Deur Karlien Meiring. 

Meer as 100 000 follikels bestaan op die kopvel, saam met sweet en talgkliere wat daagliks olie en sebum afskei – en dit alles kan vasgevang word op die hare met daaglikse borsel, sê Penny James, gesertifiseerde tricholoog en stigter van die internasionale Penny James salon.

As jy soms droë sjampoe, jel of haarsproei gebruik, gaan jou borsels dit versamel. Daardie produkopbou, hare en dooie velselle van jou kopvel beland dan in wese terug in jou hare en op jou kopvel as jy nie jou kamme en borsels gereeld skoonmaak nie.

Lees ook: Haarstyle vir fyn hare

Om jou haarborsels behoorlik te week en te was, is belangrik om dit in stand the hou en hul lewensduur te verleng.

Hier is ‘n paar stappe om te volg om jou haarborsels behoorlik te was:

1. Verwyder enige hare in jou haarborsel deur ‘n wyetand-kam te gebruik. Dit sal dit makliker maak om die borselhare skoon te maak.
2. Spoel die haarborsel af onder warm water, maak seker dat enige oortollige hare of produk wat in die borselhare vassit, verwyder word.
3. Vul ‘n wasbak met warm water en ‘n klein hoeveelheid sjampoe of skottelgoedseep. Vir ekstra skoonmaakkrag kan jy 1 tot 2 teelepels koeksoda byvoeg. Roer die water goed.
4. Plaas die haarborsel in die wasbak en laat dit vir ten minste 20 minute week. Dit sal help om enige opgedroogde produk of vuil wat moeilik is om te verwyder, los te maak.
5. Nadat jy dit geweek het, gebruik jou vingers om die borselhare saggies te skrop, sorg dat jy dit nie buig of beskadig nie.
6. Spoel die haarborsel deeglik af onder warm water totdat alle seepskuim verwyder is.
7. Laat die haarborsel heeltemal droog word (die borsel se borselhare moet ondertoe wys) voordat jy dit weer gebruik.

Dit word aanbeveel om jou haarborsels ten minste een keer per maand goed te was, of meer gereeld as jy gereeld produkte op jou hare gebruik.

Lees meer: 10 gewoontes vir gesonde hare

The post Hoe om jou haarborsel behoorlik skoon te maak (en hoekom jy moet!) appeared first on rooi rose.

Jou haarwasfoute

1. Jy maak nie jou hare nat genoeg nie. Jou hare MOET behoorlik nat wees.
2. Jy gebruik te veel sjampoe en opknapper. Jy benodig min of meer die hoeveelheid van ’n 50c-stuk in die palm van jou hand.
3. Jy mors sjampoe deur dit aan al jou hare te wend. Wend dit slegs aan die wortels, want dit is waar die natuurlike olies opbou.
4. Jy gebruik meer sjampoe sodat jy jou hare beter kan was. Gooi eerder ’n paar druppels water by en beweeg jou hande in sirkels.
5. Jy probeer om jou hare skoon te skrob. Onthou: hare is nie wasgoed nie! Jou hare is baie delikaat en jy kan dit beskadig deur te hard te was. So, werk versigtig.
6. Jy was heen en weer. Werk altyd afwaarts, van die wotels na die punte in die natuurlike rigting van haargroei en moenie op en af beweeg nie.
7. Jy gebruik jou vingerpunte te veel. Hierdie is sleg as jy olierige hare het, want jou vingerpunte stimuleer olieproduksie.
8. Jy was jou hare elke dag en dan kry jou hare se natuurlike olies nie kans om jou hare te voed nie. As jy met olierige hare sukkel, moet jy veral probeer om jou hare minder te was.
9. Jy vryf jou hare met ’n handdoek droog. Wees versigtig en klad dit eerder droog of gebruik ‘n T-hemp om die water saggies ‘uit te druk’, dit sal kroeserigheid verminder. As jy jou hare vryf, sal jy dit net beskadig en koek.
10. Jy wend opknapper aan al jou hare. Konsentreer op die mid- tot eindpunte.
11. Jy spoel jou hare nie goed genoeg af nadat jy opknapper aangewend het nie. Dit kan jou hare pap en selfs olierig laat lyk.
12. Lang hare: Jy vergeet om opknapper deur te kam. Begin onder in jou nek en kam dit stukkie vir stukkie uit tot bo.
13. Jy wend opknapper met jou handpalm aan. Versprei dit na jou vingerpunte deur amper te maak asof jy handskud met jou twee hande, handpalms opmekaar en trek dit dan na jou vingers toe sodat die opknapper daaraan vaskleef.

