Genoeg vir 6

Bestanddele

• 6 perskes, middeldeur gesny, pitte uitgehaal
• 30 ml (2 e) versuikerde gemmer in stroop, gekap
• 45 g botter, gesmelt
• 80 ml (⅓ k) esdoring- of gouestroop
• 250 g aarbeie
• 375 ml (1½ k) hawermout
• 30 g (½ k) gevlokte amandels
• 50 g (½ k) pekanneute
• 100 g pistasieneute
• 20 g pampoensaad
• 20 g gevlokte klapper
• 45 ml (3 e) giers (millet)
• 45 ml (3 e) bokwiet (buckwheat)
• 10 ml (2 t) fyn kaneel
• 5 ml (1 t) fyn gemmer

Metode

Voorverhit die oond tot 180 °C.

1. Voer ’n middelslag-bakplaat met bakpapier uit.
2. Meng die gemmer, botter en esdoring-stroop in ’n bakkie. Hou eenkant.
3. Meng ’n ¼ van die bottermengsel saam met die perskes in ’n mengbak.
4. Skep die perskes op die voorbereide bakplaat en bak vir 15 min.
5. Voeg die aarbeie by die perskes en bak vir nog 10 min.
6. Krummellaag: Meng die hawermout, amandels, pekan-en pistasieneute, pampoensaad, klapper, giers, kaneel, bokwiet en gemmer in ’n mengbak.
7. Voeg die oorblywende bottermengsel by en meng deur.
8. Gooi die krummellaag oor die perskes en aarbeie.
9. Bak vir nog 10-15 min. of tot goudkleurig. Sit met mascarpone-room voor.

The post Perske-en-bessie-krummel appeared first on rooi rose.

Maak hierdie pannekoeke oor die naweek en vries in stapeltjies van ses. Ontvries dit vir 5-10 minute in die mikrogolf en siedaar, ontbyt is gereed! Die hawermout en appel in die beslag maak daarvan ’n goeie hoëvesel- en lae GI-ontbyt, wat in die loop van die oggend vir genoeg energie sal sorg.

Genoeg vir 6

Bestanddele

• 4 eiers
• 750 ml (3 k) water
• 375 ml (1½ k) koekmeel
• 5 ml (1 t) bakpoeier
• 5 ml (1 t) sout
• 125 ml (½ k) hawermout
• 1 appel, geskil en gerasper
• 60 ml (¼ k) sonneblomolie vir die bakslag

Karamelpiesangs

• 3 piesangs
• 60 ml (¼ k) botter
• 90 ml (1⁄3 k + 2 t) sagte bruinsuiker
• 3 ml (½ t) vanieljegeursel
• 30 ml (2 e) water

Metode

1. Klop die eiers en water saam in ’n groot mengbak tot skuimerig.
2. Sif die meel, sout en bakpoeier by en klits totdat dit ’n gladde deeg vorm.
3. Voeg die hawermout en appel by en roer deur. Laat staan die deeg vir 5-10 minute voor jy begin bak.
4. Verhit die olie in ’n groot pan oor matige tot hoë hitte. Gooi net genoeg van die beslag in die pan om die boom te bedek. Bak vir 2-3 minute, draai om en bak tot goudbruin.
5. Herhaal met die res van die beslag. Hou die gaar pannekoeke warm. Die karamelpiesangs is ’n lekker bederfie.
6. Vervang die piesangs deur appels vir ’n laer GI-opsie. Sny die piesangs in die lengte middeldeur en dan oorlangs. Smelt die botter, bruinsuiker, vanielje en water in ’n pan oor matige hitte tot karamelkleurig. Sit die piesangs by en bedek met die karamel. Sit met die pannekoeke voor.

Lees ook: Bloubessie-smoothie met swartbessies en kersies

The post Ontbytpannekoeke met karamelpiesangs appeared first on rooi rose.

