Heerlike groentekoek

Rooi Rose — Mon, 30 Oct 2023 10:01:00 +0000

Heerlike groentekoek

Serves: Genoeg vir 6 klein stapelkoekies Nutrition facts: 200 calories 20 grams fat

Ingredients

125 g beet, geskil en grof gerasper
125 g murgpampoentjies, grof gerasper
250 g wortels, grof gerasper
1 x 200 g-blik pynappelstukke, gedreineer
3 groot eiers
80 ml (3⁄4 k) karringmelk
500 ml (2 k) suiker
375 ml (1½ k) olie
5 ml (1 t) vanieljegeursel
200 g makadamianeute, liggies gerooster en liggies gekap
750 ml (3 k) koekmeel
5 ml (1 t) koeksoda
10 ml (2 t) bakpoeier
5 ml (1 t) sout
5 ml (1 t) kaneel
2,5 ml (½ t) gemmer
’n knypie fyn naeltjies
Roomkaas-versiersel
2 x 230 g-houers volroomroomkaas
180 g versiersuiker, gesif
60 ml (¼ k) heuning
60 ml (¼ k) botter 30 ml (2 e) lemoensap
’n hand vol jong tuinworteltjies, geskil (vir die karamelwortels bo-op)

Instructions

Voorverhit die oond tot 160 °C.
1 Voer twee 22 cm x 33 cm-rolkoekpanne met bakpapier uit. Meng die beet, murgpampoentjie, wortel, pynappel, eiers, karringmelk, suiker, olie, vanielje en neute goed in ’n groot mengbak.
2 Sif die meel, koeksoda, bakpoeier, sout, kaneel, gemmer en naeltjies saam.
3 Roer by die nat bestanddele in.
4 Verdeel die beslag in die voorbereide panne.
5 Bak vir 20 min. tot goudbruin, of tot ’n toetspen wat in die middel ingedruk word, skoon uitkom.
6 Laat die koek vir 10 min. in die pan afkoel.
7 Sny met ’n ronde koekiedrukker (deursnee van 10 cm) sirkels uit die koeke.

Versiersel
8 Meng die roomkaas liggies en voeg die versiersuiker by.
9 Roer vinnig deur maar moenie te veel meng nie.
10 Hou in die yskas tot die koek heeltemal afgekoel het.
11 Smeer ’n lagie versiersel op elke koeksirkel en stapel 4 sirkels opmekaar.

Karamelwortels
12 Smelt die botter en heuning in ’n middelslagpan en gooi die worteltjies en sap by.
13 Kook liggies tot dit begin karamelliseer en blink is.

The post Heerlike groentekoek appeared first on rooi rose.

groentekoek | rooi rose

Heerlike groentekoek