekstra lang jas

Die ekstra lang snit het die loopplanke verlede jaar reeds getref en dit gaan nog lank daar bly. Hierdie snit is veral gewild omdat dit saam met enige uitrusting gedra kan word. Dit is egter belangrik om die regte lengte vir jóú te kies. Hoe lank of kort jy ookal is, maak seker jou jas se soom eindig tussen jou kuit en enkel. Sodoende verhoed jy dat jou uitrusting nie reghoekig voorkom nie, en jou enkel vertoon ook dunner onder die jas.

Die koekon

Net soos ’n koekon, omvou hierdie snit jou lyf soos ’n silinder en dit werk die beste saam met noupassende klere. Hierdie jasstyl is kenmerkend aan sy wyer middel en nouer some – daarvandan die koekon-naam. Dra dit toegerits saam met skouerlengte-oorrringe, of oopgerits saam met ’n fokus-nekstuk. Kies dunhakskoene met gepunte tone vir ’n meer formele voorkoms.

Soldatejas

Almal herken dié sjiek, regafsnit met sy dubbelry-knope. Hierdie klassieke jas is tydloos en sal altyd op ons top-lysie wees. Dit beteken egter nie jy hoef outyds te lyk nie – Vernuwe die styl deur jou jas met verskillende belde vas te maak. Boonop sal dit jou middel beklemtoon, veral as jy bonkige klere saam met die jas dra. Die soldatejas kom in baie lengtes voor om almal op haar beste te laat lyk.

A-snit

Dié styl is soortgelyk aan die soldatejas, maar dit klok effens uit van die middel na onder en eindig by jou knieë. Dus kan jy die jas alleen as ’n rok ook dra saam met ’n paar lang stewels en ’n serp. Bekendes soos Kate Middelton is veral lief vir hierdie snit, omdat dit ’n vleiende silhoeët, soos ’n uurglas, vertoon wat jou middel beklemtoon, maar ook breër heupe kan verdoesel.

Lees ook: Verleng jou trui se lewe

The post Almal dra ’n jas appeared first on rooi rose.

Jockey South Africa het in September sy Lente/Somer 2025-versameling bekendgestel, wat die vryheid, optimisme en selfvertroue vier wat die seisoen definieer. Deur gemak, styl en gehalte te kombineer, weerspieël die versameling byna 150 jaar se Jockey-erfenis deur ’n moderne modebewuste lens.

Die reeks, wat vanaf September 2025 tot Januarie 2026 beskikbaar is, word plaaslik ontwerp en vervaardig, wat die kreatiwiteit en vakmanskap van Suid-Afrikaanse ontwerp beliggaam. Elke stuk toon deurdagte detail, pas uitstekend en is gemaklik sonder om enigiets prys te gee – waardes wat lank reeds die kern van die Jockey-handelsmerk vorm. Deur plaaslik te produseer, bly Jockey met sy vervaardigers verbind, ondersteun dit plaaslike vaardighede en verminder dit die afstand tussen die skepping en draer, wat integriteit en sorg by elke stap verseker.

Die seisoenale kleurpalet ontwikkel van vars pastelle en sitrusskakerings in die lente tot sterk tropiese helder kleure, oseaanblou en ryk juweelkleure in die somer, voordat dit versag na gedempte groen, blou en sagte neutrale kleure. Hierdie progressie weerspieël hoe mense aantrek en voel soos die seisoen ontvou, en bied veelsydige noodsaaklikhede wat moeiteloos met die lewe en styl saambeweeg.  

Jockey se Lente/Somer 2025-versameling is meer as net ’n reeks. Dis ‘n viering van individualiteit, selfvertroue en moderne leefstyl – ontwerp om elke dag moeiteloos gemaklik en eg aan jou te laat voel. Die versameling sal beskikbaar wees by Jockey-winkels regoor die land, toonaangewende kleinhandelaars en aanlyn by www.jockey.co.za, met nuwe aankomelinge wat maandeliks van September tot Januarie bekendgestel word.  

WEN een van drie Lente/Somer 2025-geskenkpakke, elk ter waarde van meer as R1 000!

Bepalings en voorwaardes: Alle pryse in rooi rose is onderhewig aan beskikbaarheid en is nie oordraagbaar, herverkoopbaar of terugbetaalbaar vir kontant nie. Vir nog bepalings en voorwaardes, besoek www.rooirose.co.za

Om in te skryf, voltooi die onderstaande vorm:

Sluitingsdatum: 5 Januarie 2026    

Lees ook: Pas jou bra reg?

The post WEN een van drie Jockey-geskenkpakke, elk ter waarde van meer as R1 000! appeared first on rooi rose.

Die bra is die een kledingstuk wat ons ​​dag in en dag uit dra, maar dit is ook die een item wat gereeld net nie reg pas nie. Dis geen verrassing dat 70% van vroue die verkeerde grootte bra dra nie. Die verkeerde bra kan jou selfbeeld en -vertroue beïnvloed, en dit is gewoonlik vroue met ’n groter borsmaat wat die verkeerde bra dra. ’n Slegte bra sal net meer aandag na die area toe trek. Wanneer jou borsarea nie ondersteun word nie, sal jou borste vinniger elastisiteit verloor en selfs nek en rugpyn veroorsaak.

Wanneer laas het jy ’n bra-passing gehad?

