Die ekstra lang jas

Die ekstra lang snit het die loopplanke verlede jaar reeds getref en dit gaan nog lank daar bly. Hierdie snit is veral gewild omdat dit saam met enige uitrusting gedra kan word. Dit is egter belangrik om die regte lengte vir jóú te kies. Hoe lank of kort jy ookal is, maak seker jou jas se soom eindig tussen jou kuit en enkel. Sodoende verhoed jy dat jou uitrusting nie reghoekig voorkom nie, en jou enkel vertoon ook dunner onder die jas.

Die koekon

Net soos ’n koekon, omvou hierdie snit jou lyf soos ’n silinder en dit werk die beste saam met noupassende klere. Hierdie jasstyl is kenmerkend aan sy wyer middel en nouer some – daarvandan die koekon-naam. Dra dit toegerits saam met skouerlengte-oorrringe, of oopgerits saam met ’n fokus-nekstuk. Kies dunhakskoene met gepunte tone vir ’n meer formele voorkoms.

Soldatejas

Almal herken dié sjiek, regafsnit met sy dubbelry-knope. Hierdie klassieke jas is tydloos en sal altyd op ons top-lysie wees. Dit beteken egter nie jy hoef outyds te lyk nie – Vernuwe die styl deur jou jas met verskillende belde vas te maak. Boonop sal dit jou middel beklemtoon, veral as jy bonkige klere saam met die jas dra. Die soldatejas kom in baie lengtes voor om almal op haar beste te laat lyk.

A-snit

Dié styl is soortgelyk aan die soldatejas, maar dit klok effens uit van die middel na onder en eindig by jou knieë. Dus kan jy die jas alleen as ’n rok ook dra saam met ’n paar lang stewels en ’n serp. Bekendes soos Kate Middelton is veral lief vir hierdie snit, omdat dit ’n vleiende silhoeët, soos ’n uurglas, vertoon wat jou middel beklemtoon, maar ook breër heupe kan verdoesel.

Lees ook: Verleng jou trui se lewe

The post Almal dra ’n jas appeared first on rooi rose.

7 maniere om luuks te lyk sonder om te veel geld te bestee deur Susra Matthee en Bea Lingenfelder 

1 Juweelskakerings

Daar is iets aan juweelkleure wat luuksheid weerspieël. Die diep, donker kleure pas ook by die meeste van ons, veral juweelpers.

As jy weer ’n kledingstuk aankoop, probeer ’n juweelkleur wat jou veltoon vlei – iets wat jou gelaat verhelder en nie vaal of grys laat vertoon nie.

#rrWenk: Edelgesteentes in juweelkleure is ook die optimale luuksheid, en let wel: jy hoef ook nie altyd die ware Jakob te koop nie.

Lees ook: Stoor jou klere reg

2 Tekstuur

Om verskillende teksture te meng, soos om sy saam met ’n saggebreide trui en sweedsleer te dra, maak jou uitrusting onmiddellik visueel interessant, met min moeite.

Boonop is die laag-op-laag-tendens steeds groot en die winterweer is die perfekte tyd om daarmee te eksperimenteer.

Lees ook: Vermy hierdie modeglipse

3 Trek jou moue uit

Hierdie tegniek is ’n eenvoudige manier om tekstuur by jou uitrusting te voeg. Jy kan hierdie wenk gebruik wanneer jy ’n baadjie of jas dra.

Al wat jy moet doen is om jou hemp se mouboortjie onder jou baadjiemou uit te trek sodat ’n stuk daarvan uitsteek. Dit voeg ook dimensie by jou uitrusting en trek aandag!

Lees ook: 10 mode-dinge wat jy teen 40 behoort te hê en te weet

4 Rolnektrui

’n Verslankte neklyn en die gebreide tekstuur van rolnektruie het ’n manier om jou dadelik sjiek te laat lyk. Al is jy reeds lank, voel dit steeds of jy ’n paar sentimeters gegroei het wanneer jy daardie polohals dra – hoe langer, hoe beter.

Lees ook: Verleng jou trui se lewe

5 Klassieke denim

Denim steek sy kop oral uit, maar daar is wel paar vereistes om in gedagte te hou wanneer jy ’n luukse voorkoms nastreef.

• Vermy enigiets wat te veel versierings of skeure het – vir ’n klassieke voorkoms wil jy vir so eenvoudig as moontlik gaan.
• Maak ook seker jy het een met langer pype vir jou hakskoene en ’n korter pyp wat by jou plat skoene pas. Die lengte van jou jeanpyp maak ’n groot verskil aan jou algehele voorkoms.
• Laastens is ’n regaf-snit, of ’n subtiele uitklokpyp die klassieker keuses.

Lees ook: 8 wenke vir daardie perfekte denimpaar

Verleng jou swart denim se leeftyd só

6 Natuurlike materiale

Indien jy twyfel, is natuurlike vesel jou beste opsie. Tog is nie alle fyner weefsels noodwendig die beste gehalte nie, maak seker die materiaal is sag, glad en het ’n goeie glans.

Om die veerkragtigheid van sy en breistof te toets, trek aan die materiaal oor die breedte en lengte – die materiaal is nie veronderstel om punterig te trek nie en ’n swakker gehalte materiaal sal vinnig uitrek.

Lees ook: Sorg só vir kasjmierwol

7 Eenvoudige lyne wen. Altyd.

A-lyne, reguit broeke, knopies- en oorvourokke lyk altyd afgerond en netjies. Hoe meer ingewikkeld die ontwerp, hoe groter is die kans dat jy kan verkeerd gaan.

#rrWenk: Onthou, eenvoud beteken nie vervelig nie – dra steeds jou laag-op-laag en jou gemengde teksture, hou egter jou items statig en komplementerend.

Lees ook: Die top-10 wenke om jou figuur te vlei

The post 7 maniere om luuks te lyk sonder om te veel geld te bestee appeared first on rooi rose.

5 moderne maniere om pêrels te dra

Hooffoto: Superlens Photography vir Pexels

Wenk 1: Laag op laag

Dra verskeie lae en groottes pêrels saam sodat dit bonkig vertoon.

Pêrels lyk die beste by minimalistiese uitrustings omdat dit sinoniem met stylvolheid is. Hou by ooreenstemmende kleure, monochromatiese uitrustings en speel eerder met tekstuur. Jy kan nie beter as om pêrels saam met ikoniese tweed-materiaal te dra nie – soos op Chanel se loopplanke gesien.

As jy ’n meer informele verkies, kan jy pêrels saam met ’n moderne T-hemp en jeans dra. Die kenmerkende stedelike styl sal onmiddellik jou pêrelbykomstighede nuwe asem gee.

