Agter die skerms met Donnalee Roberts deur Suzanne Kotzé en Bea Lingenfelder. Hooffoto: Kristina Stojiljkovic. Foto geneem by: The Breakwater Apartments 

Op ’n snikhete somersmiddag in Kaapstad het ons die heerlikste voorbladfotosessie met die innemende Donnalee Roberts gehad. Kom kuier gerus saam agter die skerms en kry ’n kykie in hoe ons ons pragtige Mei-voorbladfotosessie geskep het.

Loer hier na die agter-die-skerms-foto’s

Kaapstad het nog altyd ’n stukkie van my hart besit en dit was só ’n voorreg om vir die eerste keer ’n voorblad-shoot in die Moederstad te kon doen. Dit was ’n fees van kreatiwiteit, lag en saamwerk! Ons het “winter” op een van die warmste dae in die Kaap moes shoot – maar saam met hierdie span mense pak ek winter enige dag, enige tyd weer aan. Ek het niemand geken toe ek die oggend daar instap nie en teen die middag het ek met ’n vol hart en nuwe vriende huis toe gery. Dankie, rooi rose vir een van my mooiste, eerste herinneringe noudat ek die Kaap huis kan noem. 
Liefde, Donnalee.

Kom kyk agter die skerms!

Video deur: Bea Lingenfelder

Produksie

Produksie: Suzanne Kotzé

Produksie-assistent: Bea Lingenfelder

Fotograaf: Kristina Stojiljkovic

Stilering: Justine Kroes

Hare en grimering: Cheryl Parker

Donnalee se naels: Sorbet

Foto’s geneem by: The Breakwater Apartments

Lees ons artikel met Donnalee in die Mei 2019-uitgawe van #rooirose op bl. 12.

The post Agter die skerms met Donnalee Roberts appeared first on rooi rose.

Agter die kleurryke skerms van rooi rose se dekorartikels deur Cornel Dunn. 

Het jy al ooit gewonder hoe ons ons dekorstories wat elke maand in die tydskrif verskyn, laat gebeur?

Ons wys jou stap-vir-stap hoe dit agter die skerms werk …

Beplanning

Ons begin maande voor die tyd beplan om die jongste dekortendense in die tydskrif te verewig. Die elemente wat internasionaal bekend is, is nie altyd in Suid-Afrika beskikbaar nie, so ons moet baie improviseer.

Produkte

Ons bring ure voor die rekenaar en op straat deur om die beste produkte vir elke produksie te soek.

Voorbereiding

Vloerbedekking, verf en muurpapier is van die enkele elemente vir die perfekte agtergrond vir ons produksies.

Ateljee

Die ateljee is ’n groot wit ruimte wat ons moet inkleur. Houtborde word gebruik om mure te bou en die illusie van ’n vertrek te skep.

Storieborde

Hier gebruik ons inspirasie om die uiteindelike lys van foto’s te beplan en te bepaal.

Twee dae voor produksie

Ons besoek winkels en kies items met die hand uit.

Een dag voor produksie

Die vervoermaatskappy laai meubels by die ateljee af. Alles is toegedraai en ons het nie ’n benul wat binne-in is nie!

Dag van produksie

Elke foto word saamgestel deur die meubels en elemente wat ons vir elke voorkoms gekies het. Soms is ’n kas te groot, of ’n tafel te klein. Dan improviseer ons weer eens.

Spierkrag!

Alle meubels word rondgedra. Prente word gehang en na alles moet elke item weer verpak word.

Tot volgende maand …

The post Agter die kleurryke skerms van rooi rose se dekorartikels appeared first on rooi rose.

Agter die skerms met Erica Wessels: Maart 2019-uitgawe deur Corné Greeff en Catherine Schenck. Hooffoto: Kristina Stojiljkovic

Die beeldskone Erica Wessels is vandeesmaand op ons voorblad. Kom kuier saam agter die skerms by ons voorbladfotosessie!

Agter-die-skerms-foto’s

Foto’s deur Corné Greeff.

Produksie-span

Produksie: Suzanne Kotzé

Fotograaf: Kristina Stojiljkovic

Hare en grimering: Cheryl Parker van Supernova

Stilering: Justine Kroes

Assistent, agter-die-skerms-foto’s en -video: Corné Greeff

Meubels: Aura Interiors

Naels: Sorbet

Kyk hier na die video:

Video deur Corné Greeff. Musiek deur BenSound

Lees gerus ons artikel met Erica op bl. 14 van ons Maart-uitgawe wat nou beskikbaar is op winkelrakke.