Inligting verskaf deur Tobita Booyens, mede-eienaar van Training and Progression House, wat onder andere haarstiliste oplei.

Lees ook: Wenke vir fyn hare

Lees ook: 10 gewoontes vir gesonde hare

Nuwe trend

Wend eers opknapper aan en dan sjampoe, veral as jy baie fyn hare het wat maklik koek terwyl jy was. Wend opknapper aan, los dit vir ’n paar minute, spoel af en was dan met sjampoe. Ons gebruik daarna haarolie op klam hare om dit makliker uit te kam.

Lees ook: Beskerm jou hare teen hittebeskadiging

The post 13 haarwasfoute wat jy maak appeared first on rooi rose.

Wat is jou top haarwenk, die een belangrike “reël” waarsonder jy nie leef nie?

Dit is uiters belangrik om ’n produk te gebruik wat beskerming bied teen hitte-stilering, veral as dit deel vorm van jou daaglikse roetine. Om in sulke gevalle nie ’n hitte-beskermer vir jou hare te gebruik nie, kan vergelyk word met die effek op jou vel wanneer jy vir drie ure in mid-Desember op die strand baljaar sonder sonblok.

Wat lyk vir jou mooi by ’n vrou met lang hare?

Persoonlik is ek ’n groot aanhanger van die deurmekaar bolla hoog op die kroon – sag en romanties met ’n moeitelose en natuurlike voorkoms.

Wat is die grootste haarfout wat ’n vrou kan maak?

Die meeste vroue verval in die gewoonte om hul hare dadelik met ’n borsel droog te blaas terwyl die hare nog sopnat is. Dit het egter ’n negatiewe effek op die haarskag omdat dit die hare uit hul natuurlike vorm rek, wat veroorsaak dat die hare hul elastisiteit, glans en volume verloor. Die beste stappe om te volg, is om die hare met die vingers tot so 80% droog te blaas en dan eers die borsel nader te trek vir finale stilering.

Wat is jou raad vir vroue met blonde hare?

Met blonde hare is een aspek uiters belangrik – behandeling! Blonde hare is ’n styl wat baie toewyding verg. Dit moet gereeld behandeling word om die hare aan te vul en dan natuurlik is dit bealngrik om ’n produk te gebruik wat sal help dat die kleur nie na ’n geel skakering vervaag nie.

Is daar tuisprodukte wat vroue kan gebruik vir sagter, gesonder hare? 

Vir tuis-gebruik stel ek voor dat jy een keer per week opknapper vervang vir die gebruik van ’n masker. Maskers verhoog die hare se elastisiteit wat die hare sagter, blinker en met meer volume agterlaat.

Wat is die geheim vir ’n tydlose haarstyl?

Ek verkies die natuurlike, moeitelose voorkoms – vir beide mans en vroue. Stilleer-metodes waar meer natuurlike, sagte teksture gebruik word.cDie belangrikste effek van enige haarstyl is dat dit die persoon as geheel moet komplimenteer waar die haarstyl opsigself nie die hoof-aantrekking is nie maar eerder die kroon van ’n alreeds merkwaardige persoon.

Terence Jansen van Vuuren (Foto: Verskaf)

Lees ook: Ons voorbladsterre verklap hul gunsteling-parfuum!

The post Kennerswenke vir gesonde hare appeared first on rooi rose.

Beskadigde en droë hare

Klapperolie is ’n fantastiese, liggewig bevogtiger vir jou hare. Meng met olyfolie om jou hare te voed.

Metode: Meng 2 koppies klapperolie met 1 koppie olyfolie. Meng goed en smeer aan jou hare, veral aan die punte. Draai jou hare in ’n bolla bo-op jou kop, bedek met ’n stortkappie en laat rus vir 15-30 minute (afhangende van hoe beskadig jou hare is.) Spoel jou hare goed af en was soos gewoonlik.

Lees ook: 10 grimeerwenke vir ’n jonger voorkoms

Versterkingsbehandeling

Rou eier is ’n kragtige voedselsoort. Dit is ryk in vette en proteïene en dis ’n natuurlike hidreerder. Weens die hoë gehalte van ensieme, verwyder eier ook ongewenste olies en versterk dit jou hare. Vir normale hare, gebruik die hele eier. Vir olierige hare, gebruik net die wit; en vir ’n droë of bros hare, gebruik net die eiergeel.

Metode: Klits ½ koppie eier liggies en smeer aan skoon, klam hare. As daar nie genoeg eier is om die kopvel en hare te bedek nie, gebruik meer eier. Hou die mengsel vir 20 minute aan. Spoel met koue water en sjampoe die hare. Gebruik maandeliks vir goeie resultate.

Lees ook: 10 gelukkige lesers kan elk ‘n HANNONS-primer WEN!

