Wat jy op Mandela-dag 2019 kan doen, saamgestel deur Melissa Myburgh. Hooffoto: 

Wat gaan jy op 18 Julie doen?

Maak nie saak hoe klein jou bydrae gaan wees nie. Mandela-dag is ‘n dag waarop ‘n mens die wêreld ‘n beter plek kan maak, net soos Nelson Mandela dit elke dag gedoen het. Wat doen jy om elke dag ‘n Mandela-dag te maak en om armoede uit te skakel?

Hier is ‘n paar idees wat jou kan help.

Voed 59 000 kinders vir ’n jaar

Sun International werk saam met Rise Against Hunger om die lot van honger kinders in minderbevoorregte gemeenskappe landswyd te verlig. Spanne vrywilligers sal op 18 Julie hul moue oprol om kospakkies by agt Sun International-lokale te pak. Hul doelwit is om 418 000 kospakkies te pak wat meer as 59 000 voorskoolse kinders vir ‘n jaar sal voed. Die tema vir vanjaar se kospakkie is “Dit is moontlik”.

Hulle doen ‘n beroep op plaaslike ondernemings, regeringsverteenwoordigers en ander belanghebbendes om op Mandela-dag vir 67 minute by hulle aan te sluit wanneer hulle kospakkies vir die mees kwetsbares in ons samelewing, behoeftige jong kinders, sal pak.

Vir meer inligting, kontak Azelle Evans by azelle@themailroom.co.za

Mediese sorg vir 500 kinders vir ‘n jaar

St Joseph’s Home deel Nelson Mandela se liefde en brandende begeerte om Suid-Afrikaanse kinders uit arm gemeenskappe te help. St Joseph’s Home, Kaapstad se enigste pediatriese hospitaal, het die afgelope 83 jaar meer as 20 000 kinders verpleeg en gerehabiliteer. Hierdie kinders kom uit minderbevoorregte gemeenskappe en leef in lewensgevaarlike omstandighede. Die beste holistiese sorg word elke jaar gratis aan meer as 500 siek kinders verskaf.

Op Mandela-dag vra St. Joseph hulporganisasies, maatskappye, kerke, boekklubs en skole om hul eie #HappyNappyDrive aan te bied. Vir meer inligting, besoek hul webblad

500 ton kos vir behoeftiges

Pick n Pay en FoodForward SA hou vanjaar hul derde Mandela Day Food Drive en nooi alle Suid-Afrikaners om by te dra tot die ambisieuse doelwit om 500 ton kos bymekaar te maak en sowat twee miljoen etes te voorsien.

Kliënte word aangemoedig om hul bydrae te maak deur te kies uit ‘n lys van 15 nie-bederfbare produkte wat in die deelnemende Pick n Pay-winkels of aanlyn vertoon word. Jy kan die produkte in die trollies plaas wat beskikbaar gestel word.

So kan jy help:

• Neem tot 14 Julie deel aan die nasionale 2019 Mandela Day Food Drive by enige deelnemende Pick n Pay-winkel:
• Koop ‘n nie-bederfbare item en laat dit in die beskikbare trollies;
• Maak ‘n kontantskenking by die kasregister;
  Bied jou tyd aan om van 12 tot 14 Julie 67 minute af te staan om voor Mandela-dag te help met die  naweek-insamelings by deelnemende winkels. Kontak jou naaste winkel vir meer inligting.
• Skenk jou Smart Shopper-punte aan FoodForward SA deur “Skenk punte aan liefdadigheid” op die app of by die kiosk in die winkel te kies en FoodForward SA as begunstigde te kies.
• Neem op Mandela-dag deel aan een van die landwye paksessies waarin kruideniersware in kospakkies gesorteer sal word. Daar is vier skofte van 67 minute elk wat om 09:00 begin by elkeen van ses lokale landwyd. Bespreek jou skof van 67 minute op Webtickets: Klik hier

Heining vir dierekliniek

Skenk jou tyd op Mandela-dag deur die SA.MAST Dierekliniek en hospitaal in Khayelitsha te help om ‘n heining te bou om die diere veilig te hou.

Hulle het al meer as 3 000 hondehokke vir honde sonder skuiling gebou, duisende katte en honde gesteriliseer en ingeënt en sowat 19 000 katte en honde gratis behandel en weer by hul huise gelaat. Khayelitsha is ‘n snelgroeiende dorp en die behoefte om diere te versorg, is groot.

Vanjaar doen die dierekliniek ‘n beroep op diereliefhebbers om hulle te help met die noodsaaklike heining. Hulle het sowat 20 vrywilligers nodig om te help. Vrywilligers sal in drie spanne verdeel word om gate te grawe vir die heiningpale en om die draad te span. Stuur ‘n e-pos aan Tamsin by samast@samast.co.za as jy wil gaan help. As jy geld of materiaal soos sement, pale en draad vir die heining wil skenk, kan jy meer inligting kry by www.samast.co.za. #SensitiveMen4Animals

The post Wat jy op Mandela-dag 2019 kan doen appeared first on rooi rose.

KAMERS/Makers Pretoria 2018. Foto’s verskaf. 

