Drie families op een wynplaas – dis hier waar die poppe gaan dans en die tonge gaan klap in die splinternuwe telenovella Kelders van geheime, wat eersdaags op e.tv, kanaal 104 en DStv se kanaal 194, begin.

Met 7de Laan wat verlede jaar hul deuntjie vir die laaste keer op SABC 2 gefluit het, vul dié oorspronklike Afrikaanse reeks, wat in die Kaapse wynlande geskiet word, ’n leemte vir goeie, ligte vermaak elke weeksaand aan ’n eg Suid-Afrikaanse gehoor.

Dis ’n eerste vir e.tv, Suid-Afrika se grootste onafhanklike en gratis TV-kanaal, wat meestal Engelse kykers bedien het en slegs Afrikaanse oorgeklankte Turkse programme vertoon het. Maar soos Karen Meiring, wie se KFilms die vervaardiger van die reeks is, sê: “Afrikaans is vir almal. Al 54 variante daarvan.”

Die stemme en gesigte, wat die lede van die Abraham-, Syster- en Marais-families vertolk, sal nie vir kykers volksvreemd wees nie. Vashti Prins en Cedwyn Joel is bekend vir hul rolle in Suidooster. Riana Alfreds, Veronique Jephtas en Dean Balie was in Arendsvlei te sien. David Chevers kom van The Vault af.

En dan is daar natuurlik die ou hande. Met akteurs soos Duane Williams, Vinette Ebrahim, Nic de Jager, Sandra Prinsloo, Illse Roos, Marcel van Heerden en Brümilda van Rensburg kan jy indrukwekkende vertonings wat jare se ervaring weerspieël, verwag.

“Inhoud met ’n doel,” sê Karen Meiring (kykNET se voormalige besturende direkteur ) wat saam met die hoofskrywer Theltom Masimila (Suidooster, Arendsvlei en 7de Laan) gewerk het om die inhoud te vervaardig, “wat nie net gewild is nie, maar ook goed is.”

Daar was nog nooit ’n boerefamilie soos dié nie! Skuif Maandag 6 Mei om 18:00 voor jou kassie in, want jy gaan nie een van die 260 episodes wil misloop nie.

Hooffoto: BeeSteady Productions

Lees ook: Gé Sing: Hoor My Lied! terug by Atterbury-teater

The post Nuwe e.tv-telenovella: Daar was nog nooit ’n boerefamilie soos dié nie! appeared first on rooi rose.

Verbeel jouself dat jy en ’n groep vriendinne kan op ’n plesiervaart, ver weg van die daaglikse bestaan, julself vernuwe en die verlede agterlaat. Hemels, reg?

Tog is dit nie altyd so maklik nie. So vind plaaslike televisiester, Adele Swan, sommer vinnig uit wanneer sy ’n geleentheid aangryp om haar skuld te delg deur in te stem om die gesig van eiedomsmagmaat, George, se veldtog te word: ’n kompetisie op die luukse plesiervaart, MSC Sinfonia, om eksklusiewe eenhede van die Silwer Eike-aftreelandgoed te verkoop.

Nie net kry haar ego ’n knou wanneer sy agterkom dat sy aan die Survivor of Seniors-kompetisie aan boord van die skip sal moet deelneem nie, maar sy loop ’n ou skoolvriendin, Winnifred, raak wat die deure van haar langvergete verlede oopmaak. Herinneringe bring selfvertwyfeling, spyt en onderdrukking van sekere gevoelens vir Adele soos die druk op haar om die aftree-eenhede te verkoop, groter word en George toenemend onredelik raak.

Deur hul beste “selfie” in te stuur, wen twaalf gelukkige seniors ’n naweek op ’n plesiervaart saam met televisiepersoonlikheid, Adele, waar die vroue meeding in oorlewingstyl-speletjies en -vasvrae om die esklusiewe prys van ’n aftree-eenheid ter waarde van R7 miljoen, te wen.

Die komiese en hartroerende rolprent #LoveMySelfie handel oor veel meer as nét ’n langverwagte plesiervaartvakansie. Vier vroue wat ouer as 60 is, onderneem ’n reis na binne en ontdek dat dit nooit te laat is om jouself te ontwikkel en selfs te verander nie.

