Deur Maryke Roberts. Foto’s: Clifford Roberts

Sjef Ryan Cole se bekroonde restaurant, COY, in die Kaapstadse V&A Waterfront het Sondag ‘n nuwe eet-konsep bekendgestel: SunDAZE wat ‘n luilekker kuier, lewendige musiek en deelborde met liplekker kos insluit.

Die spyskaart is ontwikkel deur die twee hoofsjefs Teenola Govender en Geoffrey Abrahams, en is ‘n mengsel van nuwe konsepgeregte wat die COY-span tans ontwikkel, saam met ‘n paar nostalgiese gunstelinge.

Twee witwyne en twee rooiwyne waaruit gaste kon kies, het die maaltyd goed gekomplementeer.

SunDAZE is eksklusief op Sondae vir middagete en aandete beskikbaar, en bied ‘n ophef, geen-vervangings-spyskaart wat gemaak is om gedeel te word. Hierdie disse, gewortel in eerlike en eenvoudige kookkuns en seisoenale bestanddele, is spesiaal vir SunDAZE geskep en sal nie op COY se gereelde spyskaart verskyn nie, wat elke Sondag laat voel soos ‘n spesiale eendag-viering.

Met alle geregte wat een of ander element van vuur en kole bevat, sluit die huidige SunDAZE-spyskaart in:

• Versnaperinge: Gemarineerde olywe en geroosterde tamaties, amagwinya brioche bo-op met gerookte lende, kappertjies, dille en ‘n braambosstroom.
• Voorgeregte: Diablo-platbrode met tuisgemaakte hummus, slaai met geroosterde zucchini, radicchio en Foxenburg Crottin
• Hoofgeregte: Heelgeroosterde vis met Ras el Hanout, verkoolde lyne en sumac-uie.
• Nagereg: 64% persent Manjari-crémeux, geroosterde vanieljeroomys en geskroeide meringue.

Die spyskaart kos R490 per persoon vir twee mense wat deel en kan aangepas word vir vis- en vegetariese diëte.

“Met SunDAZE wou ons iets ontspanne skep, maar steeds goed deurdink – ‘n maaltyd gemaak vir sjefs, gesinne en enigiemand wat ‘n behoorlike Sondag-ontlading nodig het. Dit is deurdagte kos in goeie geselskap, sonder om dit te veel te oordink,” het Teenola en Geoffrey aan ons verduidelik terwyl die een lekkerte na die ander uitgedra is.

COY is bekend vir sy verfynde dog deurdagte benadering tot moderne Afrika-kookkuns, met ‘n oseaan-geïnspireerde spyskaart en ‘n sterk fokus op volhoubaarheid, seisoenale produkte en eenvoudige disse met interessante geure.

Benewens die pragtige ligging met die berg aan die een kant en die woelige Waterfront en waterkanale aan die ander kant, is die dekor ook iets om oor huis toe te skryf. Dit het nie verniet die Eat Out Woolworths restaurant VISI Styl-toekenning ingepalm nie.

Begin jou kuier met ‘n glas yskoue vonkelwyn, voor die lekker kuier met agtergrondmusiek begin. Die wynlys is ‘n pronkstuk van Suid-Afrikaanse wyne. Besprekings hier of by 021 207 3278 is noodsaaklik.

Lees ook: Kom verwyl die ure op dié bekende stoep

The post COY restaurant stel SunDAZE bekend – die perfekte manier om ‘n Sondag deur te bring appeared first on rooi rose.

Deur Maryke Roberts. Foto’s: Clifford Roberts 

Die restaurant staan onder leiding van die bekwame sjefs Teenola Govender en Geoffrey Abrahams en met reuse ruite wat Tafelberg as agtergrond omraam en die historiese kloktoring en moderne voetgangerbrug in die voor-aansig, is dit beslis dié plek om gesien te word hierdie somer. 

Dis in die Scherwyn Pavilion-gebou ingerig en met sy donker en luukse dekor deur KT Interiors, net die plek om jou Kaapse besoek op ‘n hoogtepunt te begin of te eindig. Die restaurant is naby die Cape Grace Hotel en die Akwarium en Time Out mark in die V&A Waterfront geleë. 

Die restaurant se spyskaart bied ‘n meer ontspanne aanslag op die fynproewer-spyskaart en is dié vertoonstuk van Suid-Afrikaanse kookkuns. 

Gaste kon onlangs skemerkelkies met peuselhappies geniet, om te ervaar waaroor die nuwe spyskaart en restaurant nou eintlik gaan. Ryan het vertel: “By COY gaan ons op ‘n oseaan-geïnspireerde verkenning van Afrika-produkte, eeue-oue voorbereidingstegnieke, vergete bestanddele en maniere van kook. Die see is op ons drumpel en die berg bied ’n besonderse agtergrond, so dit is net natuurlik dat ons inspirasie uit hulle albei put,” het hy verduidelik. 

In ooreenstemming met die sjef se kulinêre etos sal daar ‘n sterk fokus wees op volhoubare, etiese, seisoenale en plaaslike bestanddele.  

Die spyskaart het verskeie gefermenteerde bestanddele en produkte en herontdek weer eeue-oue bestanddele en -Afrika-kooktegnieke. Alhoewel seekos oorheers, is vleis-etes en vegetariërs beslis nie afgeskeep nie. Die restaurant is oop vir middag- en aandete en het ‘n uitgebreide wyn- en spirituslys en wyn-en-kos pasmaats word voorgestel. 

Geoffrey Abrahams het gesê dat hulle nie probeer om die wêreld te verander nie – “ons wil net meer mense voorstel aan die wonder van Afrika-kos.”

Teenola Govender het vertel: “Ons almal het ‘n verskillende idee van dit beteken om ‘n Afrikaan te wees. Hierdie spyskaart is die samekoms van ons almal.” 

Bespreek jou tafel op dineplan. 

Lees ook: Laat die kurke vir dié wenners klap!

The post Nuwe restaurant in Kaapse Waterfront fokus op Afrika-kos appeared first on rooi rose.