Ek gebruik dié basiese tamatiesous altyd as pastasous. Dis min of meer dieselfde vir my bolognaise, maar dan voeg ek 1 kg maer maalvleis by.

Bestanddele

• 1 ui, fyn gekap
• 2 knoffelhuisies, fyn gekap
• 30 ml (2 e) olyfolie
• 3 selderystokkies, fyn gekap
• 2 wortels, ruweg gerasper<
• 2 x 410 g-blikkies heel geskilde tamaties
• 30 ml (2 e) tamatiepasta
• 5 ml (1 t) suiker, indien nodig
• sout en gemaalde swartpeper
• bouquet garni gemaak van 2 lourierblare, ’n paar takkies tiemie, ’n paar takkies pietersielie

Metode

1. Braai die uie en knoffel in olyfolie tot sag en deurskynend. Voeg die seldery en wortels by en braai tot sag.
2. Gooi die tamaties in hul sap by die uiemengsel, en druk die tamaties met die agterkant van ’n vurk fyn.
3. Voeg die tamatiepasta by en proe. As dit te suur is, voeg ’n knypie suiker by. Geur met sout en peper.
4. Voeg die bouquet garni by en bedek. Prut liggies vir sowat 10 min. Haal die bouquet garni uit en sit met jou gunstelingpasta voor.

The post Die beste tamatiesous appeared first on rooi rose.

1. Braai 4 fyn gekapte wortels, 4 fyn gekapte uie, 4 fyn gekapte selderystokkies en 4 lourierblare oor matige tot
   hoë hitte tot goudbruin en sag.
2. Voeg 2 kg maalvleis bietjies-bietjies by en braai goudbruin.
3. Voeg 2 x 400 g-blikke heel, geskilde tamaties, gekap, by die mengsel en bring tot kookpunt.
4. Gooi ook 45 ml (3 e) tamatiepasta en 250 ml (1 k) rooiwyn by en laat prut vir 30 min. Geur met sout en peper.
5. Sit die helfte van die maalvleismengsel saam met gaar spaghetti en gerasperde parmesaankaas voor.
6. Hou die res van die maalvleis in die yskas vir nog ’n ete.

The post Spaghetti Bolognese appeared first on rooi rose.

Die ragù word langsaam in die oond in ’n oondpan gekook, en daarom maklik om baie te maak. Ons het 4 k vir die kitslasagne gebruik. Resep deur Vickie de Beer

Maak sowat 3,5 kg

60 ml (¼ k) olyfolie
4 uie, gekap
4 wortels, gekap
4 selderystingels, gekap
2 knoffelhuisies, fyn gekap
sout en gemaalde swartpeper
250 g pancetta of dik spek, in stukkies gesny
200 g hoenderlewer, fyn gekap
1 kg varkmaalvleis
1 kg binneboud-beesmaalvleis (topside)
90 ml tamatiepasta
4 x 410 g-blikke heel, geskilde tamatie
500 ml (2 k) rooiwyn
bouquet garni: ’n paar takkies pietersielie, tiemie en 2 lourierblare met kombuistou gebind

1 Verhit 30 ml (2 e) van die olie in ’n groot pan en braai die uie, wortels en seldery oor lae hitte daarin tot sag en dit net begin kleur kry. Sit die pancetta by en braai goudbruin.
2 Stoot die groente en spek na die kant van die pan en braai die hoenderlewer, knoffel en tamatiepasta vir 4-5 min. tot net gaar. Skep alles in ’n groot oondpan en hou eenkant.
3 Verhit nog 15 ml olie in dieselfde pan en braai die beesvleis bietjies op ’n slag daarin tot dit begin kleur kry. Skep in die oondpan.
4 Voorverhit die oond tot 140 °C.
5 Braai die varkmaalvleis ook in dieselfde pan. Voeg die helfte (250 ml) van die wyn by en skraap die boom van die braaipan skoon. Gooi alles in die oondpan.
6 Verhit die oondpan en roer al die bestanddele saam tot dit prut. Gooi die blikkies tamatie, res van die wyn, aftreksel en bouquet garni by. Geur met sout en peper. Bedek die oondpan met foelie en sit in die middel van die warm oond. Bak vir 3 uur. Verwyder die foelie en bak vir nog ‘n uur.

Kitslasagne

Meng 250 ml crème fraîche, 250 ml dubbeldikroom, 30 ml melk, 1 eier, 120 g mozzarella en 60 g parmesaan en hou eenkant. Gebruik sowat 1,5 kg van die ragù. Skep ’n lagie vleis in ’n 30 cm x 25 cm diep oondpan en pak ’n laag lasagnevelle (1 boks vir die hele lasagne is genoeg) bo-op. Smeer van die crème fraîche-mengsel bo-oor en herhaal die lagies. Eindig met ’n laag vleis en die crème fraîche-mengsel. Strooi nog 60 g parmesaan oor en bak vir 30-45 min. in ’n voorverhitte oond van 200 °C. Laat vir 30 min. afkoel en sny in blokke.

#rooirosewenk
Skep die afgekoelde ragù in gemerkte 1 liter-houers en vries porsies vir maklike gebruik.

Lees ook: Ragù … wat jy benodig

The post Klassieke ragù à la bolognese appeared first on rooi rose.

Maak ’n groot hoeveelheid basiese bolognesemaalvleis en omskep dit in drie watertandgeregte.

Spaghetti Bolognese

Lees nog: Spek-en-eier-pasta

The post Spaghetti Bolognese appeared first on rooi rose.

The post Skaapskenkel-ragù in reuse-skulpe appeared first on rooi rose.

The post Ragù bolognese appeared first on rooi rose.