Lewer sowat 10-12 plaatkoekies

185 g (1¼ k) meel
7,5 ml (1 ½ t) bakpoeier
knypie sout
5 ml (1 t) kaneel
2,5 ml (½ t) neutmuskaat
15 ml (1 e) strooisuiker
80 ml hawermout
375 ml (1½ k) karringmelk
1 eier, liggies geklits
gerasperde skil van 1 lemoen (opsioneel)
1 appel, gerasper
35 g botter, gesmelt + ekstra vir braai

1 Sif die meel, bakpoeier, sout, kaneel en neutmuskaat in ’n middelslag-mengbak. Roer die strooisuiker en hawermout by.
2 Meng die karringmelk, eier, lemoenskil en appel en voeg die botter by. Gooi die karringmelkmengsel by die meelmengsel en meng goed. Laat vir 20 min. staan.
3 Braai lepels vol van die beslag in ’n bietjie gesmelte botter in ’n pan. Draai om wanneer daar borreltjies bo-op vorm en braai tot goudbruin alkant. Sit voor met haselneut-en-heuning-botter.

Haselneut-en-heuning-botter

100 g botter
100 g haselneute, liggies gerooster en grof gekap
100 g heuningkoek of 3 e (45 ml) heuning

1 Verwerk al die bestanddele in ’n voedselverwerker tot glad. Skep uit en rol in waspapier toe.
2 Hou vir 20 min. in die yskas tot hard. Skep dun skyfies op die warm plaatkoekies en sit voor terwyl die botter smelt.

The post Hawerplaatkoekies met haselneutbotter appeared first on rooi rose.

AVEENO®, ’n wêreldbekende velsorghandelsmerk wat deur dermatoloë op die proef gestel is, het op 1 Maart 2024 hul nuwe reeks velsorgoplossings propvol hawermout in Suid-Afrika bekendgestel. AVEENO® gebruik die eienskappe van hawermout om ’n sensitiewe vel, ’n probleem waarmee 70% van Suid-Afrikaners volgens ’n onlangse studie stoei, te voed en te versterk.

Die studie is deur IPSOS in Maart 2022 onderneem en dit noem dat 70% van Suid-Afrikaanse verbruikers met lastige velprobleme sukkel wat met die eienskappe van ’n droë of sensitiewe vel verband hou. Individue, wat deur hierdie kwessies geraak word, ervaar dikwels growwe vel, aanhoudende jeukerigheid, ’n afname in soepelheid, droë kolle, stramheid en velirritasies.

Om hierdie heersende kwessie aan te spreek, het AVEENO® hulle daartoe verbind om wetenskaplike navorsing te kombineer met uitgesoekte bestanddele wat in die natuur gevind is sodat hulle Suid-Afrikaners met voedende velsorgoplossings kan help. Hulle wil seker maak dat selfs die sensitiefste vel gestreel en bevog voel.

Die handelsmerk het drie eiesoortige reekse vir volwassenes en babas bekendgestel om Suid-Afrika se uiteenlopende velsorgbehoeftes aan te spreek.

AVEENO® Daily Moisturise-reeks bevog normale tot droë vel. Die AVEENO® Skin Relief-reeks verlig baie droë en jeukerige vel. Die Skin Relief Moisturising-room help om jou vel se beskermingslagie te herstel en versterk. Dit verlig ook jeukerige vel binne 60 sekondes. Die AVEENO® Dermexa-reeks help om die vyf algemene tekens te verlig van vel wat tot ekseem geneig is. Dit verbeter vog in die vel, rooiheid, droogheid, skilfers en jeukerigheid. Die velsorgreeks vir babas is spesiaal vir baba se vel geskep en help met velprobleme Dit is spesifiek geformuleer vir normale tot droë velle; baie droë, jeukerige velle en vel wat tot ekseem geneig is.

AVEENO® se unieke en strelende drievoudige hawermoutsamelstelling gebruik die eienskappe van hawermout om sensitiewe vel te voed en te versterk. Hawermout-deeltjies help om rooiheid en jeukerige vel te verminder, terwyl hawermoutolie vog behou; teen vogverlies beskerm en keramiedvervaardiging meebring.