KAMERS/Makers sluit die jaar af in Pretoria – hierdie keer by Cornwall Hill College in Irene. Hierdie pragtige skool bied lekker groot spasie, maklike toegang en veilige parkeerplek. KAMERS/Makers beplan om meer as 200 uitstallers by die Irene-mark te hê!

KAMERS / Makers bly ’n kontantlose omgewing, te danke aan hul goeie vennote, ABSA.

Die nuwe en verbeterde KAMERS-blad maak dit nou makliker om jou gunsteling produkte regdeur die jaar by shop.kamersvol.com te koop.

KAMERS/Makers 2018 Irene, Pretoria
Cornwall Hill College
4 – 9 Desember 2018, 09:00 – 17:00 daagliks

Kaartjies
R60 by www.plankton.mobi en R90 by die hek. Hierdie kaartjies sluit in ’n beperkte voorraad KAMERS/Makers-inkopiesak en ’n tydskrif.
Multidag-toegang: R120
Groep- afslag: Koop drie, kry een gratis.
Studente en pensionarisse R60.
Onder 18 kry gratis toegang.

Vir meer inligting, besoek hulle webwerf. Vir aanlyn aankope, besoek hul aanlynwinkel. Volg hul op sosiale media: Facebook| Instagram | Twitter

Gesels saam en gebruik die hutsmerk #KAMERS2018.

The post KAMERS/Makers Pretoria 2018 appeared first on rooi rose.

Foto: verskaf

kykNET Hip Pops is ’n produksie waar alternatiewe vorms van musiek op ’n unieke wyse vermeng word. Kaapstad is lank reeds bekend vir sy maatskaplik-bewuste benadering tot hip-hop. Daar is die afgelope tyd ’n aantal jong kunstenaars wat ’n meer lighartige benadering tot lirieke en ritme volg. En nou, vir die eerste keer in die musiekgeskiedenis, word hierdie kletsrymers met klassieke musiek gekombineer. Die eenmalige musiekkonsert, enig in sy soort gaan Suid-Afrika aan die gons hê.

Kunstreffers: Konsert van Hoop is ’n musiek- en dansskouspel, aangebied in samewerking met Kunstekaap. Die program is gevul met optredes deur kunstenaars soos Laurika Rauch en die Libertaskoor, asook die wenners van die Suidoosterfees Talentsoektog 2017: The Unknown Dansgroep, Vusumuzi Mpofu en Anja van den Berg. Robin Peters van The Voice-faam en die operasangers, Janel Speelman en Xolane Marman sing albei ook in hierdie vertoning. Hierdie geleentheid is vir jonk en oud, waar die sterre van môre die verhoog met die legendes van vandag deel.

Die Suidoosterfees spog ook met die produksie, Sai & Katallies. In ons soeke na ontsnaproetes uit ons “tronke”, vergeet ons soms die sleutel van die sel in ons broeksak. Sai en Katallies se Long Walk to Freedom wys daarop dat al stap jy fisiek agter vryheid aan, al vlug jy landuit, sal jy nooit vrykom van bitterheid as jy nie vergewe nie.

Nog ’n gehalte musiekproduksie by vanjaar se Suidoosterfees is Karoo Swing Innie Kaap. Emo Adams, Bobby van Jaarsveld en Katlego Maboe deel die verhoog in hierdie konsert waar Afrikaanse musiek afgestof word. Hierdie kunstenaars stel hul gedeelde liefde vir “big band swing” ten toon. Hierdie nostalgiese reis is vir elkeen wat lus voel om te jol.

Die Suidoosterfees-span wens ieder en elk ’n voorspoedige Werkersdag toe en hoop dat elke feesganger die dag sal geniet.

Bly op die hoogte van die jongste Suidoosterfees-nuus op facebook (@Suidoosterfees), Twitter (@Suidoosterfees), Instagram (@suidoosterfees2018) en besoek www.suidoosterfees.co.za.

The post Teater en musiek vir almal by die Suidoosterfees! appeared first on rooi rose.

Het jy geweet die Tierlantynkies Koop & Kuier-fees is deur drie boesemvriendinne begin? Lorette, Elmien en Ronel is die meesterbreine agter dié inspirerende mark, wat binnekort weer in Pretoria ’n draai gaan maak. Hulle beoog om ’n unieke, kreatiewe ervaring vir elke besoeker én uitstaller te skep, met allerlei opkomende kunstenaars en entrepreneurs wat hul produkte ten toon stel, musikale vermaak by die mark, asook liplekker kos en wyn – om maar net ’n paar van die aantreklikhede te noem. Besoek tierlantynkies.co.za vir meer.

Belangrike inligting

Wanneer: 26 April – 1 Mei 2018
Waar: @3Ci Tent, 56 Saal St, Zwavelpoort, Pretoria-Oos
Tyd: Donderdag – Saterdag & Maandag: 9:00 – 18:00 \ Sondag 10:00 – 16:00 \ Dinsdag 9:00 – 16:00
Kaartjies: R35 per persoon. Kaartjies is geldig vir ses dae. Kinders onder 18 geniet gratis toegang.

