Van sagte wit tot dramatiese ou-Hollywood-glans, was die 83ste Golden Globe-toekennings by die Beverly Hilton-hotel ‘n bewys dat rooitapyt-mode in 2026 tydloos én waagmoedig kan wees.

Met Pantone se kleur van die jaar, Cloud Dancer, ’n sagte wit, wat duidelik as inspirasie gedien het, het talle sterre in romerige skakerings van wit sowel as swart opgedaag, terwyl helder kleure en dromerige teksture vir ’n vars, moderne voorkoms vir ander bekendes gesorg het.

Hierdie bekendes se uitrustings het werklik uitgestaan:

Selena Gomez in Chanel

Emily Blunt in Louis Vuitton

Tessa Thompson in Balenciaga

Kate Hudson in Giorgio Armani Privé.

Chase Sui Wonders in Balenciaga

Miley Cyrus in Saint Laurent

Brittany Snow in Danielle Frankel

Lees ook: PAS BEKEND | Ontmoet die dames wat vir Ruan se hart meeding in Op my eish!

The post Golden Globes 2026: Ons 7 gunsteling-uitrustings! appeared first on rooi rose.

Deur Margaret Gardiner.

Die 83ste Golden Globes vind op Sondag 11 Januarie plaas. Naas die Oscars vier die Golden Globes die beste in televisie, film en podsendings en is dit weer terug by die Beverly Hilton Hotel in Beverly Hills. Helen Mirren, wat 17 keer benoem is en weer vanjaar vir Mobland, is vereer met die Cecile B. DeMille-toekenning. Sarah Jessica Parker, wat ’n ikoon danksy Sex and the City geword het, het die Carol Burnett-toekenning vir haar werk in televisie ontvang.

In een van die mees mededingende wedlope van die afgelope jare kan ons net raai wie die Golden Globe sal wen, maar daar is gewis ’n verskeidenheid van bekendes. Leonardo di Caprio (One Battle After Another), George Clooney (Jay Kelly), Michael B. Jordan (Sinners), Jennifer Lawrence (Die My Love), Emma Stone (Bugonia), Kate Hudson (Song Sung Blue), Cynthia Erivo (Wicked:For Good) en ja, The Rock oftewel Dwayne Johnson (The Smashing Machine) sal op die rooi tapyt loop nadat hulle vir hul rolprentwerk benoem is.

Daar word verwag dat ons die mode van die volgende opkomende sterre moet dophou: Timothée Chalamet (Marty Supreme), Jacob Elordi (Frankenstein), Jenna Ortega (Wednesday), Ayo Edebiri (The Bear), en musiek- en skermsterre Ariana Grande (Wicked: For Good), Selena Gomez (Only Murders In The Building) en Miley Cyrus (Avatar: Fire and Ash). Hulle sal die tapyt aan die gons hê.

Sodra gaste in die danssaal is, wag daar Moët & Chandon-sjampanje op hulle en kan hulle smul aan lekkernye wat deur die wêreldbekende sjef Nobu Matsuhisa geskep is, en wat die beroemde Nobu-restaurante in die mees glansryke hoofstede van die wêreld geskep het.

Sjef Nobu Matsuhisa (Foto: Monica Schipper/Getty Images)

Ons het ’n eksklusiewe onderhoud met Mayena Mustafa Nobu se terreinbestuurder gehad, wat ons deur die spyskaart gevat het. Dit het geelstert-jalapeño, kaviaarkelkies, kreefslaai met ’n pikante suurlemoensous, tai matsuhisa-nigiri met nikiri-soja, salm-nigiri met nikiri-soja, tuna-nigiri met nikiri-soja, en miso-swartkabeljou ingesluit. Vir nagereg sal gaste ’n witsjokolademousse, pistasiesponskoek en seremoniële matcha-koek geniet, wat met ’n Golden Nobu-muntstuk versier is.

