OORTREFLIK VROULIK

Uitsluitlik vir vroue ontwerp. Horlosies wat die delikate vroulike polse met perfeksie sal versier. Behou die sjiek en sportiewe voorkoms, by die klassiek sterk ontwerpe.

ONGELOOFLIK TYDLOOS

Baie ontwerpe is geïnspireer deur die verlede. Alle horlosies is in Frankryk gemaak, ontwerp en met die hand saamgestel. Hierdie alledaagse bondgenoot meng klassisisme en moderniteit, deurstaan die toets van tyd en verouder nooit. ’n Gesonde belegging wat weereens die spesiale plek wat vrouehorlosies in die geskiedenis van HERBELIN beklee, illustreer.

TOEGANKLIKE LUUKSHEID

Michel Herbelin is gereed om vir môre te ontwerp. Die handelsmerk vier meer as 75 jaar van erfenis en passie en beklemtoon ‘n nuwe identiteit – HERBELIN. Dit dra die ambisie saam om Franse elegansie, verfyning, horlosiekuns en toeganklike luuksheid meer as ooit te laat skyn.

CAP CAMARAT (14545BPR19) is geïnspireer deur roosgoud. Die onthulling van sy klassieke en
gewaagde skoonheid in ‘n 1970’s-geïnspireerde ontwerp.

LUNA (17457/B01) klassiek sterk ontwerpe met invloede van die verlede.

NEWPORT Chronograph (35688BTR89) vir haar.

Hierdie fyn vervaardigde horlosies kombineer die beste materiale met ‘n Switserse vervaardigde kwartsbeweging van bewese betroubaarheid. Die horlosies word ontwerp, met die hand saamgestel, aangepas en geïnspekteer by die HERBELIN-werkswinkels in die Jura-berge van die Franche-Comté-streek in Frankryk, en weerspieël dus ‘n Franse elegansie wat wêreldwyd beny word.

Hierdie vroulike horlosies sal met styl deur die tyd beweeg en van geslag tot geslag oorgedra word.

Lees ook: Herbelin: Verandering is ’n beweging

The post Herbelin bring vroulike Franse ontwerp na die globale mark appeared first on rooi rose.

Ontwerp vir môre vir meer as 75 jaar

MICHEL HERBELIN WORD HERBELIN

Nuwe era, nuwe naam. Hoewel die herkoms van Michel Herbelin altyd in die handelsmerk se identiteit geanker sal bly, kan HERBELIN toegeskryf word aan ’n familiesukses wat die begin van ’n simboliese luukse handelsmerk aandui.

Die naam is verteenwoordigend van al die generasies se uitsonderlikheid – verlede en hede; al die handelsmerk se vakmanne wat hierdie uitsonderlike tydwysers elke dag geskep het; en die Franse stempel van briljante vooruitstrewendheid.

En nou gaan dit oor die toekoms.

HERBELIN bring Franse ontwerp na die wêreldmark toe en vier die opening van hul Parys-boetiek

Om die handelsmerk se herlewing aan te kondig, het HERBELIN hul eerste vlagskip-boetiekwinkel in 2022, in Rue Bonaparte in Parys geopen. Dit is die ideale adres vanwaar hulle hul reputasie deur die wêreld kan stuur, hul handelsmerk se ikoniese modelle kan vertoon en ook ’n elegante vergaderplek vir alle stylliefhebbers te skep.

’n Tipiese solder in Parys

Die legendariese Saint-Germain-des-Prés-distrik is bekend vir hul herkoms en geskiedenis wat nou verbind is met Parys se kultuur en intellektuele lewe. Die distrik is vir sy sjiek, verfynde gees gekies. Die ruimte, wat die styl van die Franse handelsmerk weerspieël, lewe ’n pragtige huldeblyk aan die gees van die stad.

HERBELIN-INSPIRASIE MET IKONIESE FRANSE ONTWERPE

Die NEWPORT-horlosie het die eerste keer in 1988 oor die waters gereis.

