Instructions

Brioche-broodjies

1 Gebruik ’n elektriese menger met ’n deeghaak.
2 Gooi die suiker, sout, kitsgis en broodmeel in die mengbak.
3 Meng die melk en botter en gooi stadig by die meel terwyl die masjien hardloop.
4 Meng vir sowat 10 min. tot die deeg glad en elasties is.
5 Bedek die bak met ’n skoon kombuisdoek en laat die deeg vir 1 uur rys tot dubbel in grootte.
6 Knie die deeg vir 1 min. Rol die deeg in rolletjies van 40 g. Sit die broodjies op ’n bakplaat en hou eenkant vir 30 min.
7 Smeer met die eier en strooi die sesamsaad oor.
8 Bak vir 15-20 min. of tot goudbruin en gaar.

Eend

1 Verhit die oond tot 150 °C.
2 Pak die dytjies en boudjies op ’n klein, diep oondpan uit.
3 Sny met ’n skerp messie kepe in die vel en druk die naeltjies en steranys in die kepies.
4 Geur met sout en swartpeper. Skep die eendvet bo-op en voeg die kaneelstokkies by. Bak vir 1½ uur of tot sag en goudbruin.
5 Laat effens afkoel en trek die vleis met ’n vurk in rafeltjies van die been af.

Bruinbotter-mayonnaise

1 Smelt die botter in ’n middelslagpan oor matige hitte. Voeg die salie by. Braai vir 2-3 min. of totdat die botter bruin word en neuterig begin ruik.
2 Gooi die botter deur ’n sif in ’n beker. Hou eenkant totdat die botter tot by kamertemperatuur afgekoel het.
3 Klop die Cointreau, lemoensap en eiergele in ’n klein bakkie tot net gemeng.
4 Drup die botter versigtig by die eiergele terwyl jy deurentyd klits.
5 Hou aan tot al die botter ingemeng is en ’n dik sous vorm. Geur met ’n knypie sout.

Koolslaai

1 Klits die gemmer, witwynasyn en strooisuiker in ’n groot mengbak totdat die suiker opgelos is.
2 Meng die rooi- en groenkool en rooi-ui deur die sous.

Bou die burgers
3 Stapel op elke rolletjie ’n bietjie koolslaai, fyn eendvleis, blaartjies en ’n lekker skeppie mayonnaise.

Instructions

1 Smelt 150 g (die helfte) van die botter oor matige hitte in ’n middelslagkastrol tot die botter begin skei en skuimerig aan die bokant word. Dit duur so 5-7 min. Trek van die hitte af en laat afkoel. Skep die skuimerigheid af sodat net die verhelderde botter agterbly.

2 Verhit die olyfolie in ’n middelslagpan oor matige hitte. Braai die ui, knoffel, steranys en vinkel daarin tot die uie sag en deursigtig is. Verhoog die temperatuur en braai die lewertjies vinnig aan albei kante. Dit is belangrik dat die lewertjies binne nog pienk is.

3 Geur met die soutvlokkies en voeg die kruie en lemoenskil by. Gooi die lemoenlikeur by en laat vinnig wegkook. Trek van die hitte af en laat effens afkoel.

4 Gooi die lewermengsel in die bak van ’n voedselverwerker, voeg die ander helfte (150 g) van die botter by en verwerk tot glad.

5 Pak die lemoenringe aan die binnekant van ’n 500 ml-glasbottel. Vul die bottel met die patee en gooi die verhelderde botter oor. Hou in die yskas tot benodig.

Instructions

1 Voorverhit die oond tot 200 °C. Sny kepe in die borsvleis van die eende. Geur goed met sout, ook binne-in die karkas.

2 Sit die lemoenkwarte (4 elk), die lourierblare en tiemietakkies in die karkasse.

3 Verhit die olie in ’n groot oondvaste pan (groot genoeg vir albei eende) oor matige hitte. Werk met 1 eend op ’n slag en verbruin eers een sy (die dykant) van die eend tot goudkleurig - dit duur sowat 10 min. per sy. Herhaal met die ander eend.

4 Draai die eende dan op die borskant en verbruin vir nog 5-7 min. tot goudkleurig. Sit die eende in die oondpan en rooster vir sowat 40 min.

