’n Nalatenskap wat daarop gebou is om hul verbruikers te verstaan 

Oor die afgelope 20 jaar het MSI standvastig gebly in hul verbintenis tot een hoofbeginsel: Die verbruiker se ervaring is uiters belangrik. Die oortuiging wat hulle lei dat “slegs deur ons verbruikers te verstaan, kan ons wonderlike produkte skep” is wat tot hul sukses bygedra het deur hul verbruikers gewaardeerd te laat voel en hulle ’n integrale deel van MSI se reis te maak. Om hierdie mylpaal te vier, deel Eric Kuo, die uitvoerende visepresident en hoofbestuurder van die Laptop Business Unit, MSI se uitsonderlike storie. Hy dink na oor die uitdagings en lekkertes. Met ’n warm glimlag, sê hy: “Ons vorm die toekoms van tegnologie en ons verbintenis tot uitsonderlikheid het ons aangevoer om innovering na die skootrekenaarbedryf te bring, grense te verskuif en die jongste ontwikkelinge in tegnologie aan te gryp. Ons sal voortgaan om in die speletjiesektor te belê, ons wil in kampusse uitbrei en ons besigheid en geskepte produkreekse groei om vir nog 20 jaar in ons verbruikers se behoeftes te voldoen.” 

Vier die 20ste bestaansjaar saam met globale vertonings en eksklusiewe verkoopspromosies 

Ter ere van hierdie belangrike geleentheid, kondig MSI met trots ’n reeks boeiende vertonings aan: “MSIology: MSI Laptops 20th Anniversary Exhibition sal die wêreld deurkruis. Hierdie opwindende vertoning gaan op ’n wêreldwye toer vir die hele jaar, en maak ’n draai by plekke soos Korea, Poland, Indië, Italië, Vietnam, Japan, Spanje, Frankryk, Amerika en ander interessante bestemmings. Bewonderaars en geesdriftiges van elke hoekie van die aardbol word entoesiasties uitgenooi om in hierdie vreugdevolle viering deel te neem. 

Om hierdie 20ste bestaansjaar verder te herdenk, stel MSI ’n eksklusiewe verkoopspromosie bekend. Geniet spesiale afslag en ’n opwindende hoeveelheid bykomstighede saam met jou gunsteling MSI-produkte. 

Moenie die kans misloop om van wonderlike winskopies gebruik te maak nie! Sien die spesiale winskopies hier: https://msi.gm/S1785151

Die opkoms van skootrekenaars vir speletjies en om uitdagings te oorkom 

MSI, wat in 1986 gestig is, se reis getuig van veerkragtigheid en aanpasbaarheid. Aanvanklik het hulle met moederborde en grafiese kaarte begin en hul tegniese vaardigheid hiermee het hulle erkenning in die bedryf besorg. Die uiteenlopende potensiaal van die rekenaarbedryf het daartoe gelei dat hulle na notaboeke en stelsels uitgebrei het. In 2004 het hulle hul eerste skootrekenaar, die M510C, bekendgestel wat die begin van hul reis in skootrekenaarontwikkeling was. Die reis was egter glad nie maklik nie. In 2009 het MSI verwag dat draagbare, liggewigskootrekenaars die mark sou oorheers. Dit het tot die suksesvolle ontwikkeling van die X340, die dunste skootrekenaar op die tyd op die mark, gelei. Tog het die vinnige opkoms van slimfone en tablette verbruikersgewoontes dramaties verander, wat MSI voor ’n moeilike uitdaging te staan laat kom het. Maar MSI se veerkragtigheid en vasberadenheid het tot ’n strategiese verskuiwing gelei wat die maatskappy se toekoms sou herdefinieer.  

Uitdagings bring dikwels nuwe geleenthede. Hierdie probleme het MSI aangespoor om weer na te dink oor wat verbruikers werklik wou hê. Eric het onthou dat die speletjie World of Warcraft in hierdie tyd baie gewild was. Tydens ’n besoek aan ’n oorsese LAN-partytjie het hulle opgemerk dat spelers swaar rekenaars na die geleentheid saamsleep. Wat hierdie spelers regtig nodig gehad het, was ’n rekenaar wat goed presteer in ’n meer kompakte vorm. MSI het die potensiaal van die speletjiesmark raakgesien en het toe besluit om weg te beweeg van prysoorloë en eerder op die ontwikkeling van speletjieskootrekenaars van hoë waarde vir verbruikers te fokus. Deur spelers se behoeftes eerste te stel en produkte daarvolgens te skep, het MSI begin om die een skootrekenaar vir speletjies na die ander vry te stel wat aan al die spelers se vereistes voldoen het. Hierdie strategie het MSI se ryk van skootrekenaars gevestig, en teen 2015 het hul skootrekenaars vir speletjies die hoogste markaandeel regoor die wêreld behaal.  