Die hoofkarakter Adele Swan word vertolk deur gesoute en veelsydige aktrise, IIIse Roos, bekend vir rolle in Egoli, Die Boekklub, Boland Moorde, Troukoors, Fynskrif en was onlangs in kykNET-sepie Suidooster te sien. Adele se langverlore vriendin Winnifred word deur veteraan aktrise, June van Merch, vertolk en die res van swaargewig rolverdeling sluit in Joanie Combrink, Robyn Scott, Chané Grobler, Hélène Truter, Chanelle de Jager, Moses Williams en Kevin Smith wat die slinkse George vertolk.

Die hoofkarakter Adele Swan word vertolk deur gesoute en veelsydige aktrise, IIIse Roos. Foto: Verskaf

Kurt Darren, bekende Afrikaanse popsanger en mede-vervaardiger van #LoveMySelfie, is ook te sien in die fliek. Een van die karakters is ’n groot bewonderaar van hom en sy ikoniese liedjie, ‘Kaptein span die seile,’ is ook deel van die klankbaan wat nog vele ander bekende Afrikaanse liedjies bevat.

KYK: Amptelike voorskou – #LoveMySelfie

Kaartjies beskikbaar by HashtagLoveMySelfie Film

Ons gee dubbelkaartjies vir die premiere op 1 Desember by Blaauwklippen, sowel as dubbelkaartjies vir die vertoning op 7 Desember by Simonsvlei weg!

Staan ’n kans om dubbelkaartjies na een van hierdie geleenthede te WEN!

Bepalings en voorwaardes: Alle pryse in rooi rose is onderhewig aan beskikbaarheid en is nie oordraagbaar, herverkoopbaar of terugbetaalbaar vir kontant nie. Vir nog bepalings en voorwaardes, besoek www.rooirose.co.za

Om in te skryf, voltooi die onderstaande vorm:

Sluitingsdatum: 28 November 2023

The post WEN kaartjies na die #LoveMySelfie rolprent premiere! appeared first on rooi rose.

Verbeel jouself dat jy en ’n groep vriendinne kan op ’n plesiervaart, ver weg van die daaglikse bestaan, julself vernuwe en die verlede agterlaat. Hemels, reg?

Tog is dit nie altyd so maklik nie. So vind plaaslike televisiester, Adele Swan, sommer vinnig uit wanneer sy ’n geleentheid aangryp om haar skuld te delg deur in te stem om die gesig van eiedomsmagmaat, George, se veldtog te word: ’n kompetisie op die luukse plesiervaart, MSC Sinfonia, om eksklusiewe eenhede van die Silwer Eike-aftreelandgoed te verkoop.

Nie net kry haar ego ’n knou wanneer sy agterkom dat sy aan die Survivor of Seniors-kompetisie aan boord van die skip sal moet deelneem nie, maar sy loop ’n ou skoolvriendin, Winnifred, raak wat die deure van haar langvergete verlede oopmaak. Herinneringe bring selfvertwyfeling, spyt en onderdrukking van sekere gevoelens vir Adele soos die druk op haar om die aftree-eenhede te verkoop, groter word en George toenemend onredelik raak.

Deur hul beste “selfie” in te stuur, wen twaalf gelukkige seniors ’n naweek op ’n plesiervaart saam met televisiepersoonlikheid, Adele, waar die vroue meeding in oorlewingstyl-speletjies en -vasvrae om die esklusiewe prys van ’n aftree-eenheid ter waarde van R7 miljoen, te wen.

Die komiese en hartroerende rolprent #LoveMySelfie handel oor veel meer as nét ’n langverwagte plesiervaartvakansie. Vier vroue wat ouer as 60 is, onderneem ’n reis na binne en ontdek dat dit nooit te laat is om jouself te ontwikkel en selfs te verander nie.

Die hoofkarakter Adele Swan word vertolk deur gesoute en veelsydige aktrise, IIIse Roos, bekend vir rolle in Egoli, Die Boekklub, Boland Moorde, Troukoors, Fynskrif en was onlangs in kykNET-sepie Suidooster te sien. Adele se langverlore vriendin Winnifred word deur veteraan aktrise, June van Merch, vertolk en die res van swaargewig rolverdeling sluit in Joanie Combrink, Robyn Scott, Chané Grobler, Hélène Truter, Chanelle de Jager, Moses Williams en Kevin Smith wat die slinkse George vertolk.

Die filmmaker aktrise Lika Berning met haar veelsydige loopbaanprofiel van meer as 20-jaar in die vermaakbedryf, asook filantropiese werk, is die regisser van #LoveMySelfie. Dis haar eerste vollengterolprent as regisseur.