Wenk 2: Subtiel oordadig

Nie almal van ons is voorstanders van bonkige en dramatiese voorkomste nie, maar dit is lekker om af en toe iets nuuts te probeer. Pêrels kan ’n uitrusting ’n gesofistikeerde gevoel gee, sonder om té outyds of té buitensporig te lyk.

Die gerygde pêreltendens is die stylvoller weergawe van hekelwerk. Gehekelde toppies word deur pêrelfrokkies vervang en strooihandsakke deur pêrelsakkies.

Lees ook: 7 maniere om luuks te lyk op ’n stywe begroting

Wenk 3: Haartooisels

As jy teen hierdie tyd nog nie vir haarknippies of -bande plek gemaak het nie, is dit nou die tyd.

Pêrelknippies is groot nuus en sinoniem met modern. Stapel dit op, of rond jou styl subtiel af met ’n paar fyner ontwerpe. Kies ’n veelsydige ontwerp wat by jou klerekas inpas, of koop sommer ’n klompie verskillendes wat jy kan afwissel.

#rrWenk: Haarbykomstighede kan tot jou redding kom as jou hare daardie oggend net nie wil saamwerk nie

Wenk 4: Meng en pas

Moenie dink pêrels moet net saam met pêrels gedra word nie – ontwerpers en modekenners moedig ons aan om rond te speel.

Dit klink dalk vreemd om iets so klassieks soos pêrels saam met iets anders te dra, maar dit is juis hierdie tendens wat pêrels ’n moderne hupstoot gee. Meng en pas dit met ander bykomstighede soos leer, kristalkrale en skulpe. Pêrel-en-goue juwele is ’n gewilde kombinasie, omdat dit gewoonlik met varswaterpêrels vereenselwig word en daardie meermingevoel gee.

Wenk 5: Die Ware Jakob

Indien jy nagemaakte pêrels dra, maak seker die kleur is so na moontlik aan dié van egte pêrels.

’n Pêrel is nie spierwit nie, en sommige style verskil in vorm.

Let veral op wanneer jy verskeie stringe saamdra dat hulle (amper) dieselfde skakering het.

Lees nog: Kies die regte handsak vir elke geleentheid

Woorde: Bea Lingenfelder en Susra Matthee.

Hooffoto: Superlens Photography vir Pexels

The post 5 moderne maniere om pêrels te dra appeared first on rooi rose.

Stylvol in swart: Oscars 2020 deur Susra Matthee. Hooffoto: John Salangsang/BEI/Shutterstock

Rooney Mara

Rooney Mara se Alexander McQueen-rok stel ’n groot en gunstelingtendens vir die winter bekend met sy uitgesnyde rug, knopies en kantdetail.

Lees ook: 5 dinge wat jy moet weet om vanjaar se Valentynskleure te dra

Foto: John Salangsang/BEI/Shutterstock

Geena Davis

Geena Davis se minimalistiese rok met slegs tekstuur en ’n indrukwekkende halslyn is weer eens ‘n bewys dat die eenvoudiger style dikwels die treffendste is.

Lees ook: Die mooiste kantoordrag onder R500 wat jy nou kan koop

Foto: David Fisher/Shutterstock Oscars 2020: Stylvol in swart

Zazie Beetz

Zazie Beetz het ‘n blink, moulose tweestuk van Thom Browne en Bvlgari-juwele aangehad. So ‘n eenvoudige styl gee jou die kans om met juwele en bykomstighede te speel.

Lees ook: Die beste tendense van die 80s is terug! Dis hoe jy dit moet dra

Foto: David Fisher/Shutterstock Oscars 2020: Stylvol in swart

Natalie Portman

Op Natalie Portman se mantel was die name geborduur van vroueregisseurs wat vanjaar nie vir ‘n Oscar benoem was in die kategorie vir beste regisseurs nie.

Lees ook: Die grootste sonbril-trends wat jy vir 2020 moet probeer

https://www.instagram.com/p/B8X1_BoHmmW/?igshid=18denjdvdc6wj

Charlize Theron

Onse Charlize Theron het geskitter in ‘n elegante, lang Dior-rok met ’n hoë spleet. Dit was nie ‘n verrassing dat sy in Dior geklee was nie, aangesien sy die gesig van die J’Adore-geur van dié handelsmerk is.

Lees ook: Ken jou liggaamsvorm en vlei jou figuur

https://www.instagram.com/p/B8XtyYoJtiZ/?igshid=r1p8odlqrhzn

Lees ook: Margaret gesels met Charlize

The post Stylvol in swart: Oscars 2020 appeared first on rooi rose.

Die grootste sonbril-tendense vir 2020 deur Susra Matthee en Bea Lingenfelder. Hooffoto: H&M

Die klein sonbrille wat deur die jare negentig geïnspireer is, het verlede jaar die sonbrilrakke oorheers, maar dit lyk of groter brille vanjaar  gewilder is. Die regte sonbril het die vermoë om jou gesig en styl te komplementeer. Pleks van die mikrobrille, kyk ons nou na stylvoller, drabare opsies.

Lees ook: Die swembroek wat jy in 2020 moet dra

1. Deursigtig

Deursigtige rame en lense is lankal gewild in die sonbrilmark. Hoewel die een nie op die ander fokus nie, kan jy dit kombineer en ‘n monochromatiese voorkoms skep wat by alles pas.

Lees ook: Ken jou liggaamsvorm en vlei jou figuur

Van bo na onder: 1.Tom Ford; 2. Jimmy Choo; 3. INVU. ; 4. Von Zipper

2. Reghoekig

Die mikrobril met sy reghoekige raamwerk uit die jare negentig het sedert verlede jaar ’n groot terugkeer gemaak, maar dit is nou baie makliker om te dra in ‘n groter silhoeët. Pleks van metaalrame, wees op die uitkyk na dik plastiekrame.

Lees ook: 1 item, 3 maniere: Die Espadril

Van bo na onder: 1. Retrosuperfuture; 2. Vogue beskikbaar by Luxottica; 3. DotDash; 4. Freckle Eyewear

3. Katoog

Die klassieke katoog kry hierdie somer ‘n nuwe gesig. Swart en skilpadkleure sal altyd duursaam lyk, maar vir ‘n moderne gevoel, probeer ‘n deurskynende paar of uitgesnyde detail, of waag met patrone en helder kleure.

Lees ook: Detoks jou klerekas in ’n japtrap

Van bo na onder: 1. Guess; 2. Buberry beskikbaar by Luxottica; 3. DotDash; 4. ByCara

4. Rond

Hierdie ronde style is ontwerp om ‘n groot verskeidenheid gesigvorms te vlei, en word gedefinieer deur hul speelsheid. Dit is ‘n prettige alternatief vir jou tydlose swart en skilpaddopstyle en jy sal verbaas wees oor hoe veelsydig hulle is.

