Celeste Barber: Instagram-ster en internasionale sensasie! – Deur Zoë Salzwedel. Hooffoto: Instagram: @celestebarber

Die gewilde sosiale media-platform, Instagram, het al soveel male aan ons bewys presies hoe wild en vreemd dit werklik kan wees… Híér kry jy iets van alles – van bekendes se vreemde portrette en modelle se waaghalsige fotosessies tot influencers se wilde video’s en interessante lewensraad.

En dis hoeka een van dié influencers wat ons aandag getrek het. Celeste Barber, ma van vier, skrywer, komediant en Instagram-ster, het die internet behoorlik aan die gons met haar snaakse #CelesteChallengeAccepted-reeks. Celeste het in 2015 dié reeks begin en het byna oornag ’n internasionale sensasie geword – en gebly.

Celeste plaas sy-aan-sy foto’s van haarself (en soms van haar man) langs die bisarre beelde van bekende persoonlikhede en modelle. Sy wys vir jou presies hoe vreemd bekendes dikwels kán wees! Háár weergawes van bekendes se foto’s is altyd ’n treffer, gevul met realisme en ’n goeie sin vir humor.

In ’n artikel met My Modern Met vertel Celeste dat sy die #CelesteChallengeAccepted begin het as ’n “pret eksperiment om te sien hoe dit sal lyk as ’n gemiddelde persoon haarself afneem terwyl sy rykmens-dinge doen”.

Dié konsep lewer egter skreeusnaakse resultate wat die absurditeit van die oorspronklike foto versterk. Niemand spring die #CelesteChallengeAccepted vry nie, en niks is vir Celeste buite perke nie. Kyk ’n mens na haar Instagram-profiel sien ’n mens gereeld bekendes soos Justin Bieber, Gigi Hadid, Kim Kardashian, Beyónce en Jennifer Lopez waarmee die spot gedryf word.

The post Celeste Barber: Instagram-ster en internasionale sensasie! appeared first on rooi rose.

Deur Ansu Visser. Foto’s: Edwin van der Walt. 

Waarheen gaan die jaar?

Ons is al in die middel van die herfs en dit beteken ons het nog net ’n paar warm en sonnige dae oor. Ons moet ons velle nou met soveel van die son voed deur soveel van ons velletjies te wys. Wees ’n bietjie waaghalsig, toe: los ’n ekstra ietsie by die huis en vat jou vel uit vir ’n sonstappie.

Wanneer die son ons bederf met ’n ekstra bietjie skyn, moet jy jou lyf bederf in ’n lekker somerrokkie. Die winter gaan immers nog lank raak.

Hierdie lieflike bederf van ’n somerrokkie het ek onlangs by ’n thrift-affêre in Johannesburg gekoop. Ek’t met ’n begroting gegaan, maar hierdie nommertjie het my gou laat vergeet van daardie een bedrag wat bestee mag word. Maar moenie bekommerd wees nie, two-minute noodles smaak lieflik in hierdie somerbederfie, ek belowe jou.

Ek het myself herhaaldelik herinner aan die volgende terwyl ’n klein stemmetjie my probeer oortuig het om die rok eerder neer te sit:

1. Ek kort meer somerrokkies en die hele somer lank sukkel ek al om iets soos dié te kry.
2. Die feit dat dit ’n thrift-find is, maak die rokkie iets wat ‘n mens nie elke dag sien nie.

En net so, met hierdie twee redes, word hierdie kopie ’n MOET.

’n Bietjie advies vir die Budget-Barbaras: Wanneer jy iets kry wat jy al gesien het (op Pinterest of aan iemand anders) maar nog nooit in ’n winkel kon kry nie, gryp jy daai pragtige stukkie geluk met albei hande aan as jy dit elders vind. Koop dit, maak nie saak wat jy moet eet om dit te bekostig nie. En jy worry nog minder oor watter seisoen dit is.

Die aarde draai, winter gaan kom en gaan en die somerson sal weer warm brand.

So spaar ietsie vir jou toekoms en koop die somerrokkie in die herfs. Jy gaan dit weer dra.

Hierdie rokkie kan jy dra saam met plakkies, pumps, of ’n sagte hakkie. Ek het my Superga platforms gekies om dit net daardie ekstra bietjie oemf te gee. Nes ek daarvan hou.

Sê cheers op die laaste bietjie son(dae) met jou somerrokkie!

The post Ansu Visser se blog: Hoekom ek ’n somerrokkie in die herfs koop appeared first on rooi rose.

Deur Corné Greeff & Bea Lingenfelder. Hooffoto: JJ Harmse. 

’n Blitzbok moet harde klippe kou om tot die span se naam gestand te doen: om span te kry en sy posisie te behou sit nie in enigiemand se broek nie. Die tegnieke, soos vlugvoetigheid, is baie spesifiek en die fiksheidprogram vereis uiterse deursettingsvermoë.