Die uitbreiding van produkreekse om innovering te omhels 

Derek Chen, die visepresident van die verkope en bemarking vir MSI se Notebook Business Unit, het ook sy insigte gedeel. Om die speletjiesmark van ’n heel onbekende hoek te betree was nogal ’n uitdaging vir die maatskappy wat ’n interne transformasie ondergaan het. Hulle moes werknemers daarvan oortuig dat “speletjies die toekoms is”. Om dit te bereik het hulle talle lesings en opleidingsessies gehou om almal te help om die speletjiesatmosfeer en die neigings op sosiale media te verstaan. Dit was in ’n skrille kontras met die tradisionele benadering tot rekenaarnavorsing en -ontwikkeling. Deur hierdie pogings het werknemers selfs regstreeks begin te stroom en met ander spelers aanlyn begin kommunikeer. Hierdie leerproses het werknemers gehelp om hul werk te internaliseer, wat op sy beurt klante en verbruikers positief beïnvloed en die MSI-handelsmerk diep in almal se gedagtes vasgelê het.  

Wanneer dit by die ontwerp en skep van ’n produk kom, was Derek duidelik dat omvattende navorsing in verbruikers se behoeftes en die mark se haalbaarheid noodsaaklik is voordat ’n nuwe produkte bekendgestel word. Die tyd wat dit vat kan wissel, maar sodra die rigting bevestig is is MSI trots daarop dat hulle alles vanaf die produk se idee, die sagte en hardeware se ontwerp tot die vervaardiging in hul eie fabrieke hanteer. Die geïntegreerde benadering maak dit vir hulle moontlik om vinnig produkeienskappe aan te pas wat op terugvoer gegrond is om sodoende altyd die verbruiker se perspektief eerste te stel – iets wat onteenseglik die sleutel tot hul sukses is.  

’n Samewerking wat vanaf gedeelde waardes kom: MSI en Mercedes-AMG Motorsport 

As daar een onlangse skootrekenaar is wat uitstaan, dan benadruk Derek dit as die samewerking met Mercedes-AMG. Praatjies oor ’n vennootskap het voor die pandemie begin, aangesien albei soortgelyke waardes gedeel het en iets spesiaals saam wou skep. Ten spyte van verskeie vertragings, het hulle weer in 2022 hul praatjies hervat, en AMG het nie enige ander vennoot oorweeg nie. MSI se strewe na innoverende tegnologie en hoë verrigting het gemaak dat hulle met sukses die Stealth 16 Mercedes-AMG Motorsport A13V geskep het, waarin albei handelsmerke se visies vir uitsonderlikheid verenig word. Die skootrekenaar het die verbruikers se goedkeuring weggedra en verskeie toekennings ontvang, wat die oortuiging versterk het dat dit nooit verkeerd is om na aan mense se wortels te bly nie. 

In reaksie tot die groeiende aanvraag vir draagbaarheid tussen spelers, het MSI die Claw- speletjiesrekenaar bekendgestel wat in die hand vasgehou kan word. Derek glo moderne tegnologie sorg vir toerusting wat goed presteer om in ’n kleiner formaat geïntegreer te word, wat MSI help om hul vorige voordeel goed te gebruik en met sukses spelers se aandag te vang.  

Meer as speletjies: Om horisonne met uiteenlopende produkreekse uit te brei 

Vir vier jaar in ’n ry het MSI die titel vir beste skootrekenaar-handelsmerk in die “Reader’s Choice’-meningspeiling behaal, wat deur die bekende tegnologie-mediahuis PCMAG uitgevoer, behaal. MSI, wat in ’n stadium Apple oortref het, het konsekwent bewys dat hulle beter vaar en ’n vooruitdenkende handelsmerk etos oor twee dekades handhaaf. MSI het konsekwent beter gevaar en ’n innoverende gees gehandhaaf, wat luukse ervarings vir oordeelkundige verbruikers bied. 

Behalwe vir skootrekenaars wat vir speletjies gebruik word, is MSI ook besig om in ander velde uit te brei. Hulle het die Creator Series bekendgestel wat gemaak is om hoë prestasie en presiesheid te bied, terwyl dit die vermoë het om meer as een ding te doen sodat skeppers enige tyd, enige plek hul kreatiwiteit vrye teuels kan gee. Die Business and Produtivity Series kombineer goeie prestasie, draagbaarheid en data-veiligheid, en bied uitstaande eienskappe en moeitelose integrasie met ondernemende omgewings.  