Hier is ’n voorsmakie na van die uitstallers wat by vanjaar se Tierlantynkies Koop & Kuier-fees te sien sal wees:

Simpiwe

By Simpiwe word geskenke uit die hart gemaak, dit is immers wat die woord, Simpiwe, beteken: Geskenk. Die span is almal deel van ’n werkskepping- en opheffingsprogram, waar hulle opleiding kry om die kuns van handgemaakte goedere te bemeester, elkeen op sy eie gebied. Alles word met die hand gemaak en gegebuig – ’n blik skêr en langbek-tang is die enigste gereedskap wat gebruik word. Een van die rolspelers in die Simpiwe-handelsnaam, Frikkie Els, vertel: “Die lekkerste en mees bevredigende uitdaging is om elke nuwe produk te ontwerp en dan saam met my span die produk te vervaardig. Die mans maak die rame vir die papier die machè-ligte en die vroue trek dit oor met ingevoerde papier. Die Tierlantynkies Koop & Kuier-fees is ’n baie goeie geleentheid om ’n nuwe produk te toets, omdat dit ’n baie gesofistikeerde mark is.”
Skakel 083 381 6225 of stuur ’n e-pos na simpiweart@gmail.com vir meer inligting.

Paper Republic

Alles het met allerlei papierstukke en ’n spesiale masjien begin wat die toekoms van Paper Republic sou beteken. Vandag is dit die voorste papierkuns en -dekor handelsmerk in Suid-Afrika, wat tallose papier-kunswerke en groot installasies regoor die land oprig. Hoewel Paper Republic groot opslae in die glanswêreld maak, met die allermooiste papier-projekte wat die kollig by verskeie aangeleenthede steel, bly dit steeds ’n plaaslike handelsmerk wat kleiner handgemaakte produkte aan die publiek beskikbaar stel. Daarom is die Tierlantynkies Koop & Kuier-fees die ideale manier om dié innoverende handelsmerk eerstehands te ervaar.
Skakel 083 225 0795 of stuur ’n e-pos na info@paperrepublic.co.za vir meer inligting. Jy kan hulle ook op Facebook volg by paperrepublic.co.za

Just Because

Just Because is sowat agt jaar gelede deur Annelize Fourie en Candice Dingwall begin. Albei was in die tydskrifbedryf, Annelize as stileerder en Candice as fotograaf. Annelize het die allermooiste stelle met blomme, dekor, materiaal, plante, ou planke en groente gemaak, wat Candice dan afgeneem het. Ná ’n paar jaar het dié twee se paaie weer gekruis en hulle het gekoer oor die wens om “net nog een mooi foto saam te neem”. Dit het gelei tot die droom om ’n koffietafelboek te skep – sommer net vir die lekkerte. Agt jaar later is hul reeks produkte regoor Suid-Afrika, Namibië, Kenia, Botswana en Australië beskikbaar. Dit was egter by ’n Tierlantynkies Koop & Kuier-fees, sewe jaar gelede, waar hulle hul eerste groot deurbraak gemaak het. Sedertdien groei hulle elke jaar en het hulle meer produkte om by elke mark ten toon te stel. Ons kan nie wag om te sien wat hulle hierdie jaar gaan optower nie.
Skakel  082 334 0245, stuur ’n e-pos na justbecause.sa@gmail.com of besoek hul webblad by justbecausesa.co.za vir meer inligting. Jy kan hulle ook op die volgende sosiale media platforms bereik: Facebook Instagram

Soetmuis

Die Soetmuis-droom is gebore in die hart (en aan die vingers) van die Pretoria-gebaseerde pa-en-dogter-duo, Marius en Liesl Botes. Deur die essensie van tradisionele piekels, konfyte en smere te behou, het hulle hul eie, ‘gourmet’ afdruk op hul produkte geplaas deur sakke vol geur, interessante teksture en wonderlike kombinasies bymekaar te voeg. Elke produk is sorgvuldig aanmekaar gesit deur ’n verskeidenheid prosesse- sommige word fyn gekap, sommige fyngedruk en ander gelos om in sy eie sappe en souse te kook om die volmaaktheid van elke delikate geur te waarborg. Soetmuis is een van die volrondste smaak-ervarings waarvoor jy kan wens.

Ná ’n jaar van opwinding, harde werk en baie uie kap, is hulle geseën met fantastiese ervarings wat die kos-industrie van Suid Afrika vir hulle gebied het. Tog het hulle ’n baie spesiale plek in hul Soetmuis-harte vir die Tierlantynkies Koop & Kuier-fees, aangesien die fees hul eerste stap op hul pad na sukses was.
Skakel Marius: 084 438 3223 / Liesl: 062 295 1390 of stuur ’n e-pos na hello@soetmuis.co.za vir meer inligting. Jy kan hulle ook op Facebook volg by facebook.com/soetmuis

Filly Leather

Die Filly Leather-span se passie is om, deur hul produkte, die lewenstyl van hul kliënte te bevorder. Hulle droom om dié handelsmerk eendag op nasionale en internasionale vlak te vestig as een van die toonaangewende handelsmerke in leerprodukte. Die meerderheid van hul produkte word met die hand gemaak en hulle poog om sover moontlik plaaslike materiaal van die hoogste gehalte in hul produkte te gebruik. Sodoende kweek hulle ’n kultuur van eer en ’n standaard van uitnemendheid met elke produk.

