Karen Zoid sing saam met die Kaapse Filharmoniese Orkes by die Woordfees op 8 Maart 2020 inligting en foto’s verskaf. 

Karen Zoid vier 20 jaar in die musiekbedryf

Karen Zoid gaan die verhoog aan die brand sing met ’n baie spesiale vertoning saam met die Kaapse Filharmoniese Orkes (CPO).

Hierdie spesiale konsert vind Sondag, 8 Maart 2020 by die Van Der Stel Sportgronde in Stellenbosch plaas as deel van die jaarlikse Woordfees.

Lees ook: Loer agter die skerms by ons voorbladfotosessie met Karen Zoid

Onthou jy die meisie met die Voortrekkerkappie wat “Afrikaners is plesierig” gesing het en nie werklik omgegee het wat mense van haar dink nie?

Dit is nou al 20 jaar later en sy het die harte van Suid-Afrikaners gesteel met harde rock-liedjies, sagte ballades en haar immergewilde geselsprogram op kykNET, Republiek van Zoid Afrika.

Met meer as 13 albums agter haar naam, is Zoid een van Suid-Afrika se bekendste sangers. 20 van Karen se grootste treffers sal verwerk word vir die 50 stuk simfonie-orkes.

Karen Zoid sing saam met die Kaapse Filharmoniese Orkes by die Woordfees op 8 Maart 2020

“Ek kan nie wag om saam met die Filarmoniese Orkes op te tree nie – cliché, maar dis regtig ‘n ongelooflike eer. Die verwerkings is iets besonders en elke keer tydens ‘n repitisie kry ek hoendervleis,” vertel Zoid.

Die vertoning sluit van haar nuwe liedjies soos As musiek begin speel, Vir jou, You can show it  in, asook goue oues soos Afrikaners is Plesierig, Toe vind ek jou, Engel,  Small Room en Want as ek droom.

Die musiekverwerkings is gedoen deur Matthijs van Dyk, Peter McLea, en James Bassingthwaighte. Regisseur: Carien Loubser.

Kaartjies is beskikbaar by Computicket.

Karen Zoid sing saam met die Kaapse Filharmoniese Orkes by die Woordfees op 8 Maart 2020

The post Karen Zoid sing saam met die Kaapse Filharmoniese Orkes by die Woordfees op 8 Maart 2020 appeared first on rooi rose.

Kom kyk Kamelias hierdie naweek by Vergelegen. Inligting en foto’s verskaf.

Kamelia-entoesiaste kan hulle regmaak vir ’n lieflike naweek gevul met die skouspel van kamelias by die Vergelegen-wynlandgoed in Somerset Wes.

Hul jaarlikse Kamelia-naweek vind op 27 en 28 Julie 2019 by die 319 jaar oue wynlandgoed plaas. Vergelegen is boonop onlangs as Afrika se beste wynplaas aangewys tydens die wêreld se beste wynlandgoed-kompetisie!

Die landgoed is die tuiste van Suid-Afrika se enigste internasionale kamelia-tuin. Vergelegen is nege jaar gelede bekroon as een van slegs 39 internasionale kamelia-tuine van uitnemendheid en net een van twee in die suidelike halfrond.

Lees ook: Alles wat jy moet weet oor Vergelegen se ‘winterrose’

Jy kan die res van die winter ook kamelias kyk

Die pragtige pienk, rooi en wit blomme, wat sowat 550 Kamelia-kultivars verteenwoordig, is vandeesmaand in blom. Besoekers kan op hul eie stoom besoek aflê of plek bespreek in een van twee daaglikse toere op Saterdag- asook Sondagoggende en -middae, gevolg deur verversings in die Stables-restaurant.

Die oudste kamelia-aanplantings by Vergelegen is die klassieke kamellia japonica kultivars, waarvan die meeste groot, volgroeide struike van tot vyf meter hoog is. Gaste kan die plante op drie plekke besigtig: by die groot grasperk, by die groot Kamferbome, en aan die oewer van die Lourensrivier.

Die toere onder leiding van die tuinboukundige, Richard Arm, duur een en ‘n half uur en elke groep het plek vir 25 mense. Dit kos R140 per persoon en sluit die toegangsfooi, tee, koffie en ‘n verskeidenheid koeke by Stables in. Die toere begin soggens om 09h00 en smiddae om 14h30.

Bespreking is noodsaaklik.

Bel 021 847 2156, of e-pos stables@vergelegen.co.za.

The post Kom kyk Kamelias hierdie naweek by Vergelegen appeared first on rooi rose.