MSI se kernwaardes is: Luukse estetika, uiterste prestasie en innoverende tegnologie.  

MSI het vir 20 jaar lank hulle verbind tot hierdie drie kernwaardes: 

• Luukse estetika: MSI verhef skootrekenaars bo gewone rekenaartoestelle – hulle raak objekte wat jy begeer. Samewerkinge met bekende toonaangewers, soos Hiroshi Fujiwara en Mercedes-AMG Motorsport, het MSI se skootrekenaar luuksheid en styl gegee.  

• Uiterse prestasie: MSi is meedoënloos is hul soektog na uiterste prestasie, wat in die vereistes van die mees veeleisende gebruikers voldoen met produkte wat ongeëwenaarde krag bied.  

• Innoverende tegnologie: MSI gebruik die jongste tegnologie om die grense vir wat moontlik in die wêreld van skootrekenaars konstant te verskuif.

Vir meer van dié storie kyk hier.

Gryp die toekoms met passie en volhoubaarheid aan 

MSI se toegewyding aan hul gebruikers strek veel verder as produkontwikkeling. Hulle verbind hulle daartoe om ekovriendelike praktyke regdeur hul bedrywighede in te sluit, om sodoende hul impak op die omgewing te verminder en volhoubare ontwikkeling te bevorder. Soos MSI na die toekoms kyk, verbind hulle hul daartoe om hul produkreeks uit te brei om in die ontwikkelende behoeftes van verbruikers te voldoen en so hul nalatenskap van innovering en uitsonderlikheid voort te sit.  

Hou hulle dop vir opwindende nuwe produkaankondigings en spesiale aanbiedinge deur die jaar. Met ’n verbintenis daartoe om grense te verskuif, is 20 jaar maar net die begin. MSI wil aanhou hard werk om meer verstommende nuwe produkte na die mark te bring en nog heelwat meer dekades van innovering te skep. 

Lees ook: 8 maklike breinoefeninge wat vir almal werk

The post Stel die verbruiker se ervaring eerste! MSI se reis van 20 jaar om ’n ryk van skootrekenaars te bou  appeared first on rooi rose.

Ons verstaan die daaglikse stressors wat Suid-Afrikaners in die gesig staar – die vol skedules, konstante skermtyd en die druk om met die vinnige pas van ons leefstyl by te hou. Maar met MetaRelax kan jy uiteindelik vir stres ’n blaaskans gee en ’n gelukkiger, rustiger jy omarm.

MetaRelax, wat met ’n kragtige 4-in-1-kombinasie van folaat, magnesium, B-vitamienes, vitamien D en tourien geformuleer is, is jou oplossing om stres hok te slaan en ’n positiewer gemoed en ontspanning te bevorder.

Wat is magnesium en hoe werk dit in jou liggaam?

Magnesium is ’n mineraal wat natuurlik voorkom en absoluut noodsaaklik is vir ons senuwee-, muskuloskeletale en kardiovaskulêre stelsel om goed te funksioneer. Dit kom in heelwat kosse voor; veral in blaargroentes. Ongelukkig met ons moderne dieet van verwerkte en verfynde kosse kry die meeste mense nie die aanbevole daaglikse hoeveelheid magnesium in nie.

Wat is B-vitamiene en folaat? Hoe werk hierdie voedingstowwe in jou liggaam?

Vitamien B6 help om die natuurlike aktiwiteite en balans van jou neurotransmittors te ondersteun, wat gamma-aminobottersuur (GABA) en glutamaat insluit. GABA het ’n kalmerende, ontspannende uitwerking, terwyl glutamaat jou stimuleer. Magnesium mag ’n tipe glutamaatontvanger, wat NMDA genoem word, keer wat sodoende die stimulasie van glutamaat sal verminder.

Folaat en vitamienes V6 en B12 is noodsaaklike voedingstowwe wat by eenkoolstofmetabolisme betrokke is. Die optimale funksionering van hierdie paadjie is noodsaaklik vir die formulering van metionien en die daaropvolgende vorming van S-adenosielmetionien (SAMe). SAMe is belangrik in die sintese van neurotransmittors, soos serotonien, wat ’n positiewe gemoed en fisieke en geestelike welstand meebring. Vitamien B6 is ook ’n mederolspeler daarin om die sintese van GABA by te staan.