Die sukses van dié handelsmerk is egter gegrond in hul benadering tot hul werknemers. Filly Leather is dus meer as net jou alledaagse vervaardiger van handgemaakte leerprodukte, dit is ook ’n baken van hoop en ’n bron van inkomste vir baie werkloses. Deur hul werkskeppingsgeleenthede hoop hulle om transformasie te bevorder in die gemeenskap en die wêreld waarin ons vandag leef. Elke Filly Leather produk wat jy koop, maak ’n verskil in die lewe van ’n persoon in nood.
Skakel 061 407 1614 of stuur ’n e-pos na sales@fillyleather.com of office@fillyleather.com of besoek hul webblad by fillyleather.com/ vir meer inligting. Jy kan hulle ook op sosiale media volg: Facebook en Instagram

The post Tierlantynkies Koop & Kuier-fees 2018 appeared first on rooi rose.

Die Suid-Afrikaanse Modeweek (SAFW) vier vanjaar hul 21ste jaar as die land se voorste modeplatform en Sandton, Johannesburg gaan binnekort die loopplank word vir top plaaslike ontwerpers wanneer dié gewilde modeweek hul Lente/Somer 18-reekse met 66 opwindende nuwe reekse bekendstel. Hierdie geleentheid skop af op 10 April 2018.

Amptelike openingsgeleentheid

Op Maandag, 9 April word die amptelike LS18/19-week afgeskop met Cruz Vodka.

Suid-Afrikaanse Modeweek: Vrouedrag

Dag 1: Vrouedrag begin met Woolworths waar die Style by SA-skou nuwe versamelings ten toon sal stel met onder andere die talentvolle Rich Mnisi, Thebe Magugu, Sindiso Khumalo, Wanda Lephoto en Young and Lazy.

Dag 2: RESORT WEAR COLLECTIONS is ontwerp om fantasieë te inspireer van weelderige bestemmings, aande van partytjie en ’n eindelose somer. Verwag Lalesso, Beachcult, Judith Atelier en Helon Melon om al die sprankel te verskaf.

Die Durban Universiteit van Tegnologie (DUT) het sy goeie status verdien deur van die land se beste ontwerpers op te lewer. Hierdie tradisie duur voort deur DUT se top-finalejaarstudente uit te daag om hul interpretasies van die Rise of the OXX-versameling aan te bied.

Beide mans- en vrouedrag sal aangebied word deur Tamara Hoggarth, Michaela Rebecca Rollard, Zane Ngwenya, Ashley Igesund, Alexia Robert, Sipho Mbuto, Saudah Ballim, Courtney Hunt, Noreen Maphumulo, en Fikile Sokhulu.

Amanda Laird Cherry, wat haar eerste versameling by die SA-modeweek in 1999 aangebied het, keer vanjaar terug met haar kenmerklike immergroen skeppings. Sy word vergesel deur die ontwerper-duet van Pretoria, Erre.

Hierdie vertoning sal gevolg word deur versamelings van Mantsho, Loayo Art and Creations en Sun Goddess.

Dag 3: Ephymol, Black Coffee – ondersteun deur Cape Wools SA – en Clive Rundel open dag drie.

Die sosiale vlinder, Hangwani Nengovhela van Rubicon, sal ook vanjaar ook met Appletiser saamwerk.

Gert-Johan Coetzee span saam met McDonalds vir die xBigMac50-ervaring, gevolg deur African Style Story, ’n handelsnaam wat gewild geword het tydens sy eerste vertoning by die SA-modeweek LW16-versamelings. Die ontwerper van African Style Story, Carlo Pinto, deel die kollig met T_Niche, Isabel de Villiers en die wenner van die 2017 New Talent Search Mmusomaxwell.

Dag drie eindig by die stylvolle uitstalkamers van die voorste mansklerehandelsnaam Row-G. Let wel: Hierdie geleentheid kan uitsluitlik by uitnodiging bygewoon word.

SA-modeweek: mansdragversamelings

Dag vier: MINI sal in samewerking met SA-modeweek die MINI Scouting Menswear in Association with GQ Magazine aanbied waar van die land se beste mansdrag uitgesoek en ten toon gestel sal word.

Die tweede vertoning van die dag wys die versameling van Ryan Keys wat beide sy Keys-modereeks en RK Menswear insluit.

Daarna volg ’n opwindende versameling van die bekende Paledi Segapo met Palse.

Dag vyf: Die finale dag open met nog ’n partytjie weg van die loopplanke by die Convoy Collective in Melville se Bamboo-sentrum waar Red Line bekendgestel sal word. Dit sluit in agt vrouedragontwerpers: Heart & Heritage, Anmari Honiball, Superella, Henriette Botha, Hannah Lavery, Isabel de Villiers, Found Collection en Avant Apparel.