Die Linden-herfsmark is terug op 6 April 2019

Linden hou weer mark!

Die eerskomende mark op 6 April 2019 sal ’n salsa-atmosfeer hê met vermaak wat deur Estilo Cubano verskaf word. Die kleingoed sal ook lekker saam kan dans op die maat van die Kubaanse ritme van Afro-Cuban Salsa.

Die dag skop af met joga in die park om 09h00. Asem die vars lug in en raak ontslae van jou spanning voor die mark begin.

Daar sal 150 kreatiewe stalletjies wees en kopers kan uitsien na onder meer handgemaakte speelgoed, juwele en plante en trots Suid-Afrikaanse dekor. Dwaal rond tussen die unieke produkte

of besoek die aanlyn-winkel op hulle webtuiste.

Een van die gewildste orkeste in die land, Georgetown Band, sal hul folk-musiek speel terwyl besoekers in die skaduwee aan die heerlike kos en drankies smul. Daar sal hope ander vermaak wees. Daar sal ook genoeg vermaak wees vir die kinders waaronder ’n springkasteel en gesigverf.  Die ouer kinders kan weer die atmosfeer van die 60’s geniet met kreatiewe knoop-en-doop werk. Hulle kan ook hul eie keramiek ontwerp saam met Pick and Paint Ceramics maak.

Die mark steun die plaaslike liefdadigheidsorganisasies. ’n Ou gunsteling, Date-a-Dog, sal weer daar wees met hulle wollerige bondels liefde wat jy op ’n stappie deur die park kan neem of dalk kan aanneem. Jy kan ook jou eie hond bring na dié hondevriendelike mark.

Kaartjies is beskikbaar by die hek teen R30 per persoon.

Die hekke open om 09h00 en sluit om 16h00.

Veilige parkering is beskikbaar by Roosevelt High, teen R20.

Vir meer inligting, besoek www.thelindenmarket.co.za

The post Die Linden-herfsmark is terug op 6 April 2019 appeared first on rooi rose.

KAMERS/Makers Stellenbosch 2018. Foto’s verskaf. 

KAMERS/Makers se tweede laaste skou van die jaar is hier! Dié somerskou vind plaas in die wynlande, vanjaar by die wonderlike Blaauwklippen-wynlandgoed tussen Stellenbosch en Somerset-Wes. Hulle verwag om rekords te breek met bykans 180 uitstallers, wat beteken dat dit die grootste KAMERS/Makers nog sal wees!

KAMERS / Makers bly ’n kontantlose omgewing, te danke aan hul goeie vennote, ABSA.

Die nuwe en verbeterde KAMERS-aanlynverkope maak dit nou makliker om jou gunstelingprodukte regdeur die jaar by shop.kamersvol.com te koop.

KAMERS/Makers 2018 Stellenbosch
Blaauwklippen-landgoed
30 Oktober – 4 November 2018, 09:00 – 17:00 daagliks

Kaartjies:
R60 by www.plankton.mobi en R90 by die hek. Hierdie kaartjies sluit in ’n beperkte voorraad KAMERS/Makers-inkopiesak en ’n tydskrif.
Multidag-toegang: R120
Groep- afslag: Koop drie, kry een gratis.
Studente en pensionarisse: R60.
Onder 18 kry gratis toegang.

Vir meer inligting, besoek hulle webwerf. Besoek hul aanlynwinkel om inkopies aanlyn te doen. Volg hulle op sosiale media: Facebook| Instagram | Twitter

#KAMERS2018.

The post KAMERS/Makers Stellenbosch 2018 appeared first on rooi rose.

Foto’s: verskaf.

Die Afrique Mon Désir/ Afrika My Verlange-vertoning toer vandeesmaand deur Frankryk. Afrika my verlange / Afrique mon désir is ’n 90minuut-lange multimedia wêreldmusiekproduksie met David Kramer as regisseur, en met musikante Laurinda Hofmeyr, Schalk Joubert (wat ook die musiekregie behartig)en Dylan Romano. Talentvolle gaskunstenaars in Frankryk sal saam op die verhoog wees vir die vertonings tydens die toer.

Lees ons onderhoud met Laurinda Hofmeyr

Die konsertreeks in Frankryk open op 15 Junie 2018 by die New Morning-teater in Parys (15 Junie 2018). Daar is ook vertonings in Chasseneuil-du-Poitou (20 Junie 2018), Cenon (Bordeaux) en Ruelle sur Touvre (29 Junie 2018).

