Nadia se bloeityd 

Sy is geseënd om ma-wees met  ’n loopbaan te kan kombineer danksy die hulp van haar man, oumas en oupas, en ’n wyer ondersteuningstelsel. Skuins ná 40 blom dié aktrise en sangeres, Nadia Beukes, in elke rol wat sy aanpak.  

Wen ’n handgemaakte diamant-en-platinumring

Een gelukkige leser kan ’n unieke en tydlose ring ter waarde van R27 500 van die juwelier Schermans wen!  

Bekendes oor ma’s en Moedersdag: Dorette Potgieter, Leah en Therese Bam

Vir ’n wyle het dinge effens broekskeur gegaan, maar vandag tel Dorette Potgieter haar seëninge en is dankbaar dat daar harmonie in haar lewe, loopbaan en persoonlike lewe is 

Koolhidrate vir kouer weer      

Koolhidrate soos pasta en aartappels is ideaal vir die kouer maande en jy kan dit gesond en gebalanseerd hou!  

Sluimerende siektes 

Daar is geen noemenswaardige simptome nie en niks wat daarop dui dat jy eintlik baie siek is nie. Wat moet jy van die sogenaamde ‘stille kankers’ weet?

Lees ook: Ons Moedersdaggeskenkgids: Kreatiewe geskenke wat wys jy gee om  

Kleure wat pas skep balans

Ontdek die geheim van ‘n harmonieuse kleurkombinasie wat jou uitrusting sal laat uitstaan.  

Veselryke soetgoed

Ons weet reeds hoe goed vesel vir jou cholesterol en maag is. Gelukkig hoef dit nie onaangenaam te smaak nie. Jy kan dit in ietsie soets ook geniet!  

Só lyk ’n vrou wat opstaan           

Herstel ná ’n lewe saam met ’n narsis is ’n lang pad met baie kronkels. Maar dit is moontlik. Jy moet gló. Jy moet probéér, skryf Ilse Verster in haar nuwe boek ’n Vrou staan op. Sy deel vier fases wat sy gebruik het om haar lewe ná 40 jaar se mishandeling deur ’n gewelddadige eggenoot te herbou.

Brei ‘n trui

 Een patroon, baie opsies! Druk jou eie stempel af met ’n basiese patroon.  

Vat die gap

Vir menige skoolverlaters is die besluit wat om ná skool te doen ’n reusekopkrapper. Dikwels is ’n gap-jaar dan ’n antwoord op die onsekerhede, maar wat kan tydens só jaar alles op die kaarte wees?

Lees ook: WEN ses bottels wyn van KWV!

The post 10 redes waarom jy rooi rose se Mei-uitgawe móét lees! appeared first on rooi rose.

Adri Joubert was vir twee dekades die koel, kalm, gerusstellende gesig en stem van die aandnuus. Maar dan gebeur daar iets met haar man, en haar lewe word nuus terwyl ’n nasionale krisis die land skud. Sy word gedwing om haar persoonlike trauma opsy te skuif om die kykers deur die noodtoestand te loods van agter ’n vuurwarm nuuslessenaar.

kykNET se nuwe dramareeks, Die nuusmakers, met Rolanda Marais (as die gesoute nuusleser Adri Joubert), Brendon Daniels, Roeline Daneel, Lea Vivier, Arno Greeff, Lesley Maasdorp, Hannah Borthwick, Chris van Rensburg, Chris van Niekerk, Heinrich Wentzel, Susanne Beyers, Dorette Potgieter en Melissa de Vries, ondersoek die persoonlike opofferinge wat dit verg om nuus aan die nasie te bring.

Die reeks begin op Dinsdag 27 Mei om 20:00 op kykNET (DStv-kanaal 144).   

Dit verg ’n span talentvolle, onverskrokke mense om nuuskykers elke aand ingelig te hou. Die nuusmakers verken sowel die kuns van nuusjoernalistiek as die persoonlike stryd, ambisies, oorwinnings en uitdagings wat die mense agter die skerms in die gesig staar terwyl hulle die waarheid najaag en tegelyk hul eie komplekse lewens moet hanteer. Die verhaal speel af in Johannesburg.   

“Waar ’n program soos Niggies ’n tragiese gebeurtenis met tyd en afstand kon dokumenteer, bied Die nuusmakers ’n blik op die ongelooflike spoed waarteen nuus breek en verpak moet word – en die tol wat dit eis van diegene wat vooraan staan in elke vreugde, frustrasie en hartseer wat die land ervaar, terwyl hulle self ook hierdie gebeure moet verwerk,” sê Waldimar Pelser, M-Net-direkteur van Premium-kanale.   

