Nelson Mandela se nalatenskap duur voort om ’n positiewe verskil in mense se lewens te maak. Maar deur Madiba se voorbeeld op Mandeladag te volg, hoe kan ’n mens verseker dat jy jou tyd slim spandeer?

Soms gaan die antwoord minder oor wát jy doen en meer oor hóé jy dit doen. Hier’s ’n paar wenke om seker te maak dat jou vrywilligheid ’n impak sal bly maak lank na jou 67 minute verby is.

Vyf maniere om aanpak na impak te verander

• Omgee begin tuis: of minstens in jou buurt. Vind ’n saak waarvoor jy omgee naby jou werksplek of in jou gemeenskap. Jy sal verbaas wees om te sien hoeveel hulp net om die hoek nodig is! Om iets naby aan jou te vind verseker dat jy jouself beskikbaar stel op ’n wyse wat gemaklik en koste-effektief vir almal is.

• Pas vaardighede by behoeftes: Welsynsorganisasies benodig rekenaarkenners, skrywers, en rekeningkundiges net soveel as wat hulle mense benodig wat kan help om bokse te pak. Probeer om jou persoonlike en professionele vaardighede beskikbaar te stel vir ’n saak wat dit wil en kan gebruik.

• Maak doelgerig skoon: Wanneer jy jou kaste en stoorplekke opruim, stel vas of dit wat jy uitgooi nog bruikbaar is. Skenk bruikbare goedere aan ’n welsynsorganisasie wat dit nodig het.

• Moenie vir alles ja sê nie: Kies eerder een saak en een tyd om by te dra – en hou daarby. Welsynsorganisasies maak staat op vrywilligers. As jy nie opdaag nie, kan groot planne in die wiele gery word.

• Waar die hart van vol is: Probeer om ’n saak te vind waaroor jy passievol is en wat by jou vaardighede kan baat. Sodoende maak jou dade daadwerklik ’n verskil.

Lees ook: WEN een van twee TABASCO® Sauce-geskenkpakke!

The post Maak jou dade daadwerklik op Mandeladag appeared first on rooi rose.

Dit is binnekort weer tyd om al jou kaste en laaie skoon te maak. Moenie items wat nog bruikbaar is, weggooi nie – gee dit eerder ’n tweede lewe deur forgood.co.za, ’n aanlynplatform wat mense met geakkrediteerde sake skakel.

Forgood skakel individue of groepe direk met nie-winsgewende organisasies regoor die land. Die webblad is maklik om te gebruik steun meer as 500 geakkrediteerde welsynsake. Skenkings kan gereël word deur slegs een muisklik – of deur ’n bestaande versoek of deur ’n aanbod op die bladsy te laai.

Hier is ’n paar items wat deur forgood benodig word:

• TV-stelle
• Mikrogolfoonde
• Skootrekenaars
• Drukkers
• Kombuiswasbakke
• Kantoormeubels
• Badkamerware
• Stowe
• Nie-bederfbare kosse
• Sakrekenaars
• Meetkundestelle
• Handboeke
• Skryfbehoeftes
• Kinderklere
• Speelgoed
• Kindermeubels
• Fietse
• Boumateriaal
• Groentesaad
• Grassnyers

Maak huis skoon en skenk die items wat jy nie meer benodig nie hier: forgood.co.za/needs/donate

Meer inligting oor forgood

Webblad | forgood.co.za

Facebook | facebook.com/forgoodSA

Twitter | @forgoodsa

Instagram | @forgoodsa

The post Hoe gemaak met uitgooigoed? appeared first on rooi rose.