Die Springbok-skrumskakel Faf de Klerk en vroulief, Miné, het weer ‘n pienkviet op pad – nóg ’n dogtertjie!

Die egpaar het die nuus Sondag op sosiale media gedeel met ’n video van hul gesin en die woorde: “We’re growing the De Klerk team.” Die aankondiging volg meer as ’n jaar nadat hul eersteling, Remi-Ré de Klerk, op 27 Februarie by die Rosepark-hospitaal in Bloemfontein gebore is.

Faf en Miné de Klerk het mekaar in 2015 ontmoet toe gemeenskaplike vriende hulle aan mekaar voorgestel het. Miné, ’n apteker van beroep, het vir Faf genooi om saam met haar na ’n troue te gaan, waarna hulle verhouding begin het. Die paartjie is in Oktober 2022 op die La Paris landgoed in Franschhoek getroud – ’n gewilde trouvenue onder die Springbokke.

 

View this post on Instagram

 

A post shared by Mine De Klerk (van Niekerk) (@minevanniekerk)

Nog Springbok-babas op pad

Twee ander Springbok-gesinne het onlangs soortgelyke opwindende nuus gedeel.

Die Springbok-losskakel Handré Pollard en sy vrou, Marise, het in April op sosiale media gedeel dat sy swanger met ‘n dogtertjie is – net ’n paar dae nadat hulle hul seuntjie, Hunter, se eerste verjaarsdag gevier het. Volgens die plasing, sal Hunter in Oktober ‘n ouer boetie word.

“Our family is growing! Hunter is going to be a big brother and we are beyond excited; God is so good. Our little girl will join us end of October ,” het sy by die plasing geskryf.

Die Pollards het ook bekend gemaak dat hulle binnekort van Engeland na Suid-Afrika sal terugkeer, waar Handré vanaf Julie by die Bulls in Pretoria sal aansluit ná sy tyd by die Leicester Tigers.

 

View this post on Instagram

 

A post shared by Marise Pollard (@marisepollard)

Die Springbok-slot Eben Etzebeth en vroulief, die sangeres en aktrise Anlia Etzebeth, het in Mei op sosiale media aangekondig dat hulle hul tweede baba, weer ‘n dogtertjie,  verwag!

Anlia het die opwindende nuus gedeel saam met ’n vrolike gesinsfoto van die paartjie en hul dogtertjie, wat in Januarie vanjaar een jaar oud geword het. Die onderskrif lees:
“#BabyEtzebeth2 on the way! Can’t wait to welcome our little wildflower girl!”

 

View this post on Instagram

 

A post shared by Anlia Etzebeth (@anliastar)

Baie geluk aan die De Klerks!

 

View this post on Instagram

 

A post shared by Faffies (@faffies.official)

Lees ook: Baba-opwinding onder die sterre: Hierdie 5 bekendes vier nuwe lewe!

The post Faf en Miné de Klerk sluit aan by Bok-ouers wat weer verwag! appeared first on rooi rose.

Die Springbok-slot Eben Etzebeth en vroulief, die sangeres en aktrise Anlia Etzebeth, het vanoggend op sosiale media aangekondig dat hulle hul tweede baba verwag — en dis nóg ’n dogtertjie!

Anlia het die opwindende nuus gedeel saam met ’n vrolike gesinsfoto van die paartjie en hul dogtertjie, wat in Januarie vanjaar een jaar oud geword het. Die onderskrif lees:
“#BabyEtzebeth2 on the way! Can’t wait to welcome our little wildflower girl!”

Lees ook: Van bababedjie na kinderbed

 

View this post on Instagram

 

A post shared by Anlia Etzebeth (@anliastar)

The post Nog ’n klein Etzebeth is op pad! appeared first on rooi rose.

Op Saterdag 20 Januarie 2024, het Eben Etzebeth se vrou, die sangeres en aktrise Anlia Etzebeth, die eerste foto van hulle babadogtertjie op sosiale media gedeel. 

“Geen woorde sal ooit die gevoel kan beskryf nie. Dankie Here,” het Anlia op Instagram geskryf. 

Volgens Anlia se Instagram-plasing, is die baba op 16 Januarie 2024 gebore. 

Geen bevestiging van die baba se naam is nog gegee nie.

Na die Springbokke se oorwinning by die Rugby Wêreldbeker-eindstryd in Frankryk, het die egpaar onthul dat hulle ‘n baba-Elizabedi verwag.

Anlia se romanse met haar Springbok-man het in 2021 begin toe hulle paaie die eerste keer in Melkbosstrand, ‘n bekoorlike kusdorpie in Kaapstad, gekruis het. Die paartjie het in Februarie 2023 by die skilderagtige La Paris-landgoed in Franschhoek ewige trou aan mekaar beloof.

Lees ook: Ontmoet die Springbokke se ‘bokkies’

Baie geluk aan die nuwe ouers!

Lees ook: KYK: Die Pollards kry ‘n babaseuntjie

The post KYK: Anlia en Eben Etzebeth verwelkom babadogtertjie! appeared first on rooi rose.

View this post on Instagram

 

A post shared by Anlia Etzebeth (@anliastar)

The post Die Etzebeths deel babanuus ná historiese Rugby Wêreldbeker-oorwinning appeared first on rooi rose.

Die sanger en liedjieskrywer Robbie Wessels is behoorlik begeesterd deur die Rugbywêreldbeker wat tans in Frankryk plaasvind en het sopas nog ‘n rugbysnit vrygestel– dié keer ‘n ode aan die geliefde Springbok-slot Eben Etzebeth.

