Deur: Corné Greeff. Hooffoto Freepik

Bourjois se Delice de Poudre Bronzing Powder (R179,95) gee jou wange daardie natuurlike, gesonde glans. Dit ruik en lyk presies soos sjokolade so as jy ’n sjokolus is, kan jy dit gerus aanskaf.

Na die eerste keer dat jy die Vaseline Intensive Care Cocoa Glow in Lotion (R22,99 vir 200 ml en R35,99 vir 400 ml) aangewend het, sal jou vel dadelik meer bevogtig en sag voel. Die room trek vinnig in jou vel sodat dit jou vel deeglik bevogtig. Dit het ook ’n heerlike kakao-geur. Die kakaobotter wat uit die vet rondom die sjokoladebone ontgin word, is al ’n geruime tyd ’n gewilde bestanddeel in lyfrome. Dit is perfek vir wanneer jy ontslae wil raak van littekens en ’n droë vel.

As jy met droë lippe sukkel, is die Palmer’s Cocoa Butter Dark Chocolate & Cherry Ultra-Moisturizing Lip Balm (R26,95 beskikbaar by Dis-Chem) jou antwoord. Dit word gemaak van ’n spesiale kombinasie van Palmer’s se suiwer kakaobotter en vitamien E-formules. Dit bied ulta-bevogtiging vir jou lippe wat jou lippe glad, sag en glansend laat met ’n lekker aroma van donkersjokolade en kersies. Jy kan dit ook aanwend om te voorkom dat jou lippe droog word.

As jy op soek is na ’n sjokolade-kleur vir jou lippe, kan jy gerus die Essence Butter Stick Glossy Love In 05 Melted Chocolate (R54,95 beskikbaar by Dis-Chem en aanlyn by takealot.com) probeer. Die sagte tekstuur wat kakaobotter bevat, skep ’n blink/nat voorkoms aan die lippe. Kakaobotter is ’n natuurlike preserveermiddel wat nie net lekker ruik nie, maar ook ’n helende effek op jou lippe sal hê.

Die Esse Skincare Cocoa Exfoliator (R315) kan weekliks by jou skoonheidsroutine ingewerk word. Hierdie afskilferaar se sjokolade-aroma help om dooie velletjies te verwyder en die vel weer sag te laat voel. Kakao bevat baie natuurlike antioksidante en is doeltreffend teen fyn lyntjies. Dit verbrand ook vet en die aroma van sjokolade aktiveer ook positiewe emosies in jou brein wat jou gelukkig laat voel.

Hierdie gesigmasker ruik so lekker, jy sal dit amper wil eet! Die Lush Cupcake Fresh Face Mask (R160 beskikbaar by Lush-winkels) sal na 15 minute jou vel lekker skoon en sag laat voel. Dit bevat Rhassoul-modder, wat hoogs absorberend is, en dit werk goed saam met die kakaopoeier in die masker sodat dit jou vel deeglik skoonmaak en al die vuil wat deur besoedeling veroorsaak word, verweider. Die kakaobotter help om die vel te bevogtig en sagkuns te laat.

The post 6 moet-hê skoonheidsprodukte vir sjokoladeliefhebbers appeared first on rooi rose.

Deur: Corné Greeff. Hooffoto: Pexels

Na ’n lang dag by die werk is dit soms lekker om met ’n glasie wyn te ontspan. Maar het jy geweet die antioksidante in druiwe is ook goed vir jou hare? As jou hare vaal, droog, gebreek of sonder glans is, is dit dalk tyd om jou hare met ’n glasie wyn te bederf.

Let wel: dit beteken nie jy hoef jou duur wyn op jou hare uit te gooi nie, daar is produkte wat geen alkohol bevat nie en wat nie jou hare sal uitdroog of beskadig nie. Die hoofbestanddeel wat gebruik word is druiwesaadolie.

Die voordele van druiwesaadolie vir jou hare

1. Bevorder haargroei: Druiwesaadolie bevat noodsaaklike voedingstowwe soos vitamien E, proteïene, minerale en linoleïensuur wat jou kopvel en hare voed en help om dit vinniger te laat groei.

