Inkubasietydperk: Die tyd tussen blootstelling aan die virus en wanneer die persoon simptome toon. Dit kan 2 tot 21 dae wees.

Simptomaties: A pasiënt raak simptomaties as hy Ebola-simptome toon. Dit sluit in koors, spierpyn, hoofpyn, seer keel, braking en diarree.

Aansteeklik: Mense met die Ebola-virus in hul bloed is slegs aansteeklik wanneer hulle simptome het (sien hierbo). Die virus kan nie oorgedra word voordat ’n persoon nie simptomaties is nie. Dit beteken dat mense wat van Liberië na Amerika gereis het op dieselfde vlug as Thomas Eric Duncan nie die virus by hom kon kry nie.

R0: Ook genoem R-nul, verwys na die “geskatte reproduksienommer vir aansteeklike siektes”. Eenvoudig gestel, dit is ‘n formule wat kan voorspel hoe aansteeklik ‘n virus is. NPR het ’n handige grafiek op hul webwerf wat toon Ebola het ’n R0 van 2, wat aantoon hoeveel mense moontlik deur ’n pasiënt besmet kan word. Masels, in vergelyking, het ’n R0 van 18 Dit is relatief moeilik, soos ons getoon het, vir een persoon om Ebola te versprei.

Kontak opsporing: Dit behels die moeisame proses om enigiemand n ate spoor wat aan Ebola blootgestel is. Dit vereis opgeleide openbare gesondheidsamptenare wat ’n reeks vrae vra oor waar die pasiënt was, met hoeveel mense hy interaksie gehad het – óf van aangesig tot aangesig of in ’n kamer of ander geslote ruimte. In Wes-Afrika, is dit gedoen deur plaaslike vrywilligers wat opgelei is deur die openbare gesondheid kundiges.

Direkte kontak: Dit sluit die mense in wat noue kontak met ’n pasiënt gehad het – familielede en vriende. Hierdie mense is meer geneig om in aanraking te kom met ’n pasiënt se liggaamsvloeistowwe, en daarom verteenwoordig hulle die groep wat die mees waarskynlik aan die virus blootgestel is en die hoogste risiko het om die siekte op te doen.

Indirekte kontak: Hierdie groep sluit in diegene wat kontak met ’n pasiënt gehad het, maar op ’n minder direkte manier – by ’n werkplek of skool, byvoorbeeld. Dit sluit ook kontakte in van diegene wat direkte kontak gehad het en wat ’n laer risiko het om aan die pasiënt se liggaamsvloeistowwe blootgestel te word en dus ’n laer risiko het om Ebola op te doen.

Kwarantyn: ’n regsbevel vir ’n potensieel besmette persoon wat bepaal hy mag nie ’n ruimte verlaat of kontak met die res van die bevolking hê nie.

Bron: Time Health

The post 8 Ebola-terme wat jy moet ken appeared first on rooi rose.

Die kans dat Ebola plaaslik sal uitbreek is tans klein, maar dit bly steeds net ’n vliegtuigrit, taxirit of een immigrant wat self oor die grens stap ver.

Jy kan na die volgende kyk. Jy sal sommer ook teen griep en hepatitis B beskerm wees:

– Vermy fisieke kontak met iemand met ongeïdentifiseerde hoë koors van bo 38°C. Dit sluit in seks, soen, velkontak, aanraking met items waaraan hy geraak het, borsvoeding, en verplegingstake soos om vomeersel op te ruim of die persoon te was. Dit hoort in die hande van ’n opgeleide persoon met behoorlike beskermende drag

– Vermy beslis kontak met persone met koors en oë waarvan die wit rooi verkleur het, mense met blase of bloedkolle of kneusplekke

– Was jou hande met n alkoholgebaseerde handreiniger of met Milton-oplossing

– Moenie aan jou gesig vat nie, soos om jou oë te vryf nie

– Moenie items hanteer waaraan ’n siek persoon geraak het nie

– Moenie aan liggaamsuitskeidings van ’n siek persoon raak of dit probeer opruim nie. Ontsmet eers alles baie deeglik met Jik of Milton of suiwer alkohol

– Moenie aan die klere of items van iemand met Ebola raak nie

– Moenie siek mense soen nie

– Moenie items in jou mond sit wat in die mond was van iemand met Ebola nie

The post Ebola: 15 maniere om jouself te beskerm appeared first on rooi rose.

Ons weet nou:

• Ebola kan ses dae lank op ’n oppervlakte oorleef waaraan ’n siek persoon geraak het. Die simptome (Simptome van Ebolakoors wat jy nie kan miskyk nie), lyk aan de begin soos malaria of koors, ’n seer keel, seer spiere, kopseer en rooi, bloedbelope oë. Die persoon voel swak en is sonder eetlus. Dit vererger binne ’n dag, en die persoon sal skielik baie koorsiger raak en begin bloed opbring, met bloedbelope oë. Dan volg kneusplekke oral op die liggaam, soos inwendige bloeding begin plaasvind, met bloeding vanuit die neus, oë en ore en mond.

• Mense kry die simptome gewoonlik binne ’n week na infeksies, maar hulle kan van twee tot 21 dae neem om siek te raak.

• Dit is bekend dat jy net kan aansteek deur direkte kontak met liggaamsafskeidings van ’n siek persoon, soos bloed, vomeersel, stoelgange, uriene, speeksel, borsmelk en semen.  ’n Man kan dit dus deur seks aan sy vrou oordra; jy kan dit deur soen aansteek; ’n ma kan dit aan haar borsvoedende baba oordra, die persoon wat vomeersel opruim kan Ebola daaruit aansteek, en mediese personeel kan dit aansteek in die loop van normale verpleging en ondersoek van pasiënte.

• Die WGO sê dat mense met Ebola nie die virus kan oordra na ander voor hulle self siek is nie. Jy kan dus slegs van ’n persoon met die simptome van koors, ’n seer keel, seer spiere en hoofpyn aansteek.

• Kontak met die persoon is nie soseer gevaarlik nie: dit gaan oor kontak met sy liggaamsafskeidings.

• Sover was die wêreld al ’n hele paar keer uitgeboul as nog iemand, byvoorbeeld gevalle in Spanje, Ebola aansteek. Dit is bekend uit navorsing wat in 1996 gedoen is dat die virus in voldoende getalle in die longe van siek apies voorkom om luggedra te word. Nogtans sê die WGO die virus word nie deur water of in die lug gedra nie.

• Omdat Ebola in stoelgange en uriene van Ebola-pasiënte aanwesig is, is dit ’n groot bron van kommer onder gewone mense omdat hulle vrees dat die grondwater so besmet kan word. Dit is egter baie onwaarskynlik, en het sover bekend tot nog toe nie so versprei nie. Lees ook: 15 maniere om jouself te beskerm en Gestel jy was in ’n Ebola-area.

• Die virus kan ses dae oorleef waar liggaamsvloeistowwe van ’n siek persoon beland het – sy sputum, vomeersel, bloed en so aan.

The post Nege feite oor Ebola appeared first on rooi rose.