9 Maniere om plastiekvry te lewe deur: Cornel Dunn en Elandrè Swart. JK21/istock images

Gebruik herbruikbare winkelsakke

Kies iets soos ’n opvou-koelsak, dit werk perfek om produkte in te vervoer en koud te hou tot jy by die huis kom.

Lees ook: Herwin tuis

Bring jou eie water:

Moenie water in plastiekbottels koop nie. Sit ’n filtrasiestelsel op jou krane by die huis en koop ’n glas- of metaalbottel waarin jy dit vervoer.

Lees ook: 10 stappe nader aan ’n zero waste-lewenstyl

Bring jou eie koffiehouer

Ecoffee Cup is ’n nuwe generasie van hernubare wegneem-koffiehouers. Die houers word gemaak van die wêreld se vinnigste groeiende plant: bamboes. Die Ecoffee cup is BPA- en ftalaat-vry.

Lees ook: Maak koffie soos ’n barista

Sê nee vir plastiekstrooitjies

Koop ’n vlekvryestaalstrooitjie pleks van plastiekstrooitjies. Hierdie strooitjie kan maklik in jou handsak pas, en het ʼn skoonmaakborsel.

Lees ook: Organiese materiale in jou huis

Koop jou brood by ’n bakkery

Koop vars brood by ’n bakkery wat papiersakke gebruik. Hierdie brood het boonop minder preserveermiddels in.

Lees ook: Basiese brooddeeg

Vermy vloeibare seep in plastiekhouers

Belê in ’n glasseephouer en koop net die hervulsakkies. Jy kan ook koekies seep koop met minimale papierverpakking.

Lees ook: ’n Klottervrye huis

Vermy kleefplastiek

Draai eerder jou toebroodjies in waspapier of papier met ’n byewaslagie toe.

Lees ook: Jy kan glas herwin

Piekniektyd

Vervang plastiekeetgerei deur hout of bamboes. Kies ’n glashouer met ’n deksel vir verpakking.

Lees ook: Somertyd is piekniektyd

Higiëne

Daar is verskeie bamboestandeborsels op die mark, asook tandepasta wat in ’n glasflessie verpak word.

Lees ook: Herwin gebreekte grimering só

Verksaffers:

Faithful to Nature |faithfultonature.co.za

Yuppiechef |yuppiechef.com

Woolworths |woolworths.co.za

Takealot |takealot.com

The post 9 Maniere om plastiekvry te lewe appeared first on rooi rose.