Dowwe hare

Oormatige gebruik van stileringsprodukte asook blootstelling aan lugbesoedeling kan ’n film op die hare laat wat vog uitdroog en natuurlike glans verwyder. Suiwelprodukte soos suurroom en gewone jogurt bevat melksuur wat vuilheid liggies afstroop, die hare hidreer asook die skade behandel.

Metode: Masseer ½ koppie suurroom of gewone jogurt deur klam hare en laat rus vir 20 minute. Spoel af met warm water, gevolg deur koel water. Sjampoe soos normaalweg. Vir goeie resultate, behandel jou hare elke tweede week op hierdie manier.

Lees ook: Die geheim van sagte lippe? Rooibos! Probeer hierdie skrop

Produk-opbouende hare

Te veel produkte wat op die hare begin opbou, kan met koeksoda behandel word. Die natriumbikarbonaat breek alle suur af. Wend dit aan in ’n pasta-vorm. Dit sal produk-opbou voorkom.

Metode: Meng 2 eetlepels koeksoda met klein hoeveelhede water tot ’n dik pasta begin vorm. Masseer in klam hare en laat rus vir 15 minute. Spoel hare met water af en sjampoe daarna. Behandeling kan elke twee weke toegepas word.

Lees ook: Ons 10 beste haarwenke

The post Jy kan jou eie haarmasker maak appeared first on rooi rose.

Deur Suzanne Kotzé. Foto: Theme Photos vir Unsplash

Shelene Shaer, mede-eienaar van Tanaz Hair in Johannesburg gee raad:

1. Wees geduldig

So baie mense besoek die salon en verwag dat hulle binne ’n dag blond gaan wees. Dit werk nie so nie. Dit is ’n lang proses en dit rig skade aan jou hare aan. As jy jou haarstilis aanjaag, is die kans goed dat jou hare geel of oranje gaan uitkom. Hoe stadiger die bleikmiddel aangewend word en hoe meer tyd jy dit gee om reg te ontwikkel, hoe beter is jou kanse om nie hierdie oranje ondertone te kry nie.

“Tyd, moeite, sorg en geld; dit is wat jy benodig hiervoor.”

2. Beplan jou “blond-word” reis

Kommunikasie is belangrik. Bespreek hoeveel tyd, geld en moeite jy bereid is om te spandeer om blonde hare te kry met jou haarstilis. Wees ook duidelik oor hoe blond jy jou hare wil maak, want daar is baie verskillende skakerings. Beplan saam die verskillende stappe en jou besoeke aan die haarstilis.

Byvoorbeeld:

Besoek 1: Donkerbruin na rooibruin balayage

Besoek 2: Rooibrun balayage nou na goue balayage

Besoek 3: Goue balayage na ’n ligter skakering.

3. Donker wortels is gelukkig in die mode

Balayage (donkerder wortels wat geleidelik verander na ligter punte) of skadu-wortels (die meer subtiele weergawe van balayage) is gelukkig op die oomblik in die mode. Met hierdie tipe kleurstyl hoef jy nie so gereeld te kleur soos wanneer jou wortels ook lig moet wees nie.

4. Dit kos tyd en geld

Dit gaan nie net duurder kos omdat jy jou hare moet kleur nie, maar omdat die proses skade aan jou hare aanrig, gaan jy ook gereeld vir behandelings by jou salon moet gaan. Dit verg tyd en ekstra geld. Jy moet seker maak jy is bereid om die moeite te doen om jou hare op te pas.

5. Wees eerlik oor jou “kleur-geskiedenis”

Dit is belangrik dat jou haarstilis presies weet watter kleur en produkte jy die afgelope twee jaar op jou hare gebruik het. Dit kan beïnvloed hoe jou kleur gaan uitkom.  Wees eerlik hieroor, selfs al weet jy jou stilis gaan nie noodwendig daarvan hou om te hoor jy het “boks-kleur” gebruik of self jou hare probeer bleik twee jaar terug nie …

6. Dis baie belangrik om self tuis vir jou hare te sorg

Gebruik pers sjampoe om geel en oranje ondertone te neutraliseer. Gebruik ook sjampoe, opknapper en ’n masker wat jou hare (wat nou ekstra breekbaar is) sal voed.

Lees ook: Jy kan jou eie haarmasker maak

7. Vermy hitte-stilering

Hitte-stilering soos krultange en haarysters kan jou hare geler laat voorkom. Jou reeds beskadigde hare sal danksy die bleikmiddel ook meer breekbaar wees. Wag eerder tot die proses voltooi is, jou kleur reg is en jou hare weer in ’n goeie toestand is.

