Genoeg vir 6

Wraps

• 100 g amandelmeel
• 110 g goue vlassaad, fyngemaal
• 30 g klappermeel
• 15 ml (1 e) psylliumvesel
• 30 ml (2 e) chia-saad, fyngemaal
• 20 ml (4 t) garam masala
• 10 ml (2 t) sout
• gerasperde skil en sap van 1 suurlemoen
• 250 ml (1 k) louwarm water
• 15 ml (1 e) olyfolie

1 Meng die amandelmeel, vlassaad, klappermeel, psylliumvesel, chia-saad, garam masala, sout en suurlemoenskil in ’n mengbak.
2 Knie die suurlemoensap en water by tot goed gemeng. Draai die deeg in kleefplastiek toe en laat vir 1 uur in die yskas rus.
3 Verdeel die deeg in 6 stukke.
4 Rol elke deel tussen 2 lae bakpapier in ’n 20 cm-sirkel uit.
5 Verhit die olyfolie in ’n pan oor matige hitte.
6 Braai die wraps daarin vir 1-2 min. aan elke kant, of tot lig goudkleurig. Moenie te lank braai nie, anders word dit krakerig.

Bykomstighede

Murgpampoentjie-falafels

1 Rasper 450 g murgpampoentjies fyn, sit in ’n vergiettes, strooi ’n bietjie sout oor en laat staan vir sowat 1 uur dat dit dreineer.
2 Druk die oorblywende vloeistof in die pampoentjies met jou hand uit.
3 Meng die murgpampoentjies met 1 eier, 10 ml (2 t) gekapte knoffel, 5 ml (1 t) gekapte rooi brandrissie, ’n hand vol fyngekapte kruisement, ’n hand vol fyngekapte pietersielie, 55 g amandelmeel, 30 ml (2 e) klappermeel, 80 g gekrummelde fetakaas en 5 ml (1 t) fyngemaalde komyn.
4 Geur met sout en swartpeper.
5 Verhit 45 ml (3 e) olyfolie in ’n pan.
6 Vorm die mengsel in klein koekies en braai vir 5 min. aan elke kant, of tot goudkleurig.

Blomkool-hoemoes

1 Voorverhit die oond tot 200 °C. Sit 1 groot blomkool, in blommetjies gesny, op ’n bakplaat en sprinkel 30 ml (2 e) olyfolie oor.
2 Bedek met foelie en bak vir 10-12 min.
3 Haal die foelie af en bak vir nog 10 min. tot goudkleurig.
4 Verwerk die blomkool saam met 30 ml (2 e) tahini, 15 ml (1 e) suurlemoensap, 5 ml (1 t) heuning, 10 ml (2 t) gekapte knoffel, 5 ml (1 t) liggies geroosterde komyn en 60 ml (1/4 k) olyfolie in ’n voedselverwerker tot glad.
5 Geur met sout en swartpeper.

Geroosterde hoender

1 Voorverhit die oond tot 200 °C.
2 Sit 1 groot hoender van sowat 1,2 kg in ’n oondpan.
3 Geur die hoender in die maagholte en buitekant met sout en swartpeper.
4 Vul die holte met 4 vars lourierblare, 3 roosmaryntakkies, ’n bossie tiemie, ’n kwart suurlemoen en ’n kwart lemoen.
5 Smeer die hoender met 30 ml (2 e) olyfolie en rooster vir ’n uur en ’n kwart of tot gaar.

Krakerige wortel-beet-en-kool-slaai

1 Sny 2 wortels, 1 klein komkommer, 2 bete, 1 klein perskool en 1 klein groenkool met ’n mandoliensnyer in dun repies (julienne).
2 Gooi ’n hand vol kruisement en ’n hand vol vars, grof gekapte koljander by.
3 Meng 60 ml (¼ k) appelasyn, 60 ml (¼ k) olyfolie, 15 ml (1 e) heuning en 2,5 ml (½ t) fyngemaalde komyn en geur met sout.
4 Gooi oor die groente en meng deur.

The post Laekoolhidraat-wraps appeared first on rooi rose.