Vriende en familie in Frankryk wat graag die produksie wil sien kan bespreek by die volgende skakels

https://www.weezevent.com/laurinda-hofmeyr-afrique-mon-desir-ensemble

https://www.weezevent.com/laurinda-hofmeyr-afrique-mon-desir-ensemble-tournee-2018-en-france

https://www.weezevent.com/laurinda-hofmeyr-afrique-mon-desir-ensemble-ruelle-sur-touvre

Meer oor Afrique mon désir

Die produksie is ’n vertoning van toonsettings van ’n skatkis van Afrika-poësie vanuit Franssprekende lande soos Madagaskar, Ivoorkus, Kameroen, Mauritanië, en Tsjaad, asook terug op eie bodem in die werke van Breyten Breytenbach, Antjie Krog en Eugene Marais. Afrique mon désir ondersoek temas van verplasing en verlange, asook ’n diep gedeelde konneksie tussen die Afrika kontinent en sy bewoners.

Klik hier om meer uit te vind oor Afrique mon désir.

Dié ensemble bestaan uit Laurinda Hofmeyr, Schalk Joubert, Dylan Romano en gaskunstenaars in Frankryk: Die wêreldbekende trekklavierspeler Daniel Mille, met Jaja Junior, Nzelo Ladau Paulin, NicoleAdjabe Barbare en Chris Bakalanga. Die regie word behartig deur David Kramer en die musiekregisseur is Schalk Joubert. Die vertoning loop gepaard met animasies deur Diek Grobler met beelde deur David Kramer.

Daar is ook opnames gemaak van hierdie produksie. Jy kan daarna luister op itunes en jy kan die album hier bestel (as jy in die buiteland woon) en hier as jy in Suid-Afrika woonagtig is.

The post Afrique Mon Désir toer in Frankryk Junie 2018 appeared first on rooi rose.

Foto: verskaf

Spandeer jou winter in die wynlande: Donker rissie-sjokolade en ’n glas rooiwyn wag vir jou. So ook ’n kaggelvuur en ’n snoesige bed met ’n onbeperkte uitsig oor die wynlande. Vanaf  1 Julie tot 30 September 2018 gee die Lanzerac-wynlandgoed hul gaste die geleentheid om bederf te word met ’n spesiale aanbieding: die Winter Retreat Package.

Hierdie uitkloppakket bied ruim en elegante kameropsies (met ’n opsie om op te gradeer) wat gepaard gaan met ’n komplimentêre soet-vingerhappiebord.  In hierdie pakket word ’n kontinentale of Engelse ontbyt ingesluit, asook ’n tuisgemaakte middagete by die Lanzerac Deli met ’n glas van die wynlandgoed se beroemde Pinotage.

Vakansiegangers sal ook die geleentheid gegun word om van die wynland se wyne, wat al verskeie toekennings verower het, te proe en verder ook die wynkelders te verken saam met ’n kundige gids. Met die hotel wat net op die buitewyke van Stellenbosch geleë is, kan die strate van dié geskiedenisryke dorpie ook gaan verken word.

Gaste kan hul propvol dag afsluit deur te ontspan met ’n gratis uur in die Lanzerac Spa vir ’n AromaVine Pinotage-massering.

Die pakket is beskikbaar teen R6 500 per aand vir ’n paartjie. Vir verdere navrae, besoek die webtuiste lanzerac.co.za.

The post Kuier in die wynlande hierdie winter met Lanzerac Wynlandgoed appeared first on rooi rose.

Koop ’n armband teen R10 en trek dit Vrydag 11 Mei 2018 saam met jou pantoffels aan. So kan jy help om geld vir Reach For A Dream in te samel!

#SlipperDay2018 is groot pret: Ons kan almal ons pantoffels werk en winkel toe dra … en hopelik sal niemand jou skeef aankyk nie! Danksy Wimpy en verskeie bekendes gaan die dag onvergeetlik wees en ook geld vir ’n goeie doel insamel.

Verlede jaar is R1,4 miljoen met die verkope van #SlipperDay-armbande vir Reach For A Dream ingesamel. Wimpy het 33 276 gratis koppies van hulle gewilde koffie aan deelnemers uitgedeel.

Vrydag 11 Mei 2018 is jou kans om ook deel te neem. Gaan koop jou armbandjie by Wimpy, Pick n Pay of ’n Reach For A Dream-tak en dra dit Vrydag as jy jou gratis koffie by Wimpy wil kry. Maar moenie vergeet om ook jou pantoffels te dra nie!