Die handelsmerk het twee verbintenisse: Om doeltreffende verligting deur middel van ’n versigtig uitgesoekte reeks produkte te bied en om Suid-Afrika se eerste en beste fotografiese reeks vir velprobleme te skep wat vir alle veltipes geskik is. “Inligting oor velsorg wat maklik is om te verstaan en relevant vir Suid-Afrikaners is, is skaars. Ons is ook nie gemaklik genoeg in ons velle om velprobleme te bespreek nie. AVEENO® is hier om dit alles te verander,” sê Edna Mohale-Maphita, die hoof van bemarking by Kenvue SSA**. Die reeks se In my vel-veldtog, beliggaam die gees van self-aanvaarding en trots. Dit vier individualiteit en diverse stories. Die handelsmerk nooi elke Suid-Afrikaner om velle te koester wat gesond lyk, mooi en divers is.

Oor AVEENO®

AVEENO®, ’n wêreldbekende handelsmerk wat deur dermatoloë op die proef gestel is, het die mag van die wetenskap agter hawermout ontsluit om ’n gesonde, mooi vel te verseker. AVEENO® is daartoe verbind om ’n deurbraak te maak met ’n produk waarvan die formules uit nuwe en bestaande bestanddele bestaan – baie wat klinies bewese resultate lewer. Hulle verbind hulle verder tot inklusiwiteit en help om verligting vir jou vel te bied. AVEENO® se doel is om velprobleme te hanteer en die visuele narratief van velsorg te herdefinieer met hul velsorgreeks in Suid-Afrika. Die produk is landwyd by Dischem- en Clicks-winkels beskikbaar. Die AVEENO®-babareeks sal ook by sekere Checkers-winkels beskikbaar wees.

Lees ook: Velsorg en oefening

The post Totsiens velprobleme! AVEENO® is nou in Suid-Afrika appeared first on rooi rose.

Jogurt is superkos vir kinders en een van die heilsaamste happies wat jy vir jou kind kan aanbied. Maar gegeurde jogurt bevat baie ekstra suiker en word van laevet-jogurt gemaak wat onnodig vir groeiende kindertjies is. Kies eerder die gewone volroom- of dubbelroom-jogurt wat geen suiker of kleurmiddels bevat nie. Koop gerus ook jogurt wat lewende kulture bevat, dié outjies is voordelig vir ’n gesonde spysverteringstelsel omdat dit die groei van skadelike bakterieë inhibeer. Dit versterk ook kinders se immuunstelsel.

Slim gebruike van jogurt

As die tyd knap is, maak vinnige smoothies met vars vrugte en jogurt vir ontbyt: Voeg koringkiem (wheatgerm, verkrygbaar by gesondheidswinkels) by om dit meer woema te gee.

Meng 2 pere of 2 piesangs, geskil, met 15 ml (1 e) heuning en ½ k (125 ml) volroom, gewone jogurt met 8 ysblokkies in ’n versapper. Verwerk tot glad en geniet. Voeg bessies by vir variasie, of skep jou eie kombinasies. Puree vrugte soos bessies en perskes in ’n voedselverwerker – jy kan ’n knypie suiker of ’n bietjie suurlemoensap byvoeg om die smaak te verbeter. Meng dié suiwer vrugtepuree deur die jogurt en maak so jou eie, natuurliker vrugtejogurt. Jogurt-yslolllies. Maak jou eie vrugtejogurt soos hierbo, giet die jogurt in vriesbakkies of yslollievormpies en vries oornag vir koel snoephappies op ’n warm dag.

Klik hier vir nog heerlike smoothie-resepte.

Ander superkos vir slim kinders

Navorsing toon dat sekere kosse breinfunksionering kan verbeter:
Sousboontjies (baked beans) op roosterbrood vir ontbyt bevat vesel en bied standhoudende energie.
Piesangs, volgraanbrood en hawermout is almal goeie energieverskaffers wat energie stadig vrystel en voorkom dat kinders teen tweede pouse tam voel.
Eiers. Die lesitien in eiergeel stimuleer die brein. Dit bevat ook koalien wat die geheue verbeter.
Olierige vis soos vars tuna en makriel, of geblikte sardientjies bevat omega-3-vetsure wat nodig is vir superbreinkrag.

Kies ook kos sonder suiker. Hier is 33 gesonde kossoorte (sonder suiker) vir jou én jou kinders.

The post Kosblikpak appeared first on rooi rose.