5 Verf die marmelade oor die vleis en rooster vir nog 5-10 min. Hou mooi dop, want dit kan nou maklik aanbrand. Haal uit en laat rus vir 10 min. voordat jy die vleis opsny en op ’n mooi opdienbord voorsit.

Instructions

Verhit die oond tot 160 °C.
1 Spuit ’n 12 cm x 15 cm-brood-pannetjie met kleefwerende kossproei en voer met die spek uit.
2 Sit die eendborsie en -vel op ’n bakplaat, geur met sout en bak vir 20 min.
3 Gooi die vel weg en skep die vet in ’n bakkie uit.
4 Sny die borsie fyn. Meng die hoender- en eendvleis in ’n mengbak en hou eenkant.
5 Breek die brood in stukkies en week vir 5 min. in die melk.
6 Druk die melk uit en verwerk die brood, uie, knoffel, hoenderlewertjies, swartpeper, koljander en naeltjie tot glad.
7 Voeg die broodmengsel by die vleis.
8 Roer die kaneel, Cointreau, eier, pietersielie, tiemie, 60 ml (4 e) van die eendvet, neute, bosbessies en 5 ml (1 t) sout by.
9 Maak die pannetjie halfvol met die mengsel.
10 Pak 6 lemoene in ’n ry in die middel van die mengsel.
11 Vul die pannetjie tot bo met die res van die vleismengsel.
12 Vou stukkies spek wat oorhang bo-oor.
13 Maak die pan styf toe met foelie.
14 Sit in ’n diep oondpan, twee derde vol water.
15 Bak vir 2 uur, haal die foelie af en bak vir nog 15 min. tot goudbruin.
16 Haal uit en laat afkoel.
17 Sit in die yskas en laat heeltemal afkoel voor jy die terrien sny.

Instructions

1 Voorverhit die oond tot 140 °C. Sit die eend in 'n oondpan en geur met sout. Rooster vir 1-1½ uur tot die meeste vet uitgebak het. Laat afkoel en ontbeen die eend, verwyder die vel en al die beentjies en rafel die vleis met 'n vurk uit.
2 Verhit helfte van die olie in 'n groot kastrol. Gooi die ui, wortel en seldery by en braai tot sag. Gooi die knoffel by en braai vir nog 1 min.
3 Gooi die tamatiepasta en spek by en braai tot bros.
4 Voeg die helfte (250 ml) van die port by en skraap die boom van die pan skoon. Gooi die blikkies tamatie, res van die port en bouquet garni by en prut stadig oor lae hitte.
5 Gooi die vleis by die geurige tamatiesous en laat prut vir 20-30 min. Sit die ragù met sagte polenta of pasta voor.

Met die oorskiet - onderstebo-pastei

Genoeg vir 6-8

Skep sowat 2½ k eend-ragù in 'n oondvaste pasteipan.
Bedek met 1 vel blaardeeg - maak seker dat die hele pannetjie bedek is.
Bak vir 30-35 min. by 200 °C tot die deeg goudkleurig en gaar is.
Keer die warm pastei om op 'n opdienbord en strooi 'n hand vol vars babakruieblaartjies oor. Sny in skywe en smul.

Instructions

1 Verwyder die oortollige vet van die eend. Vryf 15 ml brandewyn oor die eend en gooi 15 ml saam met die lemoen in die maagholte. Vryf sout en peper in die vel in en strooi ’n bietjie in die holte ook. Prik die vel met ’n tandestokkie. Sit die eend op ’n roosterrakkie in ’n oondpan en bak vir 20 min. om die vet te smelt.
2 Draai die temperatuur af na 190 °C. Haal ná 40 min. uit. Gooi die vet af (bewaar die vet soos goud) en gooi die aftreksel en tamatiepuree in die oondpan by die eend. Sit terug in die oond en rooster tot goudbruin tot die sappe helder uit die dikste deel van die boudjies loop.
3 Berei intussen die sous: Meng die suiker en botter in ’n middelslagkastrol en smelt oor ’n lae hitte. Laat karamelliseer.
4 Voeg die res van die bestanddele tot by die wynasyn by en kook af tot dit met ’n derde verminder het.
5 Voeg ’n halfkoppie van die gebakte eend se pansouse by. Voeg die swartbessiekonfyt en die mielieblom aangemaak in ’n bietjie water net voor opdiening by. Laat kook tot blink en verdik.
6 Sit die eend voor met vars lemoensegmente en die lemoensous.