Daag jouself uit: Gaan na jou onderklere-laai, haal jou gunsteling bras uit, kyk met ’n eerlike blik daarna, pas dit aan en vra jouself die volgende vrae:

1. Is die elastisiteit ferm en styf?
2. Is die ondersteunende drade stewig in plek, nie gebuig nie en steek nie deur die materiaal nie?
3. Hou die bra sy vorm?
4. Laat dit my borste goed lyk?

Niks kan ’n behoorlike passing met ’n ervare konsultant vervang nie, maar as jy van die rak af gaan koop, moet jy gewapen wees met ’n paar wenke om jou te help om die beste keuse te maak.

Hier is vyf wenke vir die perfekte bra:

• Omtrek van jou bolyf

Die eerste meting moet onder die borste en rondom die bolyf gemaak word om die grootte van die onderband te bepaal. Bv. 32, 34, 36 of 38. Die onderband moet gemaklik pas vanaf die borsbeen reg rondom die liggaam en in die middel van die rug vasgegespe word. As die bra aan die agterkant begin opkruip, is dit ’n teken dat die onderband te groot is. Dit het jou dalk eens gepas, maar jou bra is moontlik so uitgerek dat die elastiese deel rekmerke het. Jy weet wat jy moet doen, gooi weg!

• Die perfekte koppie grootte

Die afmetings oor die bors en die verskil tussen dit en die onderband meting is ’n komplekse formule wat die koppie grootte bepaal, naamlik A, B, C, D, E. Op is ‘n nasie met groot borste, maar daar is ’n bra vir almal.

Wenke vir die perfekte pas: met jou bra aan, vou jou hand om jou bors en bring dit na binne om knus binne die bra te pas. Lig jou arms en maak seker jou borste skuif nie onder die draad uit nie – as hulle dit doen, is dit die verkeerde grootte.

• Die drade

Die onderdrade moet die twee borste skei en teen die vel knus om die borsbeen vou in die rigting van die oksels. Dit is belangrik dat die draad nie te hoog in die oksel sit en die vel aan die kant van die bors knyp nie. Korter vroue kla dikwels dat die drade hulle aan die voorkant of kant steek en die oplossing is om ’n kleiner koppie-grootte te kies met ’n korter draad. Enige vlesige dele van die bors wat onder die arm ontsnap, moet stewig in die koppie gehou word vir ’n aangename silhoeët.

• Die bandjies

Jy dink waarskynlik dat brabandjies die bra ophou, maar dit is daar om stabiliteit te gee. As jou brabande in jou skouers insny, is dit ’n teken dat die onderband te groot is en die bande alleen jou borste ophou. As die bande voortdurend van jou skouers afgly, kan hulle te wyd gestel wees vir jou smal skouers. Dit is als tekens dat jy vir ’n behoorlike pas moet gaan want jy dra nie die regte grootte bra nie.

• Vermy die vier-bors-effek

As jou borste bo by die koppies uitpeul en die soort cleavage skep wat geen klere in toom kan hou nie, het jy óf gewig opgetel of die bra is te klein. Jy het twee keuses; verloor gewig óf kies ’n groter koppie.

Gevolge van ’n bra wat swak pas

Daar is talle gesondheidrisiko’s wat verband hou met ’n bra wat swak pas. Dit kan ’n verrassing vir baie vroue wees. Rugpyn, benoude asemhaling, swak sirkulasie en stremming op die spiere is ’n paar voorbeelde.

Wanneer jy swanger raak

Tydens swangerskap reageer elke vrou se liggaam anders. Dis nie gevaarlik om tydens swangerskap steeds ’n bra met ’n ondersteuningsdraad te dra nie, hoewel die meeste vroue eerder die draadlose bra verkies. Winkels bied ook ’n inhaakverlenging wat jy agter aan jou ou bra kan aanlas wanneer jou bors groter raak tydens swangerskap. Wanneer jou liggaam na borsvoeding weer herstel het, moet elke vrou vir ’n hele nuwe meet-en-pas-konsultasie gaan, omdat jou liggaam verander het.

Lees ook: Borskanker sonder die knoppie: is dit gevaarliker?

The post Pas jou bra reg? appeared first on rooi rose.

Kies die regte halslyn

Vind uit watter vorm(s) jou figuur en bates die beste sal pas.

V-hals

As die onsekerheid jou beetpak oor watter halslyn om te kies, is die V-hals jou beste opsie. Dit lyk goed by die meeste figure en gesigvorms en kan verslankend lyk. Hierdie halslyn lyk veral mooi by diegene met ’n korter nek en breë skouers, aangesien dit die nekgedeelte verleng en die fokus van die skouers wegneem.

Vierkantige hals

Nes die V-hals, lyk die vierkantige halslyn ook vleiend op verskeie silhoeëtte. Dit is die ideale halsvorm as jy jou kurwes wil benadruk, hetsy jy groot of klein borste het. Dit verleng ook die nekgedeelte, wat fantasties lyk by vroue met ’n korterige nek en breë skouers.

Halterhals

Lang vroue met breë skouers sal lieflik lyk in uitrustings met ’n halterhals. Dit lei die oë na die bolyf en is geneig om die illusie van nouer skouers te skep. As jy ’n uurglasfiguur het, is hierdie ook die perfekte opsie vir jou.