Nou tydens die 35ste herdenking van Newport in 2023, gaan HERBELIN voort met die avontuur deur die versameling met ‘n nuwe model uit te brei wat nou gekoppel is aan ’n seetema: NEWPORT Chronograph for her.

CAP CAMARAT is deur roosgoud geïnspireer. Die reeks, wat vinnig ikoniese status begin geniet danksy die entoesiasme waarmee dit sedert sy bekendstelling in 2018 begroet is, spog nou met ‘n uitbreiding tot die sportiewe versameling met roosgoud. Dit vertoon klassiek in ’n ontwerp wat deur die jare sewentig geïnspireer is.

HERBELIN ontwerp ‘n Galet-horlosie wat soos die vroulike skelet lyk en wat die innerlike skoonheid van die outomatiese Switserse beweging vertoon – Sellita 11 1/2 SW200-1 Sa – Reserve de Marche – Kragreserwe 41. Dis ’n mengsel van vakmanskap, klassisisme en moderniteit. ‘n Ware polshorlosie wat elegant op vroue sal lyk.

Lees ook: Die vleiendste denimromp vir jou figuur

The post Herbelin: Verandering is ’n beweging appeared first on rooi rose.

Fossil is bekend vir hul stylvolle ontwerpe en die nuwe Q-reeks-slimhorlosies stel beslis nie teleur nie. Jou Fossil is nou nie meer net ’n mode-item nie, maar ook ’n tegnologiese toepassing waarop jy teksboodskappe, oproepe en sosiale boodskappe kan ontvang.

Tree vir tree

Dié horlosie monitor elke tree wat jy neem, hoe ver jy beweeg, asook die hoeveelheid kalorieë wat jy verbrand. Die Q-reeks is dus nie net ’n slimhorlosie nie, maar ook ’n fiksheidsmonitor wat jou op die punte van jou tone hou om jou fiksheidsdoelwitte te bereik.

Sosiale vlinder

Jou Q-reeks laat jou toe om al jou teks- en sosiale mediaboodskappe gerieflik op jou horlosie te ontvang en dit sal jou ook in kennis stel wanneer jy ’n oproep ontvang. Belangrike inskrywings op jou kalender verskyn ook op jou horlosie.

Verpersoonliking

Daar is nie net ’n groot verskeidenheid klassieke style om van te kies nie, maar jy kan ook die horlosie se knoppies stel en hul funksies verpersoonlik sodat dit uniek aan jou styl is.

’n Battery wat hou

Verder hoef jy nie bekommerd te wees om jou Fossil Q-reeks heeltyd te moet herlaai nie – die battery kan tot ses maande hou voordat dit vervang moet word!

Konneksie

Jou Q-reeks is verbindbaar met Android- en iOS-slimfone, spesifiek met Android OS 5.0 of hoër, iOS 9.0 / iPhone® 5 en hoër. Alle toestelle is Bluetooth®-slim met ’n verbeterde data-oordrag van 4.1. lae energie.

Die Fossil Q-reeks is beskikbaar by Watch Republic in Kaapstad en kan aanlyn besigtig en gekoop word by www.watchrepublic.co.za

Eksklusief aan ons lesers!

Gebruik die kode RROSE20 en kry 20% afslag op ’n slimhorlosie!

Let wel: Slegs slimhorlosies wat nie op spesiale aanbod is nie | Geldig tot 17 Desember 2017 | Kan slegs op watchrepublic.co.za gebruik word.

The post ’n Slimkop met styl appeared first on rooi rose.

Sportief

’n Sportiewe styl kan in nog onderafdelings verdeel word, bv. in oefen, modieus, ens. Die styl word uitgeken aan sy groot gesig en syfers sodat jy maklik die tyd kan lees. Daar is dikwels ook ander funksies (datum, stophorlosie) vir veelsydige en praktiese gebruik. Dit is effens meer bonkig as jou standaard vrouehorlosie, maar het steeds ’n elegante voorkoms. Rubber- of silikoonbandjies is baie gewild onder hierdie styl, omdat dit baie beweeglik is.