2. Bevogtig jou hare: Druiwesaadolie is lig en word vinnig gepenetreer, daarom bevogtig dit jou hare en laat dit blink, sonder om dit olierig te laat voel.

3. Natuurlike verfrisser: Dit verbeter die voorkoms van jou hare deur jou hare te voed.

4. Dit is ryk in antioksidante.
5. Dit kan selfs op sensitiewe kopvelle gebruik word.
6. Dit versterk die hare van die wortels af en verlos dit van gereelde haarprobleme.

Probeer hierdie produkte

Hask

Hask se White Wine-reeks is ideaal om die glans in jou hare terug te kry en dit kan op enige haartipe gebruik word. Dit het ook ’n lieflike suurlemoen-, peer-, appel- en spanspek-reuk. Witwyn bevat goeie antioksidante wat jou hare bevogtig, verhoed dat dit uitdroog en die natuurlike glans daarvan teruggee. Hask het ook ’n Red Wine Collection wat jou hare sal herstel, bevogtig en versterk en ’n Rosé Collection wat jou hare sal bevogtig, hidreer en beskerm.

Hask Wine 10-leave-In-Spray (R169,95)

Hask Pinot Grigio Deep Conditioner (R69,95)

Hask Sauvignon Blanc Deep Conditioner (R69,95)

TheraVine

Die TheraVine Sauvignon Blanc Shampoo (R172) is ’n verfrissende, aromatiese sjampoe hoog in antioksidante wat jou hare sal reinig en beskerm teen daaglikse omgewingsfaktore wat dit vuil maak. Dit verwyder ook die produkte wat teen die wortels op jou kopvel aanpak.

Die TheraVine Chardonnay Conditioner (R186) is ’n romerige kruiebehandeling wat jou hare bevogtig en help om koeke te verwyder. Dit voed ook jou hare en laat dit lekker sag voel.

Verbruikersgids:

Hask is beskikbaar by Clicks-winkels landwyd.
TheraVine: Klik hier

The post Wynpartytjie vir jou hare appeared first on rooi rose.

Deur Suzanne Kotzé en Corné Greeff. Hooffoto Pexels

Onder R100

Vaseline Dry Skin Repair Lotion 

Hierdie lieflike room is van klein druppels Vaseline Jellie gemaak wat droë vel binne net drie weke weer sag en vogtig laat voel.
Vaseline Dry Skin Repair Lotion: R29,99 vir 200 ml en R49,99 vir 400 ml.

Onder R150

L’Oreal Pure Clay Blemish Resque

Die voordele van klei is reeds in antieke Egipte ondek en is steeds ’n gewilde bestanddeel in veral maskers. Die L’Oreal Pure Clay Resque masker bevat drie soorte klei en see-alge wat swartkoppies voorkom en help om puisies op te klaar.
L’Oreal Pure Clay Blemish Resque (R149,95).

Neutrogena Visibly Clear In-Shower Mask 

Die Neutrogena Visibly Clear Pore & Shine In-Shower Mask werk binne net sestig sekondes saam met die stoom in jou stort om die oortollige olie op jou gesig te absorbeer, jou vel behoorlik te reinig en ’n mat voorkoms te skep. Die masker het ook ’n lekker vars sitrusgeur.
Neutrogena Visibly Clear in Shower Mask (R109,95).

Onder R200

Aveeno Dermexa Emollient Body Wash

Ons is verheug dat die Amerikaanse Aveeno-reeks nou ook in Suid-Afrika beskikbaar is. Al die produkte bevat hawermout as bestanddeel wat die vel streel en heel, én dit is goed vir droë en sensitiewe veltipes. Hul babareeks is ook baie gewild. Die Aveeno Dermexa Emollient Body Wash is een van ons gunstelinge, dit reinig die vel en laat dit sag voel.
Aveeno Dermexa Emollient Body Wash (R169,95).

