Genoeg vir 6-8.

Bestanddele

• 1 kg groenbone, stingelpunte afgesny
• 2 groot aartappels, geskil en in kwarte gesny
• 1 groot ui, grof gekap
• 30 ml (2 e) botter (dalk ’n bietjie meer)
• sout en witpeper na smaak

Metode

1. Sit die boontjies, aartappels en ui saam in ’n kastrol. Gooi net genoeg water by om te bedek. Geur met sout.
2. Kook tot die boontjies sag is.
3. Druk die groente met ’n vurk fyn en roer tot goed gemeng.
4. Geur met sout en witpeper na smaak en sit warm voor.

The post Tradisionele groenbone met aartappel appeared first on rooi rose.

Aartappels in spekvet gerooster deur Vickie de Beer. Foto: Charles Russel

Genoeg vir 6-8.

Bestanddele

• 1,2 kg aartappels, geskil en in kwarte gesny
• 500 g spekrepe
• ’n groot hand vol tiemie
• 4 takkies roosmaryn
• 1 heel knoffelknol, in huisies gebreek en gekneus
• sout en swartpeper

Metode

1. Sit die aartappels in ’n groot kastrol met gesoute water. Bring tot kookpunt. Prut vir 12-15 min. of tot net gaar. Dreineer en laat effens afkoel.
2. Braai die spek vir 20 min. in ’n groot pan oor lae hitte. Skep die vet uit en hou eenkant. (Gebruik die spek vir iets anders).
3. Voorverhit die oond tot 200 °C. Krap met ’n vurk groefies om die aartappels en sit in ’n oondpan. Gooi die vet saam met die stukkies tiemie, roosmaryn en knoffel oor die aartappels. Geur met sout.
4. Rooster vir 35 – 40 min. of tot goudkleurig en krakerig.

Sit voor saam met hierdie geroosterde beesrib

The post Aartappels in spekvet gerooster appeared first on rooi rose.

Genoeg vir 4.

Bestanddele

• 6 aartappels, in wiggies gesny
• sout en gemaalde swartpeper

Slaaisous

• 125 ml (½ k) olyfolie + ekstra om vir die bakslag oor die aartappels te sprinkel
• 45 ml (3 e) balsemiekasyn
• 30 ml (2 e) Dijon-mosterd
• 5 ml (1 t) heuning
• 250 g swoerdlose repiesspek
• 2 hande vol babaspinasieblare, gewas
• 4 eiers, sag gekook en afgedop

Metode

Voorverhit die oond tot 200 °C.

1. Pak die aartappelwiggies in ’n oondpan, geur na smaak en sprinkel ’n bietjie olie oor. Bak vir sowat 30 min. tot goudbruin, bros en gaar.
2. Meng intussen die olie, asyn, mosterd en heuning tot goed gemeng. Geur die slaaisous na smaak en hou eenkant.
3. Braai die spek tot bros in ’n verhitte pan.
4. Sit die spinasie in ’n slaaibak en voeg die warm aartappels en spek by. Gooi die slaaisous oor en meng deur. Sit die eiers bo-op en smul.

The post Geroosterde aartappel-en-spek-slaai appeared first on rooi rose.

Genoeg vir 8

Bestanddele

• sap van 2 groot suurlemoene (moenie die skille weggooi nie)
• 3 lourierblare
• 1 heel knoffel, horisontaal middeldeur gesny
• 3 middelslaguie, geskil en in kwarte gesny
• 1 rooi brandrissie
• ’n hand vol vars tiemie
• 1 aftrekselblokkie
• 60 ml (¼ k) witwyn
• 500 g baba-aartappels, ongeskil
• 6 soetmielies, middeldeur gesny
• 6 kreefsterte of 500 g garnale, skoongemaak
• 60 ml (4 e) botter
• ’n hand vol pietersielie, gekap

Metode

1. Gooi 4 liter water in ’n groot kastrol. Voeg die sap en skille van die suurlemoene, lourierblare, knoffel, uie, brandrissie, tiemie aftrekselblokkie en wyn by. Geur met sout en peper. Laat die mengsel kook, verlaag die hitte en laat vir nog 10 min prut.
2. Sit die aartappels by en laat vir nog 12 min. prut. Sit die mielies by en laat prut vir 5 min. Sit laastens die kreef by en kook vir ±8 min. tot die krewe helder rooi is.
3. Smelt intussen die botter in ’n groot, verhitte braaipan of bakplaat en voeg die pietersielie by. Rooster ’n paar lemmetjies wat middeldeur gesny is op die kante.
4. Skep die aartappels, mielies en kreefsterte uit die water in die pan en soteer vir ’n paar min. tot goudbruin. Keer uit op ’n vel bak- of bruinpapier. Sit voor met die geroosterde lemmetjies.