Hartjiehals

Hierdie halslyn word dikwels op bruide gesien, aangesien dit alle figure vlei. Die hartvormige hals trek die aandag na die borste op ’n subtiele manier. Dit dis daarom ook geskik vir vroue met ’n kleiner borsmaat. Hierdie halsvorm is ook geneig om jou kurwes pragtig te beklemtoon. Nóg ’n voordeel van die hartjiehals is dat dit die nekgedeelte bietjie verleng.

Lees nog: Kies die regte handsak vir elke geleentheid

Boothals

Hierdie halslyn skep ’n horisontale lyn oor die skouers, en laat dus skouers groter lyk. Dis dus ideaal vir vroue met peer- en uurglasvormige figure. As jou skouers egter breër is as jou heupe kan hierdie halslyn jou figuur uit proporsie laat voorkom deur dit nog groter te laat lyk.

Uitgeholde hals

Die uitgeholde hals is geskik vir meeste silhoeëtte. As die halslyn nie te laag is nie kan dié halslyn sorg vir ‘n vleiende en vroulike voorkoms vir vroue met groterige borste. Dit laat die nek langer lyk, wat fantasties is vir vroue met ’n korter nek.

Ronde hals

T-hemde het gereeld hierdie hoë sirkelvormige halslyn. Aangesien die hals nie die nek verleng nie word dit nie aanbeveel vir vroue met ’n kort nek nie. Vroue met groter borste wat dit nie verder wil beklemtoon nie moet ook liefs nie uitrustings met ’n ronde hals dra nie. Dis is egter ’n goeie opsie vir diegene met kleiner borste. Vroue met ronde gesigvorms moet ook in ag neem dat hierdie halslyn jou gesig ronder kan laat voorkom.

Rolhals

Hierdie hoë halslyn is geneig om jou nek te verkort, en is daarom beter geskik vir vroue met ’n langer nek. Verder lyk die rolhals ook mooi op diegene met langvormige gesigte, kleiner borste en skouers wat nie verskriklik breed is nie.

Lees nog: 8 wenke vir daardie perfekte denimpaar

The post Kies die regte halslyn appeared first on rooi rose.

Hoe om die kleredragreëls op uitnodigings te verstaan deur Susra Matthee en Bea Lingenfelder. Hooffoto: Pexels

Sodra jy dink jy het al die voorskrifte onder die knie, hoor jy daar is nou weer nuwe fênsie Franse name vir funksies en geleenthede waarvan jy nog nooit gehoor nie. Ons help jou die gewildstee en soms totaal unieke terme vir kleredag verstaan om in die kol wees vir elke geleentheid.

Ons wys jou hoe om die dragkodes op uitnodigings te verstaan – hier is 10 kleredragreëls wat jy moet ken.

Gemaklik

Gemaksdrag oftewel informele drag is ’n ope uitnodiging om enige iets aan te trek waarin jy gemaklik voel – of dit nou jeans, ’n t-hemp en sneakers is, ’n romp of ’n rok; die keuse is joune. Solank jy net nie in oefenklere of pajamas opdaag nie; of dit heeltemal oordoen met bykomstighede nie, kan jy nie juis verkeerd gaan met hierdie styl nie.

Lees ook: Ja, jy kan goed lyk in ’n swembroek!

Deftig informeel

Met hierdie styl moet jy so ’n bietjie meer moeite doen. In die verlede was jeans nie aanvaarbaar vir hierdie styl nie en jou kenmerkende werksdrag sal eerder as verwysing gebruik word om ’n uitrusting te kies, maar deesdae is jeans met ’n netjiese bloes en hakke meer as aanvaarbaar en eintlik ’n kenmerk van hierdie drag. ’n Rok met ’n somerbaadjie en interessante bykomstighede is ook ’n wenner. Die doel is netjies, maar nie oordoen het.

Lees ook: Hoe om dié baadjie van die somer te dra

Semi-formeel

Semi-formeel, ook bekend as skemerkelkie-drag (cocktail wear), is ’n gewilde voorskrif vir partytjies en troues. Kies ’n prettige, maar tog netjiese partytjierok, so midi-lengte (by die knie) saam met hakke. As jy nie ’n groot aanhanger van rokke is nie, sal ’n netjiese broekpak of oorpak ook kan werk.

Lees ook: Trou-uitrustings onder R500

Formeel (black tie)

Hierdie styl staan ook bekend as die ou Hollywood-glansstyl. Dink aan lang aandrokke in elegante kleure vir vroue en pakke met die tradisionele swart (strik)das as ’n vereiste vir ’n swart formele geleentheid. Met minder as dit gaan jy nie wegkom nie. Hou die res van jou bykomstighede volgens die less is more-reël.

Lees ook: Detoks jou klerekas in ’n japtrap

White Tie

Die formeelste van almal. Dit behels balrokke vir vrouens en ’n swaelstertjas of ’n dubbelborspak (deesdae is enkelknope ook aanvaarbaar). Rond dit af met ’n onderbaadjie en ’n wit strikdas of das vir mans. Tradisioneel het vroue lang handskoene gedra saam met hierdie voorskrif, maar vandag is dit meer opsioneel as noodsaaklik.