Lees ook: Ja, jy kan ook neon dra!

Van bo na onder: 1. Von Zipper; 2. INVU. ; 3. Burberry beskikbaar by Luxottica; 4. Giorgio Armani beskikbaar by Luxottica Die grootste sonbril-tendense vir 2020

5. Beskermingstyl

Skildrame (shielded frames) het groter, beter en selfs meer futuristies geword – laboratorium-ontmoet-jare-tagtig. Ski-rame het die aandag van beroemdes én Jan Alleman getrek. Jy gaan vir seker ‘n indruk maak met hierdie rame en word ook beskerm teen die son.

Lees ook: Koop vanjaar hierdie sonhoed

Van bo na onder: 1. Mr. Price; 2. Lacoste beskikbaar by Moscon Optics; 3 & 4 Albei Vogue beskikbaar by Sunglass Hut

6. Vlieënierstyl uit die jare sewentigs

Die Aviator-style is ikonies en sal waarskynlik elke jaar sy verskyning maak. Kies baie dun rame en getinte lense om die Top Gun-gevoel te bemeester. Saam met hierdie dun rame is die dun goue rame van die jare sewentig ook groot nuus.

Lees ook: Hoe om die dragkode op ’n uitnodiging te verstaan

Van bo na onder: 1. Maui Jim; 2. Lacoste beskikbaar by Moscon Optics; 3. Burberry beskikbaar by Luxottica; 4. Emporio Armani beskikbaar by Luxottica

Kry dit hier:

ByCara

DotDash

Freckle Eyewear – beskikbaar by uitgesoekte brilwinkels

Guess

INVU. beskikbaar by SDM Eyewear

Jimmy Choo beskikbaar by Dynamic Vision Optometrists

Lacoste beskikbaar by Moscon Optics

Luxottica

Mr. Price

Maui Jim

Retrosuperfuture

Tom Ford beskikbaar by SDM Eyewear

Von Zipper beskikbaar by Billabong-winkels

Sunglass Hut

The post Die grootste sonbril-tendense vir 2020 appeared first on rooi rose.

Die gewildste swemklere-style vir 2020 deur Susra Matthee en Bea Lingenfelder. Hooffoto: Montce Swimwear

Die gewildste swemklere-style vir 2020

Om op ‘n nuwe swembroek te besluit is nie altyd so maklik soos om net tussen ‘n eenstuk of bikini te kies nie. Behalwe om die algemene lyfkwessies in gedagte te hou, is daar ook gedurig nuwe tendense. Indien jy op soek is na ‘n nuwe nommertjie, loer hier vir vanjaar se gewildste swembroekmodes.

Lees ook: Vlei jou liggaam in ’n eenstuk-swembroek: Ons vyf beste wenke

1. Mango-geel

Geel is ‘n belangrike kleur vir hierdie somer. Die gewildste skakering is mango-geel, wat aan oranje grens. Dit lyk wonderlik by iemand met ‘n donker velskakering. Maar ligter skakerings, soos pastelgeel, vlei ‘n groter verskeidenheid velkleure.

Lees ook: 5 swembroeksnitte wat jou op jou beste sal laat lyk

Eenstuk (van R1 599) Scotch&Soda

2. Volhoubare swemklere

Al hoe meer kopers is bewus van volhoubare modes en soek nou aktief na eko-vriendelike handelsmerke. Hierdie eenstuk van Akina Label is van geregenereerde ECONYL® nylon gemaak – wat beteken dat geen vermorsing en geen nuwe hulpbronne in die produksie gebruik is nie.

Lees ook: 5 redes hoekom jy vanjaar in katoen moet belê

Volhoubare eenstuk (R1 400) Akina Label Die gewildste swemklere-style vir 2020

3. Luiperddruk

Luiperddruk (en ander dierepatrone) is nou al etlike seisoene op die loopplanke te sien, en dis duidelik dat dierepatrone nou ‘n seisoenlose neiging is. Luiperddruk is te sien in verskillende kleure, van neon tot meer subtiele, natuurlike kombinasies. Probeer ‘n gedrukte luiperddruk eenstuk, of bikini in natuurlike kleure.

Lees ook: Jy kan ’n gesonde selfbeeld kweek – ons wys jou hoe

Bikini-broekie (R599) en -toppie (R699) Beach Cult

4. Gordel

‘n Swembroek met ‘n gordel herroep die goue sestiger- en sewentigerjare. ‘n Eenstuk met ‘n gordel kan vorm gee aan jou middellyf en ook die fokuspunt van ‘n eenvoudige ontwerp wees.

Lees ook: Dis hoe jy jou swembroek se lewe kan verleng

Eenstuk met gordel (POA) Witchery Die gewildste swemklere-style vir 2020

5. Neon

Hierdie vreesaanjaende styl is vleiender as wat jy dink, omdat dit dikwels die illusie van ’n dieper bruin vel skep. Die geknoopte toppie skep detail, en kan na jou smaak verstel word.

Lees ook: Die swembroeksnitte wat vir jou lyf sal werk – en die snitte wat jy eerder moet vermy

Bikini met verstelbare toppie (POA) Montce Swim

6. Hoog uitgesny

’n Styl wat jou terugneem na die tagtigerjare en swembroeke met hoog gesnyde bene. Hierdie ontwerp word ​​al ‘n paar seisoene lank gesien en lyk of dit nêrens heen gaan nie. Die snit is veral gewild omdat dit die illusie van langer bene skep en lyk goed by die meeste liggaamsvorms.

Eenstuk met tropiese drukwerk (POA) PQ Swim

7. Metaalkleure

Metaal kleure verleen ‘n sexiness en lyk goed by ‘n bruin gebrande lyf. As jy nie te uitspattig wil wees nie, hou by neutrale kleure wat blink, soos beige, bloospienk, brons en goud. Dit sal jou voorkoms stylvol afrond. Ons hou van hierdie brons stel.

Bikini-toppie (R1 699) en -broekie (R1 699) Beach Cult Die gewildste swemklere-style vir 2020

8. Retro-broekies

Ons liefde vir klere uit die jare tagtig en negentig is die afgelope paar seisoene op die loopplanke gevier. Hierdie nostalgie geld ook swembroeke. Die broekies met die hoë middellyf het dalk ‘n retro-voorkoms, maar kan nuwe lewe kry met interessante patrone en detail.

Petal-toppie (R1 949) en -broekie (R1 699) Seafolly

The post Die gewildste swemklere-style vir 2020 appeared first on rooi rose.

Steel haar styl: Sandra Bullock deur Bea Lingenfelder en Susra Matthee. Hooffoto: Greatstock / Splashnews

Sandra Bullock is daarvoor bekend dat sy enige rol kan baasraak, maar terselfdertyd kraai sy koningin met haar koel, kalm en ontspanne voorkoms wanneer die kameralense wegdraai. Hoe kry sy dit reg?

