Sit ’n slag lang bruschettas voor met bolae wat jou gaste sommer aan tafel kan pak en sny. Berei vooraf ’n verskeidenheid bolae en koop koue vleis soos parmaham.

Brode

Genoeg vir 6

• 2 baguettes
• 2 knoffelhuisies, gekneus
• 80 ml olyfolie

Bolae

Ertjie-guacamole
Genoeg vir 6

• 500 g bevrore ertjies
• 45 ml (3 e) olyfolie
• 60 ml (¼ k) lemmetjiesap
• 60 ml (¼ k) vars koljander, fyn gekap
• 2 groenrissies, wit pitte en vliesies verwyder en fyn gekap
• 2,5 ml (½ t) fyn komyn
• 2,5 ml (½ t) fyn koljander

Gevulde zucchini
Genoeg vir 6

• 2 × 100 g-bokmelkkaas – sny in 10 snytjies elk
• 2 groot murg-pamoentjies, met ’n groenteskiller in linte gesny
• 8 tiemietakkies
• 125 ml (½ k) olyfolie
• 2 knoffelhuisies, gekneus
• 5 ml (1 t) koljandersaad
• Skil van 1 suurlemoen
• Sout en gemaalde swartpeper

Gemarineerde fyn groenboontjies

Genoeg vir 6

• 200 g fyn groenboontjies
• 250 ml (1 k) olyf- of avokado-olie
• 60 ml (¼ k) witwynasyn
• 15 ml (1 e) Dijonmosterd
• 5 ml (1 t) fyn gekapte knoffel
• 5 ml (1 t) heuning
• 2 hande vol pietersielie, fyn gekap
• 60 ml (¼ k) dennepitte (of sonneblomsade), gerooster

Brode 

Voorverhit die oond tot 220 °C.

1. Sny die baguettes in die lengte middeldeur. Smeer die brood met die knoffel en verf met olyfolie aan albei kante.
2. Rooster vir 5-8 min. of tot goudbruin en krakerig. Pak die brood en die bolae op die tafel uit.

Bolae

Ertjie-guacamole

1. Kook die ertjies vir 2-3 min. in die mikrogolf.
2. Verwerk al die bestanddele vir 2-3 min. in ’n voedselverwerker tot glad en egalig.
3. Geur na smaak.
4. Hou in ’n glashouer tot benodig.

Gevulde zucchini

1. Rol die bokmelkkaas in 10 g-balletjies.
2. Draai ’n zucchini-lint om elke balletjie en sit saam met die tiemie in ’n glasbottel.
3. Meng die olie, knoffel, koljander, suurlemoen, sout en peper en gooi oor die zucchini-balletjies.
4. Hou in die yskas tot benodig.

Gemarineerde fyn groenboontjies

1. Kook die groenbone vir 2-3 min. in soutwater.
2. Dreineer, dompel in yswater en dreineer weer. Skep in ’n skoon glasbottel.
3. Meng die olie, witwynasyn, mosterd, knoffel, heuning, pietersielie en dennepitte in ’n mengbak en sprinkel oor die groenbone. Hou tot opskeptyd.

The post Bruschetta op sy beste appeared first on rooi rose.

Botterskorsie-falafels met beetdoopsous. Resep deur Vickie de Beer. Foto deur Lee Schwagele van crphotographic.co.za

Genoeg vir 6

Bestanddele

• 800 g botterskorsie, in blokkies gesny
• 30 ml (2 e) olyfolie
• sout en swartpeper
• 1 groen brandrissie, fyngekap
• 2 knoffelhuisies, fyngekap
• 5 ml (1 t) komyn, fyngemaal
• 1 x 400 g blikkie-kekerertjies, gedreineer
• 80 g bulgur (bulgur wheat), in 1 k kookwater geweek
• hand vol koljander, gekap
• hand vol babaspinasie, gekap
• 40 g spelt of gewone koekmeel
• 200 g fetakaas, ruweg gekrummel
• olie vir vlakbraai

