grondboontjies | rooi rose

Grondboontjiebotter-brood-en-botter-poeding

Rooi Rose — Thu, 22 May 2025 12:52:27 +0000

Genoeg vir 6.

Bestanddele

10 snye witbrood
80 ml grondboontjiebotter
80 ml marmelade
80 ml sagte botter
375 ml melk
500 ml room
60 ml strooisuiker
5 ml vanielje-ekstrak
4 eiers
60 ml ligte bruinsuiker

Metode

Voorverhit die oond tot 180 °C en spuit ’n 2 liter-oondbak met kleefwerende kossproei.

Smeer 5 snye brood aan die een kant dik met grondboontjiebotter en die ander 5 snye aan die een kant dik met marmelade. Plak ’n sny met marmelade bo-op ’n ander een met grondboontjiebotter sodat jy altesame vyf toebroodjies het.
Smeer elke toebroodjie aan albei kante met botter, sny in drie vingers en daarna middeldeur sodat jy 6 reghoekige blokkies het.
Pak die blokkies met die kante effens oorvleuelend in die oondvaste bak.
Meng die melk, room, suiker, vanielje en eiers en gooi oor die snye brood. Laat staan vir 10 min. Sprinkel die suiker oor en bak vir 35-40 min. of tot die vla dik en goudbruin is.

The post Grondboontjiebotter-brood-en-botter-poeding appeared first on rooi rose.

Chinese roerbraai

Rooi Rose — Mon, 05 Feb 2024 08:29:52 +0000

Chinese roerbraai

Serves: 4 Nutrition facts: 200 calories 20 grams fat

Ingredients

15 ml fyn gekapte knoffel
15 ml fyn gerasperde gemmer
15 ml gekapte brandrissie
30 ml olyfolie
½ van ’n klein rooi kool en ½ van ’n klein groen kool
3 wortels, in dun repies gesny
200 g oorskiethoender
45 ml blatjang
15 ml heuning
30 ml sojasous
30 ml sesamolie
250 ml (1 k) gaar rys
30 ml sesamsaadjies, gerooster
60 ml rou grondboontjies, gekap
’n hand vol vars koljanderblare, gekap
3 sprietuie, oorlangs in skywe gesny

Instructions

1 Verhit ’n middelslagpan of wok oor matige hoë hitte. Braai die knoffel, gemmer en brandrissie liggies in die olyfolie, voeg die kool en wortel by en roerbraai vir 3 min.
2 Voeg die hoender, blatjang, heuning, sojasous en sesamolie by, roer deur en braai vir 2 min.
3 Roer die rys, sesamsaad, grondboontjies, koljanderblare en sprietuie by en roer deur.
4 Braai tot deurwarm en sit voor met ’n ekstra strooisel sesamsaad en sprietuie bo-op.

The post Chinese roerbraai appeared first on rooi rose.

Gereelde vergryp

Rooi Rose — Wed, 07 Jan 2015 04:00:00 +0000

Watter produk in vaste, vloeibare of poeiervorm laat jou sê: “Nog net enetjie?”

Vir my is dit grondboontjies. Ek sê dit met huiwering, want in gekunstelde kringe beteken hierdie bekentenis tien teen een sosiale selfmoord. ‘n Grondboontjiefiksasie is allesbehalwe gesofistikeerd, vroulik of verfynd.

Dit is egter nou eenmaal die geval: ek dood oor peanuts. Van rou grondboontjies tot die pub-variasie wat jou vingers heerlik botterig laat, van katjiebotter tot krakerige grondboontjietameletjie. Ek onthou hoe my pa, wanneer ons in die Pietersburg van my kleintyd by die Astra gaan fliek het, gou oor die straat sou hardloop om ’n bruinpapiersakkie vol peanut clusters by die Griekse kafee te gaan koop. Lekkerder as enigiets wat uit vandag se fênsie lekkergoed-emporiums kom.

Ek kan nie verstaan dat mense met minagting na grondboontjies verwys nie. Hulle bevat meer proteïn as enige neut! Hoekom verdien mense “peanuts” wanneer hulle voel hulle werk min of meer verniet? Ek het my wel daarin verkneukel toe ‘n knap vriendin wat ‘n blogger met ‘n internasionale gehoor is en vir haar skrywes vergoed word, onlangs grap dat sy nou haar peanuts in dollars verdien.

Soos baie kwessies (en mense) wat gering geskat word, neem grondboontjies partykeer wraak. Ek weet nie of dit waar is nie, maar ek het al gelees dat dit vir sekere mense met ‘n grondboonallergie fataal kan wees as hulle iemand soen met grondboonspore in sy mond. Mm, dié situasie kan moontlik nuwe lewe in die Romeo en Juliet-intrige blaas.

Die nederige grondboontjie sou ‘n paar spreekwyses kon opkikker. Wat van: “Ek het vanoggend my grondboontjies verloor en nou gee ek nie meer ’n grondboontjie om nie. As hy weer met my sukkel, gaan ek sê hy kan in sy grondboontjies gaan verst… gaan grondboontjies eet.”

So ja. Blog afgehandel. En ek weet wat in die koskas vir my wag.

The post Gereelde vergryp appeared first on rooi rose.

Thai pesto

Rooi Rose — Tue, 21 Oct 2008 12:47:00 +0000

Thai pesto

Instructions

Vir die Thai-pesto: Rooster die grondboontjies in ’n middelslag-pan oor matige hitte tot goudbruin.
Verwerk die grondboontjies saam met die res van die bestanddele in ’n voedselverwerker tot glad.
Giet die sous oor die slaai en sit voor.

The post Thai pesto appeared first on rooi rose.

Geurige rysnoedels

Rooi Rose — Tue, 21 Oct 2008 12:23:00 +0000

Geurige rysnoedels

Serves: 6 Cooking Time: 15 minute 15 minute Nutrition facts: 200 calories 20 grams fat

Ingredients

200 g (1 pak) rysnoedels
60 ml (¼ k) grondboontjieolie
125 ml (½ k) Thai-pesto
’n hand vol koljanderblare
’n hand vol balsemkruidblare
’n halwe komkommer, saadjies verwyder en oorlangs
in dun skyfies gesny
60 ml (¼ k) sesamsaad

Instructions

Giet warm water oor die noedels, bedek en laat vir 15 min. staan of tot die noedels sag is. Dreineer.
Verhit die grondboontjieolie in ’n braaipan of wok oor hoë hitte. Voeg die noedels by en roerbraai tot die noedels deurwarm is.
Meng die Thai-pesto deeglik deur.
Voeg die koljander- en balsemkruidblare by, haal van die stoof af.
Meng laastens die komkommer en sesamsaad goed deur. Sit in ’n opskepbak voor sodat die gaste van die ander bestanddele, soos die geskroeide biefstuk, neute en klapper na smaak kan byvoeg. Of dalk wil hulle eerder van die heerlike garnale in klappermelk saam met die noedels eet.

The post Geurige rysnoedels appeared first on rooi rose.