Ondersteun plaaslik: Ontwerpers wat nou maskers maak Deur Susra Matthee. Hooffoto: Zana Products

Ondersteun plaaslik: Ontwerpers wat nou maskers maak

Plaaslike ontwerpers is hard aan die werk om maskers te maak vir almal se veiligheid en ook om die potte aan die kook te hou vir hul personeel. Daar is baie patrone en style om van te kies. Hier is ’n paar wat jy nou kan aanskaf.

Lees ook: 10 dinge wat jy nou in jou klerekas moet regruk tydens die inperking

Henriette Botha

Henriette Botha, ’n juweelontwerper, se maskers is gemaak van 3 lae katoenstof, insluitend ‘n inglipsakkie waarin ‘n ekstra filter / N 95-masker vir werkers aangebring kan word. Die maskers is tans beskikbaar in ’n verskeidenheid kleure en ontwerpe, maar daar is ook soliede kleure. Dit is in vier verskillende groottes beskikbaar, insluitend vir kinders en tieners.

Vir die maskerbande is ‘n koord gebruik eerder as rubberrek omdat die maskers gereeld met was en stryk aan hitte blootgestel sal word. Die maskerbande kan om jou kop en nek of om jou ore vasgemaak word.

Lees ook: Hoe om jou handsakke en inkopiesakke reg skoon te maak nadat jy by die winkels was

Good Clothing

Klarette en Marian, mode-ontwerpers, is verantwoordelik vir die vervaarding van hierdie maksers. Vir elke masker wat hulle verkoop, skenk hulle ​​1 aan ’n persoon in nood deur die Umthunzi Farming Community.

Good Clothing maskers is gemaak van ’n dubbellaag diggeweefde katoenstof met ’n ekstra deel indien jy ‘n filterlaag wil invoeg. Daar is ’n sagte, vormbare draad oor die boonste rand wat jou neus en wange bedek, sodat dit goed pas.

Lees ook: 9 dinge wat jy oor maskers tydens die pandemie moet weet

Ballo

Ballo is normaalweg bekend vir hul volhoubare brille (gemaak van kurk, hout, hennep en Afrika-druk-materiale), maar fokus nou daarop om gesigmaskers van wasbare materiaal te vervaardig.

Vir elke masker wat hulle verkoop, gee hulle een aan iemand in nood. Die maskers wat deur hulle geskenk word, sal deur supermarkte en skuilings versprei word.

Ballo word in Kaapstad met die hand vervaardig deur ’n netwerk van kleiner produsente en word vervaardig met ’n geplooide dubbellaag-katoenkonstruksie van hoë gehalte. Die elastiese ontwerp sit gemaklik om die oor.

Lees ook: Laai dit gratis af: Manolo Blahnik het inkleurblaaie van sy skoenontwerpe!

Zana Fabrics

Zana is ’n tekstielhandelsmerk wat geskep is deur ’n moeder-dogter-span van Kaapstad. Hulle ontwerp en vervaardig al vir 8 jaar tekstielversierings en bykomstighede, dus is materiaal hul sterk punt.

Die maskers is 100% katoen aan weerskante, dig geweef, met ’n derde laag polimateriaal aan die binnekant. Vir elke masker wat verkoop word, skenk hulle ​​een aan liefdadigheid. Pryse vanaf R270 vir ’n pakkie van 2.

Lees ook: Hoe om jou leerbaadjie reg skoon te maak

ECG Clinical

ECG Clinical Wear is ’n familiebesigheid wat sedert 2015 bestaan toe die oudste suster, Ilke Larson, wat ’n dokter is, gekla het dat scrubs van daardie tyd nie mooi pas nie en vinnig uitwas.

Haar ma, Lizelle Larson, en jonger suster, Sidne Larson, wat albei argitekte is, besit ’n onderneming wat gordyne maak, en het toe saam met hul broer/seun, Olaf Larson, as gesin besluit om hul eie reeks scrubs te ontwerp.