“Ons wil vanjaar nog meer geld insamel om die drome van klein kindertjies landwyd waar te laat word. Daarom daag ons Suid-Afrikaners uit om Vrydag deel te neem,” sê Jacques Cronjé, Bemarkingsbestuurder van die groep.

Reach for a Dream is in 1988 gestig en streef daarna om kinders wat aan ernstige, dikwels terminale, siektes ly, se drome te bewaarheid. Sulke siektes ontneem baie kinders die kans om pret en avontuur te ervaar en dié organisasie help om hulle lewens vir ’n rukkie weer lekker te maak. Honderde kinders kry jaarliks hulp met eenvoudige dinge wat baie van ons as vanselfsprekend aanvaar, soos ’n verjaardagpartytjie. Baie kry die kans om die buitengewone te ervaar soos om saam met die dolfyne te swem of om ’n held te ontmoet.

Vrydag is jou kans om ’n aandeel te hê om ’n spesiale ervaring vir ’n kind te bied.

Vir meer inligting oor die #SlipperDay2018, besoek Wimpy op Facebook of lees meer by die Reach For A Dream-stigting se webblad.

The post Vrydag 11 Mei 2018 is #SlipperDay2018! appeared first on rooi rose.

Versorg deur Mariette Snyman. Foto’s: verskaf.

Ná 2017 se vernietigende brande in die Knysna-omgewing is die inwoners gefokus op herstel. En hulle verrig wondere! Tuinroete-besoekers kan met ’n geruste hart na die Knysna Oesterfees toe kom; meer as 100 aktiwiteite is tydens die ten dae beskikbaar.

Hierdie gewilde sport- en leefstylfees is deesdae ’n instelling op die Suid-Afrikaanse winterkalender. Daar is werklik iets vir elkeen: sportentoesiaste kan deelneem aan die land se voorste fietsry- en hardloopgeleenthede; gesinspret is aan die orde van die dag en avontuurlustige siele kan hulle in die dramatiese natuurskoon en adrenalienaktiwiteite verlustig. Om nie te praat van die genot verbonde aan die wêreldberoemde Knysna-oesters wat jy met ’n glasie vonkelwyn kan afsluk nie!

Soos gewoonlik sal daar geen tekort wees aan die beste spys en drank nie – plaaslike restaurante werk hard aan tema-spyskaarte vir die duur van die fees. Daar is ook ’n verskeidenheid konserte, komediante, modeparades en ander geleenthede, plus ’n avontuurryke program om die kleintjies gelukkig te hou. Moenie vergeet van die Momentum Health Kiddies Area nie – spesiaal vir die jonger mensies.

Hierdie jaar se sportprogram sluit bergfietsgeleenthede op Saterdag 30 Junie in, met 80 km-, 50 km-, 30 km- en 15 km-roetes, asook die meer onlangse toevoeging: ’n 30 km E-bike wedren. Die Momentum Knysna fietstoer vind op Sondag 1 Julie plaas en bied ’n 115 km en 50 km-roete.  ’n Opwindende nuwe verwikkeling is nou bevestig. Die Momentum Knysna fietstoer se 115km padwedren, tesame met die 80 km en 50 km bergfietswedrenne, is nou “seeding qualifying events” vir die 2019 Cape Town Cycle Tour.

Die Momentum Knysna Woudmarathon & Halfmarathon is twee van die land se mededingendste wedlope en vind plaas op Saturdag 7 Julie. Deelnemers kan uitsien na die asemrowende uitsigte oor die Knysna Strandmeer in die rigting van die  Knysna Koppe naby die eindpunt. Dit behoort hulle die nodige inspirasie te gee!

Skryf hier in vir die marathons en klik hier vir fietsinskrywings.

Beplan jou wintervakansie rondom die fees, en geniet sommer ook die wonders van die Tuinroete: Uitstappies in die inheemse Knysna bos en die onvergeetlike gesig van die Knysna Koppe. Knysna Toerisme se #Knysnarises veldtog het help verseker dat hierdie baie besonderse dorp vir jou regstaan! Kom ondersteun die Knysna-gemeenskap en ervaar tien dae vol pret en avontuur.

The post Slyp jou tande (of oefen harder) vir die Knysna Oesterfees appeared first on rooi rose.

Foto’s verskaf.

Winskoopjagters en boekwurms kan weer na hartelus kom snuffel by die 12de jaarlikse Boekefees op McGregor.  Of jy nou na kookboeke, reisverhale, kinderboeke, digbundels of ’n skaars en kosbare kleinood soek, jy behoort dit tussen die duisende tweedehandse boeke te vind. Nuwe voorraad word elke dag uitgepak.