The post Velsorgprodukte onder R200 appeared first on rooi rose.

Deur Suzanne Kotzé. Hooffoto Pexels

MAC Cosmetics

MAC Ladies Viva Glam (R240)

100% van MAC Viva Glam Lipsticks en Lip-gloss gaan aan die MAC Aids Fund. Hierdie fonds ondersteun organisasies wat met die gevolge van MIV/vigs werk. In Gautengs gaan fondse vir Mount Olive Orange Babies en in Kaapstad vir Yabonga. Beide hierdie nie-regeringsorganisasies ondersteun ma’s en babas wat met met HIV/vigs gediagnoseer is van mediese sorg, skuilings en die bou van weeshuise.

Dermalogica

Vir elke Dermalogica Daily Microfoliant (R1 020) of Dermalogica Precleanser (R630) wat verkoop word, word R10 aan FITE (Financial Independence Through Entrepreneurship) geskenk. FITE help vroulike entrepeneurs met toegang tot lenings, bied verdere opvoeding vir jong meisies (ses meisies het reeds in Suid-Africa grade behaal danksy FITE) en help vroue om ’n impak op hul gemeenskappe te maak deur vroulike entrepeneurs op beginvlak te ondersteun. In die VSA het meer as 40 000 vroue reeds lening gekry om hul besighede op die been te bring asook meer as 65 vroue in ander lande.

pHFormula

PH Formula Point Age Reverse (R1 394)

Een euro van elke pHformula Point (R1 180) gaan wêreldwyd aan elke land se MNS-assossiasie.

PhFormula se stigter en uitvoerende direkteur, Petru van Zyl, se pa is in November 2015 oorlede ná ’n stryd met motorneuronsiekte. Petru het gehelp om haar pa te versorg en dit het haar lewe verander. Sy het daarom die POINT-produkte aan haar pa gewei om bewusmaking en ondersteuning van die siekte te bied.

Kalahari SPA

’n Persentasie van elke Kalahari-produk gaan aan liefdadigheid. Stigter Carina Franck is passievol daaroor om terug te gee aan die mense van Afrika deur werkskepping en sosiale opheffing. Van werkskepping met Kalahari se Bead Project, tot opvoeding, ’n voedingskema en mediese uitreiking – die mense van die Kalahari lê haar na aan die hart, juis omdat sy daar grootgeword het. Kalahari-leerbandjie (R114) ondersteun Kalahari Spa se kos en opvoedingsprojekte.

Labello

Smile Lipbalm (R34,99)

In Junie 2017 het Labello ’n dubbel pak getiteld “Share you Beautiful Smile” ontwikkel. Verbruikers is aangemoedig om die pak van twee te koop en een daarvan vir ’n vriend te gee. R2 van elke pak wat verkoop is en ’n verdere R1 vir ’n foto wat op sosiale media gedeel is, is aan die Smile Foundation geskenk. Die NRO Smile Foundation werk saam met akademiese hospitale om operasies asook sielkundige en mediese ondersteuning aan kinders uit agtergeblewe gemeenskappe met gesig-abnormailiteite te bied. Danksy Labello se skenking van R250 000 het 13 kinders tot dusver operasies en sorg ontvang.

Lush

Lush se Charity Pot (R245) is reeds 10 jaar aan die gang en het al meer as 20 miljoen pond aan liefdadigheids- of “grass roots”-organisasies geskenk. Die volle bedrag van die produk word aan die verskeie organisasies geskenk, van organisasies wat diereregte beskerm tot menseregte en omgewingsbeskerming. Lush ondersteun dikwels kleiner organisasies met kwessies wat ooreenstem met hul waardes en het altesaam reeds tot R200 000 per jaar aan Suid-Afrikaanse organisasies geskenk. Kyk by Lush se webblad vir ’n lys van organisasies wat hulle ondersteun.

Oh-Lief

’n Persentasie van alle Oh-Lief-produkte word daaraan gewei om bome in Platbos te plant. Hul missie is om ’n woud ter nagedagtenis agter te laat en het reeds byna 500 bome geplant. As jy die Baby Box (R230) koop, kry jy ’n boom-sertifikaat wat die GPS-koördinate aandui van die bome wat geplant word.