Die liedjie, getiteld Eben Etzebeth, is uit Robbie se eie pen en vereer die speler vir sy vreesloosheid as rugbyspeler en sy ongelooflike talent vir die spel. Die lied se genre word beskryf as “‘n kombinasie van folk en komedie, ‘n lekker geesvang-liedjie met ‘n oulike storie.”

“Ek dink Eben Etzebeth het al sulke diep spore in Suid-Afrikaanse rugby getrap dat ek gevoel het ‘n liedjie is in orde,” sê Robbie oor die inspirasie vir die liedjie.

“Ek het ook die voorreg gehad om hom te ontmoet by ‘n funksie net ná die Rugbywêreldbeker in 2019. Nadat ek met hom gesels het, het ek besef hier is ‘n ou met ‘n groot hart wat boonop nog nederig ook is en ek glo hy gan nog dieper spore trap as wat hy reeds het.”

Robbie sê hy geniet dit baie om rugbyliedjies te skryf en om iemand spesifiek te vereer, veral as die persoon ook dan van die liedjie hou.

Hy glo en hoop luisteraars sal die saamsing-liedjie baie geniet omdat dit ‘n lekker storie van Eben Etzebeth vertel en hoop die liedjie laat luisteraars op eie bodem ook trots Suid-Afrikaans voel.

“Die lied beskryf hom lekker. Sy passie. Sy vreesloosheid. Dat sy teenstanders versigtig moet wees vir hom, want hy is kookwater, sterk en vinnig.”

Robbie het ook onlangs die rugbytreffer “Hiep Hiep Hoera” bekendgestel. Hy beplan om saam met sy orkes landswyd te toer en sien uit daarna om in die toekoms meer toneel te speel en programme aan te bied.

LUISTER: Eben Etzebeth

Lees ook: Vyf-vinnige-vrae-Vrydag met Bennie Fourie oor die splinternuwe komediereeks, Taktiek

The post Robbie Wessels se nuwe lied ‘n ode aan Eben Etzebeth appeared first on rooi rose.

Binnelanders-kykers en rugbyliefhebbers oor die land heen kon gisteraand sien hoe die gewilde Springbok-rugbyspeler, Eben Etzebeth sy lyf akteur hou en hy sal in vanaand se episode weer ’n verskyning in die reeks maak.

Eben, wat in September saam met die res van die Bokke aan die Wêreldbeker-toernooi in Frankryk deelneem, maak sy verskyning in Binnelanders wanneer hy ná ’n “skouerbesering” by Binneland-kliniek opgeneem word. Dr. Tertius Jonker (Reynhardt Hugo) doen alles in sy vermoë om seker te maak Eben se besering is nie ernstig nie en dat hy vir Frankryk gereed is. Naomi (Je-ani Swiegelaar) is in haar noppies (en senuweeagtig!) om hom te verpleeg – ’n taak wat Bonnie (Antoinette Modise) baie eerder sou wou verrig.

 

View this post on Instagram

 

A post shared by BinnelandersTV (@binnelanderstv)

Je-ani vertel die Binnelanders-span was meer as gereed vir Eben se kuier: “Almal was baie nuuskierig om te sien of hy regtig so lank is soos wat hy op TV lyk … hy is! ’n Groot man met ’n sagte hartjie! Ek het in ’n stadium vir hom gesê, hy gaan my naam gat maak, want hy was so goed voorbereid en het so natuurlik gespeel. Selfs in ’n toneel wat ons so bietjie moes improviseer! As hy moeg raak vir rugby, kan hy maklik ’n akteur word.”

Reynhardt was net so beïndruk met Eben se tyd op stel: “Ek het dit vreeslik geniet. Die tydjie wat hy hier was, was maar kort, maar hy was wonderlik. ’n Absolute gentleman. En sy toneelspel was soos sy benadering teenoor rugby: professioneel. Hy ken sy woorde beter as van ons akteurs!”

Elsje Stark, ’n Binnelanders-vervaardiger, sê oor Eben se verskyning: “Dit was ’n vreugde om saam met hom te werk. Nie net is hy ’n voorspeler van formaat nie, hy is ook tuis voor die kameras! Hy was goed voorbereid vir sy ‘rol’, hoewel sy aktrise-wederhelf Anlia waarskynlik baie daarmee te doene gehad het … Ons sal Eben enige tyd terug verwelkom.”

kykNET-kykers sal ook die geleentheid kry om aan ’n lekker kompetisie deel te neem. Die prys is ’n rugbybal wat deur Eben Etzebeth geteken is – die einste bal wat hy tydens daardie episode vir een van Binneland-kliniek se personeel teken. Meer inligting oor die kompetisie is op Binnelanders se sosiale-media-platforms, asook op kykNET se webblad beskikbaar.

Foto: Verskaf

Reynhardt sien baie uit na die Wêreldbeker-toernooi en verkies om dit alleen by die huis te kyk. “Ek wil sit en fokus, en nie deur dronkies omring word en die game misloop nie,” sê Reynhardt.

Je-ani se planne is soortgelyk: “Ek gaan by die huis in my Springboktrui langs ’n vuurtjie sit, terwyl ek vir my span skree wat hopelik gaan wen!”

Maak seker jy is ingeskakel om dié volgende opwindende episode te sien, Vrydag 11 Augustus 2023 om 19:30 op kykNET, kanaal 144.

Lees ook: Vyf-vinnige-vrae-Vrydag met Simoné Pretorius oor Hartklop

The post Springbok-slot Eben Etzebeth kuier by Binnelanders appeared first on rooi rose.