Geroosterde blomkool

Genoeg vir 6

1 groot blomkool, in blommetjies gesny
30 ml (2 e) olyfolie
30 ml (2 e) tahini (sesamsaadpuree, kry dit by supermarkte en gesonheidswinkels)
10 ml (2 t) suurlemoensap
15 ml (1 e) heuning
1 knoffelhuisie, gekap
60ml (¼ k) olyfolie

1. Verhit oond tot 200 °C. Rooster die blomkool met die olyfolie en geur met sout en swartpeper. Bedek met foelie en bak in die oond vir 12-14 min. Verwyder die foelie en bak vir nog 15min. tot gaar en goudkleurig. Verwerk die blomkool in ’n voedselverwerker met die tahini, suurlemoensap, heuning, knoffel en 60 ml olyfolie tot glad. Geur na smaak.

Gepekelde blomkool

Genoeg vir 6

5 ml (1 t) koljandersaad
5 ml (1 t) mosterdsaad
2,5 ml (½ t) komynsaad
250 ml (1 k) witwynasyn
60 ml (¼ k) suiker
5 knoffelhuisies, gekneus
2 cm stuk gemmer, gesny
½ ui, gesny
15 ml (1 e) sout
5 ml (1 e) swartpeperkorrels
1 blomkool, dun gesny

1. Voeg die koljander, mosterd en komyn in ’n middelslag pan oor matige hitte. Braai vir 2-4 min. of tot die saadjies geurig is.
2. Voeg die asyn, suiker, knoffel, gemmer, ui, sout en swartpeper by. Bring tot kookpunt. Verwyder van die hitte.
3. Skep die blomkool in ’n glasbottel wat dig seël. Gooi die pekelmengsel oor. Laat afkoel by kamertemperatuur. Hou in die yskas.

Tempura-blomkool

Genoeg vir 6

115 g koekmeel
35 g mielieblom
knypie bakpoeier
knypie sout
1 eier
250 ml (1 k) sodawater
1 blomkool, in blommetjies gesny
125 ml (½ k) koekmeel, om die blomkool in te doop.
olie vir diepbraai

1. Sif die meel, mielieblom, bakpoeier en sout saam. Klits die eier en sodawater by maar moenie oorwerk nie, die mengsel moet nog ’n bietjie klonterig lyk.
2. Verhit die olie oor matige hitte. Doop die blomkool in die koekmeel. Dompel dan in die tempurabeslag. Diepbraai vir 5-10 min. of tot goudbruin en bros.

The post Idees met blomkool appeared first on rooi rose.

The post Hoender-pitabrode appeared first on rooi rose.

Genoeg vir 4.

Bestanddele

• 4 ansjovisfilette
• 15 ml (1 e) gekapte knoffel
• 80 ml (1⁄3 k) botter
• klein handjie vol tiemieblare
• 1 ontbeende lamsnekrol
• 1 x 400 g-blik kekerertjies, gedreineer
• 80 ml (1⁄3 k) Bulgaarse jogurt
• Gerasperde skil en -sap van 1 suurlemoen
• 5 ml (1 t) gekapte knoffel
• 8 ml (½ e) geroosterde komynsaad
• 15 ml (1 e) olyf- of avokado-olie
• ’n hand vol koljanderblare

Metode

Verhit die oond tot 200 °C.

1. Verwerk die ansjovisfilette, knoffel, botter en tiemieblare saam. Bind die ontbeende lamsnekrol met kombuistou op en vryf die helfte van die bottermengsel oor.
2. Braai die lamsnekrol vir 2 min. aan elke kant in ’n verhitte riffelpan oor hoë hitte. Geur na smaak. Sit die rol op ’n bakplaat
   en smeer die res van die bottermengsel oor. Bak vir 30-40 min. of tot gaar na smaak. Draai die rol een keer gedurende die bak-tyd om.
3. Hoemoessous: Verwerk die kekerertjies, Bulgaarse jogurt, suurlemoenskil en -sap, knoffel, 8 ml komynsaad, olyf- of avokado-olie en koljanderblare tot glad in ’n voedselverwerker. Geur na smaak.
4. Sny die lamsnekrol in skywe en sit met die hoemoessous, kruisementkoes-koes en roketblare voor.

