genoeg vir 10-12

Donkersjokoladekoek
• 500 ml (2 k) water
• 250 ml (1 k) kookolie
• 450 g sagte bruinsuiker
• 200 g donkersjokolade, fyngekap
• 115 g kakao
• 4 groot eiers, liggies gekluts
• 325 g koekmeel
• 5 ml (1 t) bakpoeier
• 2.5 ml (½ t) sout
• 10 ml (2 t) baksoda

Framboos-roomys
• 600 ml dubbeldikroom
• 1 x 397 g blikkie kondensmelk
• 500 g vars of bevrore frambose

Malvalekkerversiersel
• 4 eierwitte
• 250 ml (1 k) strooisuiker
• 15 ml (1 e) rooswater

1 Voorverhit die oond tot 180°C. Voer drie 24 cm-koekpanne met bakpapier uit.
2 Bring die water tot kookpunt in ’n middelslag kastrol. Verwyder van die hitte en voeg die suiker en olie by. Roer totdat die suiker opgelos is.
3 Voeg die sjokolade by en roer tot glad. Klits die eiers by.
4 Voeg die koekmeel, bakpoeier, sout en baksoda by en klits tot net gemeng. Bedek die mengsel met kleefplastiek en hou eenkant vir 1 uur.
5 Verdeel die mengsel gelykop tussen die koekpanne. Bak vir 30-35 min. of tot ’n toetspen skoon uitkom. Koel deeglik af.
6 Voer een 24 cm- koekpan met bakpapier uit sodat jy ’n 10 cm hoë kraag het.
7 Vir die framboosroomys: klits die room en kondensmelk tot dik en romerig. Verwerk helfte van die frambose met ’n voedselverwerker tot glad. Druk die mengsel deur ’n sif.
8 Vou die framboospuree deur die roommengsel tot goed gemeng.
9 Smeer ’n laag framboosroomys op elke koek. Bedek elke koek met die oorblywende frambose. Sit die koeklagies in die voorbereide koekpan. Sit in die vrieskas tot heeltemaal gevries (oornag).
10 Vir die versiersel: klits die eierwitte in ’n hittebestande mengbak tot sagte punte vorm. Voeg die strooisuiker stadig by en klits tot dik en glansig. Sit die mengbak oor ’n kastrol met water oor matige hitte. Klits die meringue tot dit warm voel as jy jou vinger daarin druk. Verwyder van die kastrol. Klits dit weer tot heeltemal afgekoel. Voeg die rooswater by en roer deur.
11 Keer die koek uit die koekpan. Bedek die koek met versiersel. Skroei die malvalekker met ’n blaasvlam tot goudkleurig. Sit dadelik voor.

Verjaarsdagkoek 1: Tina Bester se witsjokoladekoek

Verjaarsdagkoek 2: Wessels van Vuuren se rooiwyn-sjokoladekoek

Verjaarsdagkoek 4: Kanya Hunt se haselneutkoek met rooifluweel-roosversiering

Verjaarsdagkoek 5: Martjie Malan se framboo-en-suurlemoenkoek

Verjaarsdagkoek 6: Corli Botha se maklike verjaarsdagkoek met bessie-coulis en outydse melkversiersel

The post #75verjaarsdagkoek 3: Katelin Williams se gebakte Alaska-koek appeared first on rooi rose.

genoeg vir 10

Sponskoek
• 170 g koekmeel
• 15 ml (1 e) mielieblom
• 6 eiers
• 200 g suiker
• knippie sout
• 70 g botter, gesmelt en afgekoel

Suurlemoenstroop
• 125 ml (½ k) vars suurlemoensap
• 125 ml (½ k) suiker

Framboos-en-suurlemoenversiersel
• 400 g botter, kamertemperatuur
• 600 g versiersuiker
• sap van een suurlemoen
• 200 g frambose