Die Golden Globes, wat amptelik erken word as Hollywood se “Partytjie van die Jaar”, sal weer eens deur Nikki Glaser aangebied word. Ek sal op die rooi tapyt wees om die sterre vas te vang soos hulle aankom.

Margaret by verlede jaar se Golde Globes (Foto: Verskaf)

KYK | Margaret vind meer uit oor wat vanjaar op die Golden Globes-spyskaart is. 

Volg Margaret op Youtube, Facebook, Twitter en Instagram!

Lees ook: Margaret uit Hollywood: George Clooney is die laaste rolprentster

The post Margaret uit Hollywood: Hier’s wat al die bekendes by die 83ste Golden Globes sal eet! appeared first on rooi rose.

1. Demi Moore in Armani Privè

2. Zoe Kravits in Saint Laurent

3. Zendaya in Louis Vuitton

4. Zoe Saldana in Saint Laurent

5. Kate Winslet in Erdem

6. Dakota Fanning in Dolce & Gabbana

7. Mindy Kaling in Ashi Studio

8. Anya Taylor-Joy in vintage Dior

Lees ook: Maak die meeste van jou vakansiedae in 2025!

The post Golden Globes 2025: Ons 8 gunsteling uitrustings appeared first on rooi rose.

Elke jaar skop die toekenningseisoen met die Golden Globes af. Hierdie jaar het 50% meer mense dit as verlede jaar gekyk. Die CBS-vertoning wat op televisie uitgesaai word, wat die beste prestasies in televisie en flieks vier, het naam gemaak as die “Beste Partytjie by Verre” – en daar is goeie rede daarvoor.

Om toegang tot hierdie eksklusiewe geleentheid, wat in die balkamer van die Beverly Hilton Hotel gehou word, te kry, moet jy goeie kontakte hê as jy hoop om hierdie heilige ruimte te betree as jy nie benoem is nie. As die moderedakteur van die Golden Globes kon ek die energie van ’n volgepakte kamer vol bekendes in hul natuurlike habitat beleef. Almal was in hul heel beste ontwerpersklere uitgevat, terwyl hulle van die diamante gedrup het en heel senuweeagtig gelyk het! Dis uiteraard ’n toekenningsaand en daar is slegs een wenner. Die beste van die beste. Die instelling wat al 81 jaar aan die gang is, vier mense soos Marilyn Monroe, Charlize Theron en hierdie jaar, is Suid-Afrika se eie Trevor Noah benoem.

Taylor Swift, Selena Gomez en Timothee Chalamet saam met sy huidige geliefde Kylie Jenner verteenwoordig ’n “nuwe” Hollywood. Kylie en Timothee is in daardie liefdesfase waar jy nie kan help om dan en wan ’n soentjie te steel nie. Die twee liefdesduifies het drukkies gegee, gelag en die hele aand flikkers vir mekaar gegooi terwyl hulle die kameras geïgnoreer het, wat hul geluk aan die hele wêreld uitbasuin het. Ben Affleck en J-Lo het nie op hulle laat wag nie.

Selena en Taylor het soos ou vriende gelag en gesels. Harrison Ford het gesig gewys. Billie Eilish en haar broer het op die verhoog verskyn om ’n Golden Globe vir die beste lied te ontvang vir Barbie (What was I Made For). The sterre van almal se gunstelingprogram tans – Suits – het op die rooi tapyt geloop.

Die sjampanje het gevloei en ek het dit alles in ’n asemrowende pers aandrok deur ’n Filippynse ontwerper, Oliver Tolentino, gadegeslaan. Die rok was van hergebruikte volstruisvere, pynappelblare en satyn gemaak – dus heeltemal “groen”.

Hier is die lys van die aand se wenners.

Volg Margaret op Youtube, Facebook, Twitter en Instagram!

Lees ook: Blink, bont en besonders by die 81ste Golden Globes

The post “Beste Partytjie by Verre” – Margaret Gardiner woon die Golden Globes by appeared first on rooi rose.

