Sam Smith: Aantreklik, plat op die aarde en uiters suksesvol!

Zoe Salzwedel — Wed, 10 Apr 2019 12:09:04 +0000

Sam Smith: Aantreklik, plat op die aarde en uiters suksesvol! deur Zoë Salzwedel. Hooffoto: Rexfeatures / Greatstock

Samuel Frederick Smith is op 19 Mei 1992 in London in Engeland gebore. Dié jong sanger en liedjieskrywer het op al 26 meer sukses behaal as die gewone jong man. Hy het immers reeds ’n duet gesing saam met die musieklegende Mary J. Blige, liedjies van gunstelingsangers soos Bruno Mars, Whitney Houston en Tracy Chapman gecover en spog met niks minder nie as 27 toekennings agter sy naam – waarvan vier Grammy-toekennings en een ’n Oscar-toekenning is. Sam het ook op 30 Oktober 2018 ’n groot verkoopsmylpaal bereik nadat sy albums saam meer as 20 miljoen verkope wêreldwyd oortref het – hy het dít bereik met slegs twee albums, In The Lonely Hour en The Thrill of It All.

View this post on Instagram

A post shared by Sam Smith (@samsmith) on Feb 29, 2016 at 8:13pm PST

Sy eerste album, In The Lonely Hour, is in op 26 Mei 2014 deur Capitol Records vrygestel en het binne slegs weke eerste gelê op die UK Albums Chart en nommer 2 op Billboard 200 bereik.

In Desember 2014 is hy genomineer vir ses Grammy-toekennings en by die 57th Annual Grammy Awards op 8 Februarie 2015 het hy vier daarvan gewen – Beste Nuweling, Album Van Die Jaar, Beste Pop-album en Liedjie Van Die Jaar.

Slaan ’n paar jaar oor tot by November 2017 en Sam stel sy tweede topverkoper-album, The Thrill of It All, vry. Dié keer debuteer die album heel bo aan die UK Albums Chart én Billboard 200 en word dit sy eerste nommer-een-album in die VSA. Op 20 Maart 2018 het Sam met sy Thrill of It All-toer begin wat lande soos Europa, Noord-Amerika, Asië, Nieu-Seeland, Australië en Suid-Afrika besoek.

Sam tree op 13 en 14 April by die Coca Cola Dome in Johannesburg op, waarna hy Kaapstad besoek vir sy optredes op 16, 17 en 18 April by die Grand Arena.

Ter voorbereiding vir sy besoek aan Suid-Afrika die maand het ons besluit om ’n paar interessante feite van hom te gaan opsoek, en hier is 11 dinge wat jy dalk nie van Sam Smith geweet het nie:

1. Hy het wêreldwyd miljoene luisteraars

Sam Smith het wêreldwyd meer as 39 miljoen luisteraars op Spotify.

2. Stay with me het miljoene views op YouTube

Sy gewilde liedjie “Stay With Me” het reeds meer as 973 miljoen views op YouTube en is meer as 921 miljoen keer op Spotify geluister.

3. Hy het ’n bekende familie

Hy is die derde neef van die Engelse sanger Lily Allen en haar broer, Alfie Allen, wat die rol van Theon Greyjoy in die gewilde HBO-reeks Game Of Thrones speel.

Lees ook: Game of Thrones 101: Alles wat jy moet weet voordat seisoen 8 begin

4. Hy gesels graag oor hierdie persoonlike saak op twitter

Sam ly aan OCD (obsessiewe kompulsiewe versteuring) en bespreek gereeld sy stryd daarteen op twitter.

5. Een van sy liedjies is al in Grey’s Anatomy gebruik

Sy noemenswaardige Whitney Houston cover van “How Will I Know” was eerste op Grey’s Anatomy gehoor.

6. Voordat hy bekend geraak het, het hy …

Voordat hy internasionale sukses bereik het, het Sam in ’n kroeg in London gewerk en toilette skoongemaak. Hy het voltyds Maandae tot Sondae gewerk en het nie eers genoeg geld gemaak om vir openbare vervoer te betaal nie.

7. Hy kry inspirasie vir sy albums uit dinge wat in sy eie lewe gebeur

Sam Smith se inspirasie vir sy eerste album, In The Lonely Hour, was ’n ou op wie hy verlief geraak het, maar nie dieselfde oor hom gevoel het nie.

