Begin reeds die vorige dag met die roomyskoek.

Genoeg vir 10-12

Bestanddele

• 1 x 360 g-blikkie karamel
• 750 ml (3 k) room
• 15 ml (1 e) vanieljegeursel
• 300 g x 70% donkersjokolade, ruweg gekap
• 200 g swartbessies (bevrore of vars)
• 100 g pekanneute, liggies gerooster en ruweg gekap
• 200 g Romany Creams met sjokoladevulsel, fyn gemaal

Metode

1. Spuit ’n jellievorm of Bundt-koekpan met ’n deursnee van 25 cm met kleefwerende kossproei.
2. Meng die karamel, room en vanieljegeursel in ’n groot mengbak. Klits met ’n elektriese klitser tot lig en donsig.
3. Verdeel die roomysmengsel eweredig tussen 3 verskillende mengbakke.
4. Smelt die sjokolade vir 1 min. op die ontvriesstelling van die mikrogolfoond. Roer die sjokolade deur en smelt vir nog 30 sek. op ’n slag tot dit heeltemal gesmelt is – roer ná elke 30 sek. Vou slegs 200 g van die gesmelte sjokolade by een van die mengsels in. Hou die res eenkant. Vul die voorbereide pan met die sjokoladeroomys. Sit in die vrieskas vir 30 min.
5. Verwerk die swartbessies in ’n voedselverwerker tot glad en vou die swartbessies by een van die laaste twee mengsels in. Gooi die swartbessieroomys bo-op die sjokoladeroomys en sit vir nog 30 min. in die vrieskas.
6. Meng die pekanneute deur die oorblywende roomys en vul die pan met die pekanneut-roomys. Sit in die vrieskas vir 30 min.
7. Meng die Romany Creams en oorblywende sjokolade en druk die kors met die agterkant van ’n lepel liggies bo-op die karamelmengsel vas.
8. Sit die roomyskoek oornag in die vrieskas, laat dit vries en haal eers 10-15 min. voor die uitkeerslag uit die vrieskas. Sit voor met ekstra bessies en vars kruisement.

The post Feestelike roomyskoek appeared first on rooi rose.

Genoeg vir 8

Bestanddele

Tertdeeg

• 375 g koekmeel
•  2,5 ml (½ t) sout
• 180 g botter
• 150 g roomkaas
• 60 ml (¼ k) yswater

Vulsel

• 4 pere, middeldeur gesny en klokhuise uitgesny
• 3 appels, middeldeur gesny en klokhuise uitgesny
• 10 ml (1 t) kaneel
• 60 ml (¼ k) suiker
• 1 ml (¼ t) sout
• 30 g amandelmeel
• 45 g botter
• 45 g heuning
• 1 eier, liggies geklits met ’n knypie sout

Karamelsous

• 375 ml (1½ k) room
• 250 ml (1 k) volroommelk
• 225 g bruinsuiker
• 100 g botter
• 2,5 ml (½ t) sout

Metode

1. Voorverhit die oond tot 190 °C. Voer ’n groot bakplaat met bakpapier uit.
2. Meng die koekmeel, sout en botter in ’n voedselverwerker tot dit soos growwe broodkrummels lyk. Voeg die roomkaas en yswater by en verwerk totdat dit ’n deeg vorm. Draai die deeg in kleefplastiek toe en sit vir 30 min. in die yskas.
3. Rol die deeg sowat 6 mm dik in ’n 35 cm-sirkel uit. Tel die deeg versigtig op die voorbereide bakplaat. Sit in die yskas tot benodig.
4. Sny die pere en appels in baie dun skywe, hou die appel- en peerskyfies teenmekaar. Meng die kaneel, suiker en sout in ’n klein mengbakkie.
5. Strooi die helfte van die suikermengsel en al die amandelmeel oor die tertdeeg. Pak die gesnyde pere en appels langs mekaar op die tertdeeg met die snykante na onder. Behou ’n deegrand van 4-6 cm en vou dié deeg oor die appels en pere.
6. Verhit die botter en heuning in ’n klein kastrol tot gesmelt. Smeer die mengsel oor die appels en pere en smeer die deeg met die eierglaseersel. Strooi die oorblywende suikermengsel oor.
7. Bak die tert vir 45 min. of tot goudkleurig. Smeer die appels en pere nog een of twee keer met die heuningmengsel.
8. Maak seker jy bak die tert deur sodat die kors nie sag en klam is nie – die deeg kan lekker donkergoud bak.

Maak intussen die toffiesous

9. Verhit die room, volroommelk, bruinsuiker, botter en sout in ’n kastrol oor matige hitte. Kook vir 30 min. of tot goudkleurig en verdik.
10. Sit die tert met die toffiesous voor.

The post Appel-peer-en-karamel-tert appeared first on rooi rose.

Resep deur Vickie de Beer. Foto: Lee Schwagele van crphotographic.co.za

Basiese soetkoekies

Genoeg vir 24 koekies

• 180 g botter
• 200 g strooisuiker
• 10 ml (2 t) vanieljegeursel
• 1 eier
• 240 g koekmeel
• 2,5 ml (½ t) bakpoeier
• 2,5 ml (½ t) sout

1 Voorverhit die oond tot 180 °C. Voer ’n bakplaat met bakpapier uit.
2 Room die botter en suiker in ’n groot mengbak tot lig en donsig.
3 Voeg die vanieljegeursel en eier by en klits tot goed gemeng.
4 Voeg die koekmeel, bakpoeier en sout by en meng goed.