Die inisiatief om maskers te vervaardig het ontstaan as gevolg van die Covid-19 epidemie. Hulle het materiaal in vooraad gehad wat hul kon gebruik en so het die Luna-masker ontstaan. Teen die einde van Februarie reeds was die eerste maskers op hul aanlynwinkel beskikbaar.

As gevolg van die virusuitbraak het hulle besluit om dit veilig te speel en die werkswinkel te sluit. Hulle het toe met die hulp van Agnes de Klerk, wat deel is van Doxa Deo se People Upliftment Organisation (POPUP), plaaslike ontwerpers genader om te help met die produksie van die maskers en scrubs te maak, elkeen afsonderlik in hul eie studio.

Die volgende mense help tans met die vervaardiging:

• Carina, Natasha en Tanya van Erre Fashion
• Isabel de Villiers (sy en Lazarus maak scrubs)
• Jacques en Darius van The Bam Collective

Ander ontwerpers wat belang stel om deel te word van die vervaardig van scrubs en in die toekoms betrek kan word:

• Sonja Stanislaus-Kaw Di-Aping van Lunar Life
• Deeva van der Merwe van Merwe Mode
• Mareth and Colleen from Mareth|Colleen

Lees ook: 5 klassieke wenke om hierdie winter sjiek te lyk

https://www.instagram.com/p/B-6f-NcJoCA/

https://www.instagram.com/p/B-Kt2BfDZgp/

SIES!isabelle

Die opbrengs van SIES!isablle gaan direk om hul personeel te betaal in hierdie moeilike finansiële tye. Enige ekstra geld wat verdien word, word gebruik om maskers te vervaardig vir diegene wat dit nie kan bekostig om dit te koop nie, maar ook nie kan bekostig om sonder ’n masker te wees nie.

Dit is gemaak van ’n dubbellaag 100% katoenstof met bande wat aan die agterkant van jou kop kan vasknoop. Kindergroottes is ook beskikbaar.

Lees ook: Die beste raad vir skoene wat sleg ruik

The Sewing Café

The Sewing Cafe het in 2013 ontstaan en saam met hul vennoot, Masicorp, het hul honderde voorheen-benadeelde mense opgelei om naaldwerk te doen. Dit dien as ’n ontwerp- en vervaardigingsnetwerk vir mense om toegang tot enige naaldwerkbehoeftes te kry, van skooldrag tot huishoudelike ware en nou maskers.

Hulle het 15 mense van die gemeenskappe Ocean View en Masiphumelele in diens geneem wat op hul beurt 4-5 afhanklikes elk in hul huishoudings ondersteun. In hierdie gemeenskappe is dinge veral moeilik in hierdie onsekere tye. Die geleentheid om maskers te maak (en binnekort PPE) help dat geld direk uitkom by die mense wat dit die nodigste het.

Hul vervaardig maskers van ’n hoë gehalte en onder streng higiëniese toestande, met soveel natuurlike vesel as moontlik vir gemak en asemhaling.

Lees ook: Omhels jou ouderdom en druk jou persoonlikheid uit met mode

The Crystal Birch

Crystal Birch probeer om met haar ontwerpe ’n wêreld na inperking voor te stel. Dit het hul span geïnspireer om maskers met ’n deursigtige skild (visor) te bedink. Hierdie futuristiese maskers is op hul webtuiste beskikbaar.

Lees ook: Jy kan in minder as 10 minute tydens die inperking goeie oefening kry

https://www.instagram.com/p/B_FK6YvpLp6/

The post Ondersteun plaaslik: Ontwerpers wat nou maskers maak appeared first on rooi rose.

Steel haar styl: Margot Robbie deur Bea Lingenfelder en Susra Matthee. Hooffoto: Rexfeatures  / Greatstock

Die Australiese aktrise, Margot Robbie, het al gesig gewys in flieks soos The Wolf of Wall Street, The Legend of Tarzan en Mary Queen of Scots, maar dit is Suicide Squad of I, Tonya waarvandaan die meeste van ons haar ken.

Lees ook: Die toeknooprok: 1 rok, ses maniere

Op sosiale media hou sy haar persoonlike lewe redelik privaat maar deel wel die luukse voorblaaie waarop sy pronk of die ontwerpers-uitrustings waarin sy beeldskoon lyk.

