hair trends | rooi rose

Doen dit self: Romantiese haarstyle vir Valentynsdag

Corné Greeff — Thu, 09 Feb 2023 14:46:50 +0000

Doen dit self: Romantiese haarstyle vir Valentynsdag deur Corné Greeff. Hooffoto: ghd

Vir lang hare: Sagte, romantiese krulle

Sagte krulle lyk altyd elegant en romanties en met ’n klein bietjie hulp van jou krultang kan jy in sewe maklike stappe hierdie mooie styl sommer by die huis skep. Dié voorkoms is perfek vir diegene wie se hare in ’n langer, of selfs ’n korter bob, gesny is.

Lees ook: Die beste wenke vir sagter, soenbare lippe

Stap 1

Skep volheid met ‘n haarpoeier of sproei wat bedoel is om volume in jou hare te skep. Maak seker jy wend die produk net op die wortels van jou hare aan.

Stap 2

Berei jou hare voor deur ‘n mousse of haarsproei slegs van die middel van jou hare tot by die punte aan te wend. Dit sal help dat jou krulle langer hou.

Stap 3

Begin agter by die onderste hare net bokant jou nek. Vat ‘n klompie hare en plaas jou krultang horisontaal onder die gedeelte en hou die krultang se mond oop.

Lees ook: Maak só gereed vir jou spesiale afspraak

Stap 4

Vou die hare nou rondom die krultang en hou dit vir 5 tot 8 sekondes.

Stap 5

Werk nou stelselmatig boontoe tot by jou kroontjie gesien. Begin altyd onder en hou die krultang in die rigting weg van jou gesig af, soos jy op die foto kan sien.

Stap 6

Rond die voorkoms af deur van die korter gedeeltes of jou kuif ook te krul.

Stap 7

Kam die krulle liggies met ‘n borsel uit en skep volheid deur die krulle effens terug te kam.

Spuit laastens jou hare met ŉ haarsproei om seker te maak jou kapsel bly die hele aand mooi.

#rrWenk: wil jy jou hare uit jou gesig hou, is ’n mooi knippie ’n blitsige oplossing.

Vir korter hare

1. Heerlike tekstuur

’n Kort snit met ’n effense tekstuur werk baie goed vir ‘n aandvoorkoms. Gebruik ’n tekstuursproei, of was om jou kuif ’n bietjie volheid te gee.

https://www.instagram.com/p/BtEVTQ6n1-u/

2. Teruggekamde bob

Hare wat in die klassieke bob gesny is, hoef nie vervelig te lyk nie. Klik hier om te sien hoe vinnig en maklik hierdie teruggekamde bob vir ons skoonheidsredakteur, Suzanne Kotzé, geskep is.

Bekendes se haar-transformasies

Corné Greeff — Mon, 08 Jan 2018 04:00:01 +0000

Die mees dramatiese haarstyl van 2017? Kate Hudson!

Van lang blonde lokke na afgeskeerde donker hare, Kate gaan beslis baie geld op sjampoe spaar met haar nuwe styl. Dié dapper transformasie was vir ’n filmrol en sy het op die Ellen de Generes Show erken dat kort hare nie altyd makliker is nie, veral wanneer dit begin uitgroei.

Voor:

https://www.instagram.com/p/BYbygcaAPwq/?hl=en&taken-by=katehudson

Na:

https://www.instagram.com/p/BcTeF8ggFlm/?hl=en&taken-by=katehudson

https://www.instagram.com/p/BctVONXAk3K/?hl=en&taken-by=katehudson

Kyk hoe lyk sy met selfs korter hare en wat sy daaroor te sê het:

https://www.ellentube.com/video/kate-hudson-is-eager-to-rock-a-mullet.html

Onthou: so ’n groot verandering kan emosioneel wees, so wees seker jy is gereed daarvoor.

Cara Delevingne: van platinum lob, afgeskeer en donker pixie

Cara verdien beslis ’n plek vir die mees dramatiese haarstylverandering.

Voor:

Foto: REX/Shutterstock/Greatstock

Cara moes haar hare afskeer vir die rol van ’n kankerpasiënt in die film Life in a Year. Met die afgeskeerde hare is daar beslis ’n “moenie-met-my-sukkel-nie-houding” wat daarmee gepaard gaan.

Foto: REX/Shutterstock/Greatstock

Die donkerder pixie-snit lyk baie mooi, ons verkies dit selfs bo haar platinum lob. Dit lyk sensueel en haar oë word beklemtoon.

Foto: REX/Shutterstock/Greatstock

Onthou: hare kan soos ’n veiligheidskombersie wees, en daarsonder kan jy baie kaal voel. Kyk hoeveel meer grimering Cara dra met haar korter haarstyle, omdat mens net na haar gesig kan kyk en nie na haar hare nie.

Selena Gomez: van brunette tot blondine

Voor:

Foto: REX/Shutterstock/Greatstock

Na:

Foto :Camera press/ Greatstock

Die blonde haarkleur beklemtoon Selena se pragtige velkleur. Kyk ook na die verskil wat dit aan haar gesigvorm maak. Donker kleure is geneig om spesifieke gesigvorms meer te beklemtoon as gevolg van die kontras, maar met die blonde kleur lyk haar gesig meer ovaalvormig en haar kakebeen minder hoekig.

Onthou: Jy gaan waarskynlik ’n hele paar besoeke aan die salon moet aflê om van brunette na blondine te verander. Blonde kleur verg ook baie meer instandhouding (lees tyd en geld) en pers sjampoe om geel hok te slaan. Jy gaan ook jou grimering moet aanpas en meer of sterker kleure moet dra.

Mila Kunis: van lank na lob

Mila se gladde lob lyk dadelik meer gesofistikeerd en glansryk. Die lob is die ideale styl as jy jou hare wil knip, maar nog nie die stap wil maak om dit heeltemal kort te knip nie. Hierdie styl kan steeds vasgemaak word, en jou droogmaak-tyd sal aansienlik minder wees.

Voor:

Foto: Splashnews/Greatstock

Na:

Foto: Splashnews/Greatstock

Onthou: Vermy te veel lae (wat jou hare op jou skoues kan laat uitflip) en kies eerder ’n reguit snit met minder maar swaerder lae.

Katy Perry: van lob na pixie-snit

Met hierdie styl trek Katy sommer nog meer aandag. Dit is ’n styl met houding, wat haar ook sommer so sal laat lyk.

Voor:

Foto; Splashnews/Greatstock

Na:

Foto: Splashnews/Greatstock

Onthou: As jy ’n langer gesigvorm het, sal dit jou gesig nog langer laat lyk. Jy sal ook baie gereeld vir kleuropknappings moet gaan aangesien selfs net ’n uitgroeisel op sulke kort hare baie sigbaar is.

The post Bekendes se haar-transformasies appeared first on rooi rose.