Bestanddele

• 180 ml (¾ k) sagte botter
• 330 ml (1 k + 1/3 k) suiker
• 6 groot eiers, geskei
• 250 g (2½ blokke) donkersjokolade
• 200 g (2 pakkies) gemaalde amandels
• 20 ml (1 e + 1 t) kakao
• 10 ml (2 t) aartappelmeel
• 1 ml (¼ t) bakpoeier
• fyn gerasperde skil en uitgedrukte sap van 1 lemoen – sowat 60 ml (¼ k)
• 10 ml (2 t) lemoenlikeur of brandewyn of laat weg
• 5 ml (1 t) vanieljegeursel
• knypie sout
• knypie kremetart
• versiersuiker vir opdiening

Metode

1. Verhit die oond tot 180 °C en voer ’n 25 cm x 6 cm-koekpan met bakpapier uit.
2. Room die botter en die suiker saam tot lig en romerig. Voeg die eiergele een vir een by.
3. Smelt die sjokolade en laat effens afkoel. Vou die sjokolade en gemaalde amandels by die eiermengsel in.
4. Sif die kakao, aartappelmeel en bakpoeier by die sjokolademengsel en vou in. Meng die lemoensap, -skil en likeur by.
5. Sit die eierwitte in ’n skoon glasbak. Voeg die sout en kremetart by en klits tot stywe punte vorm. Vou die geklitste eierwitte bietjie vir bietjie by die sjokolademengsel in.
6. Gooi die mengsel in die koekpan en bak vir sowat 35 min. tot ’n toetspen skoon uitkom.
7. Maak die kante los as die koek gaar is, maar laat in die koekpan afkoel.
8. Strooi versiersuiker of kakao voor opdiening oor.

The post Glutenvrye sjokoladekoek appeared first on rooi rose.

Genoeg vir 4.

Bestanddele

Aartappelskyfies

• 4 aartappels, geskil en in wiggies gesny
• vars roosmaryntakkies
• 15 ml (1 e) botter
• olyfolie om mee te braai
• sout en gemaalde swartpeper

Vis

• 30 ml (2 e) Dijon-mosterd
• 250 ml (1 k) Bulgaarse jogurt
• 4 x 150 g stokvisfilette, sonder vel
• 250 ml (1 k) polenta (of mieliemeel)
• 60 ml ( ¼ k) botter

Metode

1. Voorverhit die oond tot 200 °C. 
2. Meng die aartappels, roosmaryn en botter in ’n diep oondpan. Sprinkel die olie oor en geur na smaak. Bak vir sowat 30 min. tot goudbruin en gaar. Draai een keer in die baktyd om.
3. Verhit ’n bakplaat in die oond. Meng die mosterd en jogurt. Geur die vis na smaak en smeer die jogurtmengsel aan albei kante oor die vis. Rol in die polenta. Sit die vis op die warm bakplaat en stip met botter. Bak vir 20 min. aan een kant en draai om. Stip weer met botter en bak vir nog 20 min.
4. Sit die vis voor met die gebakte aartappelwiggies.

The post Vis met polentakors en gebakte aartappelwiggies appeared first on rooi rose.

Resep deur Vickie de Beer. Foto Lee Schwagele crphotographic.co.za

Geurige hoender

Bestanddele

• 2 e (30 ml) olyfolie
• 1 e (15 ml) botter
• 1 e (15 ml) fyngekapte vars gemmer en fyngekapte knoffel
• 4 grasuie, ruweg gekap
• 1 t (5 ml) gekapte brandrissies
• ¼ k ongesoute geroosterde kasjoeneute
• 500 g ontbeende hoenderdye (koop so by die supermark)
• ¼ k (60 ml) sjerrie
• 3 e (45 ml) sojasous
• 4 ontpitte dadels gesny
• sap van een lemmetjie
• 2 hande vol fyngekapte vars koljanderblare

Metode

1. Verhit die olie en botter in ’n groot pan oor matige hitte. Geur die hoender met sout en verbruin alkant tot goudkleurig. Skep uit en hou eenkant.
2. Braai die gemmer, knoffel, grasuie en brandrissie vir 2 min. of tot die knoffel goudkleurig is.
3. Voeg die kasjoeneute en hoender by en braai vir 5 min.
4. Voeg die sjerrie, sojasous, dadels en lemmetjiesap by en laat die mengsel vir sowat 7 min. prut tot die sous afgekook is en die hoender gaar is.
5. Roer die vars koljander by en laat afkoel voor jy die gereg in ’n digsluitende houer bêre.

Hoenderpasteitjies

Genoeg vir 10-12 klein pasteitjies.
Bêre vir 2-3 dae in ’n digsluitende houer in die yskas. Die deeg is gluten- en koolhidraatvry.