Marie Claire beskryf haar as “the most badass bombshell in Hollywood”, maar terselfdertyd kan sy ’n weelderige uitklok-maksirok van Givenchy ook bemeester.

Lees ook: Lyk ryk: 7 maniere om luuks te lyk sonder om te veel geld te bestee

Na die spoggerige rooitapyte en voorbladsessies kry jy dikwels vir Margot gemaklik in jeans, ’n lospassende hemp en ’n snoesige maksijas.

Hierdie kombinasie is baie gewild, maar kan tog vinnig slordig lyk. Margot hou haar uitrusting eenvouding met ’n laag-op-laag-voorkoms.

Lees ook: 5 vinnige truuks wat jou uitrusting sal afrond

Hoewel patrone deesdae op al wat ’n loopplank is verskyn, bewys Margot dat jou betroubare stapelitems jou nooit in die steek sal laat nie.

Indien jy na ’n bietjie patroon hunker, probeer om die grootte van motiewe dieselfde te hou, bv. klein geruite blokkies met fyn blaarpatrone.

Lees ook: Die 10 modedinge wat elke vrou moet hê voordat sy 40 word

Jas (1499) en trui (R350) Albei Woolworths

Denim (R3800) Replay

Stewel (R899) Call It Spring

Rugsakkie (R399) Superbalist

Oorringe (R176) Colette Hayman

Hier is nog ’n paar oulike alternatiewe:

The post Steel haar styl: Margot Robbie appeared first on rooi rose.

Wat moet jy vir Valentynsdag dra? Toets jouself en vind uit! deur Bea Lingenfelder. Hooffoto: pexels

Valentynsdag is om die draai en jy het niks om te dra nie …

via GIPHY

Dis oukei, ons kan jou help! Voltooi ons toets en vind uit wat jy moet dra:

Wat jy moet dra gebaseer op die uitslae van jou toets

1 Deftig opgedollie

Jou swart nommertjie hang nie te diep weggebêre in jou kas nie en jy hou daarvan om vir afsprake ekstra moeite met jou voorkoms te doen. Spesiale dae soos Valentynsdag sien jy as ’n geleentheid om jouself (en jou geliefde, natuurlik) te bederf met ’n luukse aandjie uit. Jy hou daarvan om nuwe plekke te ontdek en met disse te eksperimenteer terwyl jy hartsgesprekke met jou Valentyn deel.

As jy hierdie toets geniet het, sal jy beslis ons parfuumpersoonlikheidstoets geniet!

The post Wat moet jy vir Valentynsdag dra? Toets jouself en vind uit! appeared first on rooi rose.

Deur Bea Lingenfelder Hooffoto: Twitter: Follow @victoriabeckham

Dit is duidelik dat Victoria presies weet waarvan sy hou en wat by haar pas – sy wissel soortgelyke style en stapelitems af om verskillende voorkomste te bereik. Haar modereekse bewys ook dat jy nie klassieke uitrustings moet ignoreer as dit by nuut-en-nou-modes kom nie.

Victoria se styl kan ’n mens as minimalisties-sjiek beskryf: Jy sien haar by talle geleenthede in slegs ’n vleiende rok en hakskoene, of ’n uitklokbroek, tekkies en ’n knopieshemp. Sy verkies effekleure bo patrone, maar is nie skrikkerig om met kleure en teksture te eksperimenteer nie.

Dra dit so:

Jas

’n Jas bly maar altyd ’n winter-moet-hê. Dit skep daardie perfekte afronding en is gepas vir formele of informele geleenthede. Victoria hou daarvan om haar baadjies en jasse net oor haar skouers te drapeer – dan voel jou winterlae nie so dik nie en dit span nie so styf om jou lyf nie. Dit laat jou boonop ook sommer vinnig en maklik soos ’n modevoorstaander lyk. Klassieke kleure soos swart, grys en kameel bly ’n gunsteling, maar hierdie winter is rooi en blou ook volop in die winkels.

