Hoe om in ’n veldbrand te bestuur deur Anet Schoeman

As jy nog nooit in die digte rookwolk van ’n veldbrand op die pad gevang is nie, het jy geen idee hoe skrikwekkend dit kan wees nie. Dis behoorlik soos ’n gordyn waardeur jy ry en dan kan jy skielik byna niks sien nie. Wat maak jy? Eugene Herbert van MasterDrive gee wenke.

Hoe om in ’n veldbrand te bestuur: 11 slim wenke

1. Voorkoming is die beste raad, so bly op hoogte met verkeersberigte en vind voor die tyd uit wat op jou roete gebeur as jy in ’n gebied is waar daar ‘n hoë risiko vir veldbrande is.
2. As jy wel in ’n veldbrand gevang word, verminder jou spoed omdat sig baie belemmer word.
3. Dis ’n goeie idee om altyd met jou hoofligte aan te ry vir beter opmerklikheid op die pad. Maak dus dubbel seker dat jou hoofligte aan is as jy jou in rook bevind.
4. Skakel alleenlik jou noodligte aan as jy stop om te verhoed dat jy ander bestuurders verwar wat nie weet of jy beweeg of stilstaande is.
5. As die rook geweldig dig is, moenie probeer om daardeur te ry nie. Jy loop die risiko om teen ander motors te bots of om van die pad af te ry in die brand.
6. Moet nooit jou voertuig verlaat nie. Dis die veiligste plek om jou teen hitte en rook te beskerm.
7. Anders as in flieks is die kans skraal dat jou petroltenk van die hitte van ’n veldbrand gaan ontplof.
8. Sak laag af in jou voertuig en hou die vensters en luggate toe terwyl jy wag dat die brand verby beweeg.
9. As die voertuig (na die brand verby is) te warm is om in te bly, kan jy uitklim en na ’n gedeelte beweeg waar dit reeds klaar gebrand het. Hou jou liggaam bedek indien moontlik.
10. Gee voorrang aan noodvoertuie op die pad en luister na hul instruksies. Hulle het die meeste ervaring en sal jou na veiligheid lei.
11. As jy moet stop, vind ’n oopte of ’n gedeelte langs die pad waar die plantegroei min is. Skakel jou voertuig af en hou jou ligte aan.

Vir nog goeie raad, loer hier

Wat om te doen as jy in ’n motorongeluk beland

Ken jou wegsleepregte

Pasop vir seinblokkers!

5 dinge wat jy moet weet voordat jy ’n nuwe kar koop

Wees só ’n geduldige bestuurder

Pootjie jou skoene jou wanneer jy bestuur?

Wat jy moet weet oor nies en bestuur

Verswak ADHD bestuursvernuf?

Grensposte, jou motor en versekering

Motorversekering: Oppas vir hierdie slaggat

Wat sluit jou reisversekering regtig in?

The post Hoe om in ’n veldbrand te bestuur appeared first on rooi rose.

Deur Salomé Delport. Foto:  Chris Henry vir Unsplash

Is jy nog wakker genoeg om te bestuur? Moegheid bekruip ’n mens so geleidelik dat jy nie noodwendig bewustelik besef jy is moeg nie.

Hou jouself (of die bestuurder, as jy die passasier is) dop vir hierdie tekens, en stop dadelik vir ’n breek as jy selfs net een opmerk:

• Jou ooglede voel swaar.
• Jy moet jou oë kort-kort knip om duidelik te sien.
• Jy haal vlak en stadig asem.
• Dit raak moeilik om op die pad voor jou te fokus.
• Jy begin staar na die pad voor jou, sonder om die omgewing in te neem.
• Jou gedagtes dwaal in allerlei rigtings, eerder as dat jy op die pad fokus.
• Jy sien nie die padtekens raak nie.
• Jy gaap.
• Jy voel asof jy wil rek.
• Jou bene voel kriewelrig.
• Jou kop voel swaar, asof jy dit met moeite regop hou.
• Jy is nie volkome in beheer van die motor nie. Jy ry per ongeluk oor na die geel baan of in die aankomende baan in.

Lees ook: Wees ’n geduldige bestuurder

The post Op die pad: 11 tekens wat wys dis tyd om stil te hou appeared first on rooi rose.

Ahhhh-tiesjoe! Wat jy moet weet oor nies en bestuur deur Anet Schoeman

Maak vas jou sitplekgordel. Moenie drink en bestuur nie. Hou by die reëls. Wees verdraagsaam. Ons trap in ons spoor op die pad, want ongelukke skuil om elke hoek en draai as jy nie fokus nie. Tog het ek nog nooit aan nies gedink as ’n risikofaktor nie.

Lees ook: Wees ’n geduldige bestuurder

Tot iemand onlangs agter in my vriendin se voertuig vasry en haar verskoning bied: Jammer, ek het genies!

Lees ook: Wat om te doen as jy in ’n motorongeluk beland

Vriendin was effe uit die veld geslaan, maar as jy dink hoe dit feitlik onmoontlik is om ’n niesbui te keer, is dit heel verstaanbaar. En boonop gebeur dit veel meer as wat mens dink.

’n Studie het getoon dat meer as twee miljoen ongelukke per jaar in die Verenigde Koningkryk deur nies veroorsaak word en hul raai mense wat ’n slegte griep of verkoue het om eerder nie te bestuur nie. Dieselfde geld mense wat weens hooikoors en allergieë nies.

Boonop het die studie ook gevind dat 60% van ons gebruik onwillekeurig ons hande om ’n nies te keer as ons nie ’n snesie byderhand het nie. As jy nies knyp jy ook gewoonlik jou oë onwillekeurig toe en volgends die studie kan dit vir ’n hele 10 m wees as jy teen 60 km/h beweeg en dus twee keer so lank teen 120km/h. Uit die studiegroep het ongeveer ’n kwart van die mense gesê dat hul gewoonlik meer as een nies gee. Dus vergroot die risiko.

pixabay

Wat kan jy doen?

• Die meeste mense kan voel as ’n niesbui aankom. Indien dit moontlik en veilig is, is dit raadsaam om af te trek tot die niesbui oor is.
• Praat met jou apteker oor mediksie. Maak net seker jy neem nie die een wat jou lomerig maak nie.
• Inspekteer jou voertuig se lugfilter gereeld. Omdat dit stof en stuifmeel uit die lug filtreer bou dit later in die filter op en dan gaan dit jou allergieë vererger. Volgens kenners moet dit elke 15 000 km vervang word.
• Vergroot jou volgafstand na ’n paar voertuiglengtes sodat jy ruimte het om te reageer.
• As jy werklik ’n slegte griep of verkoue het is dit beter om nie te bestuur nie.

Lees ook: Pasop vir seinblokkers

Voorkom dat grypdiewe jou motor teiken

Die 5 inentings wat jy as volwassene moet kry

Is dit verkoue of is dit griep?

The post Ahhhh-tiesjoe! Wat jy moet weet oor nies en bestuur appeared first on rooi rose.