B.O.N Natural Oils

B.O.N het ’n #hopeforevery1-veldtog waar R1 van elke 200 ml Liquid Gold Tissue Oil (R139,95) aan The Sunflower Fund geskenk word. The Sunflower Fund help met die befondsing en bewusmaking van stamselskenking wat nodig is vir oorplantings om mense met bloedsiektes soos leukemia se lewens te red.

B.O.N is verder organies, veganisties en word deur PETA en Beauty without Cruelty ondersteun.

The post Koop reg en gee terug appeared first on rooi rose.

Ek dra my hare al vir jare lank in ’n bob, maar so elke nou en dan raak ek verveeld met die styl. Hierdie is ’n maklike styl wat jou sommer dadelik meer glansryk laat voel én lyk (selfs met vuil hare!) Deur Suzanne Kotzé. Video deur Iain Rennie

Die inspirasie

The post Teruggekamde bob: doen dit so appeared first on rooi rose.

Wat behels dit?

In elke 12 Week Challenge-pak ontvang jy ’n reeks Nimue-produkte wat op grond van jou velkwessies gekies word. Jou vel word eers ontleed om vas te stel wat jou ware velkwessies is – ek was verbaas om agter te kom dat dit nie noodwendig is wat mens verwag nie! Die kersie op die koek is ’n bewys vir vier professionele gesigbehandelings wat jy in dié tydperk moet laat doen. Ek was gelukkig genoeg om myne by die luukse The Renaissance Spa in die Michelangelo Towers in Sandton te kon doen.

Die program

Omdat ek in daardie stadium kortisoon gedrink het, het hulle besluit om my op die Nimue Interactive Skin-reeks te sit. Hoewel ek glad nie ’n sensitiewe vel het nie, het hulle gesê dit sal help om my vel sterker te maak om die aanslae van die medikasie teë te werk. Die produkte wat ek gekry het uit die Interactive-reeks was: Cleansing Gel Lite (reiniger), Conditioner Lite (opknapper), Moisture Light (nagroom), Moisture Day (dagroom), TDS Interactive (serum) en Nimue SPF 40 (sonskerm).

In die eerste twee maande het ek drie Nimue Therapeutic-gesigsbehandelings onder die bekwame hande van Glenda Molefe van The Renaissance Spa gehad. Die derde maand is met die Nimue Rejuvenating-behandeling afgesluit.

Die Therapeutic-behandelings word eers gedoen om die vel voor te berei op die Nimue-produkte, wat heelwat aktiewe bestanddele bevat. Die eerste twee maande word gesien as die eerste fase voor jy meer intensiewe behandeling kry en meer aktiewe produkte bygevoeg word. Die finale behandeling, die Nimue Rejuvenating Facial, is ’n gevorderde behandeling wat ’n bio-aktiewe produk insluit, wat ’n ligte afskilfering gee en die TDS-serum in staat stel om die vel dieper binne te dring. Wanneer hierdie fase bereik word, kan jy hierdie behandeling gereeld laat doen, of selfs aanbeweeg na Glycolic Peels, afhangende van jou vel se reaksie.

Die resultate

Glenda sê: “Toe ek en Hannelie met die velsorgprogram begin het, was haar vel gedehidreer, vaal en sonder glans. Daar was ook tekens van inflammasie wat die vel plek-plek effens rooi laat lyk het. Soos wat ons met die behandelinge begin het, het haar vel al hoe meer verfris en vernuwe begin lyk. Die inflammasie het verdwyn en haar vel het ’n gesonde glans gehad. Ek is baie opgewonde oor die resultate wat ons gekry het.”

Hannelie sê: “My vel lyk beslis helderder en voel gladder, en selfs die pigmentasie lyk effens ligter. Ek sou nie so ver gaan om heeltemal sonder onderlaag klaar te kom nie, hoewel ek minder as voorheen gebruik.”

