gekaramelliseerde uie | rooi rose

Aartappel-en-uietert

Rooi Rose — Mon, 23 Mar 2026 13:00:00 +0000

Bestanddele

Aartappeldeeg

125 ml (½ k) sagte botter
250 g (sowat 2 middelslag-) gaar aartappels, fyn gedruk
500 ml (2 k) koekmeel
1 eiergeel, geklop
knypie sout
10 ml (2 t) bakpoeier

Gekaramelliseerde uie

45 ml (3 e) botter
3 uie, oorlangs in dik skywe gesny
hand vol tiemieblare
sout en gemaalde swartpeper

Vulsel

2 hande vol babaspinasie
6 middelslagaartappels, halfgaar gekook met skil en papierdun gesny
300 g mozzarella, papierdun gesny
hand vol roketblare

Metode

Voorverhit die oond tot 200 ºC. Spuit ‘n 23 cm x 33 cm-bakplaat met kleefwerende kossproei.

Aartappeldeeg: Meng die botter, aartappels, koekmeel, eier, sout en bakpoeier. Knie die deeg op ‘n meelbestrooide werkvlak tot dit bymekaar kom. Bedek en sit vir 30 min. in die yskas.
Gekaramelliseerde uie: Smelt die botter in ‘n pan oor matige hitte, voeg die uie by en braai tot gekaramelliseer.
Druk die deeg in die bakplaat uit. Strooi die babaspinasieblare bo-oor.
Vulsel: Pak rye aartappelskyfies en mozzarella wat oorvleuel op die spinasie. Herhaal tot die hele tert bedek is.
Versprei die gekaramelliseerde uie bo-oor en bak vir 30-40 min. tot goudkleurig en gaar.
Sit voor met roketblare bo-op.

The post Aartappel-en-uietert appeared first on rooi rose.

Pissaladière

Catherine Schenck — Tue, 18 Jun 2024 08:53:53 +0000

Pissaladière

Serves: Genoeg vir 6 Nutrition facts: 200 calories 20 grams fat

Ingredients

90 ml (¼ k + 2 e) avokado-olie + ekstra om mee te verf
30 ml (2 e) botter
1,75 kg (sowat 10 middelslag) uie, gesny
hand vol vars tiemieblare
30 ml (2 e) balsemiekasyn
30 ml (2 e) bruinsuiker
sout en gemaalde swartpeper
10 g (1 sakkie) droë gis
125 ml (½ k) lou water
5 ml (1 t) suiker
425 ml (1¾ k + 3 e) broodmeel
12 ansjovisfilette, in dun repies gesny
100 g (1 pakkie) swart olywe, pitte verwyder

Instructions

1 Verhit 30 ml (2 e) van die avokado-olie en die botter in ’n groot kastrol oor lae hitte.
2 Voeg die uie en helfte van die tiemie by en soteer vir ± 1 uur, roer nou en dan, tot gekaramelliseer.
3 Voeg die balsemiekasyn en bruinsuiker by, soteer tot die helfte van die vog geabsorbeer is. Geur na smaak, laat afkoel en hou eenkant.
4 Meng die gis, lou water en suiker. Laat staan vir 10 min. tot skuimerig.
5 Meng die meel en ’n knypie sout in ’n groot mengbak. Gooi die gismengsel en 60 ml (¼ k) avokado-olie by die meel, meng tot die deeg ’n bal vorm.
6 Knie die deeg op ’n skoon, meelbestrooide werkvlak vir 10 min. tot glad en elasties.
7 Verf die binnekant van ’n groot mengbak met avokado-olie. Sit die deeg hierin, bedek met ’n skoon afdroogdoek en laat rys tot dubbel die grootte.
8 Verhit die oond tot 220 °C. Voer ’n oondpan met bakpapier uit.
9 Druk die deeg af en rol op ’n skoon werkvlak uit tot ’n reghoek van 30 cm x 25 cm. Lig die deeg op die oondpan en verf die deeg met avokado-olie.
10 Bedek die deeg met die uie. Pak die ansjovisrepies in ’n kruispatroon oor die uie.
11 Pak die olywe tussen die ansjovisrepies en sprinkel die res van die tiemieblare oor. Bedek met ’n skoon afdrooglap en laat rys vir 30 min.
12 Bak die pissaladière vir 20-25 min. tot goudbruin. Sny in blokke en eet warm.