1 Voorverhit die oond tot 180˚C. Voer een 20 cm koekpan (dit moet ’n redelike diep pan wees) met bakpapier uit.
2 Smelt die botter en hou dit eenkant. Sif die meel en die mielieblom in ’n mengbak en hou dit byderhand.
3 Berei ’n dubbelkoker voor met 2 koppies water. Verhit oor matige hitte.
4 Plaas die suiker, sout en eiers in die mengbak van ’n elektriese menger en klits totdat dit goed gemeng is. Plaas die mengbak oor die pruttende water en klits aanhoudend. Die eiermengsel moet warm word en die suiker moet oplos. Toets gereeld of die mengsel warm is.
5 Plaas die mengbak in die elektriese menger sodra die mengsel baie warm is, klits teen hoë spoed. Die mengsel moet nou lig van kleur word en verdubbel in volume. Klits totdat die mengsel afgekoel het. Sowat 5-7 min.
6 Vou nou die meelmengsel versigtig met ’n breë spaan in. Roer twee eetlepels van die eier-en meelmengsel by die botter in.
7 Gooi dit nou weer by die ander bestanddele in die mengbak en vou goed deur sonder om te veel volume te verloor. Die mengsel moet lig, amper skuimerig en lig van kleur wees.
8 Gooi die mengsel in die koekpan en bak vir 25-30 min. of tot ’n toetspen skoon uitkom
9 Vir die suurlemoenstroop: kook die bestanddele in ’n klein potjie totdat die suiker opgelos is en dit stroperig word. Verwyder van die hitte en laat afkoel.
10 Vir die framboos-en-suurlemoenversiersel: plaas die botter in die mengbak van ’n elektriese klitser en klits tot sag en glad.
11 Voeg die versiersuiker by en klits teen medium spoed totdat die versiersel wit en romerig is. Sowat 5 min.
12 Voeg die suurlemoensap by en klits goed deur. Die frambose kan ook nou bygevoeg word en teen ’n stadige spoed deurgemeng word. Voeg so eetlepel of 2 kookwater by om dit maklik smeerbaar te maak.
13 Sny die koek in dun lae wat ewe dik is. Plaas die eerste laag op die koekbord en drup die suurlemoenstroop oor. Moenie die koek te nat maak nie. Smeer nou ’n lagie van die versiersel oor. Plaas nou die volgende koeklaag op en herhaal die proses tot al die lae voltooi is. Versier nou die hele koek met ’n dun laag van die versiersel, maak seker dit is mooi glad en egalig rondom en bo-op die koek.
14 Versier die bokant van die koek met roompoffertjies wat gedoop is in witsjokolade-ganache, goue roosblare en goud geverfde frambose.

Verjaarsdagkoek 1: Tina Bester se witsjokoladekoek

Verjaarsdagkoek 2: Wessels van Vuuren se rooiwyn-sjokoladekoek

Verjaarsdagkoek 3: Katelin Williams se gebakte Alaska-koek

Verjaarsdagkoek 4: Kanya Hunt se haselneutkoek met rooifluweel-roosversiering

Verjaarsdagkoek 6: Corli Botha se maklike verjaarsdagkoek met bessie-coulis en outydse melkversiersel

The post #75verjaarsdagkoek 5: Martjie Malan se framboos-en-suurlemoenkoek appeared first on rooi rose.

genoeg vir 10

Koek
• 180 g witsjokolade, fyngekap
• 350 g botter, in blokkies gesny
• 600 g strooisuiker
• 360 ml melk
• 300 g koekmeel
• 100 g bruismeel
• 5 ml (1 t) vanieljegeursel
• 4 groot eiers

Roomkaasversiersel
• 120 g botter
• 500 g versiersuiker
• 5 ml (1 t) vanieljegeursel
• 160 g roomkaas

Gesoute karamelsous
• 140 g suiker
• 45 ml (3 e) water
• 125 ml (½ k) room
• 25 g botter
• 5 ml (1 t) sout
• 2.5 ml (½ t) vanieljegeursel