By die hoofloopplanke by Sandton City draai die fokus na die Bakusasa-versamelings: sewe opkomende sterre wat insluit Otiz Selfo, Bayanda Khathini, Ellen Madie, Zamaswazi, Bi Parel, The Watermelon Social Club en Tiller voordat hierdie seisoen gesluit sal word met die grande finale met Esnoko, De Mil en Dope. 

Dag ses: Op Sondag, 15 April sal die span van Hospice Wits by die modeweek kuier vir hul jaarlikse glansryke fondsinsamelingsgeleentheid – Hospice Wits Night with The Stars in The City. Hierdie geleentheid word aangebied by Sandton City en die room van Suid-Afrikaanse bekendes en mode-ontwerpers sal saamspan om unieke skeppings te maak om fondse in te samel vir pasiënte met lewensgevaarlike siektes.

SA-Modeweek Handelskou
Vanjaar se handelskou sal daagliks vanaf 11 -14 April in die uitstallers-markiestent in die nabyliggende skou-ouditorium plaasvind. Vyftig mans- en vrouedragreekse sal beskikbaar wees.

Besoek SA Fashion Week se webblad hier.

The post Suid-Afrikaanse Modeweek Lente/Somer 2018 appeared first on rooi rose.

Foto Pexels

Die vierde uitgawe van Goût de/Good France vind wêreldwyd plaas tussen 19 en 25 Maart 2018, met meer as 2 000 restaurante in 150 lande en oor 5 kontinente wat deelneem deur Franse gastronomie en die Franse art de vivre te vier.

Die restaurante wat aan #GoodFrance deelneem, is as volg:

Gauteng:

• Johannesburg: SA Culinary Club, Radisson Blu Sandton, Four Seasons The Westcliff, Les Délices de France en Le Saint Tropez.
• Pretoria: Leriba Hotel, Court Classique Suite Hotel, Brasserie de Paris, EAT@UP (University of Pretoria) en Prue Leith Restaurant

Wes-Kaap:

• Kaapstad: The 41 en Chefs Restaurant
• Franschhoek: Le Coin Français

Kwa-Zulu Natal:

• Durban: The Glenwood Restaurant, Fusion Restaurant, Fusion French Café en Île Maurice Restaurant
• Ladysmith: Esiweni Lodge

Oos-Kaap:

• Port Elizabeth: Muse Restaurant
• Addo: Addo African Home

Lesotho:

• Maseru: 7 Restaurant

Hierdie geleentheid is deur die Franse ministerie van buitelandse sake en internasionale ontwikkeling saam met sjef Alain Ducasse van stapel gestuur. Hulle het inspirasie geneem van Auguste Escoffier wat die Dîners d’Épicure-inisiatief 1912 begin het: dieselfde spyskaart, op dieselfde dag, in verskeie wêreldstede, vir soveel gaste moontlik.

Besoek hul webblad vir meer inligting

The post Goût de France/Good France fees 2018 appeared first on rooi rose.

Foto’s verskaf. 

By die Wacky Wine Weekend 2018 sal meer as 35 landgoede en toeriste-bestemmings verteenwoordig word. Die wynlandgoede, wat strek van Robertson tot Bonnievale en Ashton to McGregor-streke, sal hul kelderdeure tussen 31 Mei en 3 Junie vir besoekers oopmaak. Die naweek bied interaktiewe wynproegeleenthede, toere en die geleentheid om die wynmakers te ontmoet. Daar is verder musiekopvoerings, kosstalletjies met heerlike plattelandse kos, en dis boonop kindervriendelik met hope pret aktiwiteite.

Verdere inligting:

Kaartjies: Kaartjiepryse sal ingestel word vanaf Maart 2018 teen R200 per persoon.

Besoek gerus die amptelike webblad om meer inligting te kry en om meer uit te vind oor verblyfmoontlikhede en vervoer-opsies. Die Wacky Wine Weekend-fees ondersteun padveiligheid en bied verskeie opsies vir feesgangers om vervoer te organiseer. Jy kan ook die Robertson Wine Valley-kantore kontak by 023 626 3167 of events@robertsonwinevalley.com of besoek hul webblad hier

Foto verskaf: Laresa Perlman Photography

The post Wacky Wine Weekend 2018 appeared first on rooi rose.

Laurinda Hofmeyr en Schalk Joubert ontdek, saam met ’n wêreldklas-ensemble bestaande uit Wes-Afrikaanse sangers en musikante, ’n skatkis van Afrika-poësie vanuit Franssprekende lande soos Madagaskar, die Ivoorkus, Kameroen, Mauritanië, en Tsjaad, asook terug op eie bodem in die werke van Breyten Breytenbach, Antjie Krog en Eugene Marais. Hierdie literêre fees word gekombineer met Afrika-geïnspireerde melodieë om ’n energieke, multi-media produksie, Afrique Mon Désir, voort te bring. Laurinda Hofmeyr het die toonsettings behartig.

Lees ook ons onderhoud met Laurinda Hofmeyr hier

Meesleurende animasies deur die gevierde Suid-Afrikaanse kunstenaar, Diek Grobler, vergesel die musiekuitvoering om dit ’n unieke, sensoriese oudio-visuele ervaring te maak. In hierdie veeltalige produksie word Frans en Afrikaans, asook Lingala, Swahili, Tshiluba en Kikongo gehoor.