Lees ook: Dra jou winteritems in die somer – ons wys jou hoe

Soirée

Soirée, wat “swah-RAY” uitgespreek word, is ‘n Franse woord. Soir beteken “aand” in Frans. Dit is ’n elegante aandgeleentheid met ’n regstreekse orkes/groepmusiek, gewoonlik by iemand se huis. Jeans en t-hemp gaan egter nie deug nie, jy benodig iets meer formeel, soortgelyk aan die semi-formele drag. Jou gasheer sal moontlik vir jou ’n spesifieke klerevoorskrif aanbeveel per uitnodiging.

Lees ook: Hierdie 8 modefoute laat jou slordig lyk

Somer Soirée

’n Somer Soirée vind plaas in die dag, gewoonlik buite met musiek. Die klere is hoofsaaklik deftig informeel en semi-formeel. ’n Somer maksirok en sandale of bonkige hakke is perfek vir hierdie geleentheid.

Lees ook: 10 wenke vir ’n sweetvrye somer

Whimsical

Whimsical drag is tussen ’n kostuumpartytjie en formeel. Daar word van gaste verwag om met eienaardige uitrustings vorendag te kom. Vroue kan tutu-styl-rompe en -rokke dra of selfs uitrustings van bekende karakters. Mans dra gekleurde dasse, bedrukte hemde of patroonpakke. Die uitdaging hier is om nie goedkoop te lyk nie.

Lees ook: 7 maniere om luuks te lyk met min geld

Fabulous

Oor die algemeen verwag hierdie voorskrif van jou om hoofsaaklik formeel en gewaagd te wees met jou kleur- en stylkeuses. Uitspattige uitrustings soos rokke met blinkers of helder kleure speel hier baas en word in elke uitrusting verwag.

Lees ook: Vyf vinnige modetruuks wat jou uitrusting afrond

Gatsby-sjiek

Hierdie styl is nie noodwendig ’n volledige Gatsby-kostuumpartytjie nie, maar behels wel elemente van die bekende Gatsby-era. Dit verwys na formele rokke met ‘n lae middellyf, t-bandskoene en fraiings. Hierdie klerevoorskrif bevat ook baie vintage elemente en is ook bekend as vintage glamour.

Lees ook: 5 moderne maniere om pêrels te dra

The post Hoe om die kleredragreëls op uitnodigings te verstaan appeared first on rooi rose.

OORTREFLIK VROULIK

Uitsluitlik vir vroue ontwerp. Horlosies wat die delikate vroulike polse met perfeksie sal versier. Behou die sjiek en sportiewe voorkoms, by die klassiek sterk ontwerpe.

ONGELOOFLIK TYDLOOS

Baie ontwerpe is geïnspireer deur die verlede. Alle horlosies is in Frankryk gemaak, ontwerp en met die hand saamgestel. Hierdie alledaagse bondgenoot meng klassisisme en moderniteit, deurstaan die toets van tyd en verouder nooit. ’n Gesonde belegging wat weereens die spesiale plek wat vrouehorlosies in die geskiedenis van HERBELIN beklee, illustreer.

TOEGANKLIKE LUUKSHEID

Michel Herbelin is gereed om vir môre te ontwerp. Die handelsmerk vier meer as 75 jaar van erfenis en passie en beklemtoon ‘n nuwe identiteit – HERBELIN. Dit dra die ambisie saam om Franse elegansie, verfyning, horlosiekuns en toeganklike luuksheid meer as ooit te laat skyn.

CAP CAMARAT (14545BPR19) is geïnspireer deur roosgoud. Die onthulling van sy klassieke en
gewaagde skoonheid in ‘n 1970’s-geïnspireerde ontwerp.

LUNA (17457/B01) klassiek sterk ontwerpe met invloede van die verlede.

NEWPORT Chronograph (35688BTR89) vir haar.

Hierdie fyn vervaardigde horlosies kombineer die beste materiale met ‘n Switserse vervaardigde kwartsbeweging van bewese betroubaarheid. Die horlosies word ontwerp, met die hand saamgestel, aangepas en geïnspekteer by die HERBELIN-werkswinkels in die Jura-berge van die Franche-Comté-streek in Frankryk, en weerspieël dus ‘n Franse elegansie wat wêreldwyd beny word.

Hierdie vroulike horlosies sal met styl deur die tyd beweeg en van geslag tot geslag oorgedra word.

Lees ook: Herbelin: Verandering is ’n beweging

The post Herbelin bring vroulike Franse ontwerp na die globale mark appeared first on rooi rose.

Ontwerp vir môre vir meer as 75 jaar

MICHEL HERBELIN WORD HERBELIN

Nuwe era, nuwe naam. Hoewel die herkoms van Michel Herbelin altyd in die handelsmerk se identiteit geanker sal bly, kan HERBELIN toegeskryf word aan ’n familiesukses wat die begin van ’n simboliese luukse handelsmerk aandui.

Die naam is verteenwoordigend van al die generasies se uitsonderlikheid – verlede en hede; al die handelsmerk se vakmanne wat hierdie uitsonderlike tydwysers elke dag geskep het; en die Franse stempel van briljante vooruitstrewendheid.

En nou gaan dit oor die toekoms.

HERBELIN bring Franse ontwerp na die wêreldmark toe en vier die opening van hul Parys-boetiek

Om die handelsmerk se herlewing aan te kondig, het HERBELIN hul eerste vlagskip-boetiekwinkel in 2022, in Rue Bonaparte in Parys geopen. Dit is die ideale adres vanwaar hulle hul reputasie deur die wêreld kan stuur, hul handelsmerk se ikoniese modelle kan vertoon en ook ’n elegante vergaderplek vir alle stylliefhebbers te skep.