The post Pissaladière appeared first on rooi rose.

Geskroeide steak met gekaramelliseerde uie en spesery-aartappels

Michelle Nortje — Wed, 22 May 2024 08:43:14 +0000

Gaan só te werk

1 Voorverhit die oond tot 200 °C.
Geur die pampoen en die aartappels in afsonderlike bakke en bak vir 35-40 min. in aparte oondpanne.
2 Sny die uie en karamelliseer.
3 Maak die romerige spinasie en hou eenkant warm tot etenstyd.
4 Haal die pampoen en aartappels uit die oond. Hou die aartappels warm.
5 Rooster die druiwe vir die pampoenslaai. Meng al die bestanddele vir die slaai, behalwe die roketblare, deur.
6 Skroeibraai die steaks en sit met die uie, pampoenslaai, spinasie en aartappels voor.

Geskroeide steak

Genoeg vir 6

3-4 prima riboog-skywe
10 ml (2 t) heuning
10 ml (2 t) Marmite
30 ml (2 e) olyfolie
sout en gemaalde swartpeper

Verhit die oond tot 200 °C. Verhit ’n bakplaat in die oond.
1 Meng die heuning en Marmite in ’n bakkie en hou eenkant tot benodig.
2 Verhit ’n riffelpan oor ’n hoë hitte. Smeer die steaks met die heuning en Marmite en ’n bietjie van die olie. Skroei die steaks vir 4 min. aan elke kant vir halfgaar steaks.
3 Sit die vleis op die warm bakplaat in die oond en rooster vir nog 5 min.
4 Sit die steak voor met die gekaramelliseerde uie en groente.

Wenk
– Vir mediumgaar steaks: Verlaag die oond se hitte na matig en rooster vir nog 1-2 min. aan elke kant.
– Vir gaar steaks: Rooster vir nog 2-3 min. aan elke kant.

Gekaramelliseerde uie

Genoeg vir 6

15 ml (1 e) olyfolie
30 ml (2 e) botter
4 groot uie, oorlangs in dik ringe gesny
45 ml (3 e) bruinsuiker
klein hand vol tiemieblare

1 Verhit die olie en botter in ’n groot dikboompan. Voeg die uie by en soteer stadig tot gaar en deurskynend, roer deurentyd.
2 Voeg die bruinsuiker en tiemieblare by en braai vir sowat 30 min. of tot dit goed gekaramelliseer is.

Spesery-aartappels

Genoeg vir 8

8 aartappels, geskil en in wiggies gesny
15 ml (1 e) koljandersaad
15 ml (1 e) komynsaad
2 knoffelhuisies, gekneus
sout en gemaalde swartpeper
45 ml (3 e) olyfolie
45 ml (3 e) botter

Voorverhit die oond tot 220 °C.
1 Kook die aartappels vir 5-10 min. in kookwater tot sag, maar dit moet nog vorm behou. Dreineer en sit in ’n diep oondpan.
2 Kneus die koljander- en komynsade en strooi oor die aartappels. Meng die knoffel deur en geur na smaak.
3 Sprinkel die olyfolie en botter oor die aartappels en bak vir 30-40 min. of tot goudbruin en krakerig. Draai in die baktyd om.

Romerige spinasie

Genoeg vir 6

15 ml (1 e) olyfolie
30 ml (2 e) botter
1 ui, fyn gekap
3 knoffelhuisies, gekneus
sout en gemaalde swartpeper
15 ml (1 e) koekmeel
klein hand vol tiemieblare
knypie fyn neutmuskaat
400 g (2 pakke) babaspinasie
125 ml (½ k) room, warm gemaak
125 ml (½ k) parmesaan, fyn gerasper

1 Verhit die olie en botter in ’n pan oor matige hitte en soteer die ui en knoffel vir 5 min. daarin tot sag. Geur na smaak.
2 Strooi die meel, tiemie en neutmuskaat oor, roer en braai vir nog 3 min.
3 Voeg ’n bietjie van die room en die spinasie by en laat verwelk. Dié kan in sarsies gedoen word as daar te veel spinasie vir die pan is. Hou aan roer, anders kan dit brand.
4 Gooi die res van die room en parmesaan by en roer deur die warm spinasie. Geur na smaak met baie grof gemaalde swartpeper.