The post Agter die skerms met Erica Wessels: Maart 2019-uitgawe appeared first on rooi rose.

Agter die skerms met Tamaryn Green. Hooffoto: Leana Clunies-Ross

Loer hier na die agter-die-skerms-foto’s:

Agter-die-skerms-foto’s: Zoë Salzwedel.

“Ek het regtig die fotosessie vir rooi rose geniet. Die span is ongelooflik en ons het soveel pret gehad! Ons het die foto’s in ’n asemrowende omgewing geneem terwyl die reën heeltyd gedreig het, en tog het ons dit reggekry om pragtige foto’s te neem. Ek kan nie wag om die Februarie-uitgawe te sien nie!” – Tamaryn Green

Kyk na die video:

Die span

Foto: Zoë Salzwedel

Produksie: Hannelie Diedericks

Stilis: Kim Berell van The Fashion Office

Hare en grimering: Tamaryn van Tonder

Produksie-assistent: Melissa-Jade Myburgh

Fotograaf: Leana Clunies-Ross

Hierdie voorbladfotosessie is geskiet by die Thaba Eco Hotel in Johannesburg.

Lees Ilse Salzwedel se onderhoud met Tamaryn op bl. 12 van die Februarie-uitgawe van #rooirose wat nou op winkelrakke beskikbaar is.

Lees ook: Mej. Suid-Afrika 2018

Ons gesels met Tamaryn voor die Mej. Heelal-kompetisie

Tamaryn gekroon as eerste prinses by die Mej. Heelal-skoonheidskompetisie

The post Agter die skerms met Tamaryn Green appeared first on rooi rose.

Agter die skerms met Trix en Lea Vivier. Hooffoto: Leana Clunies-Ross

Kyk hier na die video

Produksie: Hannelie Diedericks

Produksie-assistent: Melissa-Jade Myburgh

Fotograaf: Leana Clunies-Ross

Grimering: Adelle Jung

Hare: Saadique Ryklief

Stilering: Kim Berell van The Fashion Office

Video: Iain Rennie

Blaai deur ons foto-album

Trix en Lea se naels: Sorbet

Foto: Leana Clunies-Ross

Die Januarie-uitgawe van #rooirose is nou op die rakke

The post Agter die skerms met Trix en Lea Vivier appeared first on rooi rose.

Karlien van Jaarsveld is ons pragtige voorbladmodel vir rooi rose se Mei 2018-uitgawe. Ons deel ’n paar foto’s van Karlien agter die skerms.

Kyk hier na ons agter-die-skerms video met Karlien van Jaarsveld:

Foto’s: Leana Clunies-Ross

Produksie: Hannelie Diedericks

Hare & grimering: Adelle Jung

Stilering: Riaan Hulley

Die Mei 2018-uitgawe van rooi rose met Karlien van Jaarsveld is vanaf Maandag 16 April 2018 beskikbaar op die winkelrakke.

The post Agter die skerms met Karlien van Jaarsveld appeared first on rooi rose.

Ons skoonheidstorie in die November 2017-uitgawe handel oor die kuns van parfuum. rooi rose-skoonheidsredakteur Suzanne Kotzé deel haar ervaring tydens ’n besoek aan die Le Grand Musée du Parfum in Parys plus gesels oor ou en nuwe parfuumgiere wat elke vrou sal verlei.

Die model, Emma van Max, het dié asemrowende foto perfek laat werk. Cheryl Parker van Supernova was verantwoordelik vir haar hare en grimering en fotograaf Kristina Stojiljkovic het die oomblik vasgevang. Het jy ooit gedink die maak van ’n foto kan so baie elemente bevat? Kyk net hier …

Kry ons November 2017-uitgawe met Hanna Grobler op die voorblad en lees die skoonheidsartikel, “Die kuns van parfuum”, op bl. 62.

The post Die kuns van ’n mooi foto appeared first on rooi rose.

Die dae van vervelige swart klere is verby. Hierdie winter kom swart voor in vorms van blink, glad, wollerig en leer. Van sagvloeiende materiale soos satyn tot bonkige truie – daar is iets vir elke voorkeur.

Die klassieke leerbaadjie bly steeds ’n wenner en gee enige uitrusting ’n moderne voorkoms. Waag dit om die baadjie saam met items soos ’n lang romp of wyepyp-broek te dra in plaas van saam met die kenmerkende denim.

Rolnekke en vlootbaadjies is die beste kombinasie vir ’n deftige voorkoms; dra dit saam met hakskoene vir ’n formeler voorkoms of wees gemaklik in stewels.