Afrique mon désir ondersoek temas van verplasing en verlange, asook ’n diep gedeelde konneksie tussen die Afrika-kontinent en sy bewoners.

Hierdie produksie sal, na afloop van die opvoerings by die Woordfees en KKNK, ’n oorsese toer meemaak waar dit in Frankryk, Nederland en België aangebied sal word.

Foto verskaf

Verdere inligting

Naam van die produksie: Afrika My Verlange / Afrique Mon Désir

Regie: David Kramer

Musikante: Laurinda Hofmeyr, Schalk Joubert, Kevin Gibson, Malako Wekuna Soba, Yamamoto Bonkuta Loyeke, Kayembe Ilunga, Deodata (Dea) Kingzunga-Walo, Dylan Roman.

Animasie: Diek Grobler

Aangebied deur die Cape Town Music Academy (CTMA), ’n nie-vir-profyt maatskappy (NPC) wat daarna streef om geleenthede te ontwikkel vir plaaslike gevestigde en opkomende musikante en kunstenaars in die Wes-Kaap.

Stellenbosch Woordfees 2018:

Datums en tye:

Woensdag, 7 Maart om 20h30
Sondag, 11 Maart om 16h00
Bespreek by Computicket

KKNK Oudtshoorn 2018:

Datums en tye:

Maandag, 2 April om 18h00
Dinsdag, 3 April om 14h00
Bespreek by Computicket

Afrique Mon Désir album is beskikbaar aanlyn, en dit word ook vanaf Maart 2018 internasionaal deur die Franse maatskappy In Ouïe Distribution versprei.

Kry ’n voorsmakie van die produksie hier en hier.

The post Afrique Mon Désir by Woordfees en KKNK 2018 appeared first on rooi rose.

Foto’s verskaf

Kom leer by die meesters hoe om wilde sampioene uit te snuffel en te kook by hierdie fungi-fantastiese ervaring, eksklusief vir nuwe- en bestaande lede van Delheim se wynklub.

Delheim, ’n Stellenbosch-steunpilaar en die Suid-Afrikaanse pionier van sampioen-en-wyn ervarings, lê teen die Simonsberge waar die verleidelike heerlikheid in die natuurlike woude in die klam grond skuil.

Meeste mense is skrikkerig om wilde sampioene uit te snuffel omdat hulle nie seker is watter geskik is om te eet nie. Die Delheim Sampioen-snuffeltog is net egter die geleentheid om dit te verander.

Snuffelaars kry ’n kort oorsig oor watter sampioene geskik is en watter vermy moet word; die geleentheid om ’n kundige gids te vergesel op ’n eerste-van-die-seisoen snuffeltog; ’n sampioen kook-demonstrasie én ’n heilsame, fungi-gefokusde middagete met bekroonde Delheim-wyne daarby.

“Die voorkoms van die wilde sampioene is ’n spesiale tyd, want dis iets wat Moeder Natuur op haar eie vermag,” sê Delheim se matriarg en ervare sampioen-snuffelaar, Nora Sperling-Thiel. “Dit is hoekom ons veral sensitief is oor die bewaring van ons wilde eko-stelsels op die landgoed. Ons is baie versigtig in ons benadering jeens die boerdery en ons beperk ook die hoeveelheid deelnemers aan die sampioen-uitstappies.”

Vanjaar se formaat van die Delheim Sampioen-snuffeltog opskiet-reeks beklemtoon die uitsonderlike geleentheid deur ywerige snuffelaars tot net twee uitstappies te beperk.

Die eerste uitstappie wat in Maart, April of Mei (afhangende van die eerste reën)* sal plaasvind, sal bestaan uit ’n groep van net vier gelukkige snuffelaars – wenners van die gelukkige trekking van Delheim Wynklub-lede – wat die geleentheid kry om hul lewensmaats saam te neem. Dis ’n intieme byeenkoms en die tydjie wat deurgebring word tussen die hoë dennebome, is beslis ’n ontwaking uit ’n ander wêreld.

Vir die tweede uitstappie, iewers in Junie of Julie, sal alle Delheim Wynklub-lede die geleentheid kry om te kan bespreek. Die groep sal effe groter wees, maar steeds die volle program insluit en kos R650 per persoon.

“Die bevestiging van die presiese datums sal twee dae voor die geleentheid plaasvind– ’n vereiste wat net gemaak word met die verskyning van die sampioene,” sê Nora.

Lidmaatskap is so maklik soos 1-2-3. Kies jou 12 gunsteling Delheim-wyne; voltooi jou bestelling en jy is in! Lidmaatskap gee jou nie alleen toegang tot die sampioen-snuffeltog nie, maar ook Delheim se vol mandjie van geleenthede, kompetisies en spesiale vrystellings.

Alle navrae en besprekings – ook om aan te sluit as wynklub-lid met al die voordele, waaronder die Delheim Sampioen Snuffeltog Opskiet-geleentheid, moet gestuur word na wineclub@delheim.com. Besoek ook Delheim se webblad vir meer oor die plaas en sy fassinerende storie.