Die ondersteuning en verhouding tussen die spelers is duidelik spesiaal as ’n mens kyk na hulle sosiale media, luister na hulle gesprekke en selfs kyk hoe hulle saamwerk tydens ’n wedstryd. Die Hong Kong-span, byvoorbeeld, het vir kaptein Philip Snyman die onderstaande foto op Maandag, 2 April, gestuur om simpatie teenoor hom en familie te toon vir die verlies van Philip se pa, Flip Snyman.

The post #rrkitskuier: ’n Blitzbok staan twee pare tokse vol appeared first on rooi rose.

Deur Ansu Visser. Foto’s: Mila Guy. 

As iemand al ooit vir jou gesê het dat hulle nie twee keer dink oor goed koop nie, het daardie persoon vir seker nog nooit van die woord “begroting” gehoor nie. ’n Budget is moontlik die grootste reality check wat jy kan kry.

Jy word nie meer gegroet deur die salige gevoel wat retail therapy aan jou beloof wanneer jy in jou gunsteling-klerewinkel instap nie. Jy word eerder gegroet deur muskietbytvrae soos “het ek hierdie regtig nodig?” of spinnekopgedagtes soos “ek moet dan nog eet …” wat sommer sorg dat jy angstig begin krap in jou handsak vir jou sielkundige se nommer.

Die ergste gevoel is die onsekerheid oor watter vorm van spyt die grootste gaan wees: die spyt dat jy iets nie gekoop het nie, of die spyt dat jy dit wel gekoop het. Spyt kom dan ook eers gewoonlik wanneer jy in die Checkers-ry staan met ’n mandjievol two minute noodles, want dit is al wat jy nou kan bekostig.

Spyt, soos hulle sê, kom te laat.

Dit is gedagtes soos hierdie wat jou stadig laat uitasem, daardie hanger ophang en by Zara se deure uitloop met miskien nie daardie mooi rooi toppie wat by tien verskillende jeans kan pas nie, maar definitief genoeg om jou huur mee te betaal.

Foto: Mila Guy

Ek het nog nooit iemand hoor sê dat hulle dit loooooove om met ’n budget te leef nie, maar ek besef ook dis meer van ’n vereiste as ’n keuse. So moet ’n meisie maar doen wat sy moet doen.

Die oplossing vir die probleem om jou soekende stylhartjie tevrede te hou sonder haar maandelikse shopping spree is herwinnig. Jip. Daar is ’n rede hoekom dit goed is vir die omgewing en nou ook jou bankrekening, want sonder om al jou geld weg te blaas het jy ’n “nuwe” ou outfit!

Neem byvoorbeeld hierdie dungaree-rokkie van @assebliefvintage wat ek al voorheen op die blog gedra het. Ek is verlief daarop, maar aangesien ek vinnig verveeld raak, het ek my persoonlike stilis, Pinterest, gaan spreek oor hoe om hierdie rokkie op ander maniere te dra.

Ek het besluit om my enige-dag-enige-tyd-Superga-platforms aan te trek en ’n wit t-hemp om die “ou” outfit nuut te maak.

Foto: Mila Guy

Foto: Mila Guy

Soos die ander uitrusting is hierdie een ook goed genoeg om op ’n afspraak te dra, maar in vergelyking met mekaar is die uitrusting gemakliker. In date-terme is die ander uitrusting: “romantiese kersligete vir twee” en hierdie ene is: “putt-putt tussen vriende wat nog mekaar leer ken.”

Die beste ding van hierdie herwinbare outfit is dat dit op sy eie herwin kan word. Ek is verlief op hemde, of dit nou met ’n “T-” begin of nie en daarom het ek meer as genoeg verskillende hemde in verskillende kleure in verskillende style waarmee ek die klassieke wit hemp kan vervang.

Foto: Mila Guy

Voor jy volgende keer vir jou beursie reik en die winkels invaar, maak eers jou kasdeure oop. Kies iets wat jy graag meer wil dra. Blaai deur Pinterest en laat jou kreatiewe vlaggie hoog vlieg!

The post Ansu Visser se blog: ’n Nuwe uitrusting op ’n begroting? appeared first on rooi rose.

Omdat kykNET 18 jaar oud word, het ’n klomp van ons bekendes foto’s van hulself op 18 gedeel met die hutsmerk #kyknetismondig. Ons het ons 10 gunstelinge gaan soek. Hier is hulle, in geen spesifieke volgorde nie en alhoewel ons nie juis gunsteling speel nie, hou ons die meeste van nommer 10 …

1. Simon Rademan

Die couture-ontwerper het vir kykNET op ’n stylvolle manier geluk gesê. Jong Simon bied boonop goeie inspirasie vir #Movember, so maak notas, manne.

#kykNETIsMondig Me when I was 18! Veels geluk @kykNETtv met julle groot oomblik. Met Trots #wednesdaymotivation #Happiest5WordSentence pic.twitter.com/xaIX43TEpp

— Simon Rademan (@simonrademan) November 15, 2017

2. Simoné Nortmann

Aktrise Simoné Nortmann, wat hierdie jaar in verskeie films en reekse verskyn het, dra ’n donkerbril omdat uie haar oë laat traan.

https://www.instagram.com/p/BbhezlEjx5R/?taken-by=simonenortmnn

3. Rina Nienaber

Rina Nienaber, wat die rol van Koekie in Getroud met Rugby vertolk, is ’n moederfiguur in hierdie sepie. Die sepie het ’n foto van hul moederkarakter op 18 gedeel – kyk hoe mooi!