“Ek wou ’n prettige komedie maak maar ook een wat die hartsnare raak, en nie net vir die ouer Afrikaanse gehoor nie, maar vir almal om te geniet. #LoveMySelfie wys ’n emosioneel bevredigende reis waarin Adele die lae waaragter sy wegkruip, afskil – nes baie van ons almal soms doen,” sê Berning.

Die draaiboek is deur Hélène Truter geskryf en vervaardig deur Nigel Tattersal, Vlokkie Gordon, Kurt Darren en Lika Berning.

Die rolprent is op twee MSC-vaarte verfilm – ’n tweenag-vaart na Mosselbaai en ’n viernag-vaart na Walvisbaai, Namibië.

Oor hul betrokkenheid by die rolprent het die besturende direkteur van MSC Cruises Suid-Afrika, Ross Volk, gesê: “Ons grootste doel was om ons voortdurende ondersteuning aan die Afrikaanse gemeenskap te toon deur die skeppende kunste te help – ’n belangrike deel van die vermaaklikheidsektor in Suid-Afrika. Ons hoop dat Suid-Afrikaanse gehore hierdie hartroerende en inspirerende storie sal geniet en ons sien uit na die sukses daarvan op die grootskerm.”

Kurt Darren, bekende Afrikaanse popsanger en mede-vervaardiger van #LoveMySelfie, is ook te sien in die fliek. Een van die karakters is ’n groot bewonderaar van hom en sy ikoniese liedjie, Kaptein span die seile, is ook deel van die klankbaan wat nog vele ander bekende Afrikaanse liedjies bevat.

KYK: Amptelike voorskou – #LoveMySelfie

Gaan kyk #LoveMySelfie by een van hierdie teaters:

Lees ook: Cindy Swanepoel vat die koek in nuwe Showmax-misdaadkomedie

The post Illse Roos te sien in prettige, hartroerende #LoveMySelfie rolprent appeared first on rooi rose.

Illse Roos blom steeds dankbaar voort

Illse Roos wat binnekort  as ’n opgesmukte aktrise in die rolprent #lovemyselfie te sien is, is eintlik ’n kaalvoet-, skoongesig-plaasmeisie met haar voete vierkantig op die aarde

Wen ’n sprokiestroue!

Een gelukkig leser kan hul droomdag ter waarde van ’n allemintige R435 907,50 wen.

Sy naam is in die sterre geskryf

Op 70 is daar geen keer aan Leon van Nierop nie. Duiwelsroos, sy splinternuwe spanningsroman, is nou op die rakke. ’n Moordstorie wat hy binne drie maande geskryf het. Dié skrywer, regisseur en rolprentresensent het met byna 40 boeke, talle bekroonde radiovervolgverhale én TV-reekse, en seker ’n 1 000 rolprentresensies naam gemaak. Hy skryf sy sukses aan selfdissipline toe.

Ja, mans kry ook borskanker

Dink jy dadelik aan vroue wanneer jy die woord ‘borskanker’ hoor? Hoewel mans in ’n mindere mate daaraan blootgestel is, kom dit wel by hulle voor. Kom ons skerp algemene bewustheid op – gesels met die man in jou lewe of sorg dat jou seun die feite ken

G’n saai slaai

Moeg vir die gewone groenslaai wat jy tot vervelens maak? Probeer hierdie voedsame en heerlike slaaie  

Somer vol styl

Ons kan uiteindelik ons dik truie wegpak en dit vir ligter klere verruil. Die sonskyndae is hier!

Stoksielalleen

Eensaamheid is nie net om alleen te wees nie. Jy kan tussen jou vriende en familie steeds voel of jy verlore en op jou eie is

Kyk anders na groente

Jy het dalk nie plek vir ’n groentetuin nie, maar jy kan ander planne maak om jou eie groente te kan geniet

Dinamies, doelgerig en dapper

Die aktrise Odelle de Wet, wat die rol van die selfversekerde Delia Richter in die sepie Binnelanders speel, moes van jongs af verskeie uitdagings die hoof bied,  maar het altyd sterker en wyser aan die anderkant uitgekom. Sy vertel waar en hoe sy haar motivering, kalmte en vrede vind.

Jou mooiste dag

Die seisoen vir troues het aangebreek en ons is hier om jou te inspireer!

Lees ook: WEN FitFlop se moet-hê-sandale vir die seisoen!

The post 10 redes waarom jy die Oktober-uitgawe van rooi rose móét lees! appeared first on rooi rose.