Snyersbroek

Victoria bieg dat sy dikwels nie tussen haar snyersbroek of denim kan kies as dit by ’n gunstelingstapelitem kom nie. Met die athleisure-styl wat ’n gemaklike-sjiek voorkoms bied, is werksdrag en sweetpakke ’n wen-wen kombinasie. Belê in ’n snyersbroek wat jy saam met ’n formele uitrusting, maar ook saam met tekkies en ’n sweetpaktop kan stileer. Dit skep dadelik ’n moeitelose tog moderne voorkoms sonder om slordig te lyk.

Die kameelkleurbloes

Wit, swart en kameel is seker van dié Beckham se gunstelingkleure. As jy ’n bont en kleurvolle uitrusting aan het, is ’n kameelkleurbloes perfek om al die kleure bymekaar te bind. As jy eerder ’n meer klassieke kleurpalet verkies, is kameelkleur ’n goeie keuse om verskeidenheid te gee. Met die uitrusting wat Victoria aan het kan jy gerus met verskillende kleure hemde speel – waag ook ’n patroonhemp vir ’n prettige afronding.

Punthakskoene

Die kenmerkende spykerhakskoen wat ’n punt by die tone vorm, is sinoniem met Victoria. ’n Gepunte toon laat jou voet fyner lyk en werk goed by uitklokbroeke of maksi-rompe sodat jy steeds ’n elegante element behou. Nie almal van ons kan egter soos sy oor die pad en deur winkelsentrums sweef met ’n paar spykerhakke nie – probeer ’n skoen in dieselfde styl, maar met ’n dikker hak.

The post Dra dit soos Victoria Beckham appeared first on rooi rose.

Verpersoonlik jou styl met bykomstighede

Dit is wonderlik hoe bykomstighede verskillende style met dieselfde uitrusting kan skep. Die kans dat die ander persoon dieselfde bykomstighede óók sal dra, is gelukkig 0%. Kies jou bykomstighede slim sodat jou uitrusting anders, maar steeds stylvol vertoon. Dra ’n statige nekstuk saam met oopskouers of kies bonkige oorbelle wat op jou skouers hang om jou nek verslankend te laat vertoon. ’n Unieke palm- of handsakkie is ook altyd ’n staatmaker. Waag dit met helder kleure saam met ’n klassieke uitrusting of as jou uitrusting reeds kleurvol is, eksperimenteer met verskillende teksture soos borduurwerk, fluweel of diamante om jou palmsakkie te versier.

Nuttige baadjie

Die regte baadjie kan jou uitrusting nuwe lewe gee, maar ’n fyn serpie is dikwels ’n goeie keuse wat jy net oor jou skouers kan drapeer en met ’n borsspeld vassteek. Met ’n baadjie moet jy egter versigtig wees dat jy nie jou uitrusting wegsteek of breek nie. Maak seker die baadjie wat jy kies vorm deel van jou voorkoms as geheel – verseker dat ’n gemeenskaplike kleur tussen jou items voorkom; of let op wanneer jy ’n rok met ’n vernoude middel dra– dan moet jou baadjie ’n effens korter snit hê om steeds jou silhoeët vleiend te hou. As jy op die klassieke kantoorbaadjie besluit, los die knope oop.

Wees selfversekerd

Hoewel die tweelingstyl iets is wat jy liefs wil vermy, is daar geen skaamte daarin om met dieselfde uitrusting as iemand anders op te daag nie. Wat belangrik is, is dat dit jou nie onderkry nie. Selfvertroue is die beste afronding tot enige uitrusting. Dit is dus belangrik dat jy gemaklik voel in wat jy dra – jyself is immers die fokuspunt van jou voorkoms en soos die Engelse spreekwoord lui: “Don’t let the dress wear you.” ’n Uitrusting lyk onmiddellik beter aan iemand wat haar skouers en ken regop hou en haar uitrusting aan die mense om haar vertoon.

Het so ’n geval al oor jou pad gekom? Jy is nie die enigste een nie, dit gebeur selfs met bekendes! Kyk hoe hanteer Holywood-sterre so ’n insident.

The post Tweelingstyl: wie dra dit beter? appeared first on rooi rose.