More is @kykNETtv 18 jaar oud! Baie geluk ons TV-moeder , jy lyk amper net so goed soos ons #koekie toe sy 18 was. Ons is trots om deel van die #kyknetfamilie te wees! #kykNETIsMondig pic.twitter.com/EF7Rc3POnT

— Getroud Met Rugby (@GMR_kykNet) November 14, 2017

Getroud met Rugby het ook ’n collage gemaak met hul sterre as 18-jariges. Kan jy almal herken?

https://www.instagram.com/p/BbhWRxznEiA/?taken-by=getroudmetrugbyoptoer

4. Willem Botha

Aanbieder, sanger en skaapboer Willem Botha het ook ’n foto van homself op 18 gedeel.

https://www.instagram.com/p/Bbi6ovun5k_/?hl=en&taken-by=willembotha

5. Armand Aucamp

Die akteur van Boekklub en die film Krotoa het ook vir kykNET geluk gewens.

https://www.instagram.com/p/BbgtpDvj6KA/?taken-by=armandaucamp

6. Tim Theron

Tim Theron, akteur en komediant wat eersdaags as die booswig Tom in die film Vuil Wasgoed verskyn, deel hier ’n foto van homself as eerstejaar by die NWU. Ons is baie bly hy het wel ontgroening oorleef.

https://www.instagram.com/p/BbhYdMsB-VN/?taken-by=timtheron

7. Je-Ani Swiegelaar

Je-Ani Swiegelaar, bekend as Naomi Ferreira in Binnelanders, het kykNET met ’n foto van haar 18-jarige self in skooldrag geluk gewens.

https://www.instagram.com/p/BbhecmwnK01/?taken-by=jeaniswiegelaar

8. Germandt Geldenhuys, Leah en Tarryn Steyn

Leah, Germand Geldenhuys en Tarryn Steyn verskyn sommer almal saam op hierdie Instagram-foto van Germandt, ’n Binnelander, waar hy kykNET gelukwens.

https://www.instagram.com/p/BbcNrOFlx5X/?taken-by=germandt.g

9. Christia Visser

Christia Visser, bekend vir haar rol in Boekklub, wys hier dat sy lankal ’n liefde vir toneelspel het.

https://www.instagram.com/p/BbgNtacnWPS/?taken-by=christia_visser

10. rooi rose

Kyk, ons is eintlik al 75 jaar oud, maar in 1960 was ons ook 18 jaar oud. Hier is ons voorblad op 4 Mei 1960. #rooirose75

rooi rose voorblad: 4 Mei 1960

The post Bekendes deel foto’s vir kykNET se mondigwording appeared first on rooi rose.

Behalwe vir sy uitstekende musiekloopbaan, is Seal ’n veelsydige man wat agter die skerms ’n heel ander persona inneem.

10 feite wat jy nie van Seal geweet het nie

1. Seal is slegs sy verhoognaam. Sy doopnaam is Henry Olusegun Adeola Samuel.
2. Hy is ’n gekwalifiseerde argitek en het ’n diploma in dié veld verwerf voordat sy sangloopbaan afgeskop het.
3. Een van Seal se mees bekende liedjies, ‘Kiss From A Rose’, is reeds in 1987 geskryf hoewel dit eers in 1994 op sy tweede album verskyn het.
4. Die letsels op sy gesig het oor die jare heen verskeie opslae gemaak en sy aanhangers het verskillende redes vir dié interessante merke opgemaak. Die waarheid hieragter kan egter toegeskryf word aan ’n vorm van Lupus, genaamd Discoid Lupus Erythematosus, wat die vel teiken en gekenmerk is om letsels te vorm.
5. Hy is ’n weeskind en was tydens sy vroeër kinderjare deur pleegouers in Londen versorg.
6. Sy liedjie ‘When A Man is Wrong’ is gebaseer op sy destydse verhouding met die bekende model, Tyra Banks.
7. Seal het ’n paar jaar gelede amper aan dubbellongontsteking omgekom, nadat hy kort voor dit in ’n gruwelike motorongeluk was.
8. Toe sy musiekloopbaan nog in sy babaskoene was, het Seal saam met destydse musiekgroep, Push, in Japan getoer en saam met hulle opgetree.
9. In 2012 was Seal ’n beoordelaar op die Australiese weergawe van die realiteitsprogram, The Voice. Sy liedjie ‘Let Yourself’ is geïnspireer deur die wenner, Karise Eden.
10. Altesaam het Seal sedert die begin van sy musiekloopbaan meer as 30 miljoen albums wêreldwyd verkoop.

The post 10 dinge wat jy nie van Seal geweet het nie appeared first on rooi rose.