Klik hier om meer uit te vind oor die Nimue 12 Week Challenge en die The Renaissance Spa

The post Ons doen die Nimue 12 weke-uitdaging appeared first on rooi rose.

Carolina Herrera-parfuum

Carolina Herrera het ’n manier om moderne elegansie raak te vat. Hierdie eksklusiewe uitgawe vang die sjarme vas en verhoog die merkwaardige aandag aan die detail van die Carolina Hererra-modehuis, met inagneming van die ware kennis van die handelsmerk se geur. “Beide die reuk en die bottel druk die sensuele, vroulike krag en kompleksiteit van vroulikheid uit.” Carolina Herrera de Baez

Carolina Herrera Good Girl Collector’s Edition Good Girl Glitter (R1 785 vir 80 ml, beskikbaar by Edgars, Red Square, Foschini, Truworths & Woolworths)

CHANEL-lyfjel

Hierdie jel is deel van die bekende Chanel N°5 parfuumreeks. Dié produk sal jou vel ’n gesonde goue glans gee en bevat die subtiele roos-en-jasmyn-note van die ikoniese geur. Jy kan dit gebruik aan jou polse en halslyn.

CHANEL N°5 Fragments D’OR Gold Fragments-lyfjel (R1 530, beperkte uitgawe)

Lush in jou badwater

Plaas hierdie ster in warm water en kyk hoe dit oor die oppervlak begin dans. Die silwer sterretjie sal jou vel sag laat voel en bevogtig terwyl jy in die luukse laventelkleurige water onstpan na die woelige jaar.

Lush Star Light Star Bright Bath Melt (R59,90)

Yardley-lipstiffie

Die nuwe Yardley Liquid Stayfast Liquid Matte Vinyl Metallic is beskikbaar in 4 nuwe glansagtige metaalskakerings. Dit bevogtig jou lippe terwyl dit ook ’n mooi glans aan jou lippe gee – die perfekte voorkoms vir die feestyd se feesvieringe.

Yardley Liquid Stayfast Liquid Matte Vinyl Metallic Lipstick (R119,95)

Dior-ooggrimering

Hierdie oogskadupalette van Dior is deel van hul Noël 2017-vakansiereeks. Die Ruby-palet bevat pragtige rooi, bruin, ivoor en goud om jou oë ekstra te laat skitter.

Dior 5 Couleurs Precious Rocks in Ruby (R995)

Cape Island-kerse

Hierdie kerse lyk nie net mooi nie, dit ruik ook fantasties! Dit vorm deel van Cape Island se Constantia Heights-reeks en is beskikbaar in 250 ml asook 500 ml-kerse. Die reeks herdenk die natuurlike skoonheid van die Kaapse Wynlande.

Constantia Heights Candle (R290 vir 250 ml en R490 vir 500 ml en die 3 x100ml votive stel vir R390)

ghd

As jy baie reis, is hierdie beslis ’n moet-hê item. Die kompakte haardroër is baie lig, bevat ’n 1200w motor en dit vat nie baie spasie op in jou tas nie, want dit kan opvou! Dit is sonder twyfel op my wenslysie hierdie Kersfees.

ghd flight nocturne travel hairdryer (R1 299)

The post Laaste minuut geskenk-idees vir Kersfees appeared first on rooi rose.

Vir party mense beteken ’n droë vel nimmereindigende ongemak en seer, gebarste hande en voete, droë lippe en chroniese veltoestande wat vererger word deur veranderinge in weerstoestande.³

Hoe hou jy jou vel regdeur die jaar gesond en bestand teen weerstoestande? Wat is die geheim om jou vel die mediese aandag te gee wat dit benodig? Die antwoord tot langdurige effek kom in beide 30 g en 100 g-buisgroottes.² Adcock Ingram se spesiaal geformuleerde SBR Repair en SBR Lipocream is Suid-Afrika se bes bewaarde geheime, wat binnekort “moet-hê” items in elke huis sal wees om die effekte van sensitiewe en droë veltoestande teen te werk.^1,2

Wat is droë vel en hoe word dit veroorsaak?