’n Tipiese solder in Parys

Die legendariese Saint-Germain-des-Prés-distrik is bekend vir hul herkoms en geskiedenis wat nou verbind is met Parys se kultuur en intellektuele lewe. Die distrik is vir sy sjiek, verfynde gees gekies. Die ruimte, wat die styl van die Franse handelsmerk weerspieël, lewe ’n pragtige huldeblyk aan die gees van die stad.

HERBELIN-INSPIRASIE MET IKONIESE FRANSE ONTWERPE

Die NEWPORT-horlosie het die eerste keer in 1988 oor die waters gereis.

Nou tydens die 35ste herdenking van Newport in 2023, gaan HERBELIN voort met die avontuur deur die versameling met ‘n nuwe model uit te brei wat nou gekoppel is aan ’n seetema: NEWPORT Chronograph for her.

CAP CAMARAT is deur roosgoud geïnspireer. Die reeks, wat vinnig ikoniese status begin geniet danksy die entoesiasme waarmee dit sedert sy bekendstelling in 2018 begroet is, spog nou met ‘n uitbreiding tot die sportiewe versameling met roosgoud. Dit vertoon klassiek in ’n ontwerp wat deur die jare sewentig geïnspireer is.

HERBELIN ontwerp ‘n Galet-horlosie wat soos die vroulike skelet lyk en wat die innerlike skoonheid van die outomatiese Switserse beweging vertoon – Sellita 11 1/2 SW200-1 Sa – Reserve de Marche – Kragreserwe 41. Dis ’n mengsel van vakmanskap, klassisisme en moderniteit. ‘n Ware polshorlosie wat elegant op vroue sal lyk.

Lees ook: Die vleiendste denimromp vir jou figuur

The post Herbelin: Verandering is ’n beweging appeared first on rooi rose.

Hulle glo sterk, pragtige vroue word nie gebore nie, maar word tydens hul lewensreis deur vure gelouter en gesmee. Hulle is as’t ware goue krygers.

Michel Herbelin glo om sterk te voel moet alle vroue mooi voel – hulle weet eers wie hulle is, en versier hulself dan dienooreenkomstig.

Die Franse horlosiehandelsmerk is kundiges in ontwerp vir vroue.

Met ‘n verskeidenheid pragtige horlosie-ontwerpe, salueer Herbelin die vrou in Mei. Ons gee gesofistikeerde hoepeloorbelle van 9 karaat-goud weg saam met elke aankoop van ’n Herbelin-vrouehorlosie.

Geskenk

9 karaat-hoepeloorbelle

Beskikbaar in roos-, geel-, en witgoud.

Waarde: R2 750

Besoek www.michel-herbelin.co.za/pages/promotion.php vir meer inligting.

The post Herbelin – gemaak om ’n vrou te verfraai appeared first on rooi rose.

Ondersteun plaaslik: Ontwerpers wat nou maskers maak Deur Susra Matthee. Hooffoto: Zana Products

Ondersteun plaaslik: Ontwerpers wat nou maskers maak

Plaaslike ontwerpers is hard aan die werk om maskers te maak vir almal se veiligheid en ook om die potte aan die kook te hou vir hul personeel. Daar is baie patrone en style om van te kies. Hier is ’n paar wat jy nou kan aanskaf.

Lees ook: 10 dinge wat jy nou in jou klerekas moet regruk tydens die inperking

Henriette Botha

Henriette Botha, ’n juweelontwerper, se maskers is gemaak van 3 lae katoenstof, insluitend ‘n inglipsakkie waarin ‘n ekstra filter / N 95-masker vir werkers aangebring kan word. Die maskers is tans beskikbaar in ’n verskeidenheid kleure en ontwerpe, maar daar is ook soliede kleure. Dit is in vier verskillende groottes beskikbaar, insluitend vir kinders en tieners.

Vir die maskerbande is ‘n koord gebruik eerder as rubberrek omdat die maskers gereeld met was en stryk aan hitte blootgestel sal word. Die maskerbande kan om jou kop en nek of om jou ore vasgemaak word.

Lees ook: Hoe om jou handsakke en inkopiesakke reg skoon te maak nadat jy by die winkels was

Good Clothing

Klarette en Marian, mode-ontwerpers, is verantwoordelik vir die vervaarding van hierdie maksers. Vir elke masker wat hulle verkoop, skenk hulle ​​1 aan ’n persoon in nood deur die Umthunzi Farming Community.

Good Clothing maskers is gemaak van ’n dubbellaag diggeweefde katoenstof met ’n ekstra deel indien jy ‘n filterlaag wil invoeg. Daar is ’n sagte, vormbare draad oor die boonste rand wat jou neus en wange bedek, sodat dit goed pas.

Lees ook: 9 dinge wat jy oor maskers tydens die pandemie moet weet

Ballo

Ballo is normaalweg bekend vir hul volhoubare brille (gemaak van kurk, hout, hennep en Afrika-druk-materiale), maar fokus nou daarop om gesigmaskers van wasbare materiaal te vervaardig.

Vir elke masker wat hulle verkoop, gee hulle een aan iemand in nood. Die maskers wat deur hulle geskenk word, sal deur supermarkte en skuilings versprei word.