Fluweel is ook een van vanjaar se gunstelingmateriale en ons kon nie anders as om versot te raak op ’n stylvolle fluweelpakkie nie. Hierdie uitrusting is geskik vir werk, ’n koffie-afspraak of deftige aandgeleentheid, mits jy dit reg stileer met bykomstighede.

Agter die skerms: rooi rose, Augustus 2017

Fotograaf: Gavin Kleinschmidt
Hare en grimering: Cheryl Parker
Model: Selina Carvalho van Fusion Model Management

Swart klere: Wenke vir ’n langer lewe

Een van die belangrikste wenke wat jy in gedagte moet hou, is dat jy jou skakerings van swart in al jou items eenvoudig moet probeer hou. Glo dit of nie, maar daar ís verskillende skakerings van swart en jou klere kan met die tyd ook verblyk. Wol en leer is staatmakers wat nie gou sal verblyk nie, maar materiale soos denim en katoen is geneig om te verdof na ’n paar wasse. Daar is egter ’n paar wenke om jou swart items weer nuut te laat lyk:

• Was dit minder as jou ander klere
• Was dit in koue water (verkieslik 0°C)
• Keer jou klere om (binne na buite) wanneer jy dit was
• Hou jou wasbondel by swart, moenie dit saam met ander kleure meng nie
• Laat jou klere op die wasgoeddraad droog word in plaas van die droër
• Gebruik ’n gespesialiseerde wasmiddel wat spesifiek vir swart klere geskik is

Alternatiewe wenke vir ’n swarter swart:

Asyn, sout, peper, koffie of baksoda kan help om die skakering van jou swart te behou en selfs effe verbleikte kleure te vernuwe.

The post Agter die skerms: Dramaties swart appeared first on rooi rose.

“Ek dink ons was albei net uiteindelik gereed om te leer hoe om sáám te leef, speel, doen en droom,” sê Erica Wessels oor die stap wat sy gedoen het om verlede jaar (2016) – grasieus in die rok waarin haar oudste suster dertig jaar gelede getroud is – trou te sweer aan die man in haar lewe.

Erica oor haar troue

“’n Paar vriendinne het vir my die raad gegee om elke oomblik regtig bewustelik te ervaar en ek het geluister. Dit was kosbaar. Ons persoonlike beloftes aan mekaar in die teenwoordigheid van al ons geliefdes. Die toesprake. My ouers wat so erg oor Willem is. En elke klein konneksietjie met al ons gaste. Dit het al die harde werk só die moeite werd gemaak.”

Lees die volledige onderhoud in die Augustus 2017-uitgawe van rooi rose.

Kyk hier na agter die skerms-foto’s en ’n video tydens haar voorbladfotosessie:

The post Agter die skerms met Erica Wessels appeared first on rooi rose.

Tracey Lange se gulheid het in die afgelope tien jaar vir haar ’n eie paadjie na luisteraars se harte oopgetrap. Luistertalle het die hoogte ingeskiet toe sy haar twee jaar gelede by Heart FM se oggendspan aangesluit het. Sy is ook aanbieder vir Bravo! op kykNET en maak ook ’n gasverskyning in kykNET se gewilde sepie, Suidooster.

The post Agter die skerms by Tracey Lange se voorbladfotosessie appeared first on rooi rose.

Sedert ons onderhoud 13 jaar gelede vir een van haar eerste tydskrifvoorblaaie, het daar baie water in die see geloop vir die veelsydige Antoinette Louw. En dis nie net haar CV wat indrukwekkend gegroei het nie. Op 42 is sy nóg meer selfversekerd as destyds, ooglopend gemakliker met haarself, uitgesproke oor die dinge wat vir haar belangrik is. Kortweg: Sy weet wie sy is.

Ons gesels in die Mei 2017-uitgawe van rooi rose met haar. Kry jou uitgawe, nou op die rakke!

Kuier ook saam agter die skerms tydens Antoinette se voorbladfotosessie in Kaapstad:

Kyk ook na die video hier:

The post Agter die skerms met Antoinette Louw appeared first on rooi rose.

“My eerste pak slae was omdat ek ’n mikrofoon gebreek het. Dit was in ’n poging om Elvis na te boots.” Karen Zoid

Kyk hier! Agter die skerms tydens Karen se voorbladfotosessie:

Het jy geweet?

Daar is reeds 52 episodes opgeneem van Republiek van Zoid Afrika, Karen se bekroonde geselsprogram op kykNET. Die nuwe reeks word waarskynlik in die tweede helfte van vanjaar uitgesaai.