1 Voorverhit die oond tot 180°C. Voer drie 18 cm-koekpanne met bakpapier uit.
2 Meng die witsjokolade, botter, strooisuiker en melk in ’n groot kastrol oor lae hitte tot glad. Sit die mengsel in ’n groot mengbak en hou eenkant vir 15 min. om af te koel.
3 Sif die koekmeel en bruismeel by die sjokolademengsel. Voeg die vanieljegeursel en eiers by en klits tot goed saamgemeng.
4 Verdeel die mengsel gelykop tussen die koekpanne. Bak vir 25min. of tot ’n toetspen skoon uitkom.
5 Vir die roomkaasversiersel: meng die botter, versiersuiker, vanieljegeursel en roomkaas met ’n draadklitser tot lig en donsig.
6 Vir die karamelsous: Meng die suiker en water in ’n groot kastrol. Verhit oor lae hitte en roer tot die suiker gesmelt is. Laat saggies prut tot die suiker goudkleurig is. Verwyder van die hitte en voeg die botter by. Klits effens. Voeg die room by, wees versigtig dit sal opborrel. Voeg die vanieljegeursel en sout by. Klop oor matige hitte tot goed gemeng.
7 Smeer ’n laag roomkaasglassuur op elke koeken staple die drie lae op mekaar. Smeer die res van die versiering om die koek en smeer dit glad met ’n paletmes. Gooi laastens die karamel oor. Versier met vars blomme, meringuesoentjies, makrolletjies, klappersjokolade en sjokoladeskywe.

Verjaarsdagkoek 2: Wessels van Vuuren se rooiwyn-sjokoladekoek

Verjaarsdagkoek 3: Katelin Williams se gebakte Alaska-koek

Verjaarsdagkoek 4: Kanya Hunt se haselneutkoek met rooifluweel-roosversiering

Verjaarsdagkoek 5: Martjie Malan se framboo-en-suurlemoenkoek

Verjaarsdagkoek 6: Corli Botha se maklike verjaarsdagkoek met bessie-coulis en outydse melkversiersel

The post #75verjaarsdagkoek 1: Tina Bester se witsjokoladekoek appeared first on rooi rose.

genoeg vir 8-10

Koek
• 180 g botter
• 300 g strooisuiker
• 3 groot eiers
• 5 ml (1 t) vanieljegeursel
• 50 g kakoa
• 5 ml (1 t) bakpoeier
• 5 ml (1 t) koeksoda
• 1 ml (¼ t) sout
• 280 g koekmeel
• 180 ml (¾ k) melk

Vulsel
• 2 velle gelatien (of een koevertjie, sowat 15 ml + 50 ml koue water)
• 200 g suiker
• 125 ml (½ k) water
• 4 eierwitte
• 15 ml (1 e) rooswater of 10 ml (2 t) vanieljegeursel

Sjokoladeversiersel
• 300 g donkersjokolade, fyngekap
• 150 ml room

Vir die versiering
• koperkleurige poeier-koskleursel
• wit alkohol soos vodka of jenewer
• 12 sosatiestokkies
• lourierblare
• 12 groot aarbeie

1 Voorverhit die oond tot 175 °C. Voer twee 20 cm- koekpanne met bakpapier uit.
2 Room die botter en suiker tot lig en donsig. Klits die eiers een-een by. Klits die vanieljegeursel by.
3 Sif die kakao, bakpoeier, koeksoda, sout en koekmeel saam in ’n middelmatige mengbak.
4 Vou die melk en droë bestanddele om die beurt by die eiermengsel in.
5 Verdeel die mengsel gelyk tussen die koekpanne. Bak vir 25-30 min. of tot ’n toetspen skoon uitkom. Koel deeglik af en sny elke koek in twee lae.
6 Vir die vulsel: week die velle gelatien in koue water tot deurskynend of los die poeier op in die water.
7 Verhit die suiker en water in ’n kastrol oor lae hitte totdat al die suiker opgelos is. Kook oor matige hitte totdat die mengsel sagtebalstadium bereik (118 °C). Dit sal die regte stadium bereik het wanneer jy ’n druppel van die stroop in ’n glas koue water drup en dit ’n sagte balletjie vorm wat jy tussen jou vingers kan platdruk.
8 Klits die eierwitte en geweekte gelatien saam in ’n mengbak tot sagte punte vorm. Drup die kokende stroop versigtig in ’n dun straaltjie by die eierwitte terwyl dit op hoë spoed geklits word. Klits die geursel by. Klits vir nog 10 min. of tot dit dik en blink is. Koel goed af.
9 Smeer ’n lagie vulsel op elke koek. Koel goed af in die yskas.
10 Verhit die room en sjokolade in ’n dubbelkoker oor warm water en roer tot alles gesmelt is. Stapel die koeke op mekaar.
11 Gooi die versiersel egalig oor die koue koek. Maak koperverf deur van die koperpoeier met ’n bietjie van die alkohol te meng.
12 Verf die stokkies koper en laat droog word. Druk ’n kwas in die poeierverf en spat dit oor die koek om koperspatsels te maak. Druk die aarbeie onderstebo op die stokkies en verf die lourierblare en onderste helfte van die vrugte koper. Versier die koek deur die aarbeistokkies soos ’n bos rooi rose bo-op die koek in te druk.