Ballo word in Kaapstad met die hand vervaardig deur ’n netwerk van kleiner produsente en word vervaardig met ’n geplooide dubbellaag-katoenkonstruksie van hoë gehalte. Die elastiese ontwerp sit gemaklik om die oor.

Lees ook: Laai dit gratis af: Manolo Blahnik het inkleurblaaie van sy skoenontwerpe!

Zana Fabrics

Zana is ’n tekstielhandelsmerk wat geskep is deur ’n moeder-dogter-span van Kaapstad. Hulle ontwerp en vervaardig al vir 8 jaar tekstielversierings en bykomstighede, dus is materiaal hul sterk punt.

Die maskers is 100% katoen aan weerskante, dig geweef, met ’n derde laag polimateriaal aan die binnekant. Vir elke masker wat verkoop word, skenk hulle ​​een aan liefdadigheid. Pryse vanaf R270 vir ’n pakkie van 2.

Lees ook: Hoe om jou leerbaadjie reg skoon te maak

ECG Clinical

ECG Clinical Wear is ’n familiebesigheid wat sedert 2015 bestaan toe die oudste suster, Ilke Larson, wat ’n dokter is, gekla het dat scrubs van daardie tyd nie mooi pas nie en vinnig uitwas.

Haar ma, Lizelle Larson, en jonger suster, Sidne Larson, wat albei argitekte is, besit ’n onderneming wat gordyne maak, en het toe saam met hul broer/seun, Olaf Larson, as gesin besluit om hul eie reeks scrubs te ontwerp.

Die inisiatief om maskers te vervaardig het ontstaan as gevolg van die Covid-19 epidemie. Hulle het materiaal in vooraad gehad wat hul kon gebruik en so het die Luna-masker ontstaan. Teen die einde van Februarie reeds was die eerste maskers op hul aanlynwinkel beskikbaar.

As gevolg van die virusuitbraak het hulle besluit om dit veilig te speel en die werkswinkel te sluit. Hulle het toe met die hulp van Agnes de Klerk, wat deel is van Doxa Deo se People Upliftment Organisation (POPUP), plaaslike ontwerpers genader om te help met die produksie van die maskers en scrubs te maak, elkeen afsonderlik in hul eie studio.

Die volgende mense help tans met die vervaardiging:

• Carina, Natasha en Tanya van Erre Fashion
• Isabel de Villiers (sy en Lazarus maak scrubs)
• Jacques en Darius van The Bam Collective

Ander ontwerpers wat belang stel om deel te word van die vervaardig van scrubs en in die toekoms betrek kan word:

• Sonja Stanislaus-Kaw Di-Aping van Lunar Life
• Deeva van der Merwe van Merwe Mode
• Mareth and Colleen from Mareth|Colleen

Lees ook: 5 klassieke wenke om hierdie winter sjiek te lyk

https://www.instagram.com/p/B-6f-NcJoCA/

https://www.instagram.com/p/B-Kt2BfDZgp/

SIES!isabelle

Die opbrengs van SIES!isablle gaan direk om hul personeel te betaal in hierdie moeilike finansiële tye. Enige ekstra geld wat verdien word, word gebruik om maskers te vervaardig vir diegene wat dit nie kan bekostig om dit te koop nie, maar ook nie kan bekostig om sonder ’n masker te wees nie.

Dit is gemaak van ’n dubbellaag 100% katoenstof met bande wat aan die agterkant van jou kop kan vasknoop. Kindergroottes is ook beskikbaar.

Lees ook: Die beste raad vir skoene wat sleg ruik

The Sewing Café

The Sewing Cafe het in 2013 ontstaan en saam met hul vennoot, Masicorp, het hul honderde voorheen-benadeelde mense opgelei om naaldwerk te doen. Dit dien as ’n ontwerp- en vervaardigingsnetwerk vir mense om toegang tot enige naaldwerkbehoeftes te kry, van skooldrag tot huishoudelike ware en nou maskers.

Hulle het 15 mense van die gemeenskappe Ocean View en Masiphumelele in diens geneem wat op hul beurt 4-5 afhanklikes elk in hul huishoudings ondersteun. In hierdie gemeenskappe is dinge veral moeilik in hierdie onsekere tye. Die geleentheid om maskers te maak (en binnekort PPE) help dat geld direk uitkom by die mense wat dit die nodigste het.

Hul vervaardig maskers van ’n hoë gehalte en onder streng higiëniese toestande, met soveel natuurlike vesel as moontlik vir gemak en asemhaling.

Lees ook: Omhels jou ouderdom en druk jou persoonlikheid uit met mode

The Crystal Birch

Crystal Birch probeer om met haar ontwerpe ’n wêreld na inperking voor te stel. Dit het hul span geïnspireer om maskers met ’n deursigtige skild (visor) te bedink. Hierdie futuristiese maskers is op hul webtuiste beskikbaar.

Lees ook: Jy kan in minder as 10 minute tydens die inperking goeie oefening kry

https://www.instagram.com/p/B_FK6YvpLp6/

The post Ondersteun plaaslik: Ontwerpers wat nou maskers maak appeared first on rooi rose.