Klassiek en tydloos

Minder is meer met hierdie styl, maar dit beteken nie dit is vervelig nie. Die klassieke ontwerpe word deesdae met verskeie teksture opgekkiker maar behou steeds sy simplistiese ontwerp. Die kenmerkende silhoeët met die ronde gesig en maklike leesbare syfers gee ’n elegante afronding aan enige voorkoms en sal inpas op enige plek in die tydlyn.

Vroulik en fyn

Hoewel hierdie ontwerp soortgelyk is aan die klassieke styl, is die vroulike styl uitkenbaar deur sy polsbandjie wat effens smaller is –  vir ’n fyner voorkoms. Dit word dikwels met die tradisionele vroulike elemente soos diamante op die raampie van die gesig versier en die bandjies bestaan hoofsaaklik uit leer of ’n ketting-ontwerp wat die horlosie meer na ’n armband laat lyk.

Buitengewoon

Maak ’n horlosie jou fokus-item deur ’n styl te dra wat die koppe sal laat draai. ’n Verskeidenheid vorms, kleure en patrone laat jou toe om ’n pasmaat vir jou persoonlikheid te kry. Jy kan hierdie styl dikwels uitken deur ’n buitegewone gesigvorm. Die ontwerp is nie altyd maklik leesbaar nie, wat bewys dat hierdie styl hoofsaaklik ’n mode-item in plaas van ’n tydlees-item is.

The post Stylvolle horlosies appeared first on rooi rose.

1 Bella Hadid se lewensverhaal inspireer Tag Heuer se #DontCrackUnderPressure-veldtog. Bella se droom was om by die Olimpiese Spele deel te neem vir perdry, maar sy is in 2012 met LYME-siekte (bosluiskoors) gediagnoseer en moes haar drome opsy sit. Kort daarna het haar modelloopbaan begin vlamvat en hoewel haar siekte ’n daaglikse struikelblok is, laat sy nie toe dat enigiets haar onderkry nie.

2 Bella behou haar fietse lyfie deur te boks wat goed aansluit by die hooffoto van Tag Heuer se veldtog waar sy met bokshandskoene afgeneem is.

3 Bella kan enige styl bemeester – soos Tag Heuer se wye reeks horlosies, wissel haar modestyl van sportief en militêr tot vroulik en elegant.

4 Bella is lief vir haar swart klere en sy het haarself oortref by die ambassadeur-bekendstelling in haar swart uitrusing waar sport en klassiek mekaar ontmoet. Haar oefentoppie en -broek word met ’n elegante haksoen afgerond om daardie ekstra lengte te skep.

5 Bella is self mal oor horlosies en het tydens die bekendstelling gesê dat dit ’n verstek-item saam met enige uitrusting is.

Bella se gunsteling Tag Heuer-horlosies is die swart Aquaracer en silwer link.

Silwer Tag Heuer Link (prys op aanvraag)

Swart Aquaracer (prys op aanvraag)

Bella het meer as 10 miljoen volgelinge op Instagram. Volg haar ook en kyk waarmeer hou sy haarself alles besig.

The post Bella Hadid is Tag Heuer se nuwe ambassadeur appeared first on rooi rose.

Karl Lagerfeld is verseker een van die mees bekende en ikoniese ontwerpers wêreldwyd! Hy is bekend vir sy sterk ontwerpers styl en voortdurende herskepping van idees in die mode wêreld. Hy is deur Vogue bestempel as ’n persoon wat mode weergaloos interpreteer. Hy ontwerp onder sy eie naam en is ook die groot dryfveer agter welbekende handelsmerke soos Chanel en Fendi.

Die Karl Lagerfeld horlosie versameling is vanaf November maand in Suid-Afrika beskikbaar! Die Perspektive Platform horlosie is van vlekvrye staal en het ’n intense blink afwerking wat dit ’n opvallende prag bykomstigheid maak. Vir verskaffers inligting skakel 021 418 0045.

The post Karl Lagerfeld se horlosies appeared first on rooi rose.