Verjaarsdagkoek 1: Tina Bester se witsjokoladekoek

Verjaarsdagkoek 3: Katelin Williams se gebakte Alaska-koek

Verjaarsdagkoek 4: Kanya Hunt se haselneutkoek met rooifluweel-roosversiering

Verjaarsdagkoek 5: Martjie Malan se framboo-en-suurlemoenkoek

Verjaarsdagkoek 6: Corli Botha se maklike verjaarsdagkoek met bessie-coulis en outydse melkversiersel

The post #75verjaarsdagkoek 2: Wessels van Vuuren se rooiwyn-sjokoladekoek appeared first on rooi rose.

genoeg vir 10

Koek
• 225 g koekmeel
• 75 g mielieblom
• 10 ml (2 t) bakpoeier
• 2,5 ml (½ t) sout
• 100 g haselneute, fyngemaal, met of sonder skil
• 125 g botter by kamertemperatuur
• 300 g strooisuiker
• 4 ekstra groot eiers, geskei, by kamertemperatuur
• 5 ml (1 t) vanieljegeursel
• knypie sout
• knypie kremetart
• 125 ml (½ k) koue kraanwater

Rooifluweelversiering
• 250 g botter by kamertemperatuur
• 250 g roomkaas
• 15 ml (1 e) vanieljegeursel
• 60 g kakaopoeier
• 500-800 g versiersuiker, gesif
• 2,5-5 ml rooifluweel kleursel van Rolkem of rooi kleursel na smaak

1 Voorverhit die oond tot 175 °C. Voer drie 20 cm-koekpanne met bakpapier uit.
2 Sif die koekmeel, mielieblom, bakpoeier en sout saam. Sommer 3 tot 4 keer as jy kan. Meng met die fyngemaalde haselneute. Hou eenkant.
3 Room die botter en 2/3 van die suiker goed tot liggeel. Voeg die eiergele een vir een saam met die vanieljegeursel by. Klop goed tot donserig.
4 In ’n aparte, skoon bak, temper die eierwitte eers met ’n knippie sout en kremetart en klits tot die sagtepuntstadium. Voeg die res (100 g) van die strooisuiker lepel vir lepel by soos wanneer jy ’n meringue maak. Klits net tot ’n blink stywe meringue, nie droog nie.
5 Vou die meelmengsel in die bottermengsel om die beurt met die koue water.
6 Vou dan die meringue in drie dele by die meel- en bottermengsel tot net gemeng. Pasop vir oormeng.
7 Verdeel gelyk tussen die drie panne en bak vir 30 min. of tot ’n toetspen skoon uitkom. Koel af op afkoelrakkies.
8 Om die rooifluweelversiering te maak: room die botter en roomkaas goed tot lig en donsig. Voeg die geursel en kakaopoeier by en klop goed. Voeg versiersuiker geleidelik by tot die korrekte dikte waarmee jy wil werk. Die rooi kleursel word ook bygevoeg na smaak.
9 Versier met rooifluweelversiering op jou manier. Ek het rose gespuit met nommers 126 en 127 blomblaarbuise en sommer aangevul met groen botterversiering om blare te spuit met ’n nr. 366-blaarbuis. Die blomknoppe is met ’n nr. 11 ronde buis gespuit.

