Die nuwe HANNONS-Foundation Perfecting Primer kombineer unieke bestanddele om ‘n bevogtige en ‘n satyngladde basis vir ‘n perfekte grimeerafwerking te vorm.

Besoek www.hannon.co.za om die HANNONS-Foundation Perfecting Primer teen slegs R 275 te bestel.

Tien gelukkige lesers kan elk ‘n HANNONS-Foundation Perfecting Primer WEN!

Bepalings en voorwaardes: Alle pryse in rooi rose is onderhewig aan beskikbaarheid en is nie oordraagbaar, herverkoopbaar of terugbetaalbaar vir kontant nie. Vir nog bepalings en voorwaardes, besoek www.rooirose.co.za

Om in te skryf, vul die onderstaande vorm in.

Sluitingsdatum: 29 Maart 2025

The post 10 gelukkige lesers kan elk ‘n HANNONS-primer WEN! appeared first on rooi rose.

Hannon Bothma, bekend as die Glam Guru, weet hoe om die beste uit mense te bring. Vir 23 seisoene het hy deur die jare gewys wat die regte haarsny en grimering aan enige voorkoms kan doen. Hy word nie verniet ’n super-stilis en wonderwerker genoem nie.

Die goeie nuus is dat ’n nuwe seisoen van Glam Guru eersdaags verfilm word, en jy staan nou die kans om een van die gelukkiges te wees om deur Hannon se skêr en grimeerkwas betower te word.

“As iemand in die spieël kyk en die mooiste weergawe van hulself sien, gee dit hoop en inspirasie vir die toekoms,” sê Hannon. “Om weg te stap van die voorkoms waaraan deelnemers lank vasgehou het, gee ek hulle radikale veranderings deur hulle haarstyl, grimering en klere te verander. Selfs hulle eie families is stomgeslaan en moet twee keer kyk om seker te maak dit is dieselfde persoon. As jy dus op jou beste wil lyk en voel, is Glam Guru daar vir inspirasie, en jy kan nou een van die gelukkiges wees om in my omtowerstoel te kom sit.”

Wat moet jy doen as jy as een van die deelnemers wil wees?

1. Stuur ’n e-pos aan glamguru@hannon.co.za met jou naam, van, adres en telefoonnommer.
2. Heg ’n vollengte- sowel as ’n gesigfoto van jouself of van die persoon wat jy graag wil inskryf aan. Die foto’s mag nie ouer as ’n maand wees nie. Duidelike selfoonfoto’s is ideaal en waar die lengte van hare sigbaar is.
3. Gebruik jou naam en “Glam Guru-inskrywing” in die onderwerpsveld.
4. Suksesvolle kandidate sal genooi word vir ’n persoonlike onderhoud met Hannon. Die onderhoud sowel as die opnames sal in Johannesburg wees.
5. Die eerste onderhoude is reeds in Julie. So, vinnig spring met jou inskrywing.

Reëls en regulasies

• Enige onvolledige aansoeke sal nie oorweeg word nie.
• Geen korrespondensie sal gevoer word indien jou aansoek nie suksesvol was nie.
• Inskrywings open op 24 Junie en sluit op 30 Junie 2024 om middernag.
• Suksesvolle kandidate sal per e-pos laat weet word.

Hannon Bothma het ’n skatkis van ervaring wanneer dit by styl en skoonheid kom. Hy deel boonop elke maand sy wenke in ons uitgawes! Een leser kan hierdie maand ’n HANNON-geskenkpak ter waarde van R2 500 wen.

Koop ons Julie-uitgawe om te sien hoe jy kan inskryf. Dis nou beskikbaar!

Lees ook: 10 redes waarom jy die Julie-uitgawe van rooi rose móét lees!

The post Die Glam Guru swaai binnekort weer sy towerkwas. Skryf nou in! appeared first on rooi rose.

‘Ons drie is genoeg’

Vertroue, instink en liefde wat deur moeilike tye en die voorreg van ouerskap geslyp is, anker die akteur Reynardt Hugo en sy vrou An-Maré se verhouding. Daarom doof hulle doelbewus die geraas van die buitewêreld uit binne die veilige kokon van hul saamwees  

Hannon gee raad 

Hannon Bothma het ’n skatkis van ervaring  wanneer dit by styl en skoonheid kom. Hy deel graag ’n paar wenke.       

Ons gesels met: Frank Rautenbach, Elsa Winckler en Corné & René van Rooyen

Die akteur en TV-aanbieder Frank Rautenbach erken hy’t nuwe insigte in homself gekry en hoewel hy nog nie sy Hollywood-droom verwesenlik het nie, het hy iets veel kosbaarder gevind.

Van soen weet Elsa Winckler heelwat meer as die gemiddelde mens, want sy het ’n behoorlike studie daarvan gemaak. En haar kennis is nie net tot die teorie beperk nie.

Corné en René van Rooyen is die kragpaartjie in die Suid-Afrikaanse rolprentbedryf. Vir dié twee is dit nie ’n werk om rolprente en TV-reekse te maak nie, maar ’n leefstyl.