Blink, bont en besonders – dit was die 81ste Golden Globes op die rooi tapyt.

Blink

Van sagte sy tot dramatiese blinkers. Eenvoud word opgekikker met verskillende teksture soos die pak van Timothée Chalamet. Hiermee bewys hy hóé mooi ’n swart pak kan wees.

Blinkers was verlede jaar reeds hoogmode, maar sterre soos Taylor Swift en Oprah het bewys dat díe tendens vanjaar nóg groter gaan wees.

Bont

Blom-elemente is beslis ’n tydlose modetendens, Heidi Klum en Selena Gomez het die styl weer laat vlamvat met dramatiese kleurskakerings en tekstuur.

Margot Robbie en Jennifer Lopez het bewys dat die Barbie-era nog nie verby is nie en dat pienk skakerings enige vrou komplimenteer.  Helen Mirren se pers rok het haar ook laat straal van vroulikheid.

Besonders

Alhoewel vanjaar se mode-inspirasies ongewoon was, was krale-afwerkings en klassieke halslyne soos die V-halslyn en die elegante oopskouerrok steeds ’n gunsteling. Snitte soos die noupassende lyfrokke was oral te sien en balrokke het teruggekeer, wat 2024 op ’n dramatiese noot afskop. Hoewel balrokke met die prinsesstyl geassosieer word, is die snit gemoderniseer met ’n hoë A-halslyn, oop skouers en afgewissel met moderne, blink bykomstighede.

Strik-elemente was hierdie jaar ook ’n gunsteling. Sterre soos Reese Witherspoon en Amanda Seyfried se eenvoudige rokke is afgerond met groot strikke wat hul skouers en bo-lywe pragtig komplimenteer.

Lees ook: Ontmoet die 16 dames wat Brendan Peyper vir Op my Eish! gekies het

The post Blink, bont en besonders by die 81ste Golden Globes appeared first on rooi rose.

Deur: Margaret Gardiner

Dit is 9 ˚C. Ek is op die rooitapyt en geklee in ’n Oliver Tolentino-aandrok. Dit voel omtrent asof ek van die boonste dek van die Titanic afgeklim het. En ek bedoel dit goed, want die rok het ’n klassieke retrostyl – presies gepas, met vere en ’n lae hals, maar dit het geen beskerming teen die kwaai weersomstandighede gebied nie.

Sjampanje is op silwer skinkborde aan die media en sterre bedien. Die hele aanloop tot die rooitapytgeleentheid is interessant. Dit begin amptelik om 14:30, maar niemand daag werklik tot ná 15:30 op nie. Nuwelinge en mense wat kleiner rolle vertolk, daag vroeg op en wandel op en af op die tapyt terwyl hulle die hele skouspel gade slaan.

Hulle neem selfies met die media agter hulle en geniet die glansryke oomblik. Die groot sterre daag op net voordat die tapyt toegemaak word. Jy moet verstaan die aangeleentheid word regoor die wêreld, soos dit in die oomblik gebeur, uitgesaai. As jy dus nie by jou sitplek is nie en jou naam word geroep, dan is dit maar so.

Dit het nog nooit gebeur nie, behalwe die keer toe Christina Lahti in die badkamer was, haar naam geroep is en almal op haar gewag het om uit te kom.

Die sterre daag in die laaste 45 minute op sodat hulle by die groot Amerikaanse TV-verhoë kan stop, maar dan ’n geldige verskoning het om die kleiner mediamense oor te slaan: Die vertoning gaan begin. Dis duidelik dat iemand se statuur groot trefkrag het en as hulle eers in die middel van die vertoning hul verskyning hoef te maak, maak dit tog niemand seer nie.

Brad Pitt en Margot Robbie

Sommige bekendes loop nie eens op die tapyt nie. Een ster, wat anoniem wil bly, het eers opgedaag nadat die vertoning begin het. As jou naam egter so groot is, wie gaan jou nou wegjaag omdat jy laat is?