Dit was vir haar uit die staanspoor belangrik om nie net aanbieder te wees nie, maar ook kreatiewe beheer te hê. “Ek was aanvanklik baie huiwerig toe regisseur Carien Loubser voorstel dat ek aan die einde van elke program saam met van Suid-Afrika se topkunstenaars sing. ’n Mens wil darem nou nie narcisties begin lyk nie … Maar dit het gelukkig gewerk.

“Die onderhoude met die uiteenlopende bekendes is ’n meesterklas in die lewe. Ons lag én huil emmersvol trane. Ek het die grootste bewondering vir iemand soos Thuli Madonsela wat letsels dra omdat hulle standpunt inneem vir wat hulle glo reg is.”

Lees ons volledige onderhoud met Karen in die April 2017-uitgawe van rooi rose, ons spesiale 75ste verjaardaguitgawe!

Kyk ook hier na foto’s tydens ons fotosessie:

The post Karen Zoid: agter die skerms appeared first on rooi rose.

“As jy van kleins af weet wat is belangrik en wat jou waardes is, word jy nie so vasgevang nie. Dit gee jou wysheid. Ek hoop my kinders sal dink dis koel om die regte ding te doen.”

Christi Panagio skitter en dis moeilik om te glo dat sy later vanjaar veertig word. Lees ons volledige onderhoud met haar op bl. 14 van die Maart 2017-uitgawe van rooi rose.

Christi het ook haar wenke vir hare & grimering met ons gedeel! Kyk hier na die video:

Lus vir nog? Kyk hier wat het alles agter-die-skerms gebeur tydens haar voorbladfotosessie vir rooi rose:

The post Agter die skerms met Christi Panagio appeared first on rooi rose.

Die akteurspaar Tinarie Van Wyk Loots en Erik Holm het onlangs op die mees romantiese manier verloof geraak. Hier is ’n kort uittreksel uit ons EKSKLUSIEWE onderhoud met hulle in die Januarie 2017-uitgawe van rooi rose.

’n Liefdespondokkie op ’n berg

Hulle het nog nie ’n idee wanneer hulle gaan trou nie.

“Seker iewers nader aan die einde van aanstaande jaar, maar die belangrikste is dat ons weet ons toekomspad loop nou amptelik saam.”

Was die verlowing vir haar onverwags?
“Ek dink my liefste Erik dink dit was, maar ek ken hom só goed,” giggel sy. Sy het vermoed hy voer iets in die mou. “Dit het my minstens kans gegee om my mooi rokkie aan te trek!” (Tinarie het verloof geraak in een van die rokke wat sy vir rooi rose se voorbladfotosessie aangehad het.)

Erik het vir haar ’n vlug bespreek om vir hom op sy ouers se plaas naby die Hartbeespoortdam te kom kuier. Die vliegtuig het skaars grond gevat toe hy per SMS laat weet sy pa sal haar kom haal. Op pad huis toe het dié gesê hy wil gou vir Tinarie die nuwe paadjie gaan wys wat hulle teen die berg uit gemaak het. “Toe ons bo kom, staan daar ’n houthuisie met ’n uitsig oor die hele wêreld. Die deur was met ’n groot slot gesluit en toe kondig die oom aan dis nou waar hy my verlaat en gee vir my ’n sleutel vir die slot.

“En daar staan ek en drink die mooi uitsig in. Voor die huisie was ’n opgestopte speelgoedhond, speelgoedvarkies, ’n kampie en ’n straatnaambord wat sê dis die hoek van Van Riebeeck- en Voortrekkerstraat, die straathoek waar ons die eerste keer ons liefde aan mekaar erken het.”

Toe hoor sy ’n diep stem uit die huisie na haar roep. “Ek het die slot met bewende hande oopgesluit, en daar sit my stralende lief binne-in die mooiste liefdespondokkie met ’n fluweelboksie in sy hande, en vra my om met hom te trou! Dit was die mooiste, spesiaalste oomblik.”

En haar reaksie? “Ek het dadelik begin giggel en lag! En natuurlik dadelik ‘ja’ gesê!”

Erik het op sy eie oor die ontwerp van die ring besluit en sy neef het dit gemaak.

Kyk hier na die agter die skerms-video tydens ons voorbladfotosessie met Tinarie en Erik:

Ons verklap ook ’n paar foto’s wat nie in die tydskrif gebruik is nie:

The post Agter die skerms met Tinarie Van Wyk Loots & Erik Holm appeared first on rooi rose.