As jou skattebol eintlik ’n skurk is 

So lank as wat Facebook met ons is, so lank is daar al skelms wat die platform misbruik. Daar’s ’n swetterjoel maniere waarop mense ingedoen word en een daarvan is die sogenaamde ‘romanse-slenter’. Zerelda Esterhuizen vind meer uit.

Vir soetkoek opeet

Hierdie soetgoed is so verleidelik, jy sal dit nie kan weerstaan om tot die laaste krummeltjie op te eet nie 

Jou gesig sê meer as wat jy dink 

Jou uitdrukking weerspieël jou gemoedstemming, maar het jy geweet ’n fisionomie-kenner kan jou innerlike karakter uit jou gelaatstrekke aflei? Die vorm van jou voorkop, die digtheid van jou wenkbroue, die posisie van jou ore en elke plooitjie dra betekenis.

‘n Vars benadering 

Kan onopgeloste trauma werklik chroniese pyn of beserings veroorsaak? En hoe hou dit met die bindweefsel in ons liggame verband? ’n Fisioterapeut het twee en twee bymekaargesit en met die kragtige Lyno-metode vorendag gekom

‘n Somerhuis in Suid-Afrika 

Eenvoud, neutraliteit en tydloosheid. Dit was die opdrag van die Britse egpaar, Jon Fairclough en Esther Hayes, aan hul argitek, wat vir hulle ’n basis geskep het waarvandaan hulle vir die Britse winter kon wegkruip 

Wen ’n groot Valentynsbederf!

Een gelukkig leser en sy of haar geliefde kan ’n super romantiese geskenk ter waarde van R166 260 wen.

Leiding vir jou laaste dae 

Hoewel dit nog redelik nuut in ons land is, begin al hoe meer mense van ’n doodsdoula gebruik te maak wanneer hulle weet dat hul afsterwe naby is. Wat is dit en watter rol speel so iemand om jou op jou dood voor te berei?

Lees ook: WEN ASICS Gel-NIMBUS26-tekkies!

The post 10 redes waarom jy die Februarie-uitgawe van rooi rose móét lees! appeared first on rooi rose.

Deur Karlien Meiring. Hooffoto: Opulenz Portraits

In die wêreld van skoonheid en glans is daar min name wat so bekend as Hannon Bothma oftewel die Glam Guru is. Ons eie Suid-Afrikaanse skoonheidskenner. Met ’n buitengewone loopbaan wat oor dekades strek en ’n voorliefde vir die verbetering van natuurlike skoonheid, het Hannon ‘n rigtinggewende lig geword wat al talle gesigte en lewens met sy kennis, vaardighede en skoonheidsprodukte verander het.

Aan sy passie vir skoonheid, wat steeds miljoene inspireer en betower, blyk daar geen einde nie. Hy vier vandag nog ’n reis om die son en gesels met ons oor ’n lewe wat daaraan toegewy is om ander hul glansrykste self te laat voel.

 

View this post on Instagram

 

A post shared by Hannon Bothma (@hannonbothma)

Hoe vier jy gewoonlik jou verjaardag? Enige unieke tradisies wat jy volg?

Ek sê elke jaar dat ek nie op my verjaardag gaan werk nie, maar ek slaag nooit daarin nie. As ek myself kry, skuif ek agter my lessenaar, kamera of ’n mikrofoon in.

Ek het ’n vrolike vriendekring by my gimnasium, so ek begin gewoonlik my verjaardagoggend om vyfuur op die trapmeule. Deur die dag bel ek my pa om vir hom dankie te sê vir die wonderlike voorbeeld wat hy vir my is. Dan bederf ek graag myself met ’n voetbehandeling. Ek is baie gelukkig dat baie van my vriende my graag met ’n ete bederf. Soms is dit ’n ontbyt, middagete en aandete. ‘n Glas vonkelwyn en ‘n groot sny koek is ook sinoniem met my verjaardag .

 

View this post on Instagram

 

A post shared by Hannon Bothma (@hannonbothma)

As ‘n skoonheidskenner, wat is van jou gunstelingskoonheidsrituele wat jy glo tot jou stralende voorkoms bydra?

• Om ’n basiese skoonheidsroetine te volg as deel van jou lewensstyl, is nie onderhandelbaar as jy op jou beste wil lyk nie, myne sluit die volgende in:
• ‘n Skoon gereinigde vel gevolg deur ’n kollageenserum en vogroom laat my vel heeldag vars lyk en saans laat ek my nagserum werk terwyl ek slaap.
• Ek gebruik ’n velskroproom twee maal per week om my vel glad te hou en te verseker dat nuwe vel gevorm word.
• My familie is omtrent almal bleskoppe, so ek drink en gebruik van jongs af elke dag anti-haarverliesprodukte om my hare gesond en welig te hou.
• Ek maak tyd vir myself en slaap wanneer ek moeg is. Ek ontspan met ‘n gesigmasker wanneer my vel droog voel. Ek is nie lief vir skoonheidsbehandelings nie, maar as my voete mooi versorg is, voel ek sommer aantrekliker.
• Om geluk en gesondheid te kan uitstraal, is ‘n gesonde en positiewe lewensingesteldheid belangrik. Eet en drink gesond, maar moenie ’n sny koek of glas wyn van die hand wys as dit jou dag lekkerder gaan maak nie.
• Om stralend te lyk, moet jy innerlike geluk uitstraal. Ander kan dit sien. Ek omring myself deur positiewe mense wat ook wyse vriende is – mense wat uit lewenservaring waarde tot my lewe kan toevoeg, maar wat ook nie huiwer om my daaraan te herinner as ek onrealisties is nie.