Ken jou styl

Sandra word dikwels gekiek in ’n gemaklike broek, bloes en jas – die noodsaaklike items om ontspanne maar stylvol te lyk. Tendense kom en gaan maar ’n goeie figuur bly tydloos.

Stel vas watter kleure en snitte by jou pas en hou daarby – sodoende ontwikkel jy ook ’n eie styl. Wanneer ’n gewilde modetendens kop uitsteek, kan jy eksperimenteer, maar terselfdertyd jou kenmerkende styl behou.

Lees ook: 10 wenke wat jou figuur sal vlei

’n Maksirok is ’n vinnige manier om veelsydige voorkomste te skep. Sandra het ’n patroonryke styl gekies met ’n romantiese valletjie. Die res van haar voorkoms is minimalisties, wat alle fokus op die rok plaas. Hoewel die fokus op die kleurryke rok is, gee die deurlopende swart ondertoon van die uitrusting ’n stylvolle afronding.

Lees ook: Dra jou winteritems in die somer

Sandra Bullock. Greatstock/Splashnews

Moeite met gemak

Sandra is ’n goeie voorbeeld dat deftig nie noodwendig ongemaklik beteken nie. Selfs op die rooi tapyt sal jy haar in ’n uitrusting sien waarin sy gemaklik beweeg en voel.

As jy nie van baie hoë hakke hou nie, kan jy dit die somer vir ’n dikker blokhak of wighak verruil.

Indien jy ’n informeler styl wil skep, is tekkies altyd ’n wenner. Maar hou dit in ’n neutraler kleur om by jou voorkoms in te smelt. Swart tekkies kan die oë na jou voete trek, wat die fokus van jou rok wegneem.

Lees ook: Skud die jare af met hierdie slim truuks

Bykomstighede

Soms is dit selfs meer elegant om geen bykomstighede te hê nie as om ’n hangertjie uit sy plek te dwing. Gee die blink en oordadige ontwerpe ’n blaaskans en belê in ’n fyner klassieke style. Bypassende metale is hier belangrik – laat jou goue kettinkie by jou goue oorringe pas; minimalistiese pêrels werk ook goed.

Lees ook: 5 moderne maniere om pêrels te dra

Sandra hou van haar sonbril, wat ’n styl op sy eie kan skep. ‘n Sonbril is ’n lekker manier om avontuurlustig te wees sonder om dit te oordryf. Hier hou Sandra dit tydloos met die ronder swart raam.

Lees ook: Die eenstuk – ’n item vir elke seisoen

Rok en baadjie: Witchery
Hakskoen en handsakkie: Ted Baker
Sonbril: Maui Jim
Horlosie: Michel Herbelin beskikbaar by Luxco Importers

Nog items wat baie goed by hierdie styl sal pas

Tekkie (R499) Old Khaki

Maksirok (R899) Zara

Leerbaajie (POA) H&M

Lalune-sakkie (R1 500) OnYva

Blokhaksoen (R550) Queenspark

Verbruikersgids

H&M

Luxco Importers

Maui Jim

Old Khaki

OnYva

Queenspark

Ted Baker

Witchery

Zara

The post Steel haar styl: Sandra Bullock appeared first on rooi rose.

Mode onder R500: Lente deur Bea Lingenfelder en Susra Mathee.

’n Lenteklerekas is dikwels ’n kombinasie van jou somerklere en enkele winterstukke wat jy nog nie weggepak het nie. Ons is opgewonde oor die helder geel en vrugtekleure wat teen ’n roomkleurige agtergrond uitstaan.

‘n Mens is sommer lus en spring dadelik in ’n kortbroek in, maar hierdie tyd van die jaar is die weer redelik onvoorspelbaar, daarom is veelsydigheid belangrik. Pak jou warm woltruie, dik jasse en gebreide serpe weg, maar hou snyersbaadjies, kimono’s en denimbaadjies uit vir die koel skemerluggie.

Mode onder R500: Lente

Item 1: Midirok

‘n Vloeiende somerrok is onweerstaanbaar. Hierdie sagte kleure is vroulik en elegant en word mooi afgerond met beige of denim.

Midirok (R329) H&M Consious Collection

Item 2: Knopieshemp

Strepe sal altyd in die mode bly, omdat dit ‘n neutrale patroon is wat nie met ander bots nie. Die hemp pas net so goed by kortbroeke soos by formeler pakbroeke. Rol jou moue op vir ‘n gemaklike voorkoms.

Knopieshemp (R379) Woolworths

Mode onder R500: Lente

Item 3: Somersandaal

#rrwenk: Hou jou oë oop vir hierdie kleur! Jy sal dit die seisoen nog baie sien.

Sandaal (R350) Foschini

Item 4: Sonbril

Dierepatrone het so gewild geword dat modevoorstanders hierdie motief as ‘n neutrale item beskou wanneer hulle uitrustings stileer. As jy nie ‘n aanhanger van dierepatrone is nie, kan jy nie verkeerd gaan met die klassieke skilpaddopsonbril om jou uitrusting af te rond nie.

Sonbril (Rvanaf 199) ByCara

Mode onder R500: Lente

Item 5: Korbroek met gordel

Roesbruine en die kleurpalet van ‘n sonsondergang is vanjaar gewild. Dit pas by die veltoon van die meeste mense en laat jou uitrusting nie vaal lyk nie.

Vir die somer speel ons slim en dra hierdie warm kleure in koel materiale soos katoen of linne.

Kortbroek (R249,99) The Fix

Item 6: Oorringe vir lente

Wat is die lente sonder ‘n blom? Hierdie oorringe met hul vrolike kleur en stylvolle ontwerp sal enige uitrusting opkikker.

Oorringe (R179) Curativ

Mode onder R500: Lente

Item 7: Leergordel

‘n Gordel is jou beste vriend – ongeag die seisoen. Ons is gaande oor die oneindige stileringsmoontlikhede wat ‘n gordel jou bied, en glo ‘n leergordel is ‘n goeie belegging.

Leergordel (R225) Old Khaki

Loer hier vir nog lekker kopies en goeie idees

The post Mode onder R500: Lente appeared first on rooi rose.

Is hierdie skoen weer in die mode? Deur Bea Lingenfelder en Susra Matthee Hooffoto: Crocs

“The ugly shoe is here to stay”

Sommige van ons was eers effens skepties toe hierdie bonkige paar sponsskoene, Crocs, aan ons bekendgestel is.

Maar omdat hierdie einste skoen soos ’n droom sit, het dit vinnig in ons kaste ingesluip en voor ons ons oë kon uitvee, het ons ook ’n paar aangeskaf.