Nog idees
– ’n Verleidelike variasie: Smelt 125 g camembertkaas (wit randjie afgesny) by die room voor jy dit byvoeg.

Pampoenslaai met druiwe, gorgonzola en okkerneute

Genoeg vir 6

60 ml (¼ k) olyfolie
5 ml (1 t) fyn komyn
5 ml (1 t) fyn koljander
sout en gemaalde swartpeper
800 g (1 klein) pampoen met die skil, in skywe gesny en pitte verwyder
’n hand vol swart druiwekorrels
45 ml (3 e) balsemiekasyn
5 ml (1 t) bruinsuiker
2 hande vol roketblare
150 g sagte gorgonzola
30 ml (2 e) okkerneute, gekap

Voorverhit die oond tot 220 °C
1 Meng die helfte van die olyfolie met die komyn, koljander, sout en peper in ’n mengbak.
2 Pak die pampoenwiggies uit op die bakplaat, sprinkel die spesery-olie oor en bak vir 30 min. of tot goudbruin en gaar.
3 Verhit die oorblywende olyfolie in ’n pan oor ’n matige hitte. Voeg die druiwe by en kook tot hulle begin oopbars. Roer
deurentyd.
4 Voeg die balsemiekasyn en suiker by die druiwe en meng deur. Kook tot die suiker gesmelt is.
5 Pak die pampoen, druiwe, blare en gorgonzola op ’n opdienbord. Bedruip met die warm druiwesous en strooi die okkerneute oor. Sit dadelik voor.

Nog idees
– Gebruik lemoensegmente pleks van druiwe as dit uit seisoen is.

The post Geskroeide steak met gekaramelliseerde uie en spesery-aartappels appeared first on rooi rose.

Verruklike winterpizza

Rooi Rose — Fri, 17 May 2024 08:44:40 +0000

RESEP: Verruklike winterpizza

Verruklike winterpizza

Ingredients

Gekaramelliseerde uitjies
20 pekeluitjies, geskil
10 salotte, geskil (of nog uitjies as jy nie kan kry nie)
2 heel knoffelknolle, bokante afgesny sodat die huisies bo oop is.
8 tiemietakkies
150 g botter, in blokkies gesny
45 ml (3 e) olyfolie
Deeg
500 g (830 ml) meel
1×10 g-sakkie gis
5 ml (1 t) sout
375 ml (1½ k) water
15 ml (1 e) vinkelsaad
15 ml (1 e) speserymengsel
45 ml (3 e) olyfolie
15 ml(1 e) gekapte knoffel
60 ml (¼ k) geroosterde dennepitte of sonneblomsade, vir opdiening
125 ml (½ k) crème fraîche, vir opdiening
orego takkies, vir opdiening
tiemie takkies, vir opdiening

Instructions

Voorverhit die oond tot 160 °C.

Uitjies
1 Sit die uie, knoffel, tiemie en botter in ’n oondpan. Sprinkel die olie oor die knoffel en rooster vir 45 min. of tot sag en gekaramelliseer.

Deeg
2 Meng die meel, gis en sout met ’n spaan in die mengbak van ’n elektriese staanmenger. Voeg die water stadig by en meng vir 3-5 min. met ’n lae spoed tot dit bymekaarkom. Meng vir nog sowat 4 min. Bedek met ’n vadoek en laat rus vir 30 min. of tot dubbel die grootte.
3 Verhoog die oondtemperatuur tot 210 °C en sit ’n bakplaat daarin om warm te word. Verdeel die deeg in 2, rol liggies uit en strooi van die vinkelsaad en speserymengsel oor. Rol die speserye in die deeg vas en rol die deeg dun uit.
4 Verf met olyfolie en knoffel en sit op die voorverhitte bakplaat. Bak vir 15-20 min. tot goudbruin.
5 Druk die sagte knoffel uit die huisies uit en meng met die crème fraîche.
6 Pak die uitjies op die deeg, gevolg deur dennepitte, groot eetlepels van die knoffel crème fraîche, sagte orego- en tiemietakkies. Sny in stukke en sit voor.

