Genoeg vir 4

Bestanddele

• 1 (750 g) varkfilet
• 30 ml (2 e) kerriepoeier
• 30 ml (2 e) olie
• 1 appel, in dun skyfies gesny
• 2 stingels seldery, oorlangs in skyfies gesny
• 2 komkommers, in dun sirkels gesny
• 6 sprietuie, oorlangs gesny
• ’n hand vol pietersielie
• 1 avokado, in dun skyfies gesny
• 50 g kasjoeneute, gerooster

Jogurtslaaisous

• 60 ml (¼ k) basiese slaaisous
• 200 ml ongegeurde jogurt
• sout en gemaalde swartpeper
• 1 knoffelhuisie, fyn gekap

1. Meng alles en sit voor met die slaai.

Metode

1. Voorverhit die oond tot 200 °C.
2. Smeer die varkfilet met kerriepoeier en geur met sout en peper. Verhit die olie in ’n pan en braai die filet vir 5-7 min. aan alle kante tot goudbruin.
3. Rooster die vleis vir 10 min. tot gaar, maar nog sappig. Laat vir 5 min. rus.
4. Meng die appel, seldery, komkommer, sprietuie, pietersielie, avokado en kasjoeneute. Sny die filet in dun skywe en meng met die res van die slaai.

The post Groenslaai met varkfilet appeared first on rooi rose.

Verskeidenheid, verskeidenheid, verskeidenheid!

Wanneer jy jou somergroente saamgooi, is verskeidenheid van die uiterse belang.

· Verskeie teksture: Maak seker jy voeg iets krakerigs by jou slaai. Dit sal elke happie tekstuur gee.

· Verskeie geure: Dink aan ’n verskeidenheid van geure, soos soet, sout, umami, bitter en branderig.

· Verskeie kleure: Wanneer jy na jou slaai kyk, moet jy ’n verskeidenheid van verskillende kleure groentes met ’n groot verskeidenheid voedingstowwe sien.

Wanneer jy verskeidenheid in jou slaaie wil skep, is plaaslike boeremarkte ’n goeie plek om te begin. Verskeidenheid is gewaarborg, want boere verkoop slegs vars produkte wat tans in seisoen is. Seisoenale vrugte en groente het meer voedingstowwe en gewoonlik ook meer smaak!

Raak kreatief!

Die volgende stap is om buite die boks te dink.

Onthou: Slaai hoef nie altyd net met rou groente gemaak te word nie. As jy iemand is wat kookkos verkies, kan jy ’n paar verskillende tipes gekookte groenteslaaie maak. Of jy kan ’n mengsel van gekookte en rou groente in jou slaai gebruik.

Wanneer jy met nuwe slaaiskeppings vorendag kom, help dit dalk om aan drie afsonderlike kategorieë vir slaai te dink:

Vars – Jy maak ’n vars slaai wanneer jy vars groente vat en dit in lae op mekaar sit. Baie mense vergeet om iets krakerigs (soos neute, sade of krakerige groente) en ’n verskeidenheid van geure (soet, suur, sout en umami) by te voeg.

Gekook – As jy ’n gekookte slaai wil maak, rooster of stoom jy ’n verskeidenheid van groentes en voeg iets soos sade, neute, souse, boontjies, kaas of gedroogde vrugte bo-op. Oorweeg die volgende groentes vir jou gekookte slaai: eiervrug, soetrissies, murgpampoentjies, sampioene, aspersies, soetpatat, botterskorsie, broccoli, Brusselse spruite of blomkool by.

Voorafgemaakte slaaie: Voorafgemaakte slaai is soortgelyk aan die slaai wat jy in die deli by jou plaaslike, gesonde koswinkel sal kry. Die lekker ding van hierdie slaai is dat jy baie aan die begin van die week kan maak en dit dan saam met blaargroentes of in ’n bak bo-op bruin rys en quinoa kan bedien.

Slaai in ’n fles – Hierdie metode is nie net vir Pinterest-foto’s bedoel nie. Dit kan baie eenvoudig wees en jy kan dit by die huis maak. Gebruik verskillende houers vir jou slaaie vir ’n bietjie verandering.

Onthou om die slaai laag vir laag te pak met die swaarder bestanddele onder en die ligter bestanddele bo, byvoorbeeld kekerertjies, quinoa of amandels sal onder wees, en spinasie, spruite of radyse is bo-op.

Laat waai!

Soos jy kan sien, is daar baie opsies wanneer jy ’n slaai wil maak. Nou is dit jou beurt om tot aksie oor te gaan. Gebruik die riglyne hier bo en maak ’n nota van drie nuwe slaairesepte wat jy nog nooit voorheen gemaak het nie. Plaas die bestanddele op jou inkopielysie van een van die slaaie wat jy hierdie week wil maak. Doen dieselfde vir die volgende paar weke en veral wanneer jy mense onthaal. Dit sal vir seker ieder en elk van jou gaste beïndruk.

As jy sukkel om ’n nuwe slaairesep te skep, kyk hier na ’n paar van die Radisson Hotel Group South Africa se slaairesepte om jou aan die gang te kry.

Lees ook: Wenke vir die perfekte kaasbord

The post Die geheim van die perfekte somerslaai appeared first on rooi rose.

Alida Ryder se bekende blog, Simply Delicious, is een van my gunsteling-kosblogs. Haar boek, Heerlik en Maklik: Hartskos is ook ’n staatmaker in my kombuis.

“My ma was nie baie lief vir kos maak nie, maar so nou en dan wou sy ons bederf en het dan vir ons dié steaks gemaak. Sy het vroegmiddag al begin om die steak plat te slaan en dit was altyd so lekker om by die kombuistafel te sit en toe te kyk hoe sy die steaks vinnig in die meel, eier en dan weer in meel druk voor hulle in die warm vet gebraai word. Wanneer ek na haar verlang, is dit steeds die gereg wat ek die graagste maak.”

My ma se brosgebraaide lendeskyf

Genoeg vir 4

• 4 lendeskywe (sirloin steaks)
• 500 ml (2 k) meel, met sout en peper gegeur
• 2 eiers, geklits
• olie vir braai
• suurlemoenskyfies
• groenslaai om mee te bedien

1 Slaan die steak met ’n vleishamer plat. Voorverhit 60 ml olie in ’n groot pan oor hoë hitte.
2 Druk die steaks eers in die gegeurde meel, dan in die eier en dan weer in die meel.
3 Braai tot goudbruin en gaar.
4 Sit op kombuispapier om die oortollige olie te absorbeer en sit dadelik voor met romerige kapokaartappels of bros gebraaide skyfies en ’n groenslaai.

Lees ook: RESEP: Armand Aucamp se witvis met vanieljesous van Tahiti

The post Brosgebraaide lendeskyf appeared first on rooi rose.

The post Kruie-omelet met krakerige groenslaaivulsel appeared first on rooi rose.

The post Gebraaide kruisskyf met cannelini-boontjiepuree & groenslaai appeared first on rooi rose.