*Let wel: Wilde sampioene is totaal van die natuur afhanklik en dus onmoontlik om met akkuraatheid te voorspel, veral na lang droogte-periodes. Alhoewel die Delheim-geleenthede tydens die sampioen hoogseisoen gehou word, kan die landgoed nie waarborg dat daar wel op die dag sampioene sal wees nie.

Delheim Landgoed is op die Knorhoekpad, van die R44, in die Simonsberg sub-streek van die Stellenbosch Wynroetes, geleë.

The post Delheim Sampioen-snuffeltog appeared first on rooi rose.

Foto deur Carel Stander

In Gesnaarde Gedigte gebruik sanger-liedjieskrywer Hilandi du Toit en aktrise June van Merch gedigte, musiek en emosies om kwessies soos mensegelykheid, geslagsgelykheid, rassisme, liefdeloosheid teenoor selfdegeslagverhoudings en die kerk se oproerings daaroor aan te spreek. Gedigte van weleer word getoonset en Van Merch, met haar ysterstem, vertolk van die oudste en mees geliefde Afrikaanse poësie. Du Toit vul die woordkuns met gevoelvolle kitaarspel aan en sing ook van haar oorspronklike liedjies. Sy tokkel akoestiese staalsnare, gaan maak ’n draai by die Spaanse flamenco en bring ’n sessnaarbanjo saam. Mari Borstlap behartig die regie.

Lees ook ons onderhoud met June van Merch

Verdere inligting

Plek: Drostdy-teater, Stellenbosch

Datums en tye:
3 Maart 2018 om 10h30
6 Maart 2018 om 20h30
10 Maart 2018 om 10h30

Kaartjies is beskikbaar by Computicket

Klik op hierdie YouTube-skakel en luister na een van Hilandi se verwerkings.

The post Gesnaarde Gedigte by Woordfees 2018 appeared first on rooi rose.

Charl du Plessis plays Gershwin sluit musiek in van Porgy & Bess, liedjies soos The Man I Love en I Got Rhythm en die unieke Rhapsody in Blue. Charl deel die verhoog met kontrabasspeler Werner Spies en tromspeler Peter Auret.

Verdere inligting

Naam: Charl du Plessis plays Gershwin

Plek: Auto & General Theatre on the Square, Johannesburg

Datums: 20 -24 Februarie 2018

Opvoerings: Dinsdag tot Vrydag om 20h15, en twee opvoerings op Saterdag: 18h00 en 20h15

Navrae kan gerig word oor groep- en skoolafslag, sowel as aandete- en konsertaanbiedinge. Bel die teater se kaartjiekantoor by 011 883 8606 of bespreek kaartjies aanlyn by Computicket of bel die oproepsentrum by 0861 915 8000.

The post Charl du Plessis speel Gershwin appeared first on rooi rose.

Foto deur Chanél van der Merwe

Hierdie komiese eenvrouproduksie volg die verhaal van ’n gewese popster in die 90s, Nina van Zyl. Dit gaan nie goed met haar nie; haar popster-loopbaan het albei voete in die graf, sy het al vir ses jaar lank writer’s block en nou het haar eks die vermetelheid om kanker te kry. Classic Dirk … Sy vat die langpad van Johannesburg na Kaapstad, dorp tot dorp. Miskien kan sy vir Dirk een laaste keer sien. En miskien kry sy ’n paar gigs. In elke dorp van haar toer beland Nina in situasies wat haar vooropgestelde idees oor haarself oopkraak. Die karakters wat sy ontmoet, nuut en oud, help haar om te laat gaan van haar verlede van vernederings en selfsugtigheid. In elke dorp word daar iets van haar afgesloof – haar narisisme, haar vrees, en haar spyt. Aan die einde maak sy dit deur die vagevuur van plattelandse Suid-Afrika as ’n beter persoon. Wel, soort van.

Simoné Nortmann vertolk die hoofrol van Nina van Zyl en Ilana Cilliers is die stem van Angie, die agent. Maude Sandham behartig die regie, en verhoog-, kostuum- en beligtingsontwerp is deur Stefan Benadé. Musiek deur Marius van Wyk en verhoogbestuur deur Catherine van Hoven. Die verhaal is deur Louis Roux geskryf.

Klik hier om ons gesprek met Simoné Nortmann te lees oor hierdie vertoning om ’n voorsmakie te kry.

Verdere inligting

Datum: 6 en 7 Februarie 2018

Tyd: 20h00 – 21h00

Plek: Atterbury-teater, Pretoria. Besoek hul webblad hier

Koste: R140 – R160

Kaartjies is beskikbaar by Computicket. Kontak gerus 012 471 1700 vir verdere inligting.

The post Los Asseblief ’n Boodskap appeared first on rooi rose.

Maak gereed vir die Pick n Pay Stellenbosch Wynfees,  wat die room van die Stellenbosch-wynroete se wyne sal aanbied.

