Hoe sou jy Mince Jou Hare beskryf?

Vertel ons meer oor jou karakter.

Frieda, Frieda, Frieda… Dis maklik om by haar aanklank te vind. Sy werk hard, sy is eerlik en lojaal en ’n vrou wat haar bes probeer om haar eie besigheid te begin terwyl sy ook ’n huishouding bestuur.

KYK: Mince Jou Hare se lokprent

The post Melissa de Vries oor hoe ‘Arendsvlei’ en ‘Mince Jou Hare’ alles verander het appeared first on rooi rose.

Marissa Claasen vertolk die rol van Anna, wat al die pad uit Amsterdam vir Lee-Roy (Roberto Kyle) kom kuier het. Maar sy het nie alleen besoek kom aflê nie. Sy is hoogswanger met Lee-Roy se kind.

Volgens Tarryn Josephs, publisiteitsbestuurder van Arendsvlei, was Lee-Roy ’n spermskenker vir Anna gedurende sy tyd in Amsterdam.

“Lee-Roy het sy vriendin gehelp, maar nooit het hy gedink sy sal in die Vlei opdaag nie. Hy het eindelik weer liefde by Devon (Braeden Buys) gevind ná sy egskeiding. So, dié storielyn gaan vir baie karakters op ’n emosionele reis neem. 

Anna het nie vir haar man, Erik, vertel dat hy nie hulle kind se biologiese pa is nie. En toe hy die hospitaaldokumente vind, los hy haar netso. Sy het daarna bedank by haar werk en besluit om vir Lee-Roy te kom kuier, want sy het niemand anders nie. Haar ouers is oorlede toe sy nog baie jonk is.

Lees ook: Vyf-vinnige-vrae met Binnelanders-nuweling, Deoudoné van der Merwe

Marissa sê Anna is ’n komplekse karakter en haar situasie met betrekking tot haar swangerskap is ewe gekompliseerd.

“Die feit dat haar lewe in ’n oogwink verander het en sy Arendsvlei besoek om hulp, kan manipulerend voorkom. Maar dan besef ’n mens sy is eintlik net bang, onseker en op soek na ondersteuning. Sy is ’n sagte vrou wat altyd opofferinge maak vir ander se geluk, maar dié keer is sy desperaat,” sê Marissa. 

“Anna se storielyn raak met die verloop van tyd al hoe meer gekompliseerd en intens en vele ander karakters en verhoudings word daardeur beïnvloed. Kykers kan uitsien na onvoorspelbare intriges, moeilike keuses, bande wat gebou en gebreek word, lag en trane.”

Lees ook: Ivan en Donnalee stel nuwe kykNET-reeks bekend

Arendsvlei is Maandae tot Donderdae op kykNET&kie (DStv-kanaal 145) om 19:30. Die episodes is ook beskikbaar op DStv Catch Up en DStv Stream.

Lees ook: Vyf-vinnige-vrae met Nicole en Hennie Bosman oor ‘Wanderlus’ se jongste seisoen

Lees ook: Die twee kante van Luan Jacobs in ‘Diepe waters’

The post Nuwe karakter tref Arendsvlei soos ’n bom appeared first on rooi rose.

Langes (Bobby Stuurman) het al lank sy mes in vir Bompie (Jarrid Geduld), en alhoewel hy ’n ruk gelede besluit het om vir Bompie te ignoreer, het nuwe inligting hom laat rooi sien. Eva (Devonecia Swartz) het tydens Langes se tronkbesoek laat val dat Bompie haar gemanipuleer het om haarself aan die polisie oor te gee.

Dit was vir Langes die laaste strooi. Bompie se talle dreigemente, Janice se ongeluk en nou sy eie suster wat in die tronk sit, het Langes laat besluit tot hiertoe en nie verder nie.

Langes se familie en vriende het hom probeer keer, maar hy het hulle soos ’n stopstraat geïgnoreer en Arendsvlei platgery op soek na Bompie. Maar toe hy uiteindelik vir Bompie by die Mortlocks kry, het hy nooit gedink sy lewe sal so drasties verander nie. ’n Skietgeveg het tussen dié twee uitgebreek. Ayesha (Megan Saayman) het op die verkeerde tyd ingestap en is deur Langes doodgeskiet.

Ayesha se janazah (begrafnis) is op dieselfde dag gehou in die teenwoordigheid van haar familie en vriende.

“Dit was vir my ’n groot eer om deel te kon wees van die Foster-familie. Ek het so baie van Jody Abrahams en Crystal Donna Roberts geleer. Ek oordink baie dinge, maar met Jody in die omtes het jy nie tyd om te veel dink nie – jy laat gaan net en leef in die oomblik,” sê Megan oor haar tyd by Arendsvlei.

