Genoeg vir 6

Bestanddele

• 6 perskes, middeldeur gesny, pitte uitgehaal
• 30 ml (2 e) versuikerde gemmer in stroop, gekap
• 45 g botter, gesmelt
• 80 ml (⅓ k) esdoring- of gouestroop
• 250 g aarbeie
• 375 ml (1½ k) hawermout
• 30 g (½ k) gevlokte amandels
• 50 g (½ k) pekanneute
• 100 g pistasieneute
• 20 g pampoensaad
• 20 g gevlokte klapper
• 45 ml (3 e) giers (millet)
• 45 ml (3 e) bokwiet (buckwheat)
• 10 ml (2 t) fyn kaneel
• 5 ml (1 t) fyn gemmer

Metode

Voorverhit die oond tot 180 °C.

1. Voer ’n middelslag-bakplaat met bakpapier uit.
2. Meng die gemmer, botter en esdoring-stroop in ’n bakkie. Hou eenkant.
3. Meng ’n ¼ van die bottermengsel saam met die perskes in ’n mengbak.
4. Skep die perskes op die voorbereide bakplaat en bak vir 15 min.
5. Voeg die aarbeie by die perskes en bak vir nog 10 min.
6. Krummellaag: Meng die hawermout, amandels, pekan-en pistasieneute, pampoensaad, klapper, giers, kaneel, bokwiet en gemmer in ’n mengbak.
7. Voeg die oorblywende bottermengsel by en meng deur.
8. Gooi die krummellaag oor die perskes en aarbeie.
9. Bak vir nog 10-15 min. of tot goudkleurig. Sit met mascarpone-room voor.

The post Perske-en-bessie-krummel appeared first on rooi rose.

5 lekker hoemoes-resepte

Hoenderslaai met avokadohoemoes en krakerige antieke grane (klik hier vir die resep)

Dadel-en-graan-beskuitjies met botterskorsie-hoemoes (klik hier vir die resep)

Harissa & hoemoes (klik hier vir die resep)

Geroosterde lamsnek met hoemoessous (klik hier vir die resep)

Mediterreense lamsburgers (klik hier vir die resep)

The post 5 lekker hoemoes-resepte appeared first on rooi rose.

The post Luukse sampioen-en-gort-risotto appeared first on rooi rose.

Genoeg vir 4

Avokadohoemoes
• hand vol kruisement
• 50 g babaspinasie
• 5 ml (1 t) komynsaad, liggies gerooster en gemaal
• 2,5 ml (½ t) gerookte paprika
• 1 knoffelhuisie, fyn gekap
• 45 ml (3 e) suurlemoensap
• 1 x 400 g-blikkie kekerertjies, gedreineer
• 1 avokado, geskil
• 15 ml (1 e) tahini
• sout en swartpeper

1 Bring ’n kastrol met water tot kookpunt.
2 Dompel die kruisement en spinasie vir 15-30 sek. in die kookwater. Dreineer en laat lê vir 1 min. in yswater.
3 Druk al die vloeistof uit en hou eenkant.
4 Meng die kruisement, spinasie, komyn, paprika, knoffelhuisie, suurlemoensap, kekerertjies, avokado en tahini in ’n voedselverwerker tot glad.
5 Geur met sout.

Krakerige antieke grane

• Meng 125 ml (½ k) heel bokwiet, 125 ml (½ k) heel gars, 125 ml (½ k) okkerneute, 125 ml (½ k) pampoensaad, 30 ml (2 e) heuning, 30 ml (2 e) olyfolie, 2,5 ml (½ t) komynsaad, liggies gerooster, 2,5 ml (½ t) gerookte paprika en 1 fyn gekapte knoffelhuisie.
• Verhit die oond tot 180 °C. Voer ’n bakplaat met bakpapier uit. Versprei die mengsel eweredig oor die bakplaat. Bak vir 30-35 min. of tot goudkleurig en krakerig.

LEES OOK: Beet-falafels met platbrode van antieke grane

LEES OOK: Dadel-en-graan-beskuitjies met botterskorsie-hoemoes

Slaai
• 4 hoenderborsies (sonder vel en been), oopgevlek
• 45 ml (3 e) olyfolie
• gerasperde skil van 1 suurlemoen
• 1 knoffelhuisie, gekap
• 10 ml (2 t) heuning
• 250 g kersietamaties
• 4 eiers, sag gekook, afgedop en middeldeur gesny (ons het die eiers vir 4 min. in borrelende water gekook).