Hierdie jaar sal die wynfees twee merkwaardige wynervarings aanbied, die General Wine Tasting Experience en die Premium Wine Tasting Experience. Die General Wine Tasting Experience gee jou die kans om wyne van 60 verskillende wynplase te proe en te koop met 20 gratis wynproewings. Die Premium Wine Tasting Experience bied jou 30 gratis wynproewings, pryswennerwyne van Stellenbosch, sewe tafels met verskillende kultivartemas én ’n geleentheid om die wynmakers self te ontmoet.

Alle feesgangers het toegang tot skaduryke sit-areas en die Gourmet Food Lane met gratis regstreekse vermaak. Daar is ’n uitgesoekte kinderarea waar die Momentum Health Kiddies Area die kleinspan gratis vir die dag sal vermaak en oppoas. Jy kan na hartelus koop by hierdie fees aangesien Aramex ’n gratis wynafleweringsdiens bied vir enige wyn wat by die fees aangekoop is na enige adres in Suid-Afrika.

Let wel dat hierdie fees ’n kontantlose sisteem sal volg wat besoekers toelaat om die fees te geniet met ’n veilige en bestuurbare geldoplossing. Elke feesganger sal ’n kaart ontvang wat soos ’n debietkaart funksioneer wat jou toelaat om by enige stalletjie (beide wyn en kos) te kan koop. Indien die geld op die kaart opraak, sal jy by die amptelike kassierstent aanmeld waar ’n beskikbare assistent jou sal help om ’n verdere bedrag op die kaart te laai.

Besonderhede

Datum: Vrydag 23, tot Sondag 25, Februarie 2018

Tye: Vrydag 23 Februarie: 16h00 – 21h00

Saterdag 24 Februarie: 12h00 – 20h00

Sondag 25 Februarie: 12h00 – 18h00

Plek: Coetzenburg Sportgronde, Stellenbosch

Prys: R150 – R350

Kaartjiebesonderhede:

General Wine Experience: Vrydag: R150; Saterdag: R190; Sondag: R190. Hierdie bedrag sluit in ’n proe-glas, toegang tot die General Wine Experience-proewingsarea en ’n kontantlose kaart gelaai met 20 gratis wynproewings.

Premium Wine Experience: Vrydag tot Sondag: R350. Hierdie bedrag sluit in ’n proe-glas, toegang tot die General Wine Experience en Premium Wine Experience-proewingsareas, ’n gratis charcuterie-bord, en ’n kontantlose kaart gelaai met 30 gratis wynproewings.

Kaartjies is beskikbaar by Webtickets. Kinders onder 18 se toegang is gratis, maar hulle sal nie ’n proe-glas of kontantlose kaart ontvang nie. Kaartjies is beperk, so bespreek vroeg om teleurstelling te vermy.

Vir meer inligting en die volle fees-skedule, besoek gerus die webblad of volg hulle op sosiale media.

The post Stellenbosch Wynfees 2018 appeared first on rooi rose.

SAB World of Beer in Johannesburg bied ’n week se spesiale Valentynspakkette aan om die dag van liefde te vier.

Daar is twee pakkette beskikbaar – een is ’n toer en bierproewing, en die ander ’n bier en kos “pairing.”

Meer inligting:

Datums: Saterdag, 10 tot Saterdag, 17 Februarie 2o18

Tye: 13h00 – 16h00 (Bierproewing en -toer)

13h00 – 16h00 (Kos en bier-“pairing”)

Plek: SAB World of Beer, Newtown, Johannesburg

Koste: R360 per paartjie vir die Bierproeing en toer

R1 000 per paartjie vir die Kos- en Bier-“pairing”. Sien hieronder die Valentynsdag-middagetespyskaart wat geldig is vir 17 Februarie alleenlik.

Spyskaart vir 17 Februarie 2018

Die kos-en-bier-“pairing” bied aan paartjies die geleentheid om ’n reis van geure en aromas mee te maak met ses biere wat elk voedselpasmaats het.

SAB se handelsbrouer, Anton Erasmus, sal gaste deur ’n vyfgang-maaltyd en bierproe lei. Die spyskaart lyk soos volg:

• Gerookte salmrosette op geroosterde bruschetta met roomkaas en diepgebraaide kappertjies gepaar saam met Flying Fish Lemon
• Aarbei-sorbet
• Snye springbokfilet op romerige aartappelsmoes met ’n pienk-peperkorrelsous, pêrelgroente en krakerige pancetta gepaard met Carling Blue Label.
• Diepgebraaide gekrummelde camembert-kaaswiggies met rooi-uie marmelade bedien saam ’n mini-baguette. Hierdie sal gepaard gaan met Carling Black Label.
• Dekadente sjokoladebruintjies met espresso-anglaise, bessiecoulis, vanieljeroomys en ’n phyllo-deeg waaiertjie saam met Castle Milk Stout en Fransen Street Cream Ale.

Die laaste besprekings sal aanvaar word om 12h00 op die Vrydag voor die geleentheid om te verseker dat provisie voldoende is.

Kaartjies is beskikbaar by webtickets. SAB World of Beer kan ook direk gekontak word by 011 836 4900 of by events.co-ordinator@za.ab-inbev.com.

Let wel dat geen onder 18’s toegelaat sal word by enige van die twee geleenthede nie.

The post Vier Valentynsdag met SAB World of Beer appeared first on rooi rose.