The post Geurige kreef-soetmielie-en-aartappel-pot appeared first on rooi rose.

Hierdie gesonde, smaaklike etes is die ideale uitweg vir almal wie se dae te vol is. En terwyl jy nou aan die kook is, kan jy netsowel ’n bietjie meer kos maak en daarvan vries. Met Vickie de Beer se planne verskyn die kos volgende keer ook sommer in ’n nuwe gedaante op tafel.

Ons deel 20 resepte vir vier weke se weeksaande.

Week 1

1 Beesvleisroerbraai

2 Krakerige viskoekies

3 Vinnige hoenderkerrie

4 Volstruisburgers met tzatziki

5 Geurige tamatie-en-wors-gebak

Week 2

1 Soutdeeg met ’n heerlike sampioenvulsel 

2 Geurige hoenderkerrie in ’n ander gedaante

3 Hoenderkerriepasteie in ’n ander gedaante

4 Staatmaker-viskoekies in ’n ander gedaante

5 Gebakte vispannekoekies met ’n geurige kaassous

Week 3

1 Gerookte tamatiesop

2 Marokkaanse lamskenkels

3 Gebakte tamatie-en-lamsvleis

4 Grondboontjie-en-vark-roerbraai

5 Spaghetti Bolognese

Week 4

1 Blits-moesaka

2 Geroosterde hoender met baba-aartappels

3 Gebakte vis in geurige tamatiesous

4 Vinnige ghoelasj

5 Steakburgers met mosterd-uie

The post Maklike resepte vir ’n maand appeared first on rooi rose.

Genoeg vir 6

Slaai
500 g (±20) baba-aartappels, ongeskil
2 middelslag- pers uie, in ringe gesny
1 x 410 g-blik keker-ertjies, gedreineer en afgespoel
250 g (±14 groterige) kersietamaties, in kwarte gesny
125 ml (1/2 k) kasjoeneute, gerooster en ruweg gekap
2 groot wortels, in dun repies gesny
’n hand vol gekapte pietersielie of koljanderblare
sout en gemaalde swartpeper

Sous
30 ml (2 e) suurlemoensap
15 ml (1 e) olyfolie
15 ml (1 e) korrelmosterd
’n hand vol vars pietersielie, gekap
sout en gemaalde swartpeper

1 Kook die aartappels in kokende soutwater tot amper sag. Dreineer en sny middeldeur.
2 Meng die sousbestanddele en sit in die yskas.
3 Opdiening: Meng al die slaaibestandele en die helfte van die slaaisous in ’n slaaibak en sit in die yskas. Sit die res van die slaaisous afsonderlik voor.

The post Baba-aartappel-en-kekerertjie-slaai appeared first on rooi rose.

The post Kruisement-en-jogurt-hoenderstukke appeared first on rooi rose.

The post Aartappeltert appeared first on rooi rose.

The post Aartappelwafels met heuning-spekrepies appeared first on rooi rose.

Genoeg vir 4

6 aartappels, in wiggies gesny
sout en gemaalde swartpeper

Slaaisous

125 ml (½ k) olyfolie + ekstra om vir die bakslag oor die aartappels te sprinkel
45 ml (3 e) balsemiekasyn
30 ml (2 e) Dijon-mosterd
5 ml (1 t) heuning
250 g swoerdlose repies spek
2 handevol babaspinasieblare, gewas
4 eiers, sag gekook en afgedop

Voorverhit die oond tot 200°C.
1. Pak die aartappelwiggies in ’n oondpan, geur na smaak en sprinkel ’n bietjie olie oor. Bak vir sowat 30 min. tot goudbruin, bros en gaar.
2. Meng in tussen die olie, asyn, mosterd en heuning tot goed gemeng. Geur die slaaisous na smaak en hou eenkant.
3. Braai die spek tot bros in ’n verhitte pan.
4. Sit die spinasie in ’n slaaibak en voeg die warm aartappels en spek by. Gooi die slaaisous oor en meng deur. Sit die eiers bo-op en smul.

The post Geroosterde aartappel-en-spek-slaai appeared first on rooi rose.

The post Varkworsies met gekaramelliseerde uie en kapokaartappels appeared first on rooi rose.