Droë vel is ’n ongemaklike veltoestand wat gekenmerk word deur ’n skubberige voorkoms, jeuk en gebarste vel wat kan lei tot meer ernstige veltoestande. Ernstige droë veltoestande sluit ekseem en psoriase in.³ Droë vel ontstaan wanneer ons liggame nie in staat is om genoeg natuurlike olies, bekend as lipiede wat die hidro-lipiedskanssisteem vorm, te produseer nie. Daar is ook verskeie eksterne faktore wat bydra tot ’n droë vel, insluitend enige iets van droë weerstoestande, hitte, sterk, irriterende sepe en skoonmaakmiddels tot warm storte en lugversorging.^1,2,3 By mense wat ’n belemmerde hidro-lipiedskanssisteem het, sal hierdie eksterne faktore die toestand verder vererger.¹ Behalwe dat droë vel en veral chroniese droë vel erge ongemak kan veroorsaak, kan dit ook langdurige sielkundige uitwerkings hê as die probleem nie opklaar nie.⁴

Wat is ’n versagtingsmiddel en hoe help dit?

Versagtingsmiddels is mediese bevogtigingsmiddels wat gebruik word om ekseem te behandel. Dit verskil van kosmetiese bevogtigingsmiddels omdat dit nie parfuum of enige teen-veroudering-byvoegings bevat nie. Versagtingsmiddels word al vir meer as 5 000 jaar gebruik en dit is noodsaaklik vir enige terapie van droë veltoestande, insluitend atopiese- en kontakekseem.

Versagtingsmiddels streel en verlig die jeuk en vorm ’n olierige lagie op die veloppervlak wat water daaronder vasvang. Die vernuwing van die vel se beskermende funksie as gevolg hiervan voorkom die penetrasie van irriterende stowwe, allergene en bakterieë en vermy of verminder sodoende die ontwikkeling van ekseem en infeksie. Versagtingsmiddels is veilig en doeltreffend – ’n goeie velsorgroetine wat versagtingsmiddels insluit kan die vel streel, bevog en beskerm en só help om die hoeveelheid ekseemareas te verminder.^7a

SBR Lipocream word gebruik om droë vel te behandel deurdat dit die vel se beskermende funksie versterk en herstel deur twee fisiologiese vellipiede, vry vetsure en cholesterol, te vervang. Dit laat ook ’n sekere hoeveelheid water toe om die vel te verlaat en behou sodoende die regte balans. Hierdie room is ideaal vir chroniese veltoestande soos ekseem en moet drie tot vier keer per dag aangewend word.^1,8

Die spesiale formulasie van SBR Repair beteken dat dit betrokke is by al drie fases om die vel se beskermende laag te bevogtig en te vernuwe. Dit help om die vel se herstelproses te bespoedig deur sy aktiwiteit in fase drie. Dit is moontlik as gevolg van die teenwoordigheid van spesiale deeltjies wat ’n beskermende laag lipiede, identies aan dié van die vel, dieper in die vel indra om die herstelfunksie van dié lipiede op die beskermende laag langer te laat hou. Die room word eenmaal in die aand aangewend, of meer gereeld indien nodig.^2,8

Verwysingslys

1. SBR-Lipocream package leaflet. October 2016
2. SBR® Repair package leaflet. February 2006
3. Mayo Clinic. Dry skin. [online] 2016 October. [cited 2017 May]; Available from URL: http://www.mayoclinic.org/diseases-conditions/dry-skin/symptoms-causes/dxc-20248892?p=1
4. Preidt R. Eczema’s Effects More Than Skin Deep. WebMD [online] July 2016 [cited 2017 July]; Available from URL: http://www.webmd.com/skin-problems-and-treatments/eczema/news/20160729/eczemas-effects-more-than-skin-deep
5. Alizadehfar R. Skin Barrier Repair in the Management of Atopic Dermatitis. [online] 2015 December. [cited 2017 May]; Available from URL: http://www.skintherapyletter.com/fp/2010/6.2/1.html
6. Man MQ, Feingold KR, Thornfeldt CR, et al. Optimization of Physiological Lipid Mixtures for Barrier Repair. Invest. Dermatol. 1996;106(5):1096-101.
7. National Eczema Society. Emollients. Fact Sheet [online] 2016 January. [cited 2017 May]; Available from URL: http://Awww.eczema.org/emollients
8. SBR® Patient Information Leaflet (SBRPat02/ 30 Jan 2014); May 2015. Astellas Pharma (Pty) Ltd.