Verjaardae lei dikwels tot nadenke. As jy op jou reis in die skoonheidsbedryf terugkyk, wat is van die waardevolste lesse wat jy oor selfversorging en selfaanvaarding geleer het?

As ek gelukkig is, gaan ek baie oud word. Niemand kan eksklusief bou op die pilare van ’n mooi gesig en figuur nie, so dit is wel waar dat saam met die grysheid, wysheid kom, maar jy hoef nie noodwendig jou grysheid vir die wêreld te wys as jy nog nie gereed is nie. Om mooi te lyk verander en maak plek vir interessant lyk.

Met ’n reusebegroting en baie tyd kan enigiemand soos ’n rolprentster lyk. Baie tyd en geld is nie vir almal beskore nie. Doen wat jy kan met die tyd wat jy het om elke dag die beste weergawe van jouself te wees en moenie mooi lyk uitstel vir spesiale geleenthede nie. Elke dag is ’n spesiale geleentheid met ongekende potensiaal wat jy moet aangryp.

Niemand word soggens beeldskoon wakker nie en hoe jy lyk gaan jou dag beïnvloed, so jy moet self jou dag beter maak deur moeite met jou voorkoms te doen. Trek elke dag op jou mooiste aan, sorg dat jy gelukkig is met hoe jou hare lyk voor jy die huis verlaat en dra gerus altyd ’n lekkerruikdingetjie.

As jy jeugdiger lyk, voel jy jonger. As jy in pas bly met die mode en saam met die tyd beweeg ten opsigte van jou kleredrag en moderne idees gaan jy altyd meer aanklank by jonger mense vind – ongeag hoeveel lagplooie jy om jou oë het.

My ma se beste skoonheidsraad was dat ‘n opregte glimlag baie mooier en meer waardevol as die helderste lipstiffie is.

Baie mense beskou veroudering as vreesaanjaend. Hoe omhels jy die verouderingsproses, en watter raad het jy vir ander om op enige ouderdom selfversekerd en mooi te voel?

Dis glad nie nodig om die bobbejaan agter die bult te gaan haal ten opsigte van jou unieke veroudering nie. Jy mag dalk nog vir lank gesondheid geniet, so trek aan volgens jou fikse figuur en nie jou ouderdom nie. Gebruik jou verouderde voorkoms as ’n kenmerk van vryheid. Grys hare met ’n bloedrooi lipstiffie lyk rebels en baie jeugdig. Daar is geen rede hoekom jy nie geskeurde denims kan dra nie. Ek het vir myself die afgelope jaar ’n swart leerlangbroek en diervelmotiefhemp gekoop, want terwyl ek goed daarin voel, gaan niemand my anders oortuig nie.

Maak tyd om vandag jouself te versorg, want dis eers môre dat jy die voordeel daarvan sal geniet, maar moenie ’n minuut te lank voor die spieël bestee as dit beteken dat jy ’n heerlike avontuur gaan misloop nie.

Ek omring myself met jonger mense, want so gee die “jonger dink” en “jonger lyk” af aan my.

Dit mag ’n uitdaging raak om die verweer te keer met elke aspek van jou fisiese voorkoms. Fokus waarop jy kan om dit altyd jou beste bate te maak. Solank jy die wil het om mooi te lyk, gaan jy die wil het om voluit te leef.

 

View this post on Instagram

 

A post shared by HANNON Cosmetics (@hannoncosmetics)

Is daar enige spesifieke skoonheidsproduk of hulpmiddel wat jy onlangs ontdek het of die afgelope tyd geniet het?

Die afgelope jaar het ek op revolusionêre aktiewe bestanddele afgekom, wat ek besig is om uit te toets – nie net op myself nie, maar landwyd op vele proefkandidate. Daar is byvoorbeeld ’n bestanddeel wat grys hare oor ‘n tydperk van vyf maande weer laat pigmenteer. Só is daar ook ’n bestanddeel wat erge velpigmentasie in ’n kwessie van ’n maand omtrent heeltemal kan verlig. As hierdie toetse suksesvol is, sal ek dit binnekort in my reeks bekendstel!

Lees ook: Sinéad O’Connor is in die ouderdom van 56 oorlede

The post Hannon verjaar vandag – dis hoe die Glam Guru dit vier! appeared first on rooi rose.