Nie net word meer as 15 000 boeke van ’n groot verskeidenheid onderwerpe teen winskooppryse aangebied nie, maar elke boek wat verkoop word, help met die versorging en rehabilitasie van donkies wat uit haglike toestande gered word en by Eseltjiesrus Donkey Sanctuary gehuisves word.

Eseltjiesrus is ’n permanente tuiste vir bejaarde, verwaarloosde en mishandelde donkies net buite McGregor. Eseltjiesrus het ook ’n bron van inligting geword en hanteer daagliks navrae van oor die hele land oor goeie versorging. Elke donkie wat gehelp word, is een minder wat pyn, ongemak of angs hoef te verduur.

Die sukses van hierdie jaar se Boekefees op McGregor gaan weer ‘n onontbeerlike rol speel in die komende jaar se werksaamhede by Eseltjiesrus. Die gemeenskap vind ook op verskeie maniere baat daarby. Werk word geskep, boeke word geskenk aan skole en biblioteke in die groter Langeberg-gebied en vanjaar is daar ook ’n Storievertel- en Leesteater vir kinders.   Vrywilligers gaan daagliks vir kinders stories vertel en by die Boekefees. Die boeke word dan aan die Breede-vaardigheidsentrum geskenk sodat die kinders in die weke daarna verder kan gaan luister. Hierdie projek wil ’n kultuur van lees by kinders kweek, want niemand behoort die vreugde van lees misgun te word nie.

Daar is stapels Afrikaanse boeke, skaars boeke en spesiale geskenke vir ’n ieder en elk. Bederf jouself en kom kuier die naweek van 18 – 20 Mei op McGregor en vul jou voorraad lekker leesstof aan vir die winter wat voorlê.

Vir meer inligting bel 023 625 1593, stuur ‘n e-pos aan bookfair@donkeysanctuary.co.za of besoek hul webtuiste.

Vir akkommodasie kontak McGregor se toerismekantoor: 023 625 1954

The post Eseltjiesrus boekefees, McGregor appeared first on rooi rose.

Geniet die Suid-Afrikaanse kontemporêre botaniese kunsuitstalling wat 220 kunswerke van 82 kunstenaars ten toon stel. Hierdie kunswerke beeld Suid-Afrika se diverse inheemse plantspesies uit. Besoekers sal ook ’n digitale voorstelling van die uitstallings van al 25 deelnemende lande kan besigtig.

Besoekers kan deelneem aan enige van die begeleide toere wat op 18, 19 en 26 Mei en 2 en 9 Junie 2018 sal plaasvind. Besoekers kan ook afsprake maak vir begeleide toere op ander datums.

Top- Suid-Afrikaanse kunstenaars sal ook openbare verfdemonstrasies (in verskeie mediums) hou op die volgende datums: 18, 19, 26 Mei en 2 en 9 Junie 2018.

Hierdie uitstalling sal plaasvind by die Everard Read-galery in Johannesburg en dit duur van 17 Mei tot 9 Junie 2018. Besoek die webblad of stuur ’n e-pos aan baasaoffice@gmail.com

The post Botanical Art Worldwide-uitstalling appeared first on rooi rose.

Foto: verskaf.

Die Lifestyle Garden Design-skou bied ’n uitstalling van verskillende tuine aan wat wissel tussen tradisioneel tot avant-garde, nuttig tot modieus, ook spesifieke elemente binne die tuinontwerpe wat goeie idees en hope inspirasie beloof. Die Garden Guide sal vanjaar ook weer te koop wees, wat die ontwerperstuine verduidelik en tuinmaakwenke en produkinligting bied. Opbrengste van hierdie verkope gaan aan JAM Suid-Afrika. Verder is daar sprekers en begeleide toere wat die skou sal begelei.

Meer inligting

Wanneer: 10 Februarie 2018 tot einde Mei 2018

Toegang: Gratis

Waar: Lifestyle Home Garden, Lifestyle Garden Centre, Hoek van Beyers Naudé en Ysterhoutweg, Randparkrand

Vir meer inligting, besoek hul webblad

The post Lifestyle Garden Design-skou 2018 appeared first on rooi rose.

Foto’s verskaf.

In sy nuutste vertoning, Puppet Guy, keer Conrad Koch en sy pop Chester Missing terug na die ligter sy van komedie-buiksprekery. Hierdie vertoning, in samewerking met Comedy Central Africa, vind vir die eerste keer in Johannesburg plaas by die Pieter Toerien-teater by Montecasino vanaf 25 April tot 27 Mei 2018.