1051115 10/2017

Adcock Ingram Healthcare. Reg. Nr. 1949/034385/06. Privaatsak X69, Bryanston, 2021, Suid-Afrika. Tel: +27 11 635 0000 | www.adcock.com

The post Verlig en beskerm chroniese droë vel appeared first on rooi rose.

As iemand jou komplimenteer oor die tipe onderlaag wat jy dra, kan jy maar weet jy het óf die verkeerde kleur óf te veel daarvan aan, want onderlaag is nie veronderstel om soos “mooi” onderlaag te lyk nie, maar eerder soos mooi, natuurlike vel. Ons het ’n hele klomp nuwe tipes onderlaag getoets, en hierdie is ons gunsteling:

Suzanne kies

Dior, Bobbi Brown, Lamer

Dior Forever Perfect Mousse (R740)

Hulle sê: Hierdie nuwe mousse hou lank, het ’n ekstra mat-afwerking en verskaf ’n ligte, nie poeierige dekking. Dit bevat ook ’n velsorg-“perfector” wat jou porieë kleiner laat vertoon. Dié onderlaag is ’n nie-olierige mousse wat heerlike sensasie op jou vel skep.

Ons sê: Gewoonlik verkies ek ’n glansende onderlaag, maar die tekstuur van hierdie onderlaag is so wonderlik dat ek dit graag dra. Dit is amper asof dit op jou vingerpunte reeds verdwyn en in jou vel wegsmelt. As jy nie van die gevoel van “onderlaag op jou gesig” hou nie, is hierdie beslis vir jou! Dit gee goeie dekking, sonder om swaar te lyk of te voel. Veerlig.

Bobbi Brown Intensive Skin Serum Foundation SPF40 (R840)

Hulle sê: Hierdie serum dek meer as net die oppervlak omdat dit ’n kragtige kombinasie van serumbestanddele bevat. Dit help om jou vel se sellulêre energievlakke te ondersteun en bied ook teenverouderingsvoordele vir ’n gladder, fermer vel. Die pigment is ultra-fyn om merkies te verdoesel, sonder om in fyn lyntjies te gaan sit. Die SPF40 help ook om skade aan jou voorkoms te voorkom.

Ons sê: Dit is goed om te weet die onderlaag help ook met velsorg, maar ek sal nie noodwendig my gewone serum hiermee vervang nie, veral nie aangesien die meeste van ons reeds gesigroom aanwend nie. Dit voel heerlik lig, en het nogal ’n loperige teksuur. Die drupper lyk en werk soos ’n serumbotteltjie s’n en ek drup so een tot twee druppels op die agterkant van my hand en wend dit dan met ’n kwassie aan. Dit is nogal loperig, so wees versigtig om jou hand nie te veel te beweeg nie. Dit gee mooi dekking en ek hou daarvan dat dit lig en natuurlik lyk. Dit bou ook goed op as ek meer grimering vir ’n aandfunksie wil aanwend, sonder dat dit soos ’n masker lyk of voel. Die drupper sit wel ’n paar ekstra sekondes by jou grimeertyd so ek hou hierdie vir naweke of spesiale geleenthede. Ek gebruik steeds ’n sonskerm omdat ek maar versigtig is vir die son, veral met my sproetjies.

La Mer The soft fluid long wear foundation (R1 700)

Hulle sê: ’n Gewiglose tekstuur wat luuks voel en lank aanbly. Die sagte kleur meng maklik en dit bied helende hidrasie danksy die Miracle Broth.