Deeg:

1. Meng 180 g (1½ k) gerasperde mozzarella en 45 g (3 e) roomkaas in ’n mikrogolfvaste bak.
2. Mikrogolf vir 2 min. op hoë krag, of tot die kaas gesmelt is.
3. Voeg 1 liggies geklitste eier by, gevolg deur 150 g (1½ k) amandelmeel en 2,5 ml sout en meng goed.
4. Keer die mengsel op ’n skoon werksvlak uit en knie liggies tot ’n deeg.
5. Druk die deeg plat, draai in kleefplastiek toe en laat rus vir sowat 10 min. in die yskas. Verhit die oond tot 180˚C.
6. Rol die deeg tussen 2 velle bakpapier uit tot sowat 2 mm dik.
7. Sny 12 groot sirkels met ’n deursnee van 6 cm en 12 kleiner sirkels met ’n deursnee van 4 cm uit en voer ’n muffinpan met 12 holtes uit.
8. Meng 250 ml (1 k) hoender (*sien resep onder) met 45 ml (3 e) crème fraîche.
9. Skep 2-3 e van die hoender in elke holte en bedek met die kleiner sirkels.
10. Seël die randjies en bak vir 20 min. of tot goudkleurig.

Die hoender sal vir 2-3 dae in die yskas vars bly.

The post Hoenderpasteitjies appeared first on rooi rose.

Genoeg vir 4

Bestanddele

Vars pasta

• 125 ml (½ k) tapiokameel
• 125 ml (½ k) mielieblom (Maizena)
• 45 ml (3 e) aartappelmeel
• 5 ml (1 t) sout
• 23 ml (4 ½ t) Xanthan gum
• 2-3 groot eiers
• 30 ml (2 e) olyfolie + ekstra

Lasagne

• 500 g (1 pak) botterskorsiestukke, geskil en in blokkies gesny
• sout en gemaalde swartpeper

Witsous

• 45 ml (3 e) botter
• 30 ml (2 e) mielieblom (Maizena)
• 560 ml (2¼ k) melk
• sout, swartpeper en gerasperde neutmuskaat

Vulsel

• 250 g blokkiesspek, bros gebraai
• 250 ml (1 k) ertjies
• 125 ml (½ k) gerasperde mozzarella

Metode

Pasta

1. Sif die droë bestanddele saam in ’n mengbak.
2. Meng die eiers en olyfolie en gooi ’n bietjie op ’n slag by die droë bestanddele. Roer met ’n houtlepel tot die deeg bymekaarkom.
3. Keer op ’n meelbestrooide werkvlak uit en knie tot glad. Bedek met kleefplastiek en sit vir 30 min. in die yskas.
4. Verhit die oond tot 200 °C.
5. Sit die botterskorsies op ’n bakplaat en sprinkel olyfolie oor. Geur na smaak en bak vir sowat 30 min. tot gaar.
6. Rol die pasta met ’n pastamasjien uit op die tweede kleinste stelling.

Witsous 

1. Smelt die botter oor matige hitte in ’n klein kastrol. Meng die mielieblom by en roer vir 1 min. Haal van die hitte af en gooi die melk geleidelik by. Roer deurentyd.
2. Sit die witsous terug op matige hitte en bring tot kookpunt, maar roer deurentyd. Verlaag die hitte en prut vir nog 1 min. Geur na smaak. Hou eenkant.
3. Pak die bestanddele in lae in ’n 30 cm x 20 cm- bak. Begin met die witsous (onder), gevolg deur die pasta, botterskorsie, spek en ertjies. Herhaal en eindig met die witsous en gerasperde kaas bo-op. Bak vir sowat 40 min.

Lees ook: Hoenderslaai met romerige parmesaan-slaaisous

The post Glutenvrye lasagne appeared first on rooi rose.

Bestanddele

• 125 ml (½ k) botter
• 125 ml (½ k) suiker
• 250 g (1 pak) dadels, ontpit en gesnipper
• 500 ml (2 k) Rice Krispies
• fyn klapper om in te rol

Metode

1. Smelt die botter en suiker saam in die mikrogolf. Roer kort-kort.
2. Roer die dadels by en sit vir nog 2 min. in die mikrogolf tot die mengsel begin kook. Klits met ’n elektriese klitser tot die dadels fyn is.
3. Roer genoeg Rice Krispies by tot dit stywe deeg vorm.
4. Rol opgehoopte teelepels vol van die deeg in balletjies. Rol in klapper.

The post Maklike Rice Krispies-koekies appeared first on rooi rose.

Genoeg vir 6

Wraps

• 100 g amandelmeel
• 110 g goue vlassaad, fyngemaal
• 30 g klappermeel
• 15 ml (1 e) psylliumvesel
• 30 ml (2 e) chia-saad, fyngemaal
• 20 ml (4 t) garam masala
• 10 ml (2 t) sout
• gerasperde skil en sap van 1 suurlemoen
• 250 ml (1 k) louwarm water
• 15 ml (1 e) olyfolie

1 Meng die amandelmeel, vlassaad, klappermeel, psylliumvesel, chia-saad, garam masala, sout en suurlemoenskil in ’n mengbak.
2 Knie die suurlemoensap en water by tot goed gemeng. Draai die deeg in kleefplastiek toe en laat vir 1 uur in die yskas rus.
3 Verdeel die deeg in 6 stukke.
4 Rol elke deel tussen 2 lae bakpapier in ’n 20 cm-sirkel uit.
5 Verhit die olyfolie in ’n pan oor matige hitte.
6 Braai die wraps daarin vir 1-2 min. aan elke kant, of tot lig goudkleurig. Moenie te lank braai nie, anders word dit krakerig.