Lees ook:

Maak die perfekte pizza

Basiese pizzadeeg

The post Verruklike winterpizza appeared first on rooi rose.

Basiese biefburger

Rooi Rose — Tue, 14 Jul 2015 12:04:00 +0000

Basiese biefburger

Serves: Genoeg vir 6 Nutrition facts: 200 calories 20 grams fat

Ingredients

Die burgers kan ook oor die kole gebraai word; smeer elke vleiskoekie net deeglik met olyfolie en braai oor warm kole. Moenie te gou omdraai nie, dit sal vanself losbraai van die rooster.
Basiese vleismengsel
1 wit broodrolletjie, of 2-3 snye witbrood, gekrummel
125 ml (½ k) Bulgaarse jogurt
5 ml (1 t) mosterdpoeier
5 ml (1 t) fyn gekapte knoffel,
gerasperde skil van een suurlemoen
500 g beesmaalvleis
1 eier
sout en gemaalde swartpeper
’n handvol pietersielie, ruweg gekap
sowat 45 ml (3 e) olyfolie vir die braaislag
Bykomstighede
6 sesamsaadbroodrolletjies, liggies gerooster
6 skywe sagte gorgonzola
’n hand vol roketblare
gekaramelliseerde uie

Instructions

1. Meng die gekrummelde brood en jogurt deeglik deur met ’n vurk. Laat week vir sowat 5 min. tot die brood sag is. Maak fyn met ’n vurk.
2. Voeg die res van die bestanddele by. Geur met sout en gemaalde swartpeper. Meng goed deur met ’n vurk sodat daar geen klonte is nie.
3. Verhit die olie oor hoë hitte in ’n kleefwerende pan. Verdeel die maalvleismengsel in 6.
4. Gooi ’n bietjie olie op jou hande en rol die dele in netjiese bolletjies. Druk hulle effens plat en braai in die olie tot dit van die pan loskom en bruin is aan albei kante. Verlaag die hitte en braai tot die vleiskoekie binne ook gaar is.
5. Sit die vleiskoekie op ’n sesamsaadrolletjie. Gee hierdie ou gunsteling nou ’n nuwe baadjie met ’n lekker skyf gorgonzola, gekaramelliseerde uie en ’n hand vol roketblare.

The post Basiese biefburger appeared first on rooi rose.

So kap jy uie

Rooi Rose — Wed, 02 Apr 2014 11:19:00 +0000

Kap uie eweredig sodat dit egalig gaar word en moenie deur die stronkgedeelte sny nie, anders val die ui uitmekaar.

Gekaramelliseerde uie

Sny die ui oorlangs van stronk tot stingel in eweredige breë wiggies – so behou die ui sy vorm beter wanneer dit langer gebraai word.

Fyn gekapte uie

Sny die ui van stronk tot stingel soos hierbo, maar sonder om dit heeltemal deur te sny. Hou die ui ferm met jou vingerpunte vas en sny een keer na die stronkkant horisontaal middeldeur. Sny nou oorlangs in eweredige blokkies.

The post So kap jy uie appeared first on rooi rose.