Wat is vitamien D en hoe werk dit in die liggaam?

Vitamien D wat noodsaaklik vir beengesondheid is, speel ’n rol in die regulering van jou gemoed. Die liggaam vervaardig vitamien D wanneer dit aan sonlig blootgestel word en verkry dit van sekere kosse en aanvullings. Die gebrek daaraan is egter algemeen as gevolg van ons moderne binnenshuise leefstyle en swak diëte. ’n Gebrek aan vitamien D word met verhoogde angs geassosieer aangesien vitamien D die ontvangers van neurotransmittors in die brein beïnvloed wat met jou gemoed gepaardgaan. Om dus die gebrek aan te spreek kan bydra daartoe dat jy jou angs beter kan bestuur wat jou emosionele welstand oor die algemeen verbeter.

Wat is tourien en hoe werk dit in die liggaam?

Eksperimente wat op diere uitgevoer is, het gewys dat die aminosuur tourien neurobeskermende en anti-oksidatiewe eienskappe in die brein het; dit speel ook ’n rol in die modulering van die brein se chemiese omgewing.

Vir wie sal MetaRelax goed wees?

MetaRelax is vir mense ontwerp wat die volgende probleme in die gesig staar:

• Irritasie of rusteloosheid
• Sukkel om te ontspan
• Stresverwante moegheid

Binne net drie tot vyf dae sal jy vinnige verligting van irritasie, rusteloosheid en moegheid ervaar wat jou sal help om af te skakel en ’n goeie nagrus te kry om jou energievlakke ’n hupstoot te gee.

MetaRelax bied verbeterde opname en weerstand binne jou derms, wat hard werk om 24 uur se ondersteuning te bied sodat jy dag en nag kan ontspan. Of jy daarna op soek is om te rus en te herstel, om te ontspan of om jou skoene aan te trek en te dans – MetaRelax is daar vir jou.

Heelwat mense het die talle voordele van MetaRelax ontdek en leef vandag hul beste lewens. Vra jou gesondheidspraktisyn of vind uit by jou naaste apteek of gesondheidswinkel. Gee stres ’n blaaskans met MetaRelax – want jy verdien dit.

Meer oor Metagenics

Metagenics is ’n gesertifiseerde B-korporasie wat beteken wanneer jy Metagenics kies, jy ’n trotse vennoot van ’n maatskappy kan wees, wat hulself wetlik tot die planeet verbind en onwrikbaar verenig staan agter ’n doel om mense te help om gesonder, gelukkiger lewens te lei.

Lees ook: Veg of vlug? Hier’s wat jy oor stres en angs moet weet

The post Europa se topverkoperformule het in Suid-Afrika aangekom! appeared first on rooi rose.

’n Goeie Sealy-nagrus maak ‘n wonderbaarlike verskil aan jou dag. Inligting en foto’s verskaf. {Promosie}

’n Goeie nagrus is nie net belangrik om jou die volgende oggend met die regte voet uit die bed te laat klim nie – dit hou ook verskeie gesondheidsvoordele in. Maar, nes daar voordele aan goeie slaap verbonde is, is daar ook gesondheidsnadele wanneer jy nié ’n goeie nagrus kry nie.

Die nadele van swak slaap sluit in dat jy:

• gewig kan aansit
• ’n groter risiko vir hartsiektes en beroerte kan hê
• ’n groter risiko vir depressie kan hê
• meer inflammasie in jou liggaam as geheel kan hê, wat weer tot ander gesondheidsprobleme kan lei
• moeiliker sosiaal verkeer en minder produktief kan wees.

Lees ook: 14 redes hoekom jy sleg slaap en wat jy daaraan kan doen.

Die voordele van ’n goeie nagrus sluit in dat jy:

• oor die algemeen minder kalorieë gedurende die dag eet
• beter kan konsentreer en meer produktief is
• beter vaar wanneer jy oefeninge of sport doen
• ’n verbeterde immuunfunksie kan hê.

En dié is maar net die begin!

’n Goeie nagrus begin en eindig nie by die perfekte koppie kamilletee en jou gunsteling-lakens nie (hoewel dit natuurlik help). Jou nagrus hang grootliks van jou matras af en of dit jou nie net gemaklik laat lê nie, maar jou lyf ook korrek ondersteun.

Daarom het Sealy Posturepedic die la différence-matrasreeks onterp.