En die groot name was gróót: Brad Pitt, Rihanna en Eddie Murphy is net ’n paar van die groot gewigte wat dié aand bygewoon het. Baie mense het nogals gedink die reën sou ’n stokkie voor die aand se bedrywighede gesteek het.

Brad Pitt, Quentin Tarantino en Daniella Pick.

Geweldige storms het ’n paar dae voor die geleentheid oor Los Angeles neergestort. Bome het omgeslaan en spoelklowe het in ondeurganklike modderriviere ontaard. Ná ’n aand wat dit omtrent gestortreën het, het die wolke skielik verdwyn. Menigte paaie was egter gesluit. Dit was moeilik om ’n weg te baan op die pad na die Hilton Beverly Hills se balsaal, waar die Golden Globes vanjaar gehou is. Baie vlugte is gekanselleer en paaie het verspoel met die gevolg dat Kevin Costner, byvoorbeeld, nie na Los Angeles kon vlieg of ry nie. Hy was gedwing om sy huis te verlaat en saam met sy familie in’n hotel “skuiling” te vind. Hy het toe ongelukkig sy oomblik op die verhoog misgeloop toe hy sy Globe vir Yellowstone gewen het.

Gevestigde name soos Sigourney Weaver, Jamie Lee Curtis en Steven Spielberg het in tradisioneel swart (die kleur wat die meeste mense verkies het) voor die media rondgestap. Dit sluit opkomende sterre soos Ana de Armas (bekend vir haar rol in Blonde), Emma D’Arcy (House of the Dragon) en Hannah Eibinder (wat in Hack speel en ’n rok van Carolina Herrera gedra het) ook in. Juweel kleurskakerings (Selena Gomez wat ’n Valentino gedra het) en wit (Jessica Chastain wat ’n Oscar de la Renta gedra het) was ook groot gewees.

Swanger vroue soos Kaley Cuoco (genomineer vir The Flight Attendant) het gewys dat glansrykheid en ’n bababoepie heeltemal goed saamgaan. As jy dalk verwagtend is en binnekort ’n groot geselligheid moet bywoon, wil jy dalk hierdie persoonlikhede se voorbeeld volg. Claire Danes het Giambattista Valli gedra en Hilary Swank was in ’n mosgroen Prada-rok geklee.

Dit was egter nuwe name wat vir opslae gesorg het. Daar was pienk: Elizabeth Debicki wat absoluut voortreflik as Princess Di in The Crown was, het Dior gekies; Julia Garner (in Inventing Anna en Ozark) het Gucci gedra; en Margot Robbie (van Babylon) het ’n noupassende Chanel-rok gedra. ’n Uitblinker was vir seker Lily James (sy is vir haar vertolking van Pamela Anderson in Pam & Tommy benoem) se dramatiese rooi aandrok deur Versace. Sekere name het heeltemal teen gewilde modeneigings gegaan, soos Jenna Ortega (Wednesday) wat ’n vleeskleurige Gucci-rok gedra het en Anya Taylor Joy wat in ’n lemmetjiekleurige nommertjie van Dior geklee was.

Die wenner van die Beste Drama-akteur-toekenning, Austin Butler en vir komedie, Colin Farrell, het klassiek gelyk terwyl die meeste mans fluweel, helder kleure en selfs soms rompe gedra het.

Priscilla Presley, Austin Butler, Lisa Marie Presley (sy is die enigste kind van Elvis Presley en is ‘n paar dae na die geleentheid oorlede) en Baz Luhrmann

Dit was ’n baie emosionele aand met sterre wat nie graag die verhoog wou verlaat nie!

Michelle Yeoh, wat haar Globe vir Everything Everywhere All At Once gewen het, het grappenderwys die klaviermusiek uitgedaag met ’n “Bly stil, asseblief, ek kan jou behoorlik opdons” toe dit haar probeer stilmaak het. Jennifer Coolidge van The White Lotus was so snaaks dat die sterre haar staande toegejuig het.