8. Hy omring homself met sterk vroue

Hy beskou homself as ’n feminis! Omdat hy grootgemaak is deur ’n sterk makelaar vir ’n ma en ’n tuisbly-pa beskou hy homself as ’n feminis. Hy was voordurend omring deur sterk vroue wat sy vooruitsigte en denkwyse gevorm het.

Sy musikale ikone is meestal vroue, en sy gunstelinge is onder andere Whitney Houston, Beyoncé en Etta James.

View this post on Instagram

A post shared by Sam Smith (@samsmith) on Aug 29, 2018 at 11:14am PDT

9. Sy gunstelingreeks is …

Hy is behep met die Amerikaanse sitkom “Modern Family” en beskryf Eric Stonestreet – wat die rol van Cameron Tucker speel – as “die beste ding wat hy ooit in sy hele lewe gesien het.”

View this post on Instagram

Just got emailed a personal message from my favourite person in the world @ericstonestreet

A post shared by Sam Smith (@samsmith) on Jun 24, 2014 at 6:41am PD

10. Sam is ’n opgeleide jazz-sanger

Sy ouers het hom op die ouderdom van 8 jaar in formele stemopleiding by ’n plaaslike jazz-sanger, Joanna Eden, geplaas nadat hulle hom een oggend hoor saamsing het met Whitney Houston se “Your Love Is My Love”.

11. Hy het al twee Guinness World Records gebreek!

Hy het ook in Oktober 2015 twee Guinness World Records in die kwessie van ’n maand behaal. Die eerste een was vir sy opname van die eerste James Bond-temalied “Writing’s on the Wall” wat nommereenstatus in die Verenigde Koninkryk behaal het. En die tweede rekord is behaal nadat sy debuutalbum, In The Lonely Hour, die rekord gebreek het vir die “Most Consecutive Weeks” in die UK Top 10 Album Charts vir ’n verstommende 69 opeenvolgende weke.

The post Sam Smith: Aantreklik, plat op die aarde en uiters suksesvol! appeared first on rooi rose.

Suid-Afrikaanse fluitspeler wen ’n Grammy

Rooi Rose — Tue, 10 Feb 2015 07:02:00 +0000

Wouter het weggestap met die prys in die kategorie ‘Best New Age Album’ vir sy album ‘Winds of Samsara’.

Ander Suid-Afrikaanse kunstenaars wat vantevore Grammy-toekennings gewen het, sluit in Miriam Makeba en Ladysmith Black Mambazo.

Wouter het sy debuutalbum ‘Colour’ in 2008 vrygestel en vandaaraf bewys hy is een van Suid-Afrika se beste musikante. Hy het by die 2010 FIFA Sokker-Wêreldbekertoernooi se sluitingseremonie opgetree, en in 2011 het hy ’n SAMA (South African Music-toekenning) vir sy album ‘Two Voices’ gewen.

‘Winds of Samsara’ (die album wat hom vanjaar ’n Grammy laat losslaan het), is ook vir twee HMM-toekennings (Hollywood in Media Awards) genomineer, dit was nommer 1 op Amerika se ’New Age Billboard’-grafiek, en was bo-aan die ‘Radio Airplay Charts’ in Julie 2014.

Hier is ’n video van ‘Madiba’, opgeneem deur Wouter Kellerman en Ricky Kej.

The post Suid-Afrikaanse fluitspeler wen ’n Grammy appeared first on rooi rose.

Grammy-toekennings 2015

Rooi Rose — Mon, 09 Feb 2015 09:34:00 +0000

Die groot wenners was:

Liedjie van die jaar
Sam Smith – “Stay With Me (Darkchild Version)”

Album van die jaar
Beck – Morning Phase

Beste nuweling
Sam Smith

Beste Pop-duet/groep
A Great Big World en Christina Aguilera – “Say Something”

Beste Tradisionele Pop Album
Tony Bennett & Lady Gaga – Cheek To Cheek

Beste Pop Solo-opvoering
Pharrell Williams – “Happy”

Beste Pop Album
Sam Smith – In The Lonely Hour

The post Grammy-toekennings 2015 appeared first on rooi rose.

grammy toekennings | rooi rose