Ja, ons erken dit.

Kort voor lank was daar ’n groot verskeidenheid style en kleure om van te kies en daarna het die prettige versierings soos blomme, lippies en steentjies gekom wat jy in die luggaatjies van die skoene kon druk om hulle te verpersoonlik.

Maar sedert hierdie skoen amper oornag bekend geraak het, het die gemakselement ’n oorheersende rol in die modewêreld gekry: voorkomste soos die athleisure-styl, tekkies met enige uitrusting en blokhakke het seker gemaak dat skoene nie afsteek by ons ontwikkelende leefstyl se behoeftes nie. Dit het ook beteken dat die eksentrieke Croc-skoen heelaas noodgedwonge na die agtergrond moes skuif.

Wees egter op jou hoede, want hierdie skoen is terug en hy is dalk net alles wat jou hart begeer!

Met sy oorspronklike sool wat eindelose gemak en ondersteuning bied, het Crocs hul bekende vorm ’n meer moderne aanslag gegee. Die kenmerkende Clog-skoen is steeds beskikbaar, maar daar is nou ook soveel meer waarvan jy kan kies.

Lees ook: Skud die jare af soos Liza Miller in die reeks Younger

So, is hierdie skoen weer in die mode?

Die modehuise Balenciaga en Christopher Kane kan grotendeels verantwoordelik gehou word vir die terugkeer van hierdie skoen.

Balenciaga het in 2017 die skoen bekendgestel met ’n enorme sool, 10cm hoog, met bont versierings wat as buitensporig beskryf kan word.

Terloops, dit is die einste Balenciaga wat ook bekend is vir sy ikoniese “dad shoe” wat vandag op al wat ’n winkelrak is, pronk.

https://www.instagram.com/p/BhbFC44FaHG/

https://www.instagram.com/p/BZM59QJhmGA/

So, wat’s nuut in die Crocs-wêreld?

Kyk uit vir die Crocs-nuwelinge:

WandaXCrocs

Afrika-ontwerper, Wanda Lephoto, is bekend vir sy minimalistiese aanslag op die stedelike straatstyl, -kuns en -kultuur. Sedert 2016 het hy Suid-Afrikaanse loopplanke ingekleur met die doel om kulture saam te smelt en as ’n eenheid te vertoon.

Crocs se reeks in samewerking met Wanda bestaan uit drie style, naamlik die Platform Clog – wat ’n verfrissende nuwe aanslag op die oorspronklike ontwerp bied; die Platform Flip – dink aan ’n plakkie, maar net hoër; en die Platform Slide – ’n gewilde styl wat op menige winkel- en ontwerpersrakke te sien was.

Al drie hierdie style behels ’n gesofistikeerde voorkoms met ’n kinkel, wat jou motiveer om ’n bietjie met jou voorkoms te waag.

Volgens die besturende direkteur van Crocs SA, Andrew Kalis, is dit “… die moontlikheid van ’n moontlikheid wat ons handelsnaam aan die gang hou en stelselmatig deur die kulturele grense laat breek.”

Hierdie kapsule-versameling dra ook by tot die Reach for a Dream-organisasie. Soos Kalis verduidelik moet elke mens wat kan, help waar hy kan. En om ’n liefdadigheidsorganisasie te kan ondersteun deur talent en passie uit te leef, is iets besonders.

Crocs LiteRide

Terwyl die bonkige silhoeët vir eers ’n blaaskans neem, stel Crocs ’n nuwe “ligter” skoen bekend wat vir die tussenintyd sorg.

Dis perfek om enige tyd, enige plek vinnig aan en uit te glip. Die LiteRide 2019-reeks is gebaseer op die athleisure-styl wat deel van ons alledaagse klerekas geword het. Hierdie skoen is so ontwerp om by ons huidige leefstyl in te pas, maar dit bly steeds getrou aan Crocs se kenmerkende gemakselement.

Kitsfeite oor hierdie reeks:

• ’n Atletiese vorm vir die “on the go”-leefstyl
• Die nuwe LiteRide-soolvesel is gemaklik, selfs ligter as vantevore en dit beloof ’n veerkragtige ervaring met elke tree
• Die sagte Matlite-materiaal omvou elke hoek van jou voet sonder om enige van die gemakselement te verloor
• Die Crocslite-soolvesel beloof langdurige ondersteuning en gemak

Hierdie skoene keer ook terug

Kyk ook uit vir hierdie skoen-trends wat terugkeer …

Die Birkenstock-sandaal

https://www.instagram.com/p/BzD9Lwyi8xN/

Vierkantige tone

https://www.instagram.com/p/BvHtEvOgkeU/

Die safari-sandaal

https://www.instagram.com/p/BwwHIXGh4IQ/

Die riempie-hakskoen

https://www.instagram.com/p/BwFSsDzH_Tt/

So, watter een van hierdie skoene gaan jy hierdie somer omhels?

The post Is hierdie skoen weer in die mode? appeared first on rooi rose.

Die 7 gewildste bykomstighede vir winter 2019 deur Susra Matthee en Bea Lingenfelder. Hooffoto: Country Road

1. Slangveldruk

Glibberige velle het hul oomblik op vanjaar se herfs/winter-loopplanke gehad, veral slangvel- en luiperddruk het koning gekraai onder die dierepatrone.

Hierdie tendens was in alle kleure en style te sien – van die natuurlike en werklike kleur tot juweelskakerings – en die goeie nuus is dat dit steeds gewild gaan bly!

Lees ook: Die mooiste modedinge onder R500

Enkelstewel (POA) Witchery

2. Booghandvatsels

Die handsak met ’n booghandvatsel word deur ’n stewige struktuur gekenmerk. Die handsak behou sy vorm wanneer jy hom neersit en dis ook makliker om iets daarin te kry.

#rrWenk: Hierdie styl handsakke werk ewe goed by ’n T-hemp en denims as vir ’n deftiger aandjie uit.

Lees ook: Ons top 10 winteritems

Handsakkie (R699) Witchery

3. Groot serpe

Serpe is nie net prakties in die kouer maande nie, maar dit maak ook ’n modestelling!

Die oorgrootserpe is nou weer net so gewild soos die kleiner syserpies. Bind die kleiner serpies om jou kop of handsak vir ’n moderne voorkoms, terwyl ’n snoesige, groot serp knus om jou nek gedraai word.

Lees ook: Die eenstuk, ’n item vir elke seisoen

Serp (R220) Queenspark

4. ’n Gordel uit die tagtigerjare

Moenie vergeet van die jare tagtig se dik middellyf-gordels nie. Bind ’n gordel oor jou truie, rokke, baadjies en jasse, want hierdie winter vereis ’n gedefinieerde middellyf.