Gewoonlik is die binnehof by die Golden Globes volgepak van bekende gesigte wat na peuselgoedjies en drankies soek, en om dele van die drie uur lange vertoning mis te loop om eerder te flikflooi. Die storm het vir ’n intieme gevoel binne die balsaal gesorg. Sterre het bly sit om na die hartroerende stories wat gedeel is, te luister. Dit het weer net bewys dat sterre net mense is: Dalk beter aangetrek, suksesvol en dikwels met bewonderaars omring, maar steeds mense met drome. Wanneer jou kuns ná jare se afsloof uiteindelik erkenning geniet, beteken dit baie en dit roer hulle – nes dit my of jou sou roer.

Lees ook: 2023 is beslis die jaar vir bobs – bepaal só of ń kort kapsel by jou sal pas!

The post Mode, sterre en die storm – Margaret Gardiner woon die Golden Globes by appeared first on rooi rose.

Deur Bea Lingenfelder en Susra Matthee

Hooffoto: Twitter @InStyle

Claire Foy

Ná haar vroulike geel Miu Miu-rok het sy op ’n meer klassieke uitrusting besluit. Die swart eenstuk het skerp skouerpunte en is afgerond met stene, wat steeds daardie vroulike element behou. Ons hou ook van haar minimalistiese bykomstighede.

Last night in Beverly Hills, actress Claire Foy wore a #BALMAINPF19 studded ensemble while attending the 76th Annual Golden Globes after-party. #BALMAINARMY pic.twitter.com/xUxsolOfpB

— Balmain (@Balmain) January 7, 2019

Emily Blunt

Die glanspaartjie Emily Blunt en John Krasinski laat ons weer in liefde en sprokies glo. Tekstuur was duidelik vanjaar Emily se gunsteling. Vir die partytjie ná die glansgeleentheid het sy ’n poeierpienk rok met valle gedra en John was in ’n bypassende vlootblou pak uitgevat. Praat van stylvol!

https://www.instagram.com/p/BsV4LZenZzq/

Sandra Oh

Dit is geen geheim dat die aktrise Sandra Oh harte by die Golden Globes gesteel het nie. Sy was ’n mede-aanbieder van die Golden Globes en het boonop die toekenning as Beste Aktrise vir haar rol in die TV-dramareeks Killing Eve inkatrol. Vir die aflooppartytjie het sy haar wit rok vir ’n lospassende eenstuk, tekkies en ’n blink nekstuk verruil. Ons is gaande oor haar diversiteit!

https://www.instagram.com/p/BsYzWtElxTa/

Jenna Dewan

Hoewel Jenna Dewan se uitrusting jou aan jou matriekafskeid kan laat dink, hou ons van hoe sy haar vietse lyf en kurwes op ’n subtiele manier vlei. Die elegante spleet skep lengte en die uitgesnyde deel beklemtoon haar middel vir daardie uurglas-figuur. Die eenvoudige styl is gemaklik genoeg om jou tot sonopkoms te laat dans, maar steeds elegant sodat jy met elke foto op jou beste kan lyk.

https://www.instagram.com/p/BsV4ZBMA5WH/

Rowan Blanchard

Rowan Blanchard se prettige uitrusting laat ons dink aan Rihanna wat destyds een van Rei Kawakubo se ontwerpe by ’n Met Gala-geleentheid vertoon het. Hoewel sommige modekritici dit as ’n “stort-pom-pom” beskryf, gee die silwer-en-pienk kombinasie ons ’n terugflits na die speelse tagtigerjare.

https://www.instagram.com/p/BsYnPFvhvQR/

The post Die partytjie ná die Golden Globes: 5 van ons bestes appeared first on rooi rose.

Die groot wenner van die aand was die musiekfliek La La Land. Die fliek het skoonskip gemaak en weggestap as die grootste wenner van die aand, nadat dit ál sewe toekennings ontvang het waarvoor dit genomineer was, onder andere die toekenning vir die beste musiek- of komediefliek asook vir beste aktrise en akteur (Ryan Gosling en Emma Stone).