• Om ronde koekies te maak
Rol die deeg in balletjies (sowat 25 g elk) en sit op die voorbereide bakplaat. Druk hulle met ’n vurk of jou duim effens platter.

• Om vorms uit die deeg te druk
Rol die deeg so dun moontlik op ’n skoon werksvlak uit wat liggies met meel bestuif is. Bak vir 10-12 min. of tot goudkleurig en gaar.

Gebakte karamel

Ons het hierdie idee op een van ons gunsteling-kosblogs, TheKateTin, raakgeloop. Jy maak jou eie karamelkondensmelk deur kondensmelk in die oond te bak – dis baie veiliger as ons ou drukkokermetode!

• 2 x 360 g-blikkies kondensmelk

1 Voorverhit die oond tot 200 °C.
2 Gooi die kondensmelk in ’n dieperige oondpan en maak die pan met foelie toe. Sit die oondpan in ’n groter oondpan en maak die onderste oondpan vol water.
3 Bak vir 4 uur of tot goudkleurig. Hou maar fyn dop, want almal sal lepelsvol steel!
4 Smeer die karamel op die basiese soetkoekies en plak opmekaar.

Karamelspringmielies-en-mout-koekies

1 Maak die basiese soetkoekieresep maar voeg 60 g gemoute melkpoeier (Horlicks) by die basiese deeg.
2 Kap 100 g Whispers-sjokoladeballetjies ruweg en meng die helfte in die deeg in.
3 Rol die koekies uit soos bo beskryf en pak op die voorbereide bakplaat uit.
4 Strooi die res op die koekies saam met 75 g karamelspringmielies. Bak soos beskryf.

The post Karamelspringmielies-en-mout-koekies appeared first on rooi rose.

Basiese soetkoekies

Genoeg vir 24 koekies

• 180 g botter
• 200 g strooisuiker
• 10 ml (2 t) vanieljegeursel
• 1 eier
• 240 g koekmeel
• 2,5 ml (½ t) bakpoeier
• 2,5 ml (½ t) sout

1 Voorverhit die oond tot 180 °C. Voer ’n bakplaat met bakpapier uit.
2 Room die botter en suiker in ’n groot mengbak tot lig en donsig.
3 Voeg die vanieljegeursel en eier by en klits tot goed gemeng.
4 Voeg die koekmeel, bakpoeier en sout by en meng goed.

• Om ronde koekies te maak
Rol die deeg in balletjies (sowat 25 g elk) en sit op die voorbereide bakplaat. Druk hulle met ’n vurk of jou duim effens platter.

• Om vorms uit die deeg te druk
Rol die deeg so dun moontlik op ’n skoon werksvlak uit wat liggies met meel bestuif is. Bak vir 10-12 min. of tot goudkleurig en gaar.

Gebakte karamel

Ons het hierdie idee op een van ons gunsteling-kosblogs, TheKateTin, raakgeloop. Jy maak jou eie karamelkondensmelk deur kondensmelk in die oond te bak – dis baie veiliger as ons ou drukkokermetode!

• 2 x 360 g-blikkies kondensmelk

1 Voorverhit die oond tot 200 °C.
2 Gooi die kondensmelk in ’n dieperige oondpan en maak die pan met foelie toe. Sit die oondpan in ’n groter oondpan en maak die onderste oondpan vol water.
3 Bak vir 4 uur of tot goudkleurig. Hou maar fyn dop, want almal sal lepelsvol steel!
4 Smeer die karamel op die basiese soetkoekies en plak opmekaar.

Bruinbotter-sesamkoekies met botterkaramel

Hierdie koekies is glutenvry omdat dit met keker-ertjiemeel (beskikbaar by gesondheidswinkels) gemaak word. Die koekies is net so lekker sonder die botterkaramelbolaag.

1 Maak die basiese soetkoekieresep maar vervang die koekmeel deur kekerertjiemeel en voeg 100 g sesamsaad by.
2 Smelt die 180 g botter wat in die resep gebruik word in ’n middelslagpan oor lae hitte.
3 Kook tot die botter ’n neuterige smaak en ’n ligte karamelkleur kry. Trek van die hitte af en laat afkoel.
4 Meng die bruinbotter en die res van die koekiedeeg-bestanddele.
5 Bak soos beskryf.

Botterkaramel
• 125 g botter
• 125 g heuning
• 125 g suiker

1 Voer ’n bakplaat met bakpapier uit.
2 Smelt die botter in ’n klein kastrol oor matige hitte.
3 Voeg die heuning en suiker by. Roer totdat die suiker opgelos is.
4 Verhoog die hitte en kook liggies vir 5 min. of tot sagtebalstadium. (Toets dit deur ’n druppeltjie karamel in ’n glasie water te gooi. As die suiker in ’n sagte balletjie bymekaarkom is dit reg.)
5 Doop die koekies in die karamel.
6 Sit op die voorbereide bakplaat en hou eenkant totdat die karamel gestol is.

The post Bruinbotter-sesamkoekies met botterkaramel appeared first on rooi rose.

The post Chocolate kisses with caramel filling appeared first on rooi rose.

The post Chocolate heart puffs appeared first on rooi rose.

The post Pancakes with caramel sauce and caramel oranges appeared first on rooi rose.