Rooiwarm wenke

1. Dink prakties en esteties wanneer jy jou badkamer beplan. Hou jou beskikbare spasie in gedagte sowel as wie die badkamer gaan gebruik.
2. Afhangende van jou begroting, kan jy ondervloerse verhitting oorweeg. So ook verhitte handdoekrelings. Dit maak badtyd soveel lekkerder.
3. Maak seker van jou beskikbare waterdruk voor jy stortkoppe kies.
4. Indien jou badkamer klein is, kies liefs ingeboude stoorspasie.
5. ’n Geteëlde badkamer is die beste opsie vir higiëne sowel as onderhoud. Hou die teëls eenvoudig as jy beplan om weer eendag jou huis te verkoop. Kies ook groter teëls om die hoeveelheid teëlvuller te beperk. Dit is gewoonlik hier waar kalkaanpaksel sy kop uitsteek.
6. Belê gerus in ’n suigwaaier om ventilasie te verbeter en meeldou te verhoed.
7. Indien jy op sagte beligting besluit, maak net seker dat jy genoeg eenhede installeer sodat die badkamer goed genoeg belig is.

The post Droom badkamers appeared first on rooi rose.

Suid-Afrika is sinoniem met dromerige sonsondergange en warm dae. Tog verdien die winter ook sy plekkie in die son. Bordspeletjies, goeie koffie en eg Suid-Afrikaanse rooiwyn gee ’n ander bekoring aan hierdie seisoen.

Sybokhaar komberse, koffiemasjiene en die ryk kleure van die seisoen verewig hierdie tyd van die jaar in ons nessies. Wat is meer romanties as jou eie kaggelvuur om die winterkoue te verdryf?

Wenke vir ’n warm winterhuis

• Drapeer oorgooi-komberse (throws) oor jou banke en stoele. Dit is perfek vir ’n aandjie voor die televisie.

• Voeg ekstra kussings met verskillende teksture by jou huidige versameling. Meer is meer!

• Herrangskik jou meubels vir lekker kaggel-kuiers.

• Drapeer tafeldoeke of -lopers op houttafels. Dit skep warmte.

• Skep vir jou ’n leeshoekie in ’n lekker sonkolletjie. Rig dit in vir die winter met jou gunstelinggemakstoel en tafeltjie vir daai koppie tee.

• Los matte is genadiger vir koue voete as kaal teëls.

• Swaarder gordyne skep meer atmosfeer in die koue as dunner weergawes.

• Betrek winterpatrone in jou huis. Geruit, garing, tweed of tapisserie is pure winter.

• Drapeer skaapvelletjies oor moderne draadstoele vir warmte en ’n unieke styl.

• Alhoewel dit nie sag en snoesig is nie, voeg ’n tikkie goud baie by tot die snoesigheid van ’n vertrek.

Verskaffers

@home www.home.co.za
Fireplace Warehouse www.fireplacewarehouse.co.za
Lavafires www.lavafires.co.za
mrp Home www.mrphome.co.za
Woolworths www.woolworths.co.za

The post Hallo Winter! appeared first on rooi rose.

Hier is ’n maklike projek vir die hele gesin. Jy kan laaiborde stapel, aanmekaarvasmaak, plat gebruik of teen ’n muur monteer. As jy borde gaan kry, soek die bestes uit. Baie is nie haaks nie en maak die projek moeilik. Laaiborde kan direk van ’n vervaardiger gekoop word, maar ek het myne sommer by die groentewinkel gekry.

Ons het die hout nie te veel geskuur nie. Omdat dit so droog is, suig dit die verf vinnig op en skep dit maklik ’n verweerde en begeerde afwerking.

Indien jy ’n meer moderne afwerking verkies, gebruik ’n goeie onderlaag.

The post Optelgoed appeared first on rooi rose.

As die koelste van die primêre kleure is blou sinoniem met kalmte as gevolg van die assosiasie met die see en die blou hemelruim. Dit is ’n konserwatiewe kleur wat met reinheid vereenselwig word. Blou verminder stres en is baie geskik vir slaapkamers. Hier kom die goeie nuus – blou eetgerei verminder die eetlus. Beperk egter te veel blou omdat dit outyds kan voorkom, afhangende van die hoeveelheid skakerings wat jy gebruik.

Verskaffers

www.home.co.za

www.elsjeburger.co.za

www.greenelephantcollective.co.za

www.woolworths.co.za

www.lieseltrautman.co.za

Zara Home 010 020 -2837

The post Blousel blou appeared first on rooi rose.