Lees ook: Wat het ons gedink? 10 trends wat ons laat kopkrap

Fluweelgordel (R49.99) Mr Price

4. Slouchy-stewels

Staan opsy, perdrystewels. Indien jy die winter daaraan dink om stewels aan te skaf, maak seker dit is ‘n paar afsakstewels. Dit beteken ’n paar ingekrimpte voue en ‘n pyp wat redelik wyd om die been sit. Dra die stewels veral saam met rompe en rokke.

Stewel (R449) Call It Spring

6. ’n Handsak wat laag hang

Skuins oor die lyf, of om die skouers geswaai, die jare sewentig se handsakke met lang skouerbande is met mening terug. Die sewentigerjare se palet van sjokolade- en botterskorsiekleur gaan nêrens heen nie.

Boonop kan hierdie handsakke saam met enigiets gedra word – en dis ook geskik vir die dag en aand.

Handsakkie (R1990) Willow Tree

7. Hoofbedekkings

Jy is nie die winter volledig geklee as jy nie ‘n hoed op jou kop het nie. Jy kan uit hordes style kies – van bucket, fedoras, fascinators (’n gestruktureerde hoed met baie versierings) tot snoods en mussies om ‘n paar te noem.

Wat ook al jou bui, daar is ‘n hoed wat daarby pas.

Mussie (R199) Old Khaki

Verbruikersgids

Witchery

Queenspark

Mr. Price

Call It Spring

Willow Tree Designs

Old Khaki

The post Die 7 gewildste bykomstighede vir winter 2019 appeared first on rooi rose.

Mode onder R500 Augustus 2019 deur Bea Lingenfelder.

As die beursie dun is, hoef die kas nie leeg te wees nie. Jy kry nog mooi goed vir minder as R500 – kyk net wat het ons gevind!

Die moet-hê-jas

Maksijas met luiperddruk (R499,99; 6-18) The Fix

Vir nog mooi kopies wat jy nou kan kry, klik hier

Mooi loop!

Aanglipskoen (R499; 3-8) Poetry

Lees ook: Wat het ons gedink? 10 trends wat ons laat kopkrap

Hou die blink kant bo

Skouersakkie met krale-afwerking (R459) Zara

Lees ook: Die eenstuk: ’n Staatmaker vir elke seisoen

Kop in een mus

Mussie van KWay (R350) beskikbaar by Cape Union Mart

Die mooiste oorringe

Oorringe van Net ’n Kameel (R180) KAMERS/Makers

Die perfekte paar

Mode onder R500 Foto: Corné Greeff

Broek (R299) Makro

Bly warm in dié trui

Foto: Corné Greeff

Trui (R179.99; XS -XL) Mr Price

The post Mode onder R500: Augustus 2019 appeared first on rooi rose.

Wat het ons gedink? 10 trends wat ons laat kopkrap deur Bea Lingenfelder en Susra Matthee. Hooffoto: Pexels

Platform-plakkies

Ons enkels bewe skoon net deur daaraan te dink. Platform-plakkies het in die negentigerjare kop uitgesteek. Sommige noem dit die somer-Spice Girl-skoene, maar min van ons kan daardie kenmerkende klap-klap-geluid van ’n plakkie verdra en met hierdie styl is die geluid drie keer harder!

Lees ook: Watter Spice Girl is jy?

https://www.instagram.com/p/BypoWQxp0Az/

Ugg-stewels

Britney Spears het dit graag saam met kortbroekies gedra en Paris Hilton saam met haar fluweelsweetpak, maar kan jy die koue gevoel onthou as daardie snoesige skoen in ’n waterplas beland? Ugg-stewels was ’n groot treffer op sy tyd, maar vandag moet hierdie styl liefs by pajama-drag bly.

Lees ook: 7 items wat jy nou moet koop

https://www.instagram.com/p/BzxSP33JfFN/

Piepklein sonbrille

Hierdie sonbrilletjie-styl het onlangs weer sy verskyning gemaak, maar dit was gelukkig van korte duur. Die modewêreld lê vandag meer klem op funksioneel as vorige jare – ’n piepklein sonbril sal dalk jou irisse beskerm, maar die sensitiewe vel onder jou oog bly steeds in gevaar. Ons stel voor dat jy in ’n bril belê wat by jou gesigvorm pas en jou oë ordentlik teen bloulig sowel as sonlig beskerm.

Lees ook: Hierdie 8 modefoute kan jou slordig laat lyk

https://www.instagram.com/p/BjBsRTLnaFe/

Plastiekstewels

Die Kardashian-Jenner familie het grotendeels hierdie skoen aan die publiek bekendgestel. Wat hulle nie gewys het nie, is hoedat die stewel na ’n paar tree begin opwasem nie. Plastiek laat geen ruimte vir ventilasie nie en liggaamshitte word vinnig teen die rante gekondenseer wat ongemak en blase veroorsaak. Dan begin ons wonder of Kim Kardashian nie dalk ’n paar ekstra plakkies in haar handsak wegsteek vir as die kamera afgeskakel word nie.

Lees ook: 5 vinnige modetruuks wat jou uitrusting afrond

https://www.instagram.com/p/Butd4blh2Nk/
https://www.instagram.com/p/BCCNElPOS1C/

Sweetpakke met hakke

Ons probeer steeds agter die kap van die byl kom oor hoe hierdie trend ontstaan het, maar hakskoene is selfs vandag nog ’n gewilde skoen om saam met ’n gemaklike sweetpak te dra. Hoewel die mode jou vrye teuels gee om styl volgens jou persoonlikheid en smaak aan te pas, is ’n stylvolle tekkie meer gepas saam met jou sweetpak, én ook baie gemakliker!

Lees ook: Verleng die lewe van jou gunsteling-jeans – ons wys jou hoe

i love that she’s wearing a tracksuit with bright yellow heels ? only rihanna pic.twitter.com/m29ZihZmX2

— symira (@teenagefeverz) October 26, 2017

Buis-toppies

Ons praat van daardie toppies wat lyk of ’n lap om jou geknoop is. Bekendes soos Jennifer Aniston en Eva Longoria het dit laat lyk of dit werk saam met ’n baadjie en denim, maar die waarheid is dat hierdie styl geen ondersteuning bied nie. Boonop is ’n horisontale neklyn in die meeste gevalle nie vleiend nie. ’n Dun bloesie met ’n V-neklyn is ’n beter keuse vir jou figuur en laat jou postuur ook beter vertoon.

Lees ook: Lyk ryk met minder geld – ons deel ’n paar geheime

Ms. Britney Spears with the pink tube top ? pic.twitter.com/OiddHTWAu6

— seb (@SAlNTSEBASTIAN) December 13, 2017

Koekeloertoutjies (die whale tail)

Was jy ook skuldig aan die koekeloer-toutjietrend? Toemaar, jy was verseker nie die enigste een nie! Hoewel ons baie verlig is dat dit nie meer algemeen is om jou g-string by jou broek te laat uitsteek nie, kan dit sorg vir snaakse lank-lank-gelede-grappies.