1 Verhit die oond tot 200 °C.
2 Sit die hoenderborsies in ’n mengbak met 30 ml van die olyfolie, suurlemoenskil, knoffel en heuning. Marineer vir 30 min.
3 Verhit ’n riffelpan oor matige hitte. Braai die hoender vir 5 min. aan elke kant of totdat riffelmerke verskyn. Geur met sout.
4 Sit die hoenderborsies en kersietamaties op ’n oondpan. Sprinkel die oorblywende olyfolie oor.
5 Rooster vir 15-20 min. of totdat die vleis gaar en die tamaties liggies gerooster is.
6 Sny die hoender in dun repies. Pak die slaai in bakkies uit met die avokadohoemoes, avokado, hoenderrepies, kersietamaties, eier en krakerige grane.

The post Hoenderslaai met avokadohoemoes en krakerige antieke grane appeared first on rooi rose.

Genoeg vir 6

Brood
• 160 g speltmeel + ekstra vir uitrol
• 60 g tefmeel
• 60 g giers (millet)
• 15 ml (1 e) bakpoeier
• 10 ml (2 t) sout
• 360 ml Griekse jogurt
• 5 ml (1 t) fyn komyn
• 30 ml (2 e) olyfolie

Falafel
• 125 ml (½ k) beet, gekook
• 125 g kekerertjies
• 50 g feta, gekrummel
• 30 ml (2 e) kruisement, gekap
• 1 groen brandrissie, gekap
• 1 eier
• 60 ml (¼ k) tefgraan
• 15 ml (1 e) sesamsaad
• 60 ml (¼ k) bokwiet (buckwheat)
• sout en swartpeper
• olyfolie vir vlakbraai

Brood
1 Meng al die bestanddele behalwe die olyfolie in ’n mengbak tot ’n deeg vorm. Knie vir ’n minuut. Bedek met kleefplastiek en laat in die yskas rus.
2 Verdeel die deeg in 6 bolletjies en rol op ’n skoon werkvlak uit wat liggies met spelt bestuif is.
3 Verhit die olyfolie in ’n gietysterpan oor hoë hitte en braai die platbrood vir sowat 2 min. aan elke kant daarin, of tot goudkleurig en gaar.

Falafel
4 Voer ’n bakplaat met bakpapier uit. Verwerk die beet, kekerertjies, feta, kruisement, brandrissie, eier en tefgraan in ’n voedselverwerker tot glad en goed gemeng.
5 Meng die sesamsaad en bokwiet by en geur met sout en swartpeper.
6 Vorm eetlepels van die mengsel in 25 g-bolletjies en druk effens platter met die hand. Pak op die bakplaat en sit vir 30 min. in die yskas
7 Voorverhit die oond tot 180 °C. Bak die falafels vir 20 min. tot gaar.
8 Sit saam met tzatziki en platbrode voor.

The post Beet-falafels met platbrode van antieke grane appeared first on rooi rose.

Genoeg vir 10

Beskuitjies
• 6 dadels, ontpit en fyn gekap
• 75 g sonneblomsaad
• 50 g tefgraan
• 50 g hempsaad
• 50 g pampoensaad
• 135 g hawermout
• 40 g psilliumvesel
• 5 ml (1 t) sout
• 50 g klapperolie
• 250 ml (1 k) water

Hoemoes
• 30 g hempsaad, fyn gemaal
• 1 ml (¼ t) kaneel
• 2,5 ml (½ t) komyn
• 1 ml (¼ t) gerookte paprika
• 2 knoffelhuisies, fyn gekap
• 200 g botterskorsie, geskil en gerooster
• 1 x 400 g-blik kekerertjies, gedreineer
• 30 ml (2 e) water
• 80 g tahini
• 60 ml (¼ k) olyfolie

Beskuitjies
Voorverhit die oond tot 160 °C.
1 Verwerk die dadels, sonneblomsaad, tefgraan, hemp- en pampoensaad, hawermout, psilliumvesel, sout en klapperolie in ’n voedselverwerker tot goed gemeng.
2 Skep in ’n groot mengbak, voeg die water by en laat staan vir sowat 15 min. tot al die water geabsorbeer is.
3 Druk die deeg met jou hande bymekaar en rol tussen twee stukke bakpapier uit tot sowat 1 cm dik.
4 Trek die boonste laag bakpapier af en tel die deeg met die bakpapier en al op en sit op die bakplaat. Bak vir 30-35 min. of tot goudkleurig en krakerig.