8. Die ondertoon van jou vel is belangrik

Probeer gerus die webtuiste Matrix. Hiermee kan jy virtueel jou haarkleur verander en sien watter tipe blond by jou vel se ondertoon pas.

Lees gerus: 5 haarstyle vir ’n moderne voorkoms

The post 8 Dinge wat jy móét weet voordat jy jou hare blond kleur appeared first on rooi rose.

Stap 1

Stap 4

Lees ook: 9 wenke vir hemelse hare

The post Werk só met fyn hare appeared first on rooi rose.

1 As jy fyn hare het en meer volume wil hê, moet jy dit elke dag was. Dit sal jou hare nie beskadig of die hare se natuurlike olies verhoed om langs die lengte van die haarskag af te beweeg nie. As jy baie volume wil hê vir ’n spesiale geleentheid, gebruik ’n sjampoe en bevogtiger wat volume gee.

Lees ook: Haarstyle vir fyn hare

2 Wil jy los, natuurlike golwende hare hê? Haarstilis, Richard Ward, sê krulle sak uit en dit is beter om meer krulle in te sit as wat jy wil hê sodat dit perfek lyk wanneer jy uitgaan.

3 As jou hare koesterende aandag nodig het, verhit jou diep bevogtiger in die mikrogolf vir 30 sekondes voor jy dit aanwend. Die hitte help die bevogtiger om jou hare makliker binne te dring en om die droë punte te behandel.

Lees ook: Jy kan jou eie haarmasker maak

4 Jy wil jou hare by die huis kleur, maar kry nie die presiese skakering nie. “Probeer om twee skakerings-pakkies te meng, “sê kleur-kenner Anita Cox McMillan.” Voeg rooi kleure by bruin sodat dit nie oorweldigend is nie. Bly altyd twee of drie skakerings binne jou natuurlike haarkleur om foute te vermy.

5 Almal moet ’n stel Velcro-rollers besit. Dit laat jou hare lyk asof dit professioneel drooggeblaas is want dit gee natuurlike volume. Draai dit in, blaas met die haardroër en laat 10 minute afkoel. Spuit haarsproei aan voor jy dit verwyder.

6 Masseer olyfolie in jou kopvel om jeuk te verlig en vlokkerige dele te streel. Laat dit oornag aan vir ’n diep hidrerende behandeling.

Lees ook: 13 haarwasfoute wat jy maak

7 “Vermy produk-oorlading,” sê Richard Ward. “Vryf die produk in beide jou hande soos handeroom totdat dit byna geabsorbeer is en smeer dan aan jou hare.”

8 Jou hare lyk net blink wanneer die kutikula plat lê. Smeer ’n bietjie serum aan klam hare en blaas droog met jou droër in die rigting af met die haarskag.

9 As jou haarstrepies uitgroei, maak jou paadjies op ander plekke om jou haarkleur nuut te vertoon voor jy tyd het om na die haarkapper te gaan.

Lees ook: 10 gewoontes vir gesonde hare

The post 9 wenke vir hemelse hare appeared first on rooi rose.

1. Beskerm altyd jou hare teen hitte, droogblaas, krultange en haarysters.

Ons sê probeer:

• TRESemmé Heat Defense Spray (R 120 by Clicks)
• Umberto Giannini Heat Protection Spray (R 160 by Clicks)

2. Laat jou hare af en toe natuurlik droog word.

3. Gebruik minstens een keer per week ’n haarmasker.

Lees ook: Jy kan jou eie haarmasker maak

Ons sê probeer:

• Pantene Pro-V Mask Smooth & Silky (R 130 by Clicks)
• Elvive Hydra Hyaluronic Moisture Wrapping Hair Mask (R 133 by Clicks)

4. Wees versigtig met nat hare. Hare breek makliker wanneer dit nat is, die reël is om nat hare te kam en droë hare te borsel. As jou hare baie koek wanneer dit nat is, wend ’n paar druppels haarolie aan en kam saggies deur.

Lees ook: Hoe om jou haarborsel behoorlik skoon te maak (en hoekom jy moet!)

5. Laat sny gereeld jou haarpunte, so raak jy ontslae van enige dooie punte en jou hare lyk gesonder en varser.

6. Eet gesond. ’n Gesonde, gebalanseerde dieet bevorder ’n gesonde kopvel en so ook gesonde hare.

7. Gebruik produkte spesifiek geskik vir jou hare. As jy droë hare het, gebruik ’n hidrerende sjampoe, as jy olierige hare het gebruik ’n “clarifying” sjampoe en opknapper.

Lees ook: 13 haarwasfoute wat jy maak

8. Slaap op ’n sy kussingsloop, dit verminder wrywing terwyl jy slaap en trek nie aan jou hare soos gewone katoen of linne nie.