Bykomstighede

Murgpampoentjie-falafels

1 Rasper 450 g murgpampoentjies fyn, sit in ’n vergiettes, strooi ’n bietjie sout oor en laat staan vir sowat 1 uur dat dit dreineer.
2 Druk die oorblywende vloeistof in die pampoentjies met jou hand uit.
3 Meng die murgpampoentjies met 1 eier, 10 ml (2 t) gekapte knoffel, 5 ml (1 t) gekapte rooi brandrissie, ’n hand vol fyngekapte kruisement, ’n hand vol fyngekapte pietersielie, 55 g amandelmeel, 30 ml (2 e) klappermeel, 80 g gekrummelde fetakaas en 5 ml (1 t) fyngemaalde komyn.
4 Geur met sout en swartpeper.
5 Verhit 45 ml (3 e) olyfolie in ’n pan.
6 Vorm die mengsel in klein koekies en braai vir 5 min. aan elke kant, of tot goudkleurig.

Blomkool-hoemoes

1 Voorverhit die oond tot 200 °C. Sit 1 groot blomkool, in blommetjies gesny, op ’n bakplaat en sprinkel 30 ml (2 e) olyfolie oor.
2 Bedek met foelie en bak vir 10-12 min.
3 Haal die foelie af en bak vir nog 10 min. tot goudkleurig.
4 Verwerk die blomkool saam met 30 ml (2 e) tahini, 15 ml (1 e) suurlemoensap, 5 ml (1 t) heuning, 10 ml (2 t) gekapte knoffel, 5 ml (1 t) liggies geroosterde komyn en 60 ml (1/4 k) olyfolie in ’n voedselverwerker tot glad.
5 Geur met sout en swartpeper.

Geroosterde hoender

1 Voorverhit die oond tot 200 °C.
2 Sit 1 groot hoender van sowat 1,2 kg in ’n oondpan.
3 Geur die hoender in die maagholte en buitekant met sout en swartpeper.
4 Vul die holte met 4 vars lourierblare, 3 roosmaryntakkies, ’n bossie tiemie, ’n kwart suurlemoen en ’n kwart lemoen.
5 Smeer die hoender met 30 ml (2 e) olyfolie en rooster vir ’n uur en ’n kwart of tot gaar.

Krakerige wortel-beet-en-kool-slaai

1 Sny 2 wortels, 1 klein komkommer, 2 bete, 1 klein perskool en 1 klein groenkool met ’n mandoliensnyer in dun repies (julienne).
2 Gooi ’n hand vol kruisement en ’n hand vol vars, grof gekapte koljander by.
3 Meng 60 ml (¼ k) appelasyn, 60 ml (¼ k) olyfolie, 15 ml (1 e) heuning en 2,5 ml (½ t) fyngemaalde komyn en geur met sout.
4 Gooi oor die groente en meng deur.

The post Laekoolhidraat-wraps appeared first on rooi rose.

Bestanddele

• 125 ml (½ k) sagte botter
• 125 ml (½ k) suiker
• 110 ml (1/3 k + 2 e) sagte bruinsuiker
• 60 ml (¼ k) melk
• 325 ml (1¼ k + 1 e) basiese bruismeelmengsel, gesif
• knypie sout
• 15 ml (1 e) melk
• 100 g (1 blok) donkersjokolade, gekap

Metode

1. Voorverhit die oond tot 180 °C. Voer ’n bakplaat met bakpapier uit.
2. Room die botter en suiker saam tot lig en romerig. Gooi 50 ml (3 e + 1 t) van die melk by en meng goed.
3. Meng die bruismeel deur die bottermengsel. Voeg die res van die melk en die sjokolade by.
4. Skep opgehoopte teelepels van die koekiedeeg op die bakplaat – bak liefs net 6 op ’n slag, want die deeg sprei baie uit in die bakslag.
5. Bak vir 15 min. of tot die koekies ligbruin is.
6. Laat set op die bakplaat vir 30 sek. en laat op ’n draadrak afkoel.

The post Gluten- en eiervrye sjokoladekoekies appeared first on rooi rose.

The post Glutenvrye tortilla-pizza appeared first on rooi rose.

The post Glutenvrye muffins appeared first on rooi rose.

The post Glutenvrye kaas-en-tamatietert met amandelkors appeared first on rooi rose.

The post Glutenvrye kolwyntjies appeared first on rooi rose.

The post Basiese glutenvrye brood appeared first on rooi rose.

The post Amandel-en-jogurt-wafels appeared first on rooi rose.

Eier- en glutenvrye pannekoeke met karamel-appels

Eier- en glutenvrye pannekoeke met karamel-appels

Lees nog: Basiese pannekoekresep

The post Eier- en glutenvrye pannekoeke met karamel-appels appeared first on rooi rose.