Die Heuwels Fantasties, Francois van Coke, Die Piesangskille, Early B, Justin Vega, Robbie Wessels, Rikus Nel, Spoegwolf, Appel, Jack Parow, Riaan Benade, Kurt Darren, Karlien van Jaarsveld en spesiale Namibiese kunstenaars Sagarias Tsam, Lin-Mari, en Vaugn Ahrens gaan sorg vir `n onvergeetlike musiek-dag op Saterdag 21 September, Vegkop, Windhoek. 

Neville Basson is die seremoniemeester.  

Die Suid-Afrikaanse kunstenaars wat by Liefde by die Nam (in samewerkingmet Kosmos 94.1) optree, is dit eens dat Namibië een van die mooiste lande in die wêreld is. Karlien van Jaarsveld sê: “Namibië se mense is lekker mense en dit maak dit vir ons lekker. Ons gaan alles gee op daai verhoog!” 

Early B sê die Namibiërs se gesindheid en gasvryheid maak dit vir hom spesiaal. “Hulle hou hard partytjie en praat so lekker Afrikaans. Ek voel altyd goed wanneer ek my taal met liefde kan deel. Ek kom met die lekkerste set wat ek nog ooit in Nam gedoen het. Ek gaan ook my nuutste liedjie daar doen wat nog moet uitkom, so hulle hoor dit eerste en ekslusief by Liefde by die Nam. Hulle sal moet reg kom om te dans.” 

Robbie Wessels vertel: “Daar is `n bekoring aan Namibië wat mens nie regtig in woorde kan beskryf nie. As mens ry daar op die soutpaaie tussen Walvisbaai en Henties dan voel mens dit. Dit is net super spesiaal. Ek bring my grootste kuier-liedjies. Hoop ek Sien julle daar!” 

 Jack Parow maak so gereeld as moontlik `n draai in Namibië. “Ek LOVE dit daar. Die mense het so baie gees. Van my set by Liefde by die Nam kan hulle groot energie, groot spiere en groot doppe verwag. Dit gaan juig lat die die walms styg!” 

Maak gereed vir ‘n ongelooflike dag van musiek, liefde, en pret!” 

Koop jou kaartjies nou by www.liefdebydiedam.co.za 

– Algemene Toegang: 299 NAD 

– VIP (sluit vinnige toegang, toegang tot VIP-gebied, en sitplekke met eie kroeg en toilette in): 2999 NAD 

– Kinders (4-12 jaar): 200 NAD 

– Kinders onder 4: Gratis toegang 

Lees ook: Ses aanhalings en vyf feite oor ‘Nêrens, Noord-Kaap: Deel II’ se eerste episode

The post Net liefde vir Namibië onder SA se grootste kunstenaars! appeared first on rooi rose.

rr: As wêreldbekende kunstenaars is daar ’n mate van druk om relatief te bly. Hoe ervaar julle dit?

DHF:  “Dit is ’n kreatiewe bedryf en ons is ook musiekaanhangers, so ons hoor die heeltyd nuwe musiek. Ons wil dan ook daardie tipe musiek maak. Daar is egter altyd ’n mate van bespreking betrokke en ons glo dat dit nie goed is om ons vorige suksesse te probeer najaag nie. Ons maak wat ons voel. Fred sê altyd dat ons albums soos foto’s is wat ’n sekere tydstip van ons lewens weerspieël en as ander mense saam met ons daarvan hou, dan is dit great.”

rr:  Hoe hanteer julle skrywersblok?

DHF: “In ons groep dra almal tot die skryfproses by, so ons ondersteun mekaar. Dit is dan ’n geval van ‘vele hande maak ligte werk’.”

rr: Julle is een van die musiekgroepe in Suid-Afrika wat die meeste optree en gaan nou selfs oorsee vertonings lewer. Hoe verhoed julle dat dit nie veeleisend raak nie?

DHF: “Ons het ’n goeie span rondom ons. Ons het veral ’n baie goeie toerbestuurder, Frank, wat ons rondry en help met ons musiek, ensovoorts. Op die ou einde van die dag kom dit alles neer op die span.”

rr: Ons het ’n voëltjie hoor fluit dat daar moontlik ’n nuwe album op pad is?

DHF: “Ons het daaroor begin praat en ja, die saadjie is geplant …”

rr: Julle is vir ’n SAMMA-nominasie benoem. Vertel ons meer hiervan.

DHF: “Dis altyd wonderlik om deur jou kollegas in die bedryf benoem te word. Selfs net die nominasie is wonderlik. Ons het in 2010 die Alternatiewe Afrikaanse Album-toekenning gewen. Dit sal great wees om met die algehele Beste Alternative weg te stap.”

*Die SAMMA’s vind vanjaar op 4 Junie plaas en die Heuwels sal weens hul toer dit nie kan bywoon nie.

The post 5 minute met Die Heuwels Fantasties appeared first on rooi rose.