Vir Megan sal die tye tussen verfilming die grootste gemis wees. “Tussendeur tonele skiet, was die lekkerste tye van Arendsvlei. Almal sit bymekaar en vertel stories net om tyd verby te laat gaan. Mens sal die snaaksste stories hoor, maar ek is nie iemand wat baie praat nie. So, ek het geluister en baie geleer,” vertel sy.

Nie net moet die verpletterde Langes nou rou nie, maar hy moet ook versigtig wees dat niemand uitvind wie vir Ayesha geskiet het nie. Sal Bompie sy geheim bewaar?

Skakel elke Maandag tot Donderdag om 19:30 op kykNET&kie (DStv-kanaal 145) in om te sien wat die pad vorentoe vir Langes inhou. Arendsvlei is op beide DStv Catch Up en DStv Stream beskikbaar.

Lees ook: Vyf-vinnige-vrae met Joshua na die Reën & Karlien van Jaarsveld oor hul nuwe liedjie

The post Arendsvlei-kykers bedroef ná geliefde karakter sterf appeared first on rooi rose.

Tussen Beatrice se omstrede liefdeslewe, Hoërskool Arendsvlei se struikelblokke en Wendy Newman en die Galants se streke is daar altyd iets wat die storie vars en onvoorspelbaar hou.

Die eerste episode van Arendsvlei is op 1 Oktober 2018 uitgesaai. Dit was kykNET se eerste Afrikaanse telenovela, en die reeks het oor ses seisoene al drie SAFTA-toekennings ingeryg.

Teen die agtergrond van die fiktiewe Hoërskool Arendsvlei, wat deur die Cupido-familie bestuur word, is die reeks vol drama met onderwysers en leerlinge wat kwessies konfronteer soos depressie, verslawing, moord, wraak en tienerswangerskap.

Jolene Martin, wat die rol van Beatrice Cupido vertolk, sê daar was al baie professionele en persoonlike hoogtepunte oor die afgelope ses jaar, maar om 1000 episodes te bereik, is ’n mylpaal en ’n reusagtige prestasie. 

“Om deel te wees van ’n program wat so ’n onbetwisbare merk op die vermaaklikheidsbedryf gelaat het, is onbeskryflik. Ons kykers is nie bloot aanhangers nie, hulle is ’n stappie hoër. Hulle het saam met ons gelag en gehuil en vir dit sal ek ewig dankbaar wees,” vertel Jolene.

Tarryn Josephs, publisiteitsbestuurder van Arendsvlei, sê om ’n 1000 episodes te bereik is nie net ’n hoogtepunt nie, maar ook ’n groot voorreg.

“Ons is bevoorreg om met soveel talentvolle mense te werk wat elke dag alles gee om seker te maak dat ons die beste produk skep. Ons probeer om altyd stories te vertel waarmee ons kykers hulself kan vereenselwig, en hulle terugvoer en meelewing is ongelooflik,” sê Tarryn.

Net ’n paar dae gelede het kykers weer die skok van hul lewe gekry toe Kyle Borman (Dries Botha), die polisiekaptein en Beatrice se eksverloofde, die nuus aan Beatrice breek dat Clint Smith (Clayton Evertson) tydens ’n werksopdrag oorlede is. 

Clint het kort ná hy en Beatrice mekaar weer gevind het onverwags ’n dringende werksopdrag gekry, en hy het gewik en weeg of hy moet bly of gaan. Beatrice het hom uiteindelik aangemoedig om net dié laaste keer nog die opdrag uit te voer, maar hy sou nooit weer huis toe kom nie.

Clayton Evertson het met ’n swaar maar warm hart van sy Arendsvlei-familie afskeid geneem. “Ek gaan rêrig ons geselsies tussen tonele mis. As die kamera gerol het, was almal professioneel en ernstig, maar sodra daai toneel klaar is, het ons so lekker saam gelag. Ons het ernstige gesprekke gehad, maar sjoe, ons was meestal net laf,” vertel ’n dankbare Clayton.

“Arendsvlei-kykers moet styf aan hul stoele vashou! Daar kom nog baie lekker storielyne wat hulle regop sal laat sit,” sê Tarryn.

Skakel elke Maandag tot Donderdag op kykNET&kie (DStv-kanaal 145) in om die doen en lates van die Arendsvleiers dop te hou. Dié telenovela is op beide DStv Catch Up en DStv Stream beskikbaar. 

Lees ook: Brawe bekendes oorwin vrese in VIA TV se ‘Die Uitdaging’

The post ‘Arendsvlei’ vier 1000 episodes op ’n dramatiese noot appeared first on rooi rose.