The post Geroosterde lamsnek met hoemoessous appeared first on rooi rose.

Genoeg vir 10

Beskuitjies
• 6 dadels, ontpit en fyn gekap
• 75 g sonneblomsaad
• 50 g tefgraan
• 50 g hempsaad
• 50 g pampoensaad
• 135 g hawermout
• 40 g psilliumvesel
• 5 ml (1 t) sout
• 50 g klapperolie
• 250 ml (1 k) water

Hoemoes
• 30 g hempsaad, fyn gemaal
• 1 ml (¼ t) kaneel
• 2,5 ml (½ t) komyn
• 1 ml (¼ t) gerookte paprika
• 2 knoffelhuisies, fyn gekap
• 200 g botterskorsie, geskil en gerooster
• 1 x 400 g-blik kekerertjies, gedreineer
• 30 ml (2 e) water
• 80 g tahini
• 60 ml (¼ k) olyfolie

Beskuitjies
Voorverhit die oond tot 160 °C.
1 Verwerk die dadels, sonneblomsaad, tefgraan, hemp- en pampoensaad, hawermout, psilliumvesel, sout en klapperolie in ’n voedselverwerker tot goed gemeng.
2 Skep in ’n groot mengbak, voeg die water by en laat staan vir sowat 15 min. tot al die water geabsorbeer is.
3 Druk die deeg met jou hande bymekaar en rol tussen twee stukke bakpapier uit tot sowat 1 cm dik.
4 Trek die boonste laag bakpapier af en tel die deeg met die bakpapier en al op en sit op die bakplaat. Bak vir 30-35 min. of tot goudkleurig en krakerig.

Hoemoes
5 Verwerk die speserye, knoffelhuisies, botterskorsie, kekerertjies, water en tahini in ’n voedselverwerker tot glad. Hou die olyfolie ’n entjie bo die verwerker en voeg stadig by.
6 Skakel die masjien af en geur met sout en swartpeper.
7 Breek die saadbeskuitjies in stukke en sit met die hoemoes voor.

The post Dadel-en-graan-beskuitjies met botterskorsie-hoemoes appeared first on rooi rose.

Wat is harissa?

’n Pikante rissiepasta van Noord-Afrika met ’n oranjerooi kleur. Dis ’n mengsel van brandrissies, knoffel, karwysaad, gemaalde komyn en gemaalde koljander wat met tamatiepasta, sout en olyfolie gemeng word. As jy dit met ’n lagie olie bedek, kan jy dit vir paar maande in die yskas stoor.

Blitsidees

• Meng met ’n eetlepel crème fraîche of jogurt vir ’n doopsous of marinade.
• Rooster gehalveerde pitabrode oor die kole. Verdun harissapasta met ’n bietjie olyfolie, voeg ’n hand vol basiliekruidblare by en verf oor die warm pitabrode.
• Meng deur warm, geroosterde calamari-ringe.

Wat is hoemoes?

’n Mediterreense smeer wat tradisioneel op meze-borde voorgesit word. Dit word gemaak van kekerertjies, tahini-smeer (’n sesamsaadsmeer), suurlemoensap, olyfolie en sout. Jy kan dit met geroosterde soetrissie, fyn komyn of knoffel geur. Smeer dit op broodjies vir ’n lekker en gesonde happie. Kekerertjies is ’n goeie bron van proteïene en vesel, en sesamsaad is ’n goeie bron van vitamien E en proteïene.

Blitsidees

• Sit as ’n doopsous voor met geroosterde pitas of groentestokkies.
• Gebruik as ’n smeer. Smeer op tortillas, pitas of burgers en vul met geroosterde hoender, tzatziki, tamatie en komkommer. – Sit ’n skeppie hoemoes saam met skyfies appel of peer voor vir ’n vinnige, skuldvrye snoephappie.

The post Harissa & Hoemoes appeared first on rooi rose.

The post Tapas uitpakslaai appeared first on rooi rose.

The post Geroosterde koftakebabs met dukka-tortillas appeared first on rooi rose.