7 dinge wat op elke balkon moet wees deur Cornel Dunn. 

1. Sjarmante sitplek vir jou oggendkoffie

Skaf ’n tafeltjie en stoel aan. Al wat jy vir jou oggendkoffie nodig het, is ’n kafeetafeltjie wat  verkieslik kan opvou en gestoor kan word.

Lees ook: Stilering met strooikussings: Wenke om jou spasie te vervolmaak

2. Vloerkussings is ’n moet

Vloerkussings is geskik vir hierdie ruimte en verleen dadelike ’n ontspanne atmosfeer aan jou balkon. Daar is vele buitelugmateriale beskikbaar sodat jy dit nie heeltyd in en uit hoef te dra nie.

Lees ook: 5 dinge wat jy moet weet voordat jy buitemeubels koop

3. ’n Mat laat dit na meer lyk

Sit ’n kleurryke buitelugmat op jou balkon. Dit verleng jou woonstel van binne na buite.

Lees ook: Die beste wenke vir klein leefspasies

4. Maak die meeste van jou muurspasie

Belê in hangplante en weerbestande kuns of rakke. Vertikale tuine is nou groot nuus – omhels dit!

Lees ook: 5 dekorflaters wat jy moet vermy

5. Skep ’n balkonoerwoud

Kies groen plante vir jou balkon. Maak seker die plante pas by die klimaat en ligging, want anders gaan jy met verlepte plante sit.

Lees ook: Hoe om tuin op jou balkon te maak

6. Ontspan in ’n hangmat

Jy het eindelose moontlikhede as jy ‘n hangmat wil aanskaf. Maak seker dat daar plek en ondersteuning is om dit stewig vas te maak.

Lees ook: Die 5 belangrikste beleggings vir jou huis, en hoe om dié beleggings te maak

7. Sambrele vir die son

As jou balkon nie ‘n dak het nie, belê in ’n goeie sambreel sodat jy lank op die balkon kan kuier sonder om te brand.

Lees ook: Plante wat selfs beginners aan die groei kan kry

The post 7 dinge wat op elke balkon moet wees appeared first on rooi rose.

Deur: Elandrè Swart. Foto’s: Pixabay

Ons almal weet dat kos een van die grootste uitgawes is in enige huishouding en alhoewel ons ongelukkig nie alle kruideniersware kan uitskakel nie, kan ons steeds geld spaar deur ons eie groente te groei van stukkies wat ons normaalweg sou weggooi.

Hier is 7 groentesoorte en kruie wat jy by die huis kan plant:

Wortels

Plaas jou worteltoppe met die snykant ondertoe in ’n vlak bordjie of piering met water. Die worteltoppe moet half bedek wees. Plaas dit in ’n helder verligte vertrek of op ’n vensterbank en gee dit water wanneer nodig sodat die wortels nie uitdroog nie. Die worteltoppe sal binne ’n week of twee begin uitloop.

Gemmer

Week groot stukke gemmer oornag in water. Plant dan die gemmer die volgende oggend in ’n grondgevulde pot en plaas die pot op ’n sonnige, warm plek wat minstens 6 ure ’n dag son ontvang. Binne 8 tot 10 maande sal die gemmer volgegroei wees.

Roosmaryn en laventel

Sny 5 cm tot 7 cm van ’n takkie se stam af. Verwyder so 5cm hoog se naatjies en plaas die roosmaryn in water. Plaas die roosmaryn in ’n warm kamer weg van direkte sonlig. Verander die water elke paar dae met kamertemperatuur water.

Afhangende van die temperatuur en omgewing kan die roosmaryn eers binne 4 tot 8 weke wortels maak. Wanneer die takkies begin wortels maak, kan jy hulle in grondgevulde houers oorplant.

Laventel is net so maklik om te groei soos roosmaryn. Nes roosmaryn sny jy net ’n takkie se stammetjie af en plaas dit in water. Roosmaryn en laventel kan saam geplant word tussen groente om peste weg te hou.

Knoffel

Koop ’n knoffelbolletjie by jou winkel en plant elke knoffelhuisie apart. Een huisie knoffel sal een knoffelplantjie produseer. Plant knoffelhuisies afsonderlik en regop na bo, ongeveer 3 cm onder grondvlak. Knoffelhuisies moet 10 cm uit mekaar in rye wat 45 cm van mekaar is, geplant word. Vir beste resultate plant knoffel in ’n sonnige plek.

Rissies

Jy kan ’n aantal warm soetrissies uit die saad wat oorbly, laat groei. Versamel net die sade uit jou rissies. Plant hulle in potgrond en hou dit in direkte sonlig en water daagliks. Rissies groei relatief vinnig en vereis nie veel sorg nie. Red net ’n paar van die sade vir herplanting sodra jy ’n nuwe oes gekry het.

Tamaties

Tamaties kan gegroei word deur die saad te bespaar wat jy in elk geval waarskynlik weggooi. Jy moet net die sade spoel en toelaat dat hulle droog word. Plant in goeie, ryk potgrond totdat jy blaartjies begin uitsteek.

Laat die sade toe om ’n paar duim hoog te word voordat hulle buite verplant word. Tydens koue weer kan jy jou tamaties binnenshuis groei. Onthou om hulle te hou in ’n gebied wat elke week baie sonlig en water kry.

Lees ook: Begin jou eie groentetuin

Lees ook: 10 stappe nader aan ’n “Zero Waste”-lewenstyl

The post Kweek jou eie groente! appeared first on rooi rose.

Kom kuier saam: Orchid & Fern by Design by Brooklyn-inkopiesentrum. Foto’s en inligting verskaf.  

Orchid & Fern by Design by Brooklyn-inkopiesentrum

Kom ontdek nuutjies oor voëls, bye en alles botanies saam met Garden and Home by die Brooklyn-inkopiesentrum!

Hierdie ekslusiewe geleentheid bied ’n reeks opwindende en insiggewende botaniese praatjies deur kenners: Dié sessies sluit in hoe jy jou orgideë gereed kan kry vir die somer en hoe om vir jou varings, soos takbokvarings (staghorn ferns), te sorg.

Daar sal ook wonderlike idees en inspirasie vir jou orgideë wees, hoe om blomrangskikkings met varings te maak, asook die nuutste dekortrends.

En boonop is Lee Scott die gasheer vir die dag!

Orchid & Fern by Design by Brooklyn-inkopiesentrum

Datum: 31 Augustus 2019

Tyd: 11h00 – 13h00

Plek: Brooklyn-inkopiesentrum, Queenspark Court

Koste: R100 per persoon. Hierdie prys sluit in canapés, vonkelwyn en ’n lekker geskenkpakkie.

Bespreek jou kaartjies vir Orchid & Fern by Design by Brooklyn-inkopiesentrum

Klik hier om sommer nou jou kaartjies te koop:  www.caxtonevents.co.za

Vir nog opwindende doen-dinge, loer hier

The post Kom kuier saam: Orchid & Fern by Design by Brooklyn-inkopiesentrum appeared first on rooi rose.