9. Maak altyd jou hare op verskillende hoogtes vas. Om jou haarbandjie daagliks op dieselfde plek vas te maak, beskadig daardie gedeelte van jou hare.

10. Beskerm jou hare teen die son. Net soos ons vel, is dit belangrik om ons hare teen die son ook te beskerm, nes enige hitte-stilering maak die son ook jou hare droog. Die son kan ook moontlik veroorsaak dat jou haarkleur vaal word.

Lees ook: Beste somerskoonheidswenke

The post 10 gewoontes vir gesonde hare appeared first on rooi rose.

Clicks het sopas hul gesogte mooimaakboks vir die feesseisoen bekendgestel. Hierdie boks waarvoor baie na uitsien, bevat alles nuut en innoverend in skoonheid vanuit Clicks se oë.

In hierdie seisoen se mooimaakboks, is daar 19 moethê-produkte wat skoonheid, velsorg, haarsorg en lyfsorgprodukte insluit, wat jy in jou skoonheidsroetine kan insluit.

Die Clicks Festive-mooimaakboks sluit in:

• Iwori body oil balm 200 ml
• Iwori body polish 200 ml
• Nivea Anti Age & Spot Serum 30 ml
• Nivea 3 Zone lifting serum 30 ml
• Nivea Clear Up Deep pore cleanser 150 ml
• Body Shop body butter 200 ml
• John Frieda Frizz Ease 200 ml
• Bioderma Pigmentbio foaming cream 200 ml
• Playboy body wash 400 ml
• Oh so Heavenly  Silky Care 200 ml
• Oh so Heavenly Moonlight Dreams Body mist 250 ml
• Oh so Heavenly face masks
• Oh so Heavenly foot spa sole treatment
• Clicks Shea Butter scalp soother 100 ml
• Hada Labo face sun cream 50 ml
• Yardley Gorgeous eau de parfum 50ml
• Clicks My Earth detangling brush
• 7^th Heaven Hyaluronic acid serum sheet mask
• 7^th Heaven Vitamin C sheet mask

Al die produkte is apart beskikbaar by uitgesoekte Clicks-winkels en aanlyn by www.clicks.co.za

Staan ’n kans om ‘n Clicks Festive-mooimaakboks te WEN!

Bepalings en voorwaardes: Alle pryse in rooi rose is onderhewig aan beskikbaarheid en is nie oordraagbaar, herverkoopbaar of terugbetaalbaar vir kontant nie. Vir nog bepalings en voorwaardes, besoek www.rooirose.co.za

Om in te skryf, volg @rooirose op Instagram en voltooi die onderstaande vorm:

Sluitingsdatum: 2 Januarie 2024

The post WEN ‘n Clicks Festive-mooimaakboks ter waarde van R3 700! appeared first on rooi rose.

Die Clicks Beauty Fair is tans aan die gang en stel weer hul gesogte mooimaakboks vir die lente bekend. Hierdie boks waarvoor baie na uitsien, bevat alles nuut en innoverend in skoonheid vanuit Clicks se oë.

In hierdie seisoen se mooimaakboks, is daar 21 moethê-produkte wat van skoonheid, velsorg, haarsorg en lyfsorgprodukte insluit, wat jy in jou skoonheidsroetine kan insluit, soos die warmer dae al meer raak. Al die produkte in die boks word apart in uitgesoekte Clicks-winkels of aanlyn by www.clicks.co.za verkoop.

Velsorg

Ons het die IQ 10% vitamien C-serum wat jou glans ’n hupstoot sal gee en vir geligte en fermer vel, het ons die Sorbet Lifting Serum, ’n moet op jou spieëlkas.

Vir ’n stralende en gesonde gelaat, het Neutrogena die Retinol Boost+ Intense Care Serum en die Retinol Boost+ Intense Cream sowel as die Neutrogena Spot Controlling Daily Serum vir doelgerigte sorg.

Ander noodsaaklike velsorgprodukte in jou mandjie behoort die Bioderma Sebium Kerato+ in te sluit wat perfek is vir olierige vel of vel wat maklik vlekke vertoon. Jy wil niks daarvan hierdie seisoen hê nie. En die Vichy Mineral 89 Light Cream vir daardie ekstra bietjie bevogtiging. Sê totsiens vir plooitjies met die Nivea Q10 Anti-wrinkle Filler Serum.

Dit maak nie saak hoeveel serums en wonderlike produkte jy by jou velsorgroetine insluit nie – dit gaan geen verskil maak as jy nie sonbeskerming (SBF) gebruik nie. Die IQ Daily Defence Sunscreen SPF50, sal jou vel goed beskerm. Labello bied hul nuwe Hyaluron Lip Moisture Plus om jou lippe sag en vogtig te hou.