Lendeskyf met chermoula, soetrissies & gekaramelliseerde uie

Rooi Rose — Thu, 05 Dec 2013 09:34:59 +0000

Lendeskyf met chermoula, soetrissies & gekaramelliseerde uie

Serves: Genoeg vir 4-6 Nutrition facts: 200 calories 20 grams fat

Ingredients

Chermoula
7,5 ml (1½ t) komynsaad
5 ml (1 t) koljandersaad
15 ml (1 e) paprika
10 ml (2 t) borrie
’n knypie rooipeper
1 ui, gekap
gerasperde skil van 1 suurlemoen + 15 ml (1 e) suurlemoensap
30 ml (2 e) vars koljander, gekap
30 ml (2 e) vars pietersielie, gekap
2 knoffelhuisies, gekap
10 ml (2 t) heuning
sout en gemaalde swartpeper
Karamel-uie
Hierdie soet uie smaak fantasties saam met steak. Dit hou vir ’n paar dae in die yskas. Maak sommer baie op een slag.
45 ml (3 e) botter
45 ml (3 e) olyfolie
3 uie, geskil en oorlangs in dik skywe gesny
Geroosterde soetrissies
Geroosterde soetrissies werk goed saam met steak.
3-4 rooi soetrissies
30 ml (2 e) olyfolie

Instructions

Chermoula

1 Rooster die komyn- en koljandersaad, paprika, borrie en rooipeper vir 2 min. oor matige hitte of tot geurig.
2 Verwerk die speserye, uie, suurlemoensap, kruie, knoffel en heuning in ’n voedselverwerker tot fyn. Geur na smaak.
3 Smeer die chermoula op die steak en laat vir 30 min. marineer voor jy dit rooster.

Karamel-uie

1 Braai die botter, olyfolie en uie vir 10 min. oor matige lae hitte of tot sag.
2 Verhoog die temperatuur tot matig hoog en braai vir nog 10 min. tot goudkleurig en gekaramelliseer.

Geroosterde soetrissies

1 Sny die soetrissies middeldeur. Haal die wit vliesies en pitjies uit.
2 Sit op ’n bakplaat met die gesnyde kante na onder. Verf met olyfolie en rooster vir 20-25 min. of tot sag.
3 Trek die ergste vliesies af as dit jou pla, of gebruik dit andersins net so.

Om voor te sit
Ons het baguettes in die lengte middeldeur gesny, gerooster en die lendeskyf (sirloin) in blokkies gesny, op sosatiestokke geryg en gerooster. Trek die vleis van die stokkies af en sit dit op ’n baguette voor saam met roketblare, die geroosterde soetrissies en karamel-uie.

The post Lendeskyf met chermoula, soetrissies & gekaramelliseerde uie appeared first on rooi rose.

Varkworsies met gekaramelliseerde uie en kapokaartappels

Vickie de Beer — Tue, 14 Jul 2009 10:15:00 +0000

Varkworsies met gekaramelliseerde uie en kapokaartappels

Serves: 4 Nutrition facts: 200 calories 20 grams fat

Ingredients

500 g gehalte-varkworsies (bangers)
2 knoffelhuisies
’n paar salieblare (opsioneel)
30 ml (2 e) olyfolie
2 kg aartappels, geskil
300 ml melk
70 g botter
sout en swartpeper
Uie
4 rooi uie
15 ml (1 e) olyfolie
60 ml (¼ k) balsemiekasyn
2 e botter
60 ml (¼ k) tamatiepassata (fyn gemaakte tamaties, kry dit by die geblikte tamaties in die supermark, dis gewoonlik in bottels)

Instructions

Voorverhit die oond tot 200 C.

Begin met die kapokaartappels. Kook die aartappels in gesoute kookwater tot sag. Dreineer en druk fyn, meng die melk en botter deur die aartappels. Geur met sout en peper. Hou eenkant.
Worsies: Sny met ’n skerp mes kepe in elke worsie. Kap die knoffel en salie fyn en rol elke worsie in die mengsel.
Pak die worsies op ’n bakplaat, sprinkel die olyfolie oor en rooster die worsies in die oond tot goudbruin.
Maak intussen die uie. Sny die uie oorlangs in dun skyfies en soteer in ’n middelslagpan tot sag. Voeg die balsemiekasyn by en kook dit af tot dik en stroperig. Voeg die botter en die tamatiepassata by en roer deur.
Sit die kapokaartappels met die worsies en gekaramelliseerde uie voor.

The post Varkworsies met gekaramelliseerde uie en kapokaartappels appeared first on rooi rose.