Lees ook: Die eenstuk – ’n item vir elke seisoen

https://www.instagram.com/p/BzMXBVLHpDb/

Uitspattige valle en pofskouers

Statige, skerp skouerkussings is weer terug op die modeplanke, maar wie kan ooit daardie rokke met die opgepofde moue en spaanse valle van jou matriekafskeid vergeet. Vandag beskou ons nie die opgepofde styl meer as elegant soos die Renaissance invloed van destyds nie. Talle televisiereekse soos Hunter met aktrise Stepfanie Kramer (Dee Dee McCall) was daardie tyd ’n groot invloed met hul skerphoekige baadjies en ’n oorgrootte bloes.

Lees ook: Ons is nou gaande oor hierdie oefenklere

https://www.instagram.com/p/ByTcOJIJYp2/

https://www.instagram.com/p/BztVmcYnuKV/

Rubber armbande

Rubberbandjies het aanvanklik as dun plastiekbandjies bestaan, ook bekend as “zombiebande”, maar later het hierdie trend in alle style en groottes ontwikkel – hoe meer jy om jou pols kon opstapel, hoe beter. Die trend het veral in 2000 vlamgevat toe Avril Lavigne-treffers op elke CD-speler gespeel het. Sommige arms was selfs kunstig versier met spesifieke kleurkombinasies of patrone.

Lees ook: 6 Marie Kondo-pakwenke wat jy nou moet probeer

https://www.instagram.com/p/Bkak7NZFv-H/

https://www.instagram.com/p/BkqvkArlbl4/

Hakskoentekkies

Tekkies is al ’n geruime tyd nie meer beperk tot atletiekdrag nie. Deesdae dra ons dit saam met rokke, denims en selfs pakke. Kort voor lank het die tekkie-trend die perke van die modewêreld getoets deur ’n hakskoen-tekkie bekend te stel – ’n styl soos ’n sport-tekkie, maar wat met ’n effense wighak gelig is. Sommige het hierdie styl die beste van twee wêrelde gedoop, maar ander het ’n bietjie kopgekrap oor hoe om dit te dra. Hoewel hierdie skoen sy oomblik in die kollig geniet het, stel ons voor dat jy eerder by die een (wighakskoen) óf die ander (tekkie) hou.

https://www.instagram.com/p/BxWfjq4BUsg/

The post Wat het ons gedink? 10 trends wat ons laat kopkrap appeared first on rooi rose.

Die eenstuk: ‘n Item vir elke seisoen deur Karli Potgieter en Bea Lingenfelder. Hooffoto: Cluse

Waarom die eenstuk opslae maak

rooi rose is mal oor die veelsydigheid van hierdie kop-tot-toon–kledingstuk en voorspel dat dit nog ’n geruime tyd ’n klassieke stapelitem gaan wees. Hierdie kledingstuk is veral ideaal as jy op ’n blou Maandag vinnig in ’n uitrusting wil spring. Boonop is dit vleiend vir elke figuur sonder om jou ongemaklik te laat voel.

Lees ook: 10 wenke wat jou figuur vlei

Hoe om ’n eenstuk te kry wat jóu komplimenteer

Wees op die uitkyk vir ’n eenstuk wat van ’n vloeiende of ligter stof gemaak is, soos ’n linnemengsel. Sodoende kan jy dit moeiteloos in beide die snerpende koue maande en die vuurwarm Suid-Afrikaanse somer dra.

Die geheim lê in hoe jy dit stileer. Dra ’n polonektrui in ’n kontrasterende kleur onder jou eenstuk vir ’n knus voorkoms of kies ’n paar sandale en ’n mooi halssnoer in die somer. Indien jy besluit op ’n formele baadjie wat jy met ’n stylvolle hakskoen dra sal jy prentjiemooi op kantoor lyk.

Bind ’n gordel om jou middel om jou vroulike figuur te beklemtoon. Kyk ook uit vir unieke sleutelkenmerke soos praktiese sakke en knopies. Indien die broekspyp effens verkort is, kan jy subtiel spog met jou gunsteling leerstewels of sandale.

Lees ook: Hierdie 8 modefoute laat jou slordig lyk

Speelpak (R750) Woolworths

’n Winteruitrusting

’n Wit polonek-trui soos hierdie is altyd ’n tydlose wenner. Die eenstuk is van duursame katoen en linne in ’n vlootblou-kleur. Moet dus nie huiwer om te eksperimenteer met ander kleure wanneer jy ’n truitjie onder die eenstuk aantrek nie, want dit sal beslis daarby pas!

Lees ook: Die 10 dinge wat in jou winterklerekas hoort

• Eenstuk (R750) Woolworths
• Polonek-trui (R350) Truworths
• Loafer (R399) Truworths

Somer-sjiek

Omdat die eenstuk van natuurlike stowwe gemaak is, hou dit jou lieflik koel tydens die warm somer. Die vertikale streep-motief verleng sommer ook jou voorkoms!

#rrWenk: Moenie skrik vir ’n bonkige halssnoer soos dié een van Woolworths nie, want die somer is sinoniem met kleur.

Lees ook: Lyk ryk – 7 maniere om luuks te lyk sonder om te veel geld te bestee

• Eenstuk (R750) Woolworths
• Sandale (R250) Woolworths
• Halssnoer (R160) Woolworths
• Horlosie van Cluse (R2 950) Luxco Importers

’n Kantoornommertjie wat wérk!

Die donker palet van hierdie uitrusting bied ’n gesofistikeerde voorkoms en maak dit ideaal vir die werk. Verruil jou kantoorskoene vir ’n enkelstewel met ’n blokhak om jou voorkoms meer informeel te maak.

#rrWenk: Vir ’n bietjie kleur is ’n nekserpie of bonkige oorringe altyd ’n goeie keuse.

Lees ook: 5 vinnige modetruuks wat jou uitrusting afrond

• Eenstuk (R750) Woolworths
• Baadjie (R1 199) Daniel Hechter, Truworths
• Hofskoen (R440) Daniel Hechter, Truworths

Verf die stad rooi

Rooi is selfversekerd en versinnebeeld ’n opgewonde passie vir die lewe. Dus is hierdie subtiele bybehore die ideale manier om die uitrusting af te rond wanneer jy ’n skemerkelkie met jou vriendinne geniet.

#rrWenk: Stileer neutraler kleure saam met die helderrooi om die fokus te behou.