Beetdoopsous
• 15 ml (1 e) olyfolie
• 2 knoffelhuisies, fyngekap
• 2 cm-gemmerstukkie, fyngekap
• 2 cm-borriestukkie, fyngekap
• 1 klein groen brandrissie, fyngekap
• 5 ml (1 t) komyn, fyngemaal
• 100 g gekookte beet, in blokkies gesny
• 250 ml (1 k) volroomjogurt

Metode

1 Voorverhit die oond tot 200 °C. Pak die botterskorsieblokkies op ’n oondpan uit. Gooi die olyfolie oor en geur met sout en swartpeper. Rooster vir 35-40 min. of tot goudkleurig en gaar. Laat dit afkoel.
2 Verwerk die botterskorsie, brandrissie, knoffel, komyn, kekerertjies, bulgur, koljander, spinasie en speltmeel in ’n voedselverwerker tot goed gemeng. Voeg die fetakaas by en geur met sout en swartpeper. Sit vir 1 uur in die yskas.
3 Rol die botterskorsiemengsel in happiegrootte-balletjies.
4 Verhit die olie in ’n pan oor matige hitte. Braai die falafels vir 4-5 min. aan elke kant, of tot goudkleurig.

Doopsous
5 Verhit die olyfolie oor matige hitte en braai die knoffel, gemmer, borrie, brandrissie en komyn vir 2 min. daarin of tot geurig.
6 Verwerk die geurmengsel, beet en jogurt in ’n voedselverwerker tot glad. Geur met sout en swartpeper.
7 Sit die falafels saam met die doopsous voor.

Lees nog: Gekaramelliseerde ryspoeding

The post Botterskorsie-falafels met beetdoopsous appeared first on rooi rose.

The post Oosterse slaairolletjies met grondboontjiedoopsous appeared first on rooi rose.

Genoeg vir 6

•  2 x 400 g-blikke kekerertjies, gedreineer
• 3 knoffelhuisies, fyn gekap
• 15 ml (1 e) fyn gerasperde suurlemoenskil
• 10 ml (2 t) elk gemaalde koljander en komyn
• 5 ml (1 t) paprika
• 160 ml (2⁄3 k) broodkrummels
• 30 ml (2 e) koekmeel
• 30 ml (2 e) pietersielie, fyn gekap
• 1 eier
• 15 ml (1 e) suurlemoensap
• sout en gemaalde swartpeper

1 Maak die kekerertjies, knoffel, suurlemoenskil, koljander, komyn en paprika in ’n voedselverwerker fyn. Skep in ’n groot mengbak en voeg die broodkrummels, meel, pietersielie, eier en suurlemoensap by en geur na smaak.
2 Meng met ’n vurk tot die mengsel net bymekaarkom. Rol sowat 1 eetlepel van die mengsel op ’n slag in ’n balletjie en sit op ’n bakplaat. Verkoel vir 30 min. in die yskas.
3 Verhit olie in ’n diep braaipan oor matige hitte. Braai ’n derde van die frikkadelle vir 4 min. of tot goudkleurig en deurgaar daarin.
4 Draai af en toe om. Sit op ’n bord met kombuispapier om oortollige olie te dreineer. Herhaal met die res van die frikkadelle.

Romesco-doopsous

Genoeg vir 6

• 30 ml (2 e) olyfolie
• 1 sny plaasbrood, korsies verwyder en ruweg gekap
• 125 ml (½ k) amandelsplinters
• 2 knoffelhuisies, fyn gekap
• 3 rooi soetrissies
• 2 rooi brandrissies, fyn gekap
• 15 ml (1 e) pietersielie, fyn gekap
• 2,5 ml (½ t) gerookte paprika
• 4-5 ryp tamaties
• 30 ml (2 e) rooiwynasyn

1 Verhit die olie in ’n pan oor matige hitte. Braai die brood en amandels daarin tot goudbruin. Voeg die knoffel by en braai vir nog 30 sek. Haal van die hitte af en laat afkoel.
2 Verwerk die broodmengsel, soetrissies, brandrissies, pietersielie en paprika in ’n voedselverwerker tot net gemeng.
3 Voeg die tamaties en rooiwynasyn by en verwerk tot net gemeng.

