Inkopiewenke vir Swart Vrydag

Bea Lingenfelder — Wed, 23 Nov 2022 09:00:53 +0000

Inkopiewenke vir Swart Vrydag deur Bea Lingenfelder en Susra Matthee. Hooffoto: Unsplash

1 Stel ’n begroting op

Besluit vooraf wat jy op hierdie dag wil koop en hou daarby. ’n Mens kan binne ’n oogwink te veel geld op winskopies uitgee. Daarom is dit wys om die produkte wat jy regtig nodig het voor die tyd te kies en nie net spontaan te koop vir die afslag nie.

Lees ook: Pantser jouself teen onnodige aanlyn-inkopies

2 Stel vooraf ’n wenslysie op

Elke aanlynwinkel het ’n wenslysie (wish list) waar jy al jou gunsteling items kan “stoor” tot jy gereed is om dit te koop. Plaas al jou items vooraf in die wenslys sodat jy op die dag net op die afdeling kan klik en alles op een slag betaal. Sommige aanlynwinkels laat jou toe om al jou items reeds in die koopmandjie (“cart”) te hou, maar dit kan uitgeskop word as daar probleme met die netwerk is – dus is die wenslysie die beter opsie.

Lees ook: 3 webwerwe om jou lewe makliker te maak

3 Doen jou huiswerk

Dit is moeilik om enige afslag te weerstaan, maar sommige winskopies is regtig nie altyd daardie lang rye en ure voor die rekenaar werd nie. Winkels begin al vroeg in November hulle afslagitems bekendstel. Maak seker jou bloed, sweet en trane is die moeite werd – werk vooraf die afslagpersentasie uit en bepaal of dit die moeite werd is vir die item wat jy wil koop; ’n duursame item soos ’n wasmasjien met ’n groot afslag is natuurlik ’n slim kopie.

4 Maak seker jou besonderhede is reg

Televisiestelle en baie ander elektronika vereis dikwels dat jy ’n lisensienommer moet intik tydens die koopproses. Maak dus seker jy het alle nommers, kodes en inligting gereed vir wanneer daardie vrae opduik. Jou soektog na dokumentasie kan jou dalk net jou wenkopie kos!

Swart Vrydag-winskopies 2018

Anelle Tewson — Thu, 22 Nov 2018 08:06:11 +0000

Swart Vrydag-winskopies 2018 saamgestel deur Warren Fuller. Hooffoto:

1. MrPrice Home
MrPrice Home het elke dag fantastiese winskopies om jou voor te berei vir die groot winskopies van Vrydag 23 November. En vir al die haastige kopers wat nie meer kan uithou tot Vrydag nie het hulle ook koepons op hulle webtuiste beskikbaar gestel. Vir meer inligting besoek MrPrice Home se webtuiste.

2.Woolworths
Woolworths bied ook afslag op sekere items per dag vir die angstiges wat dalk nie kans sien vir lang toue en inkopie-drama nie. Klik hier vir ’n voorskou van die tipe items wat jy vandag op afslag kan kry.

Lees ook: Wees veilig aanlyn

9.Makro

Makro het hierdie jaar uit hul pad gegaan vir die tuiskopers en bied aflewering aan vir slegs R70. Dit is ook die perfekte geleentheid vir jou om tot 10 % kontant terug te kry. So kry jou lysie reg en begin sommer al vanaf 21 November met jou aankope deur aanlyn te koop.

Lees ook: 3 webwerwe wat jou lewe makliker maak

10.Toys R Us & Babies R Us
Moenie meer stres oor Kersgeskenke vir die kinders nie, gaan maak net ’n draai by Toys R Us of Babies R Us. Hier is meer inligting oor hul aanbiedings:

11.Clicks
Indien jy nog nie gedink het dat jy straks voordeel kan trek met ’n Clicks Clubkaart nie, is nou die tyd om daardie kaartjie reg te hou. Clicks bied hierdie Swart Vrydag vir jou afslag op uitgesoekte bykomstighede, tegnologie-, skoonheids-, elektriese, gesondheids-, huishoudelike- en babaprodukte. Hulle bied ook pre-Swart Vrydag afslag vanaf 16 – 22 November (slegs aanlyn). Na die Swart Vrydag-naweek het Clicks ook ’n Kuberweek vanaf 25 November – 2 Desember (slegs aanlyn). As jy nog nie ’n Clubkaartlid is nie sou ons jou aanraai om blitsvinnig plan te maak.

12.Pick n Pay Hypermarket
Pick n Pay Hypermarkets regoor die land het reeds op 21 November hulle pre-swart Vrydag aanbiedinge vrygestel vir kopers om solank die beursies gereed te hou. As jou yskas, TV of enige ander toestelle ’n moeilike 2018 gehad het, bied Pick n Pay vir jou tot 60% afslag op hierdie produkte.

Die Swart Vrydag-aanbiedinge word op 23 November om 00:01 aanlyn vrygestel en duur tot 25 November. Hier is ’n paar oulike goed waarop ons afgekom het:

R1 000 afslag op die AIM 50″ Full HD Smart LED TV (was R4 999, nou R3 999)
’n 200 g Nescafe Gold Assorted Jar sal slegs R60,00 wees (44% af van R106,99)
Kry 50% afslag op ’n Russell Hobbs Steam Iron Bundle (was R599,00 nou R299,00)

Vir meer inligting besoek www.pnp.co.za/blackfriday vir meer inligting.

13.Premier Hotels & Resorts
As een van jou Nuwejaarsvoornemens is om in 2019 meer te reis het Premier Hotels & Resorts die Swart Vrydag aanbod wat jou wense waar sal maak. Hulle bied ’n opwindende 50% afslag vir alle naweekbesprekings in 2019 (tussen 1 Januarie en 31 Desember). Dit sluit slegs die akkommodasie in. Hierdie winskopie is beskikbaar vanaf 21 November tot 25 November en is slegs geldig vir ’n besoek van minimum twee aande wat bespreek word via hul webtuiste https://www.premierhotels.co.za/specials. Vir meer inligting kontak gerus 086 111 5555 of stuur ’n e-pos aan info@premierhotels.co.za.

14.Winkels wat eers op Vrydag hul winskopies sal bekend stel
Ons almal weet dat daar sekere winkels is wat trots is op hulle eksklusiwiteit. Daarom moet jy sommer nou al ’n lysie opstel van al die winkels wat jy Vrydag gaan besoek (hetsy in die veiligheid van jou huis en of jy die winkels gaan aandurf). Hier is van die gunstelinge op ons lysie:

15 Teken in op rooi rose en spaar!

Spaar 50% op jou jaar se subskripsie aan rooi rose – slegs geldig op 23 November 2018. Klik hier om aanlyn in te teken. Jy kan ook ’n e-pos stuur aan subs@magsathome.co.za (met die onderwerp: “Black Friday Offer”) of jy kan 087 405 2005 skakel vir verdere inligting.

The post Swart Vrydag-winskopies 2018 appeared first on rooi rose.

Black Friday | rooi rose

Inkopiewenke vir Swart Vrydag

Swart Vrydag-winskopies 2018