Lees ook: Mode in oormaat – pasop vir hierdie slaggate

• Eenstuk (R750) Woolworths
• Hakskoen (R440) InWear, Truworths
• Beursie (R299) Truworths
• Oorringe (R69) Miladys

Lees ook: Verleng die lewe van jou gunsteling-jeans

Verbruikersgids

Woolworths

Truworths

Miladys

Cluse

The post Die eenstuk: ‘n Item vir elke seisoen appeared first on rooi rose.

Van mode tot muurkuns: Vanwaar die kunswerk in ons Julie-uitgawe deur Bea Lingenfelder en Susra Matthee. Hooffoto: Baz’Art verskaf

Die helder mure trek beslis aandag as jy verby die nou strate van Woodstock skuur. Toeriste neem kiekies en plaaslike inwoners voel trots, maar waarvandaan hierdie kunswerke?

Baz’Art is ’n nie-winsgewinde organisiasie wat in 2016 gestig is om die verhouding tussen kuns en Jan Alleman te bemagtig. Hulle bevorder alle soorte kuns wat in Suid-Afrika gebruik word om emosie uit te druk – van graffiti tot vingerverf en fynere kuns.

Deur opvallende kunswerke aan die publiek bekend te stel, wil Baz’Art ’n trots in die plaaslike inwoners, van binne ’n gebied tot regoor die hele Afrika, opwek. Hulle beklemtoon inklusiwiteit, betrokkenheid en gemeenskaplike respek.

Kom loer agter die skerms by ons Julie modefotosessie én vind uit hoe jy die maksimalisme-trend kan dra!

Baz’Art se doelwitte steun op drie pilare

Opvoeding

Kuns-onderrig het reeds verskeie voordele op akademiese, kognitiewe, persoonlike en sosiale velde uitgewys. Kuns koester ’n gevoel van behoort en gemeenskaplikheid en bied vir kinders die geleentheid om hul verbeelding te ontwikkel, veral in gevalle waar daar beperkte hupbronne is. Bowenal word kuns aanvaar as ’n brug tussen verskillende kulture – ’n gemeenskaplike taal van dissipline, aanvaarding en interaksie.

Artistieke ontwikkeling

Hoewel Afrika ryk is aan plaaslike kunstenaars en talent, word ons nog kunstenaars nie altyd  soos ander internasionale kunstenaars erken vir hul vlagskip invloed op die uitbouing van geskiedenis, talent en diversiteit nie. Plaaslike kunstenaars is geneig om eerder landuit te gaan om aan ’n toekoms te bou. Baz’Art fokus egter daarop om ’n paneel vir die Suid-Afrikaanse kunstenaars te bou. In ’n omgewing te skep waar kunstenaars vrye teuels het om hul kreatiwiteit en denke te vertoon, kan ontwikkel in vennootskappe, werkskepping en selfs internasionale blootstelling.

Sosiale insluiting

Baz’Art werk met gemeenskappe, skole, sakeondernemings en verskeie ander organisasies om ’n omgewing te skep waar mense hul fisiese en sosiale omgewings kan verbeter. Deur middel van kuns word die voorkoms en persoonlikheid van ’n omgewing beїnvloed en gee sodoende die gemeenskap se trots en gevoel van gemeensaamheid ’n hupstoot. Straatkuns gee ’n unieke identiteit aan ’n spesifieke omgewing en bevorder toerisme op plaaslike en internasionale vlak. Verbeteringe soos sosiale bewusmaking en sentiment skep werksgeleenthede, onder meer deur byvoorbeeld omgewingstoere en ondersteuning aan plaaslike koffiewinkels en mikro-besighede.

Meer oor die kunsmuur in ons uitgawe

Kunstenaar: Tim Marsh. Agter-die-skerm-foto: Bea Lingenfelder

Vertel ons meer van Tim Marsh – die skepper van die muurkuns wat in ons uitgawe verskyn?

Tim is ’n Frans-Spaanse kunstenaar en het sy lewe aan muur- en straatkuns toegewy. Sy werk word onder meer gekenmerk deur die abstrakte en kleurvolle gebruik van geometriese vorms, meer spesifiek driehoeke. Die groottes van die driekhoeke en die kontras in kleur maak die kunswerke as ’n geheel so treffend. Hierdie kunswerk handel oor ’n klein meisie (regs) wat met ’n sterk leeu (links onder) vereenselwig word, maar sy moet dit nog self ontdek deur lewenservaring.

Hoe kies julle die kunstenaars?

Dis eintlik die kunstenaars wat ons kies. Die “word-of-mouth”-kultuur is groot in ons industrie en dus is dit belangrik om jou netwerk so wyd as moontlik uit te brei. Nadat ons ’n versoek ontvang het, vra ons vir voorbeelde van hul vorige kunswerke en ’n konsep-skets wat by daardie jaar se tema inpas.

Hoe speel internasionale kunstenaars ’n rol in Suid-Afrikaanse kunsorganisasies soos Baz’Art?

Al ons kunstenaars neem deel as vrywilligers en word dikwels deur hul eie verteenwoordiger gefinansier. Internasionale kunstenaars het ’n groot belangstelling in Kaapstad en van die wêreld se bekendste kunstenaars kom gereeld kuier vir die ervaring van die kunsrykdom van Suid-Afrika. Hulle deel hul vaardighede en wenke met plaaslike kunstenaars en vorm sodoende ’n verhouding van bemagtiging. In ruil daarvoor ervaar hulle die gestroopte prentjie van Afrika deur weke saam met die inwoners van Soutrivier deur te bring en so hul lewenstyl te bestudeer en te deel.

Hoe verskil Afrika-kuns van internasionale kuns, hoe word daar op die diversiteit en geskiedenis van Afrika gefokus?

Ons het reeds baie talent, maar ook baie talent wat verfyn moet word – soos ’n ongeslypte diamant. Die blootstelling wat Suid-Afrikaanse kunstenaars kry deur middel van internasionale feeste en verhoudings bied ’n wegspringblok vir hul loopbaan.

Hoe word die terrein vir ’n kunswerk gekies?

Daar is vele prosedures om te volg wanneer ons die spesifieke ligging gekies het: die gebou-eienaar, die bure, die raad en dan die stad. Ons maak ’n punt daarvan om die betrokke kunstenaars voor te stel en hul vorige werke bekend te maak. Daardeur volg ’n gesprek wat eindelik ’n finale kunswerk vir daardie spesifieke gebou tot volvoering bring. Ons kunswerke streef daarna om ’n positiewe boodskap uit te beeld, maar gee die kunstenaar steeds ruimte om hom in sy eie styl uit te druk.

Loer gerus op bl. 40 van jou Julie-uitgawe om ons pragtige modestorie te sien!

The post Van mode tot muurkuns: Vanwaar die kunswerk in ons Julie-uitgawe appeared first on rooi rose.