LEES OOK: Ryan Gosling gesels oor La La Land

Emma Stone (La La Land)

Meryl Streep het die Cecil B. DeMille-toekenning vir haar uitstaande bydrae tot die vermaaklikheidsbedryf ontvang. Sy het tydens haar toespraak uitspraak gelewer oor hoe sy oor Donald Trump voel en sy het ook haar vriendin, die oorlede Princess Leah (Carrie Fisher), aangehaal: “Neem jou hartseer en omskep dit in kuns,” het sy gesê.

Nicole Kidman was genomineer vir beste ondersteunende aktrise in ’n fliek (Lion), maar Olivia Colman (The Night Manager) het uiteindelik met die prys weggestap.

Nicole Kidman en Keith Urban

Claire Foy, van die televisiereeks The Crown, het die toekenning vir beste aktrise in ’n dramareeks ontvang.

Claire Foy (The Crown)

Matt Damon en sy goeie vriend Ben Affleck het grapperig hul aanbiederspligte voltooi en kon later darem vir Ben se kleinboet, Casey Affleck, gelukwens met sy toekenning vir die beste akteur in ’n dramafliek (Manchester By The Sea).

Matt Damon en Hailee Steinfield

The Crown is bekroon as die beste dramareeks op televisie en Billy Bob Thornton is as beste akteur in hierdie kategorie aangewys.

Eddie Redmayne

Chris Hemsworth en Elsa Pataky

The post Margaret uit Hollywood: 74ste Golden Globes appeared first on rooi rose.

Wil jy soos ’n Hollywood-ster lyk? Die kenners verklap hoe jy dit kan regkry.

Kate Winslet

Kry so Kate se voorkoms met hierdie Lancôme-produkte:

Vel
’n Onderlaag wat hou – Lancôme Teint Idole Ultra 24hr (R499)
’n Verbloemer vir donker kringetjies is noodsaaklik – Lancôme Effacernes Longue Tenue (R599)
Gebruik ook ’n gesigpoeier – Lancôme Belle de Teint in Belle de Miel (04) (R599) om die grimering te set

Oë
Die perfekte bruin oogskadu – Lancôme Hypnôse Star Eyes Palette in Brun Adoré (R715)
Trek ’n lyn om oë te definieer – Lancôme Artliner in Noir (R370)
Volg dan met – Lancôme Hypnôse Doll Eyes Mascara (R420)
Vir sterk wenkbroue – Lancôme Brow Pencil in Brun (R360)

Lippe
Lancôme Rouge in Love in 240M (R325)

Cate Blanchett

Die beeldskone aktrise Cate Blanchett het stylvol gelyk in ’n ligte pienk en wit Givenchy-rok. Cate se hare is deur Robert Vetica vir ghd gedoen.

“Ons het probeer om Cate se hare glansend te laat lyk maar steeds modern” sê Robert.

Robert se wenke:

Ek het Cate se hare geblaas met die ghd Air Hairdryer (R1 599) terwyl ek haar hare deurgekam het met ’nghd Paddle Brush (R299). Ek het Cate se hare in 3 seksies verdeel en elke deel met die ghd Ceramic Vented Radial Brush Size 2 (R320) geblaas vir volume. Om daardie ongewenste kroes te vermy, het ek die nuwe ghd Platinum Styler (R2 899) gebruik, wat die hare boonop meer laat blink. Ek het ’n eenkantpaadjie gekam en ’n vlegsel aan die agterkant van Cate se kop gevleg, ons het een deel van haar hare nie by die vlegsel ingesluit nie. Toe die vlegsel klaar is het ek los stukkies hare met knippies vasgesteek. Gebruik ’n haarsproei om die voorkoms af te rond.

Kate Hudson

Die vriendelike blondine Kate Hudson se Michael Kors-rok het haar soos ’n handskoen gepas. Kate se hare is deur David Babai (handelsmerk-ambassadeur vir ghd) stileer.