Sorg vir jou liggaam

Volgende kyk ons na hoe jy jou lyf met voorstelle vanuit die Lente-mooimaakboks kan bederf. Moenie vergeet om jou voete met Oh So heavenly Sole Retreat Exfoliating Foot Sugar Scrub te vertroetel nie. Dit sal jou voete sag en glad laat voel. En as jy die hele dag lank vars wil voel, het ons die Oh So Heavenly Advanced Benefits Even Tone Deo Stick. ’n Nuwe produk, die Oh So Heavenly Coconut Glow Body Scrub, is die romerigste afskilferaar wat met appelkoospitte gemaak word om vir jou daardie lentegloed te gee.

Vroue, as jy steeds na ’n spesiale geur op soek is om jou maat mee te bederf, dan is Yardley English Blazer ’n gunsteling wat die tyd deurstaan.

Haarsorg:

Vir jou hare, het ons John Frieda Detox en Repair Protection Spray so wel as die John Frieda Secret Agent Perfecting Cream vir daardie gladde Sofia Richie-voorkoms.

Die Oh So Heavenly Repair n Care Heat Defence Spary is hier om jou lokke teen die hitte te beskerm. So belangrik!

Kleurskoonheidsmiddels:

Ons beweeg na grimering. Ons het ’n wonderlike Wet n Wild Eyeshadow Palette in Camo Flaunt, perfek om daardie pragtige lentevoorkoms te skep.

Kom ons praat lippe: Revlon new ColorStay Suede Ink Lipstick vir kleur vir jou lippe wat lank hou hou, is in 12 pragtige kleure beskikbaar om uit te kies, en die Yardley Intense Shine Lip Lacquer in Pillow Talk gee vir jou daardie glansryke afronding. Vir jou naels, het ons Yardley Stayfast Nail in Rebellious Rose – ’n pragtige skakering wat perfek by hierdie seisoen pas.

Hier is ’n paar wonderlike, nuwe skoonheidsgunstelinge en ons sien uit daarna vir jou om dit te probeer – en nou kan jy! Kry hierdie beperkte uitgawe van hierdie Lente-skoonheidsboks ter waarde van R4 006 in die hande.

Al die produkte is apart beskikbaar by uitgesoekte Clicks-winkels en aanlyn by www.clicks.co.za

Staan ’n kans om ‘n Clicks Beauty Fair Spring-mooimaakboks te WEN!

Bepalings en voorwaardes: Alle pryse in rooi rose is onderhewig aan beskikbaarheid en is nie oordraagbaar, herverkoopbaar of terugbetaalbaar vir kontant nie. Vir nog bepalings en voorwaardes, besoek www.rooirose.co.za

Om in te skryf, volg @rooirose op Instagram en voltooi die onderstaande vorm:

Sluitingsdatum: 7 November 2023

The post WEN ‘n Clicks Beauty Fair Spring-mooimaakboks, ter waarde van R4 006! appeared first on rooi rose.

Om sy posisie as die nommer 1 haarversorgingsolie in die VSA te vier, is die spesiale uitgawe van Moroccanoil Treatment nou beskikbaar met pasgemaakte kunswerke.

Die Moroccanoil-handelsmerk is bekend vir revolusionêre produkte, wat hare glad en hanteerbaar maak, veg teen kroeserigheid, en glans tot 118% verhoog. In die afgelope tien jaar het Moroccanoil-behandeling gegroei van ‘n stilis-geheim tot ‘n wêreldwye verbruikersobsessie wat in 70 lande regoor die wêreld verkoop word.

Moroccanoil, in samewerking met die bekroonde kunstenaar Asia Pietrzyk, het lewendige kunswerke geskep vir die bottel met spesiale uitgawes wat vroue uitbeeld wat hul gunstelingskoonheidsgeheim deel. Dit kommunikeer dat mense wat die Moroccanoil-behandeling ken, daarvan hou en nie kan wag om dit aan hul vriende deur te gee nie. As jy dit weet, weet jy! Dit word ook weerspieël in ‘n nuwe advertensieveldtog wat dieselfde speelse kleurpalet en stilering vertoon.

“Die behandeling van Moroccanoil is wat ons handelsmerk jare gelede bekendgestel het, en ons is opgewonde om nuwe lewe in die verpakking te bring en nuwe kliënte te betrek wat nog nie vantevore hierdie ongelooflike produk gebruik het nie,” sê Carmen Tal, stigter van Moroccanoil. “Dit is een van die grootste veldtogte wat ons van stapel gestuur het, wat die kern van die handelsmerk beklemtoon en nuwe kliënte op nuwe maniere bereik.”