Verjaarsdagkoek 1: Tina Bester se witsjokoladekoek

Verjaarsdagkoek 2: Wessels van Vuuren se rooiwyn-sjokoladekoek

Verjaarsdagkoek 3: Katelin Williams se gebakte Alaska-koek

Verjaarsdagkoek 5: Martjie Malan se framboo-en-suurlemoenkoek

Verjaarsdagkoek 6: Corli Botha se maklike verjaarsdagkoek met bessie-coulis en outydse melkversiersel

The post #75verjaarsdagkoek 4: Kanya Hunt se haselneutkoek met rooifluweel-roosversiering appeared first on rooi rose.

genoeg vir 1 groot dubbellaag koek

Koek
• 6 ekstra groot eiers
• 450 g strooisuiker
• 300 ml melk
• 150 g botter
• 30 ml (2 e) grondboontjiebotter
• 5 ml (1 t) vanieljegeursel
• 350 g koekmeel
• 5 ml (1 t) sout
• 45 ml (3 e) bakpoeier
• 125 g vars frambose

Bessie-coulis
• 1 pakkie Berry Medley Coulis (beskikbaar by Woolworths)
• 60 ml (1/4 k) framboos- of bessiekonfyt
• 5 ml (1 t) mielieblom met ’n bietjie water gemeng

Outydse melkversiersel
• 45 ml (3 e) koekmeel
• 250 ml (1 k) melk
• 250 g botter, kamertemepratuur
• 200 g suiker
• 5 ml (1 t) vanieljegeursel
• 5 ml (1 t) rooswater

1 Voorverhit die oond tot 180 °C. Voer 3 (10, 15, 18 cm) koekpanne uit met bakpapier.
2 Klits die eiers en suiker tot lig en donsig. Verhit die melk en botter tot die botter net opgelos is, verwyder van die hitte.
3 Meng die meel, sout en bakpoeier saam.
4 Vou die meelmengsel by die geklitste eiers en suikermengsel in, voeg ’n bietjie van die warm botter-en-melkmengsel om die beurt by. Maak seker die mengsel is nie te droog deur te veel meel op ’n slag by te voeg nie. Moenie die koek te veel meng nie, dit sal rysgate veroorsaak.
5 Breek vars frambose in die mengsel in en meng deur.
6 Verdeel die mengsel gelykop tussen die drie panne en bak vir 20-25 min. of tot ’n toetspen skoon uitkom. Koel af op draadrakkies.
7 Vir die outydse melkversiersel: klits die meel en melk saam tot glad en plaas in kastrol, kook tot dik.
8 Skep die versiersel in ’n mengbak en bedek met kleefplastiek sodat ’n dik vel nie vorm nie, laat staan eenkant om af te koel.
9 Klits die botter en suiker in die mengbak van ’n elektriesemenger tot liggeel, voeg die melkmengsel en geursel by, klits tot baie glad (ongeveer 5 minute). Skep die mengsel in ’n spuitsak.
10 Vir die bessie-coulis: kombineer alles in een kastrol en kook tot dit net-net verdik. Laat afkoel in yskas tot benodig.
11 Smeer ’n lagie van die bessie-coulis op elke koek, gevolg deur die outydse melkversiersel wat ek in balletjies gespuit het. Jy kan dit versier en pak net soos jy verkies. Tooi die koek met vars rose en bessies.

Verjaarsdagkoek 1: Tina Bester se witsjokoladekoek

Verjaarsdagkoek 2: Wessels van Vuuren se rooiwyn-sjokoladekoek

Verjaarsdagkoek 3: Katelin Williams se gebakte Alaska-koek

Verjaarsdagkoek 4: Kanya Hunt se haselneutkoek met rooifluweel-roosversiering

Verjaarsdagkoek 5: Martjie Malan se framboo-en-suurlemoenkoek

The post #75verjaarsdagkoek 6: Corli Botha se maklike koek met bessie-coulis appeared first on rooi rose.