Gebakte vis in geurige tamatiesous

Genoeg vir 6.

Metode

1. Braai 1 fyn gekapte ui in 30 ml (2 e) botter tot goudbruin. Gooi 30 ml (2 e) gekapte knoffel by en braai vir nog 3 min.
2. Voeg 125 ml (½ k) rooisoetrissiepesto, 20 ontpitte groen olywe, 2 ansjovisfilette, 30 ml (2 e) gerasperde suurlemoenskil, 5 ml (1 t) paprika, 12 slaaitamaties, geskil en gekap, by en prut vir 15 min. oor lae hitte.
3. Geur 6 x 200 g-porsies witvis met sout, gemaalde swartpeper en 20 ml avokado-olie. Hou eenkant.
4. Pak die vis in ’n oondvaste bak en gooi die sous oor. Bak vir 40 min. by 200 °C.
5. Haal uit die oond en laat rus vir 15 min. Sprinkel ’n hand vol vars pietersielie oor en sit met koeskoes voor.

The post Gebakte vis in geurige tamatiesous appeared first on rooi rose.