Pure luuksheid en slaapgenot

’n Goeie Sealy-nagrus maak ‘n wonderbaarlike verskil aan jou dag

Die la différence-matras is beslis nie net ’n gewone matras nie. Sealy het inderdaad ’n matras geskep wat gemak herdefinieer, pure luuksheid beliggaam en van topgehalte materiale gemaak is.

Nie net voel jy die verskil van die la différence aan die buitekant met materiaalteksture wat jou uitnooi om jou neer te vly nie, maar die groot verskil is aan die binnekant.

Die ruim lae wol, luukse super-lateksspons, geheuespons en hope gemak verseker slaapgehalte soos jy nog nooit ervaar het nie.

Jy moet die verskil voel om die la différence te glo! Wees net gewaarsku – as jy eers op ’n la différence-matras geslaap het, sal jy nie weer ’n ander een wil hê nie.

Vir meer inligting, besoek sealy.co.za

The post ’n Goeie Sealy-nagrus maak ‘n wonderbaarlike verskil aan jou dag appeared first on rooi rose.

Ontspan in ’n natuurlike oase van welstand by Constance Ephelia inligting en foto’s verskaf. {Geborg}

’n Lowergroen eilandparadys met dinamiese skoonheid en ongerepte strande wag op jou by die vyfster- Constance Ephelia-vakansieoord.

Mahé se juweel

Constance Ephelia is geleë langs die pragtige weskus van Mahé, die Seychelle se hoofeiland. Ephelia het twee beeldskone strande 120 hektaar tropiese omgewing en het ’n uitsig op die Launay Nasionale Marinepark.

Ephelia is sleg 40 minute vanaf die Syechelles Internasionale Lughawe en ’n halfuur vanaf Victoria.

Gastronomiese genot

Vyf restaurante – Corossol, Helios, Adam & Eve, Cyann en Seselwa – bedien ’n verskeidenheid kosse om aan almal se smaak te voldoen. Of dit nou heerlike Franse of Oosterse kosse, plaaslike kosse, seekos of pizza is, jy sal dit op die spyskaart kry.

Delikate wyn, drankies en tropiese mengeldrankies kan by enige van Ephelia se ses kroeë – Zee Bar, Helios Bar, Adam & Eve Bar, Cyann Bar, Kabana Bar en Seselwa Bar – geniet word en dit boonop binnenshuis of buite by die swembaddens.

Kabana Bar is omring met tafels, ’n bocci ball-veld, vlugbal, pluimbal en ’n speelgrond vir die kinders.

’n Kamer met ’n droomuitsig

Hier kry jy van kamers met ’n uitsig oor die tropiese tuine,  tot junior en senior suites, villas met private swembaddens en die asemrowende presidensiële villa met sy swembad. Die kamers is met sorg uitgelê is om te verseker dat jy in gemak kan rus en vernuwe.

Al Ephelia se pragtige kamers is sjiek en modern versier sodat jy die tropiese tuine rustig kan geniet. ’n Uitsig op die Indiese Oseaan nooi jou om langer in hierdie paradys te bly.

Ontspan in die Indiese Oseaan se grootste spa

Word soos ’n koninklike behandel by Constance Ephelia se U Spa By Constance. Kies uit ’n verskeidenheid opsies wat jou sal ontspan, verkwik, detoks en rehidreer. Daar is ook ’n joga-platform.

Die spa-fasiliteite sluit in 14 enkel- en 4 dubbelkamers, ’n sauna, stoomkamer, warmpoel, Jacuzzi, kouepoel, Kneipp-voetpaadjie en weerkaatsingpoel.

Sport- en ontspanningsaktiwiteite

Wanneer jy nie op die strand of in die spa ontspan nie, kan jy baie ander aktiwiteite aanpak, soos PADI-duik en snorkel om die onderwaterwêreld te verken, joga, muurklim, Zipline en kajak vaar. Hier is nie tyd om verveeld te wees nie.

Daar is ook ’n komplimentêre, ten volle toegeruste gim, 4 tennisbane, muurbal en verskeie watersportsoorte.

Kinders welkom

Constance Ephelia is ’n veilige hawe vir gesinne. Jou kinders tussen 4 en 11 sal deur die Constance Kids Club besig gehou word met van kookklasse en flieks tot ander avonture sodat dit ook vir hulle ’n onvergeetlike vakansie sal wees.

Om jou droomvakansie of troue en wittebrood by Constance Ephelia te reël, besoek die Constance Ephelia-webwerf.

The post Ontspan in ’n natuurlike oase van welstand by Constance Ephelia appeared first on rooi rose.

