Ons ♥ dié kosliefhebbers op Instagram

Nicole Kemp — Tue, 29 Mar 2016 08:00:56 +0000

Dit is ook ’n speelse manier om nuwe resepte uit te toets danksy die verruklike foto’s wat kosliefhebbers, oftewel “foodies”, met hul aanhangers deel. En wat is beter as resep-idees vars uit Suid-Afrika?

Ons deel graag ons top 5 Suid-Afrikaanse kosliefhebbers om op Instagram te volg.

Sarah Graham

@sarahgrahamfood

Sarah Graham is die outeur van drie kookboeke en is ook die aanbieder van die gewilde kookprogram, Sarah Graham’s Food Safari. Op haar Instagram-blad deel sy graag foto’s van heerlike, tuisgekookte disse.

Jan Hendrik van der Westhuizen

@janhendrik2016

Jan Hendrik is ’n Suid-Afrikaanse sjef en outeur van twee kookboeke. Sy restaurant, JAN, is ook een van die top eetplekke in Frankryk. Op sy Instagram-blad deel hy foto’s van sy daaglikse lewe as ’n sjef, asook pragtige foto’s van disse wat te mooi is om te eet!

Sam Linsell

@drizzleanddip

Sam is ’n professionele kosstilis, -skrywer, fotograaf en outeur van verskeie kookboeke. Met haar voete goed gegrond in die hartjie van die Kaap is haar Instagram-blad ’n ware skatkis van tradisionele disse en resepte. Boonop is dit ook ’n fees vir die oog!

Vickie de Beer

@vickiefantastic

Ons kosredakteur, Vickie, het onlangs haar kookboek, The low-carb solution for diabetics, bekendgemaak en het reeds verskeie toekennings vir dié baanbrekerboek ontvang. Haar Instagram-blad is die perfekte kykie agter die skerms na die lewe van ’n kosredakteur.

Richard Bosman

@bosmanrichard

Richard is ’n kos-blogger met ’n voorliefde vir vleis! Besoek gerus sy Instagram-blad vir tonne inspirasie en idees vir jou volgende braai – sy foto’s lyk heerlik!

The post Ons ♥ dié kosliefhebbers op Instagram appeared first on rooi rose.

10 Foodies om op Instagram te volg

Rooi Rose — Fri, 22 Aug 2014 11:29:00 +0000

1. @alifewortheating

Adam Goldberg is ’n fynproewer met ’n passie vir kos en hy hou daarvan om sy kulinêre ervarings met ander te deel.

2. @spoonforkbacon

Kosstileerder en fotograaf. Twee meisies wat saam die blog, Spoon Fork Bacon, geskep het. Hulle deel oorspronklike resepte met die mooiste foto’s.

3. @jamieoliver

Bekende sjef met sy eie veelsydige kosprogramme en skrywer van ’n aantal topverkoper-kookboeke, Jamie Oliver, is een fynproewer wie se foto’s jy moet volg.

4. @mynewroots

Sarah B is ’n blogger wat haar liefde vir natuurlike kos deel. Sy is ’n vegetariër en deel haar resepte en idees rondom dit.

5. @marthastewart

Die meeste van ons is vertroud met Martha Stewart se verruklike resepte. Haar Instagram-foto’s is net so mooi!

6. @julieskitchen

Julie Lee is ’n reisiger wat al 20 lande besoek het! Sy deel haar kos-collages en erken sy speel met haar kos. Ons is gaande oor haar foto’s.

7. @iamafoodblog

Stephanie Le se blog, I am a Food Blog, is vanjaar aangewys as Saveur Magazine se gunsteling kookblog asook blog van die jaar.

8. @alice_gao

Alice Gao is ’n fotograaf van New York wat die mooiste kosfoto’s neem. Ons hou ook van haar blog, Lingered upon.

9. @sundaysuppers

Karen Mordechai bly in Brooklyn. Sy is ’n fotograaf, fynproewer en (soos sy haarself beskryf) “Creator of Sunday Suppers.”

10. @mydarlinglemonthyme

Ons hou veral van die naam! Emma Galloway is ’n voormalige sjef wat resepte uit haar kombuis deel.

The post 10 Foodies om op Instagram te volg appeared first on rooi rose.