1 Item 3 maniere: Die Espadril-skoen deur Bea Lingenfelder en Susra Matthee. Hooffoto: Pexels

1. Naweekrok

’n Vloeiende maksirok vlei jou figuur en is ’n goeie alternatief as jy nie gemaklik voel in ’n kort somersrokkie nie. Die A-lynsnit in ’n ligte materiaal is koel en kan net so maklik van dag na aand gedra word. Die espadril-skoen is die perfekte pasmaat vir hierdie styl. Dit is gemaklik en nie te oordoen nie. Met hierdie kombinasie skep jy eindelose stileringsopsies om in ’n klein naweektassie te pas.

Lees ook: 8 dinge wat hierdie somer in jou strandsak moet wees

Espadril-skoen (R999) Forever New; Halterrok (R899) Poetry; Sonhoed (R399) Billabong; Sonbril (R399) Zara

2. Vakansiekortbroek

Die tekkiestyle het die modewêreld met mening oorgeneem, maar tog verlang ons soms na daardie tikkie meer deftigheid wat by ’n gemaklike uitrusting kortkom. In hierdie geval kan jy jou paar tekkies vinnig verruil vir ’n gesofistikeerde espadril-skoen. Die effense hak vertoon meer sjiek en skep boonop die illusie van slanker bene. Hou die res van jou uitrusting elegant en minimalisties met fyn juwele en bykomstighede.

Lees ook: 5 redes hoekom jy vanjaar in katoen moet belê

Espadril-skoen (R999) Forever New; Bloes (R399) Woolworths; Kortbroek (R499) Old Khaki; Leersakkie (R1590) Zemp

3. Die strand-styl

Daar is iets omtrent die wighakskoen met raffiasole wat jou onmiddellik aan die strand laat dink. Hoewel jy nie hierdie skoene op die sand sal dra nie, is dit ’n wenkeuse vir ’n afspraak by nabygeleë koffiewinkels en stalletjies. Dis met hierdie styl waar die espadril-skoen sy veelsydige status ordentlik bewys, omdat hierdie skoene ewe gemaklik by jou swembroek en sarong inpas, as wat jou plakkies sou.

Espadril-skoen (R999) Forever New; Swembroek (R315) Woolworths; Kaftan (R250) Woolworths; Strandsak (R459) Zara

Kry dit hier:

Billabong

Forever New

Old Khaki

Poetry

Woolworths

Zara

Zemp

The post 1 Item 3 maniere: Die Espadril-skoen appeared first on rooi rose.

5 redes hoekom jy hierdie somer in katoen moet belê deur Bea Lingenfelder en Susra Matthee. Hooffoto: Cotton Company

’n Volhoubare en ekovriendelike leefstyl word deesdae in dekor, kos, skoonheid en mode aangemoedig.  Natuurlike materiale soos katoen het daarom baie gewild geword, en ons kan sien hoekom!

Hier is ons topvyfwenke vir ’n katoendoek. Daar is verskeie kleure en soorte wat aan jou spesifieke behoefte sal voldoen.

1. Katoensjaal

Katoenvesels kan dik of dun geweef word. ‘n Sjaal is ’n moeitelose manier om ‘n onverwagse koel briesie af te weer sonder om ’n dik baadjie aan te trek.

#rrWenk: Gooi dit los oor jou skouers, of drapeer dit in unieke style.

Lees ook: 5 vinnige modetruuks wat jou uitrusting afrond

Katoen multifunksionele-sjaal (R300) Kikoy

2. Sarong

In die snikheet somer wil niemand met bedompige, ongemaklike klere sukkel nie. Katoenhanddoeke kan ook as ’n sarong dien. Die ligte katoen knoop maklik en hoewel jy dit nie noodwendig na ‘n restaurant sal dra nie, kan jy met selfvertroue deur strandstalletjies stap.

Lee ook: Hoe om die kleredragreëls op uitnodigings te verstaan

Jardin-doek (R540) Summah

Katoensarong (R300) Kikoy 5 redes hoekom jy hierdie somer in katoen moet belê

3. Handdoek

Handdoeke neem baie plek in ’n strandsak op sodat jy óf met ‘n volgepropte sak onder jou arm loop, óf die handdoeke in jou hand dra. Die oplossing is katoenhanddoeke wat klein opgevou of opgerol kan word. Die katoenmateriaal absorbeer water vinnig ná jou swem en word net so vinnig droog. Perfek vir die somer.

Lees ook: Vlei jou bates só in ’n swembroek

Stone handdoek (R540) Summah

Itawuli handdoek (R270-R705) Mungo

Elim-handdoek (van R469) Cotton Company 5 redes hoekom jy hierdie somer in katoen moet belê

4. Op jou bank

Die Marokkaanse styl wat in 2019 koning gekraai het, het katoenlappe se gewildheid laat styg.  Die materiaal is hipoallergenies en hoef ook nie gereeld gewas te word nie.

Lees ook: Detoks jou klerekas in ’n japtrap

Desert-doek (R900) Summah

Geometriese patroondoek (vanaf R469) Cotton Company

5. Tafeldoek

’n Vinnige manier om ’n piekniektafel te versier. Die meeste van die lappe is groot genoeg om oor ’n standaard tafel te pas. Die tafeldoeke is beskikbaar in verskeie kleure sodat jy kan kies wat by jou styl pas.

Lees ook: Hierdie 8 modefoute kan jou slordig laat lyk

Tafeldoek (R1 085) Mungo

Tawulo-doek (van R270) Mungo

Kry dit hier

The Cotton Company

Kikoy

Mungo

Summah

The post 5 redes hoekom jy hierdie somer in katoen moet belê appeared first on rooi rose.