Moroccanoil Treatment Original (100 ml) R790:

● Toegedien met antioksidantryke arganolie en glansende vitamiene.
● Kan gebruik word as ‘n kondisionering, stilering en afwerkingsinstrument.
● Los hare gevoed, hanteerbaar en glad.
● Versnel die droogblaas tyd.
● Net een keer se genruik verhoog die hare se glans tot 118%.

Moroccanoil Treatment Light (100 ml) R790:

● Spesifiek geformuleer vir die delikate behoeftes van ligkleurige en fyn hare.
● Toegedien met antioksidantryke arganolie en glansende vitamiene.
● Kan gebruik word as ‘n kondisionering, stilering en afwerkingsinstrument.
● Los hare gevoed, hanteerbaar en glad.
● Versnel die droogblaas tyd.
● Net een keer se gebruik verhoog die glans tot 118%

HOE OM TE GEBRUIK:

● Wend 1-2 pompe van Moroccanoil Treatment aan op skoon, klam hare, van middellengte tot ente. Blaasdroog of laat droog word.
● Wend aan op droë hare vir gesonde en gladde hare.

Oor Moroccanoil 

Geïnspireer deur die Middellandse See, is die Moroccanoil-handelsmerk bekend vir ons ikoniese turkoois en eksotiese geur. Ons eerste produk, die oorspronklike Moroccanoil Treatment, was ‘n baanbreker in olie-geïnfuseerde haarsorg en het die wêreldwye gons oor arganolie geskep. Die kern van ons handelsmerk is die stilisgemeenskap wat ons steeds inspireer om effektiewe en maklik-om-te-gebruik produkte te skep. En vandag bly ons doel onveranderd: om voort te gaan met baanbrekers innovasie in skoonheid, terwyl ons voortgaan om ons platform te gebruik om ‘n verskil te maak. Moroccanoil-haar en- liggaamsprodukte is beskikbaar in meer as 70 lande wêreldwyd by salonne en kleinhandelaars, spa’s en aanlyn. Besoek ons by Moroccanoil.com. 

Lees ook: Ons 10 beste haarwenke

The post Moroccanoil het ‘n nuwe voorkoms! appeared first on rooi rose.

1. Sjampoe jou hare twee keer

Die eerste was verwyder natuurlike olie of die opbou van produkte op jou kopvel. Die tweede was reinig jou kopvel en verbeter die gesondheid daarvan.
– Stacy Shea, hoofopleidingsbeampte, Easihair Pro

2. Druk ná ’n was die oortollige water uit jou hare en vat jou hare agter bymekaar asof jy ’n bokstert maak
Smeer opknapper slegs aan die bokstertgedeelte om te verseker dat die produk net op die mid-lengte en punte van jou hare is en nie op jou kopvel waar dit jou hare olierig kan maak nie.
– Stacy Shea, Easihair Pro

3. Knip ’n kuif
’n Kuif laat almal jou lyk, of dit nou oor jou voorkop of kant toe gekam word. Dit trek dadelik die aandag van jou nek af en plaas die fokus op jou oë.
– Shelene Shaer, Tanaz Hair, JHb

4. Net genoeg hitte
Alle stileerprodukte wat volheid gee, benodig hitte om die produk te aktiveer. Dit gaan nie help om die produk aan te wend en die hare natuurlik te laat droog word nie. As jy nie jou hele kop wil droogblaas nie, fokus die warm lug dan net op die haarwortels waar jy volheid nodig het en laat die res natuurlik droog word. Kérastase se Ferme Fatale Blowdry Gel (R315, by uitgesoekte salonne) is wonderlik vir volheid wanneer jy jou hare droogblaas.
– Ria Gyapersad, Glampalm Hair 

5. Droog jou hare af
Druk altyd ná ’n was oortollige water uit jou hare voor jy dit droogblaas. Dit sal baie vinniger gaan en jou hare sal baie minder hitte-skade oorhou.
– Die span by Stylebar, Kaapstad

6. Skep volheid
Jy skep meer volheid wanneer jy jou kop onderstebo hou terwyl jy jou hare droogblaas. Draai die hare bo-op jou kop in met ’n paar Velcro-krullers terwyl jou hare koud word.
– Die span by Stylebar, Kaapstad

7. Gebruik jou haardroër reg
Moet nooit die haardroër se punt (nozzle) direk teen jou hare en borsel hou nie. Hou dit minstens 10 cm weg, anders kan jou hare en die borsel beskadig word.
– Sean Cox, Swept Salon, Morningside, Johannesburg