Puppet Guy word gereken as Koch se prettigste vertoning tot dusver en dit is propvol skreeusnaakse karakters, interessante opmerkings en wêreldklas-vermaak. Dit gee ’n toonbeeld van die man agter die poppe as meer as net die politieke stoutseun, Chester Missing, se “backing guy.”

Die rolverdeling in sluit in poppekarakters soos Hilton, ’n dansende volstruis gemaak van verestowwers en ’n pantoffel; DJ Hoodie, ’n platejoggie gemaak van sonbrille en ’n sweetpaktop, ’n rits verrassende nuwe karakters en natuurlik Chester Missing. Die regie word behartig deur Chris Weave.

Verdere inligting

Datums: 25 April tot 27 Mei 2018

Tye: Woensdae tot Saterdae: 20h00

Saterdae het ook ’n bykomende middagvertoning om 16h00

Sondae het slegs ’n middagvertoning om 15h00

Plek: Ateljeeteater by Montecasino, Fourways, Johannesburg

Kaartjies: Begin by R130, beskikbaar by Computicket. Besoek die webblad vir verdere inligting.

Hierdie vertoning het ’n ouderdomsbeperking van 13 jaar.

*Kapenaars kan uitsien na die vertonings wat tussen 3 en 14 April 2018 by die Baxterteater sal plaasvind. Kaartjies kos R120 en kan by Webtickets bespreek word of direk by die Baxterteater: 0861 915 800 of www.baxter.co.za

The post Puppet Guy by Montecasino appeared first on rooi rose.

Hooffoto: pexels.com

Die Yoga Flow-fees vier joga en diegene wat dit beoefen – of jy nou ’n beginner of ’n ou yogi is. Spandeer ’n langnaweek in ’n omgewing met inspirerende joga-sessies, vars lug, rustigheid en lekker musiek. Hierdie fees is versprei oor vier dae om die banke van die meer by die Mieliepop-plaas en jou kaartjie sal ’n rits heerlike aktiwiteite insluit.

Wat om te verwag

Die guru-tent: Hierdie sluit in joga en meditasie, groepklasse en werkswinkels. Verwag Vinyasa, Budokon, Vibrational Yin Yoga en geleide meditasie.

Die Sanctuary: Meditasie, musiek, sprekers, klank-interaksies, vibrasie-joga tydens musiekopvoerings, klankreise en geleide en vrye dansgeleenthede.

Kindertent: Kuns en kunsvlyt, joga vir kinders en speletjies.

Die Ganges: SUP-joga (Stand Up Paddleboard-joga op die meer).

Moondrum: Geleide musiekwerkswinkels, holistiese en natuurlike welstandprodukte en -dienste, conscious-kos, spreker- en opleidingsplatforms. Bring jou eie instrumente, of huur een by die bestuurspan.

Kos: Heerlike veganistiese geregte is beskikbaar van The Pretoria Vegan Food Fair.

Verdere inligting

Datums: 21 – 25 Maart 2018

Tyd: 15h00

Plek: Tolderia Resort, 2351, Lothair, Mpumalanga

Kaartjies: R250 – R4 550

Kaartjies kan bespreek word by plakton

Besoek ook die webwerf of facebook-geleentheid

The post Yoga Flow-fees 2018 appeared first on rooi rose.

Foto: pixabay.com

Die Magdalenahuis in Kaapstad nooi jou vir ’n Valentynsbal op 14 Februarie 2018. Hierdie geleentheid word gehou om fondse in te samel vir die programme wat hierdie plek van veiligheid vir vroue en kinders bied. Nooi jou vriende en metgesel saam vir ’n driegangete, vermaak, en ’n elegante aand van dans. Kom en maak ’n verskil!

Verdere inligting

Tyd: 19h00 met verwelkomingsdrankies en canapés vir 19h30

Datum: 14 Februarie 2018

Plek: Eensgezind, Klipheuwelweg, Durbanville, Kaapstad

Koste: R280 per persoon. Hierdie sluit ’n driegangmaaltyd, wyn en musiek in. ’n Kontantkroeg is beskikbaar.

Drag: Elegant-informeel

Vir besprekings en verdere navrae, kontak Elsa Botha by 071 151 3670 of by elsa@magdalena.org.za

Besoek gerus hul nuwe webblad.

The post Magdalena-huis Valentynsbal appeared first on rooi rose.