Hoemoes
5 Verwerk die speserye, knoffelhuisies, botterskorsie, kekerertjies, water en tahini in ’n voedselverwerker tot glad. Hou die olyfolie ’n entjie bo die verwerker en voeg stadig by.
6 Skakel die masjien af en geur met sout en swartpeper.
7 Breek die saadbeskuitjies in stukke en sit met die hoemoes voor.

The post Dadel-en-graan-beskuitjies met botterskorsie-hoemoes appeared first on rooi rose.

Genoeg vir 6

• 1 kg hoenderdytjies, sonder vel en been.
• 15 ml (1 e) heuning
• 7,5 ml (1½ t) paprika
• 45 ml (2 e) olyfolie
• sout en swartpeper
• 1 groen brandrissie, fyn gekap
• 75 g grondboontjies, liggies gerooster
• 30 ml (1 e) soetrissiesous
• 250 ml (1 k) klapperroom
• 60 ml (¼ k) sojasous
• 30 ml (2 e) grondboontjiebotter
• 10 ml (2 t) hempsaad

1 Sit die hoenderdytjies in ’n middelslag-mengbak, geur met sout en swartpeper, voeg die heuning, paprika en 30 ml olyfolie by en sit vir 30 min. eenkant.
2 Meng die oorblywende 15 ml olyfolie en brandrissie in ’n klein bakkie.
3 Verhit die grondboontjies, soetrissiesous, klapperroom, sojasous, grondboontjiebotter en hempsaad in ’n kastrol oor matige hitte tot kookpunt. Haal af en hou eenkant.
4 Ryg die hoender op 6 sosatiestokke en braai vir 10 min. of tot goudbruin in ’n riffelpan oor hoë hitte.
5 Smeer die hoenderye met die groen brandrissie-olie en braai vir nog 2 min. aan elke kant of tot gaar.
6 Sit die hoendersosaties met die grond-boontjiesous en die antieke graanslaai voor.

Antieke graanslaai

Genoeg vir 6-8

Hierdie slaai is supervoedsaam! Ons het oulike botterskorsienoedels te koop gekry en dit sommer ook by die slaai gevoeg.

• 500 g botterskorsie, in blokkies gesny
• 2 geel soetrissies, middeldeur gesny en ontpit
• 30 ml (2 e) olyfolie
• sout en swartpeper
• 250 g babawortels
• 2 mielies, pitte van die stronk afgesny
• 100 g freekeh, (kook vir 40-45 min. in 3 koppies gesoute water)
• 100 g bulgur (laat die bulgur vir 30 min. in 1 koppie gesoute kookwater week)
• 100 g pêrelspelt (kook vir 40-45 min. in 3 koppies gesoute water)
• 100 g quinoa, (kook vir 15-20 min. in 1 koppie gesoute water)
• 5 sprietuie, fyn gesny
• hand vol basiliekruid
• hand vol kruisement
• hand vol koljander
• 1 rooi ui, fyn gekap

Slaaisous
60 ml (¼ k) witwynasyn
30 ml (2 e) korrelmosterd
5 ml (1 t) heuning
3 knoffelhuisies, gekap
250 ml (1 k) olyfolie

Meng al die bestanddele en geur met sout en swartpeper

Voorverhit die oond tot 200 °C.
1 Sit die botterskorsie en geel rissie op ’n oondpan, sprinkel 15 ml olyfolie oor en geur met sout en swart peper.
2 Bak vir 20 min.
3 Sit die babawortels en mieliepitte by, skep die oorblywende olyfolie oor en bak vir nog 15 – 20 min. Haal uit.
4 Meng die geroosterde groentes, freekeh, bulgur, pêrelspelt, quinoa, sprietuie, basiliekruid, kruisement, koljander en ui in ’n groot mengbak.

The post Hoendersosaties met grondboontjiesous & antieke graanslaai appeared first on rooi rose.

The post Koringslaai met mango en lemoen appeared first on rooi rose.