8. Beweeg ondertoe
Hou die punt van jou haardroër in ’n afwaartse rigting – dit sal jou haarvliesies seël en gladder laat lyk.
– Sean Cox, Swept Salon, Morningside, Johannesburg

9. Beskerm jou kopvel
Wanneer jou kopvel gesond is, sal jou hare baie beter groei. Pas die beginsels vir die versorging van jou gesig ook op jou kopvel toe. Vestig ’n kopvel-roetine: reinig, skilfer af en bevog.
– Steven Turpin, Opleidingsbeampte -kreatiewe ontwerp, Moroccanoil

10. Gebruik ’n aanvulling
Wanneer jy ’n swak haarsnit vinniger wil laat uitgroei of net jou hare se toestand wil verbeter, drink ’n Biotin-aanvulling. Dit verskaf die nodige vitamiene om jou hare (en naels) sterk te maak en vinnig te laat groei. Dit is ook wonderlik vir vroue wat ná geboorte baie hare verloor het, en dit is veilig om tydens borsvoeding te gebruik.
– Ria Gyapersad, Glampalm

The post Ons 10 beste haarwenke appeared first on rooi rose.

Bekendes se top skoonheidswenke deur Zoë Salzwedel. Hooffoto: Pixabay

Kom ons wees gou eerlik: ons almal wonder altyd watter produkte, wenke en truuks bekendes gebruik om hul perfekte voorkomste te skep.

As jy as bekende op die rooitapyt of die silwerdoek verskyn, het jy dikwels ’n baie indrukwekkende groep wat agter die skerms vir jou voorkoms sorg en jou met raad en daad bystaan – van top grimeerkunstenaars en die beste haarstiliste tot stiliste wat jou uitrustings kies. Om nie eers te praat van die uitsoek-skoonheidsprodukte tot jou beskikking nie!

Met dit alles tot jou beskikking, kan dit seker regtig nie té moeilik wees om altyd prentjiemooi en perfek te lyk nie, nè? Maar bekendes het al erken dat die hope grimering en baie produkte op jou hare ook sy tol eis …

Lees ook: Hoe om perfek te lyk op foto’s

Hoe dan gemaak met ’n sensitiewe vel, ligte gelaatskleur of ’n droë kopvel? Wat is die geheim vir daardie pragtige velle en blink hare, of grimering wat ure lank perfek lyk? Hier is ’n klompie bekendes se gunstelingskoonheidswenke en grimeergeheime, spesiaal uitgesoek om jou te help om op jou beste te laat lyk.

Halle Berry se gemaalde koffie-wenk

The post Bekendes se top skoonheidswenke appeared first on rooi rose.

1. Volume

“Groot” hare werk nie op foto’s nie, maar hare wat aan jou kopvel vasklou net so min. Die antwoord is iets tussenin. Konsentreer op volheid by die wortels en gebruik ’n produk wat volume gee voor jy jou hare droogblaas. Droë sjampoe skep ook wonderlike volheid. Sit jou pluiskam weg, want op ’n foto kan lig deur die gepluiskamde hare skyn en ietwat vreemd lyk.

2. Los hare langs jou gesig

Moenie agter jou hare wegkruip nie. ’n Paar los stukkies hare langs jou gesig kan wel mooi lyk, maar nie in jou gesig nie.

3. Die Half-op, half-af styl

Hierdie styl werk goed as jy min tyd het om jou hare te doen. Ons hou van die bolla bo-op die kop, wat vars en modern lyk. Wees bedag as jy langer as die res van die mense op die foto is, want jou bolla kan dalk “afgesny” word op die foto.

4. Die effense deurmekaar styl

’n Styl wat te gedoen lyk, kan baie vinnig staties lyk. ’n Effense deurmekaarder styl wat lyk of dit beweeg, werk goed op foto’s. Kies dus los golwe pleks van stywe krulle. As jou hare vir jou te perfek gedoen lyk, gooi jou kop effens vooroor en trek jou hande deur jou hare, nie dat dit deurmekaar moet lyk nie, maar eerder om beweging te skep.

5. Serum vir jou hare

Wegvlieghaartjies of gekroesde hare kan baie duidelik op ’n foto gesien word. As jy hiermee sukkel, begin met haarprodukte wat die hare glad en blink maak. Tem wegvlieghaartjies na die tyd en net voor ’n foto met ’n serum.

6. Blink hare

Blink hare lyk gesond en mooi op foto’s. Wend die produkte op die midlengte en haarpunte aan sodat dit nie jou hare plat en olierig maak nie.

Lees hier: Wenke vir gesonde hare hierdie somer

The post 6 wenke vir #fotomooi hare appeared first on rooi rose.