Hoe om jou troeteldiere se allergieë te verlig. Inligting en foto’s verskaf deur Hill’s Pet Nutrition. {Geborg}

Omgewingsallergene kan honde en katte – nes mense ook irriteer en aantas.

Dokter Guy Fyvie, die voedingsadviseur by Hill’s Pet Nutrition, sê dat dit makliker is om velprobleme en hul simptome by honde as by katte te sien. Die algemeenste simptome van velprobleme by honde en katte, is:

• Hulle jeuk, krap, of lek spesifieke plekke op hulle lywe.
• Hulle skuur meer as gewoonlik teen voorwerpe.
• Hulle lek hulle pote
• Skubbe vorm op die vel in sekere areas
• Hulle vel kom pienk of rooi voor met vlekke, kolle of puisies
• Rowe of verdikte vel op plekke
• Daar is haarverlies
• en soms ’n slegte reuk

Hier is ‘ paar wenke wat jy kan volg om jou troeteldier se allergie te help verlig:

• Besoek jou veearts – Jou veearts sal jou kan help om die oorsaak van die velprobleem vas te stel en voorstel watter stappe om te doen.
• Was jou troeteldier se bed en komberse – Was jou hond of kat se bed en komberse elke twee weke in ’n wasmasjien op die warmste siklus. Indien dit nie in die wasmasjien pas nie, sal ’n deeglike handwas ook werk. Maak seker dat die bed en komberse heeltemal droog is voordat dit weer gebruik word. Maak ook seker dat hulle slaapplek so ver as moontlik stofvry is.
• Bad jou hond met koue water – Vir akute gevalle moet jou hond drie maal per week gebad word. Die bad sal help om die irritasie en jeukerigheid te verlig en kan ook die hoeveelheid allergene in hulle pels verminder. Skoon water sal gewoonlik goed genoeg wees, maar, indien jy produkte gebruik, maak seker dat dit die regte produkte is en dat dit deeglik uitgespoel word na aanwending.
• Probeer om jou troetediere binne te hou op winderige dae Die wind vererger die hoeveelheid allergene in die lug, dus, deur jou troeteldiere binne te hou, kom hulle nie met die allergene in aanraking nie.
• Hoë gehalte voeding – Selfs indien jou troeteldier se velprobleem nie as gevolg van swak voeding is nie, sal hulle steeds baat by voeding wat spesifiek geformuleer is om velprobleme en jeukerigheid te help verlig. Hill’s Prescription Diet Derm Defense, byvoorbeeld, bevat essensiële vetsure en antioksidante om die vel te help herstel en te beskerm.

Hill’s Prescription Diet Derm Defense-troeteldierkos bevat gehalte bestanddele en is spesiaal geformuleer om nie net jou troeteldier gesond te hou nie, maar ook velkondisies deur spesifieke voedingstowwe te verlig.

Vind meer uit oor Hill’s se troeteldierkos deur Hill’s se webwerf te besoek of volg hulle op sosiale media – Facebook, Instagram, Twitter.   

The post Hoe om jou troeteldiere se allergieë te verlig appeared first on rooi rose.

Cappy® White Grape oornag-hawermout. Inligting en foto’s verskaf. Geborg. 

Cappy^® is ’n suiwer sapmengsel wat in verskeie heerlike geure by jou naaste winkel beskikbaar is. Kies tussen appel-, Breakfast Blend-, lemoen-en-mango- en lemoen- en druiwesap.

The post Cappy® White Grape oornag-hawermout appeared first on rooi rose.

Teenveroudering vir elke vel. Inligting en foto’s verskaf. {Geborg}

Suid-Afrika het hoë vlakke UV-bestraling

Suid-Afrika kry boonop meer ultravioletbestraling (UV-bestraling) as ooit tevore. Hoewel UVB-strale verantwoordelik is vir sonbrand en, uiteindelik, velkanker, dring UVA-strale die vel dieper binne en veroorsaak veroudering.

Ons moet waak teen ’n sonbeskadigde vel, wat ’n groot rol in voortydige veroudering speel, en die beste manier om dít te doen is om sonskerm ’n deel van jou daaglikse roetine te maak.

Gebruik ’n doeltreffende sonskerm. Die Kankervereniging van Suid-Afrika (KANSA) stel voor dat ‘n mens ‘n sonskerm met ’n SBF van tussen 20 en 50 moet gebruik. Gebruik slegs sonkserm met die KANSA-goedkeuringseël (CSOR) daarop.