Ons het almal al so ’n dag gehad – jy trek jou gunsteling-uitrusting aan net om opmerklike en dikwels onooglike onderklerelyne te sien. Maar nou hoef jy jou nie meer te bekommer nie, want danksy die nuwe Playtex Invisible Beauty-reeks kan jy die dag vol selfvertroue aanpak.

Die Playtex Invisible Beauty-reeks

Die Playtex Invisible Beauty-reeks, wat ’n opgestopte en nie-opgestopte, gevormde onderdraadbra, ’n broekie en ’n omkeerbare frokkie insluit, is uit modieuse mikrovesel gemaak.

Die Playtex Invisible Beauty nie-opgestopte onderdraadbra beklemtoon jou pragtige, natuurlike vorm terwyl dit uitmuntende ondersteuning gee. Die binneste versterking van die keëls druk die borste op, terwyl die voorste bandjies by die skouer wyer en versterk is. Dít maak die bra uiters gemaklik om te dra.

Die Playtex Invisible Beauty gevormde, opgestopte bra Die bra pas perfek terwyl dit ook jou borste se kontoere afrond danksy die vier lae spons van verskillende diktes wat ’n geronde en gladde voorkoms skep. Nes die nie-opgestopte bra, is die gevormde, opgestopte bra ook by die skouers wyer met versterkte bandjies, wat dit ook baie gemaklik maak.

Jou nuwe moet-hê, alles-in-een item is beslis die omkeerbare Playtex Invisible Beauty-frokkie. Boonop kan jy dit saam met die meeste van jou klere dra. Jy kan uit ’n ronde of V-hals kies. Die frokkie is  swart aan die een kant en beige aan die ander kant sodat jy kan kies watter kleur jy wil dra om jou klere te pas.

Ook beskikbaar in swart en beige is die Playtex Invisible Beauty broekie, wat dié pragtige reeks afrond.

Die Playtex Invisible Beauty-reeks is beskikbaar in die volgende groottes:

• Die Playtex Invisible Beauty nie-opgestopte onderdraadbra is beskikbaar in groottes 34 – 44B/ 34-42C asook 34-40D en 34-38DD (AVP: R419,95).
• Die Playtex Invisible Beauty gevormde, opgestopte bra is beskikbaar in groottes 34 – 42B/ 34-40C, asook 32-38D en 32-36DD (AVP: R479,95).
• Die omkeebare Playtex Invisible Beauty-frokkie is beskikbaar in groottes M – 3XL (AVP: R299,95).
• Die Playtex Invisible Beauty-broekie is beskikbaar in groottes M – 3XL (AVP: R179,95).

Vir meer inligting, besoek www.playtex.co.za of volg Playtex op facebook @playtexafrica.

The post Playtex se nuwe reeks speel klaar met onderklerelyne appeared first on rooi rose.

1 item 3 maniere: Somerbaadjie Deur Susra Matthee en Bea Lingenfelder. Hooffoto: Witchery

Die veelsydigheid van ‘n perfekte snyersbaadjie maak dit ‘n moet-hê-item hierdie (en elke ander) seisoen. Daar is vele maniere waarop jy die baadjie nou kan dra, en daar is baie kleure waaruit jy kan kies. Op die oomblik is skakerings van beige die gewildste.

Lees ook: Vlei jou beste bates met hierdie swembroekwenke

Linnebaadjie (R1 399) Zara

1 item 3 maniere: Somerbaadjie

Kyk net hoe veelsydig is dié baadjie!

Uitrusting 1: Sportief

Ons het ook eers gedink die verskynsel van die fietsrybroek is effens vreemd, maar as jy eers gewoond raak aan die idee, kan jy ‘n baie stylvolle uitrusting skep.

Maak seker jou T-hemp is lank genoeg, maar diegene wat hul middel of plat magie wil beklemtoon, kan ‘n kort toppie daarby dra.

‘n Paar hoë hakke en netjiese handsak is ‘n vereiste vir die uitrusting.

Lees ook: Mode onder R500 wat jy nou moet koop

Baadjie, T-hemp en hakskoen van Zara; Fietsrybroek van Adidas beskikbaar by Superbalist; Handsakkie Witchery

Uitrusting 2: Sjiek

’n Elegante en gesofistikeerde werksuitrusting. Dra verskillende skakerings van beige saam.

Maak seker die hemp wat jy onder die baadjie aantrek, is nie te bonkig nie.

Lees ook: Detoks jou klerekas in ’n japtrap

Baadjie en hemp van Zara; Plooiromp Witchery; Hakskoen Steve Madden

Uitrusting 3: Naweek-boheems

Moenie jou denimbaadjie te ver wegpak nie, maar die somersnyersbaadjie saam met ‘n rok (of enigiets anders) is die nuwe styl. Die geheim is dat hierdie baadjie nie te gestruktureerd moet wees nie, en verkieslik nie knope moet hê nie.

Lees ook: Hierdie 8 modefoute kan jou slordig laat lyk

Baadjie Zara; Rok H&M; Sandaal Witchery; Hansakkie Call It Spring

Kry dit hier:

Call it Spring

H&M

Steve Madden

Superbalist.com

Witchery

Zara

The post 1 item 3 maniere: Somerbaadjie appeared first on rooi rose.