David sê “’n Paar ikoniese films uit die 70’s en 80’s het hierdie styl geïnspireer, dit gee Kate ’n vars voorkoms, wat perfek pas by haar boho-sjiek styl.”

Ek het eers Kate se hare droog geblaas met die ghd Air Hairdryer (R1 599) en ’n ghd Vented Radial Brush Size 3 (R335) vir ektra tekstuur en beweging. Ek het toe die ghd Platinum Styler (R2 899) gebruik met kurwes aan die kante vir perfekte sagte krulle. Trek vinnig jou vingers deur die krulle om die lokke los en meer natuurlik te laat lyk, sê David.

Olivia Wilde

Olivia Wilde (Revlon se handelsmerk-ambassadeur), het smeulend gelyk in Michael Kors Collection.

Revlon vertel ons hoe ons Olivia se voorkoms met Revlon se produkte kan kry.

Vel
Vir ’n foutlose vel, gebruik Revlon ColorStay Foundation (R275)
Vir gesonde glans, wend die Revlon Powder Blush in Racy Roce (R209) aan die appels van jou wange.

Oë
Vir Olivia se sterk oog-grimering, gebruik die Revlon ColorStay 16 Hour Eye Shadow Quad in Decadent (R209), vee die boonste twee skakerings oor jou ooglid vir ’n goue ondertoon. Om die rokerige oog te kry, gebruik nou die onderste oogskadu oor die ooglid. Gebruik ’n grimeerkwassie om al die skakerings te “blend”. Gebruik nou die Revlon ColorStay Eyeliner in Charcoal (R169) en trek ’n streep aan die bo en onderkant van jou oe. Eindig met Revlon se Ultimate All In-One Mascara in Blackest Black (R159).

Lippe
Omdat daar reeds een fokuspunt op Olivia se gesig is (sterk rokerige oë), kies ons eerder ’n neutrale lip. GebruikRevlon Superlustrous Lipstick in Cappuccino (R145) en ’n lipglans bo-oor vir ’n ekstra bietjie glans – Revlon Lip Gloss in Super Natural (R145).

Eva Green

Een van die pragtige gesigte van L’Oréal Professionnel – Eva Green was genomineer vir die beste aktrise in ’n televisiereeks. Ons het veral van Eva se moderne lob (Lang Bob) gehou. Haarstilis aan die sterre, Adir Abergel, het natuurlik Eva se hare met L’Oréal Professionnel-produkte gestileer. Adir sê Eva se hare is deur Cindy Crawford se 90’s-haarstyl geïnspireer

Maak so om Eva se moderne lob te kry:

1. Wend eerstens L’Oréal Professionnel Dual Stylers Liss & Pump-up (R130) aan die wortels van jou hare vir ekstra bewegin en volume. Vir tekstuur wend L’Oréal Professionnel Tecni Art Crepage de Chignon (R310) aan van jou wortels tot punte van jou hare.
2. Gooi jou kop nou onderstebo en blaas droog, trek jou vingers deur vir ekstra volume. Gebruik dan ’n klein ronde borseltjie en blaas jou hare kant toe in ’n kantpaaidjie, maar los steeds genoeg volume op die wortels.
3. Gebruik nou ’n krultang en steek elke krulletjie vas bo-op jou kop totdat dit afkoel – hierdie sal verseker dat jou krulle langer hou. Haal dan die knippies uit en borsel saggies deur jou hare om daardie sagte golwende lokke te kry.
4. Wend laastens L’Oréal Professionnel Hollywood Waves Waves Fatales (R310) aan van jou wortels tot punte van jou hare. Set dan hierdie voorkoms met L’Oréal Professionnel Tecni Art Fix Design (R295)haarsproei om seker te maak jy lyk heel aand glansend!

The post #GoldenGlobes2016: ons gunstelinge appeared first on rooi rose.