Ons sê: Die onderlaag voel lekker en gee ’n mooi glans. ’n Goeie wenk wat ek by La Mer se grimeerkunstenaar geleer het is om ’n druppel gesigolie (La Mer The Renewal Oil) by die onderlaag te meng vir ekstra glans. Dit bly ook lank aan. Ek gebruik min vir elke dag, omdat ek natuurlike dekking verkies, maar dit bou goed vir swaarder dekking. As ek meer aanwend, lyk dit steeds natuurlik en nie soos ’n masker nie.

Corné kies

Smashbox, NYX, MAC

Oor die algemeen hou ek daarvan om my onderlaag nou en dan af te wissel, maar dit hang gewoontlik af van my vel se kondisie. As my vel ’n bietjie droog is, gebruik ek ’n onderlaag wat my vel bevogtig. Wanneer ek meer dekking soek, gebruik ek weer ’n ander een. Hier is drie waarvan ek baie hou:

Die MAC Studio Fix Fluid SPF 15 (R460)

Hulle sê: Die onderlaag behoort 24 uur te hou. Dit bevat ’n mat-afwerking wat medium tot volle dekking gee, met ’n breë spektrum UVA/UVB SPF 15 / PA ++ beskerming. Dit is gerieflik, hou lank en help om die voorkoms van porieë en vlekke te verminder om die vel ’n gladder, meer foutlose afwerking te gee.

Ons sê: MAC Studio Fix Fluid Foundation kom in ’n silindriese glasverpakking met ’n afskroefdoppie, so dit is nogal moeilik om dit elke keer uit te gooi wanneer jy dit gebruik. Gelukkig kan jy ’n spuitstukkie koop wat dit makliker maak om die onderlaag uit te kry, sodat jy nie so baie mors nie. Dit is glad nie loperig nie, gee my vel goeie, natuurlike dekking en wend maklik aan. Jy hoef ook nie baie te gebruik nie. Op warm dae voel dit ook nie of my onderlaag “gaan smelt” nie en as ek dit soggens aanwend, hou dit heeldag. MAC het ook baie skakerings om van te kies so jy sal beslis ’n kleur kry wat by jou vel pas.

Smashbox 15h Hydrating foundation (R525)

Hulle sê: Dit is ’n olievrye, vloeibare onderlaag wat 15 ure se vleklose dekking gee en boonop die vel bevogtig. Dit is getoets om seker te maak dat jou vel op sy beste lyk onder enige lig.

Ons sê: Hierdie produk is ’n goeie kopie en ook een van my nuwe gunstelinge. Dit gee nie af nie, is water- en sweetbestand en lyk perfek teen die einde van die dag. Ek gebruik nie altyd dieselfde hoeveelheid nie, soms soek ek beter dekking en soms ’n meer natuurlike voorkoms. Dit gee jou vel ook ’n meer mat-tekstuur, maar dit neem baie mooi af. Jou vel sal perfek lyk op elke “selfie.”

NYX Total Control Drop Foundation (R220)

Hulle sê: Matige tot vol dekking is net ’n druppel weg met die nuwe Total Control Drop Foundation. Smeer hierdie fluweelagtige onderlaag aan en pas die hoeveelheid druppels aan tot die voorkoms wat jy wil skep. Wil jy meer dekking hê? Voeg meer druppels by! So maklik soos dit.

Ons sê: Dit is nogals loperig, maar wend maklik aan. Ek gebruik twee verskillende skakerings: ’n ligter een en ’n donkerder een waarmee ek my kontoering doen. Dit is beslis goeie waarde vir geld. Dit is baie lig en voel amper soos water wat jy op jou vel drup, maar die dekking wat dit gee is baie goed. My vel het ’n effense satyn/mat-voorkoms. Indien jou vel ’n bietjie droog is, kan jy dit altyd meng met jou bevogtiger en dan aanwend.

The post Ons toets onderlaag appeared first on rooi rose.