Jy kan Island Tribe SPF50 Anti-Ageing Face Cream as jou daaglikse gesigroom gebruik. Dié room beskerm die vel teen hiperpigmentasie (donker vlekke op jou vel wat donkerder word wanneer dit aan die son blootgestel word). Die room is met kollageen en vitamien E verryk en bied hoë beskerming teen UVA- en UVB-strale, en is ook dermatologies getoets.

Island Tribe se SPF50 Anti-Ageing Face Cream is geurvry en sal nie die vel irriteer nie sodat selfs ‘n sensitiewe vel die voordele van daaglikse sonbeskerming geniet.

En die beste van alles is dat die Island Tribe se SPF50 Anti-Ageing Face Cream die KANSA-goedkeuringseël dra om jou te verseker dat Island Tribe aan al KANSA se UV-beskermingvereistes voldoen.

Teenveroudering vir elke vel

Island Tribe SPF50 Anti-Ageing Face Cream is beskikbaar by apteke en handelaars landwyd.

Besoek www.islandtribe.co.za vir nog inligting en sluit by Island Tribe aan op Facebook en Instagram.

The post Teenveroudering vir elke vel appeared first on rooi rose.

Maak Sealy deel van jou slaapparadys. {Geborg}

Die bekendste en mees geliefde bed-handelsnaam, Sealy, gee families hulle beste slaap vir generasies al.

Sealy is die leier in navorsing en tegnologie wat jou die gesondste slaap moontlik kan gee. En gesonder slaap lei tot ’n gesonder daaglikse lewe.

Maak Sealy deel van jou slaapparadys

Neem ’n blaaskans

Die wêreld beweeg al hoe vinniger en dis meer belangrik as ooit om ’n blaaskans te neem en ’n goeie nagrus te kry. Dis hiér waar Sealy, met hulle eksklusiewe Posturpedic Technology, toetree.

Nie net is Sealy-beddens die perfekte plek om te ontspan aan die einde van die dag nie, hulle is selfs beter om in wakker te word. Daar is niks lekkerder as om wakker te word en vars, energiek en reg vir die dag te voel nie.

Pure luuksheid

Sealy het onlangs hulle hele reeks weer bekend gestel en die beddens lyk nou so asemrowend aan die buitekant as wat hulle binne is.

Met rustige kleure en pragtige materiaal gee die nuwe Sealy-reeks ’n gevoel van pure luuksheid van die oomblik wat jy dit sien.

’n Bed wat netjies pas

Die nuwe Sealy-verwysingstelsel maak dit maklik om die verskille tussen die reekse te verstaan en laat jou die beste bed vir jou byna kies.

Soek net vir die opmerklike Sealy-logo en die eksklusiewe Posturpedic Technology en maak reg vir ’n aand se soete slaap.

Vir meer inligting en om die hele reeks te sien, gaan na sealy.co.za of volg @ SealySouthAfrica op Facebook.

The post Maak Sealy deel van jou slaapparadys appeared first on rooi rose.

Ons toets: Environ Clarity +-reeks vir aknee geskryf deur Catherine Schenck. Foto’s: Hema Patel. Geborg deur Environ. 

Ek en aknee

Ek behoort aan daardie eksklusiewe klub van volwassenes met aknee.

Maar ek sukkel al sedert my vroeë tienerjare daarmee. Op 17 het ek isotretinoin gebruik en ná ses maande was my vel weer mooi.

In my vroeë twintigs het ek min velprobleme gehad, buiten ’n puisie wat hier en daar (letterlik) kop uitgesteek het.

En nou in my middel twintigs was die probleem terug. Hulle sê party mense dra hul hart op hul mou, maar ek dra myne blykbaar op my gesig.

Anders as baie mense met aknee, het ek boonop ’n kurkdroë vel. Ek sukkel daarom met die meeste produkte wat aknee teiken, want dit droog my vel uit wat weer die inflammasie vererger.

Ek was werklik verras toe ek Environ se Clarity+ reeks  beproef en agterkom dat dit my aknee takel én my vel bevogtig!

Catherine, voor die Environ Blemish Control Cool Peel Facial

Die Environ Clarity+ – reeks

Environ Clarity+ reeks

Die Environ Clarity+-reeks bevat ses heerlike produkte.

Die Sebu-Wash Gel Cleanser reinig my vel sonder dat dit ná die tyd uitgedroog voel.

Daarna wend ek die Sebu-Tone Clarifier, gevolg deur die Sebu-Lac Lotion en die Sebu-ACE Oil wat die heerlikste tekstuur het en my vel goed bevogtig.