Die nuusmakers word vervaardig deur Both Worlds (die span agter M-Net se Recipes for Love & Murder), onder leiding van Karen Jeynes en Thierry Cassuto, saam met Annemarie Du Plessis (Koek). Jeynes skryf en regisseer ook en is saam met Marvin Lee Beukes agter die kamera. Jozua Malherbe, Ludwig Binge, Kabous Meiring en Hélène Truter dra met hul skryfwerk by tot hierdie kragtige drama.   

“In ’n era van fopnuus en diepvervalsings, vra Die nuusmakers wie ons vertrou – en waarom. Adri Joubert verteenwoordig ’n generasie nuuslesers wat soos familielede in Suid-Afrikaanse huise geword het, en haar reis weerspieël ons gesamentlike stryd om by veranderende realiteite aan te pas,” verduidelik Karen Jeynes.   

“Die nuuskamer is die ideale omgewing vir ’n drama – hoë druk, onmoontlike sperdatums en kleurryke karakters wat almal dieselfde doel nastreef, maar dikwels met botsende metodes werk. Voeg daarby Adri se persoonlike tragedie, en jy het ’n emosionele kruitvat waarbinne die storie afspeel,” sê Cassuto.   

Die res van die rolverdeling sluit in Neels van Jaarsveld, Laudo Liebenberg, Loren Loubser, Nahum Hughes, Martelize Kolver, Ira Blackenberg en Kristen Raath.   

KYK | Amptelike lusmaker – Die nuusmakers

Moenie Die nuusmakers misloop nie. Die reeks begin Dinsdag 27 Mei om 20:00 op kykNET (DStv-kanaal 144) en sal ook op DStv Stream en Catch Up beskikbaar wees. 

The post PAS BEKEND | Nuwe kykNET-reeks verken dramas en intriges van nuuskantoor appeared first on rooi rose.

Amalia omhels haar sterk kant

Sy beleef ’n bloeitydperk in haar loopbaan, erken Amalia Uys, wat meen toneelspel gee sin aan haar menswees, al voel dit soms soos ’n wilde perd wat met jou weghol.

Alles behalwe alledaags

Van Menlopark tot die Midde-Ooste. Só het Thinus van der Westhuizen van Pretoria sy weg met Japannese kookkuns tot ’n Michelin-ster gevind. Nou wink ’n tweede ster ook …

Laat die liefde seëvier!

Die aktrise Dorette Potgieter sprankel meer as ooit tevore, en daar’s ’n geldige rede voor. Dorette het verlede jaar haar droomman ontmoet, in Desember verloof geraak en saam bou hulle aan ’n blink, nuwe toekoms.

Kan jy my hoor?

As jy vermoed dat jy, jou kind, of iemand na aan jou gehoorverlies ervaar, maak ’n afspraak by ’n oudioloog.  Hoe gouer die probleem hanteer word, hoe groter is die kanse dat jy gehelp kan word

Goed vir die hart

As ’n mens met hoë cholestrol sukkel, moet jy mooi na jou hart kyk. Witvleis, soos vark of hoender, met gesonde bykosse daarby kan gesonde alternatiewe wees. Ons Augustus-uitgawe is propvol sulke heerlike resepte!

Die toekoms is nou

Met kunsmatige intelligensie en ‘metaverse’ op almal se lippe, stel ons onsself ‘n nuwe. blinker klerekas voor.

Hoe vind ek vrede?

Ons word van oraloor met slegte nuus gebombardeer. Hoe vind ’n mens vrede te midde van ’n wêreld vol chaos?

Haar stem klink oor vele landskappe heen

Omroeper, nuusleser, sanger, liedjieskrywer, spreker en joernalis Esté Gross is gewis ’n talentvolle jong vrou, al kan sy nie kook om haar lewe te red nie.

Wen ’n luukse safari-tentwegbreek 

Een gelukkige leser kan verblyf vir twee nagte vir twee mense ter waarde van R20 000 by Kuganha Tented Camp and Spa wen!

Planne vir ’n piepklein tuin

As jy tog ’n bietjie groenigheid buite jou blyplek wil hê, maar jy nie tyd of plek het nie, het ons nuutste uitgawe die ideale oplossing.

Lees ook: SA-legendes te sien in die fliekweergawe van Hans steek die Rubicon oor

The post 10 redes waarom jy die Augustus-uitgawe van rooi rose móét lees! appeared first on rooi rose.