The post Spaanse frikkadelle met Romesco-doopsous appeared first on rooi rose.

The post Doopsouse uit die tuin appeared first on rooi rose.

Die woord piekniek kom van twee Franse woorde, piquere, wat beteken om te pik aan jou kos, en nique wat op klein bietjies dui. ’n Piekniek is dus proe-proe happies.

Die 5-a-Day Trust sê ons kan gerus die vervelige ou toebroodjies uitgooi en ’n feestelike piekniek met vyf porsies groente voorsit … so lekker dat selfs die tieners saam sal smul. Dit neem net ’n paar minute om ’n piekniek aan mekaar te slaan. Pak dié maklike items in, saam met ’n lekker piekniekmat of kombers en ’n sambreel vir koelte.

1 Doopsouse

Begin met een of twee lekker doopsouse, soos roomkaas, guacamole (avokado en laevetjogurt), tsatsiki (laevetjogurt en gerasperde komkommer).

Klik hier vir die heerlikste doopsouse uit die tuin.

2 Interessante groente vir doopgoed

Sit die doopsouse voor saam met drie tot vyf soorte groente wat daarin gedoop kan word. Dis jou kans om heerlik te speel met allerlei vreemde groentes, want die verskeidenheid is oneindig. Dink aan kappertjiesaad, artisjokke, olywe, rissies,spinakopita (spinasie-en-rysrolletjies) en vars aspersies vir jou avontuurlike gaste. Maar moenie die mense wat bekende smake verkies, afskrik nie. Sluit ten minste twee standaard groentes in waarvan almal hou, soos komkommerskywe, miniwortels, afgekoelde baba-aartappels, peulertjies, babatamaties, jongmielies, pynappel en sampioene.

Wat van ’n piekel? Klik hier vir kleurryke groentepiekels.

3 Proteïene vir kragkos

Sit twee of drie proteïene by, soos hardgekookte eiers en koue ham (nie polonie nie – dit bevat te veel preserveermiddels), biltongskyfies, koue boud, hoenderborsies, laevetkase, rolmops, gerookte salm, en kerrievis.

Klik hier vir ’n Skotse piekniekeiers-resep.

4 Gesonde nagereg vir soetigheid

Sluit die piekniek af met heerlike waatlemoen of spanspek, of maak vrugtesosaties van droë en vars vrugte. Aarbeie, bessies en appelliefies bedien maklik.

Maak jou eie gesonde vrugtelollies. Klik hier vir ’n maklike resep.

5 Te drinke

Dit is onwettig om alkohol – wyn, sjampanje, bier en koelers – op Suid-Afrikaanse strande te drink. Sit ’n bietjie vonkel in jou piekniek met vrugtesap of ystee wat jy meng met gemmerbier of sodawater. Onthou die ysblokkies, vir hul rinkelende sensoriese plesier. Pak ook gewone yskoue water in, omdat mens gou in die buitelug dehidreer – selfs saans.

Klik hier vir ’n lekker gatskop-groensap-resep!

Wat van ’n tema?

Hou ’n Griekse eilandpiekniek langs die see met Tsatsiki, humus, komkommerstokkies, songedroogde tamaties, vars tamaties, kappertjiesaad, olywe, soetrissiestokkies, spinakoppita, feta, roomkaas, frikkadelletjies (klik hier vir Tandoori-frikkadel-resep) en kreefstokkies.

Vir ’n boerepiekniek pak in: hoenderpatee (klik hier vir ’n lekker hoenderlewerpatee-resep), snoekpatee, babatamaties, -mielies en –aartappels, wortelstokkies, biltong, gekookte eiers, hoenderboudjies, afgekoelde boerewors en frikkadelle.

En wat van ’n High Tea-piekniek? Pak in snoekpatee, roomkaas, komkommerstokkies, appelskyfies, waterkres, gekookte eiers en gerookte salmstukkies, met aarbeie en swart bessies as nagereg. Klik hier vir oulike dekor-idees.

Maak seker jou piekniek is prettig. Klik hier vir nog dekor-idees.

The post Gesonde piekniek appeared first on rooi rose.

The post Winter-bagna càuda appeared first on rooi rose.