Ek hou daarvan dat jy die gesigseep en die Sebu-Lac Lotion en Sebu-ACE Oil ook oor jou oë mag gebruik. Oppas net vir die ander produkte om jou oë.

Elke tweede aand gebruik ek die Sebu-Clear Masque wat my vel sag laat voel.

En dan gebruik ek my nuwe geheime wapen: Die Sebu-Spot Blemish Gel. Jy smeer dit aan puisies en ontsteekte dele en dit verbeter vinnig die voorkoms daarvan!

Onthou ook om bedags sonroom te gebruik, want hierdie produkte bevat vitamien A, wat jou vel meer vatbaar maak vir sonskade.

Die Environ-salonbehandelings

Hoewel hierdie produkte goed op hul eie sal werk, raai hulle jou aan om ook behandelings by ’n Environ-spesialis te kry.

Ek het die Environ Blemish Control Cool Peel Facial gekry, een weekliks vir vier weke.

Die wonderlike somatoloog wat my by die Environ-velsorginstituut behandel het, Marlize Swart, verduidelik hoe dit werk:

Die vel word eers gereinig en dan word die Clayteck-masker aangewend. Dit voel soos ’n dik rubbermasker wat oor jou gesig aangewend word en wat ek strelend gevind het. Marlize sê die masker droog oortollige olies op die vel op en dat dit soos ’n mikro-afskilferaar werk.

Ons toets: Environ Clarity +-reeks vir aknee

Daarna word die oortollige produk verwyder en verfrisser  aangewend om die vel gereed te maak vir die reeks aktiewe produkte.

Nou word 2,5% TCA (trichloroacetic acid)-PEEL, ACM #1, gebruik. Dit verwyder dooie velselle en herstel dié wat beskadig is. Dit help om verdere puisies te voorkom.

Dan gebruik Marlize die Treatment-jel wat vitamien A,C, en E, asook anti-oksidante bevat, gevolg deur die DF-masjien wat op die probleemplekke op my vel fokus, en help dat produkte die vel dieper binnedring. Die Alginate-masker volg wat die vel streel en bevogtig, en die DF-masjien word weer eens gebruik.

Laastens bevogtig sy my vel met ʼn vitamien A-room en sonskerm met ‘n hoë sonbeskermingsfaktor.

Ons toets: Environ Clarity +-reeks vir aknee

My indrukke

Ek sal regtig hierdie reeks produkte en behandelings aanbeveel vir enigeen wat met aknee en puisies sukkel. Dit werk goed,  dit is eenvoudig om te gebruik, dit ruik en voel heerlik.

Ek toets die produkte reeds die afgelope twee maande en my vel het aansienlik verbeter, wat my ook minder selfbewus oor my vel maak.

Ek kan nie wag om te sien hoe mooi my vel oor nóg ’n maand sal lyk nie!

Catherine na die behandeling

Soek jou naaste Environ-handelaar hier: https://www.environskincare.com/za/stockist-locator/

Vir nog goeie velsorgraad, loer hier

The post Ons toets: Environ Clarity +-reeks vir aknee appeared first on rooi rose.

Inligting en foto’s verskaf: Ma Mère Confectionery. {Promosie}  

Ma Mère Confections is ’n bakkery met Franse styl in die hartjie van Kaapstad.

Alle snoepgoed word op die tradisionele manier voorberei, tydsaam en deeglik, wat vir ’n outentieke smaak sorg.

Die resepte wat gebruik word, is dieselfde wat ma’s in die ou dae gebruik het en hulle glo dit is hoekom hulle eetgoed so gewild is. Hul doelwit is om tuisgemaakte lekkergoed van hoë kwaliteit te vervaardig met ongewone eksotiese smake as die kernfokus van die nougat en broslekkers.

Die bakkery is gesteld op die groei en bemagtiging van hul personeel. Personeel begin onder as onopgeleide werkers en beweeg stadig met hul pad op na ander afdelings in die bakkery totdat hulle ’n volledige opleiding agter die rug het en hul posisies kan beklee.

Die bakkery is bekend vir die pragtige verpakking van die luukse nougat, bros botterlekkers, geurige Turkse lekkers en Franse Macarons. Besoek hul aanlynwinkel om die elegante reeks tafelgeskenkies vir troues te ontdek. Daar is ook luukse geskenkpakke wat altyd ’n goeie present is.

Vir meer inligting, besoek gerus Ma Mère se webwerf by www.mamere.co.za en gesels saam op Instagram @mamereconfections

The post Ma Mère: Die heerlikste Franse snoepgoed appeared first on rooi rose.